輕鬆一下

營業中

休息中

記得小時候覺得吃公司三文治是一件奢侈的事, 也是一件開心的事, 因為看見那件豐厚色彩繽紛的三文治心情也不期然開朗.今天和好友及其母親分吃一份公司三文治. 餡料有蕃茄, 芝士, 生菜, 炒蛋和咸牛肉, 烘底麵包更添香脆.自己也老了…

味道係好食！唔知係咪落味精多！不過真係好貴，食普通野都咁既價錢，一定無下次！1.豬扒麵。2.蠔屎廋肉粥。3.半隻醉雞。4.炸兩。(呢個勁搵笨，得一條油炸鬼，即一條腸粉。)5.炸鯪魚球。6.艇仔粥。埋單$32X。個碟炸兩最平$16，但最搵笨！通街粥鋪都係$7有兩條，明白係尖沙咀係要收貴D，$16一碟都照叫，但真估唔到得一條！

下午三時半才食晏, 叫了牛筋河.牛筋炆得淋而彈牙, 河粉就不夠滑.食完暖粒粒, 竟然流起汗來…

一碗牛什麵，一杯珍珠奶茶同干燒伊麵盛惠$110...唔該哂。

我以往經常會到尖沙咀出差,久唔久會幫親呢間輕鬆一下係貪佢有兩間舖打通大把位座...但係d野食真係麻麻地,係d麫檔d野食即係-牛腀,雲吞,水餃好少少和燒味都算過得去,對上果次去就係大約兩個月前26/11我再到呢度食野,一入門口就遇到侍應的熱情招待:好耐唔見你既,之後就有人,我四周圍望吓lunch time唔係好多客以前熱鬧d我叫左是日午餐$30既其中一款係粟米汁魚柳飯和熱檸茶,由於係電腦落單,食物和飲品唔使兩分鐘就到,粟米汁魚柳飯入口時唔夠熱好明顯係整定,不過都是意料中!粟米汁唔夠味好淡和唔夠creamy冇牛油味和冇cream味,可能係因為成本問題落少d ?魚柳就一般食得出胡椒粉味魚肉有點干, 檸檬茶就都ok茶味夠濃而唔苦.到左埋單既時候係$32.我問唔係$30咩?我以前食開都係$30,收銀員話加左一,吓? 茶餐廳都要加一!!!算啦~我就比多兩蚊你.唔通經濟好就一定要加價?原來給我一杯熱茶就收我兩蚊,以後都唔會再來了

(14/11/07)每次都係趕時間先會黎。好想食西多,侍應說西多唔會耐,果然係好快,何解?好大片!好驚喜,其實食味就普通啦。老公要蛋牛治烘底,蛋太熟,仲係煎成片狀,蛋唔似蛋...

和好友試完衫便坐下食晏.叫了牛肚河和牛筋河互相交換些吃.湯底呈啡色, 喝落清而不濃, 牛肚不夠厚, 牛筋碎了些, 但兩樣都夠淋.河粉不太滑, 有些河粉黏在碗底, 是一早放在碗中後加湯所致?

跟朋友路過食下午茶, 本來有點期待, 但實在失望.裝修和座位都很舒適, 但食物實在麻麻, 比一般茶餐廳更一般.

同朋友食晚飯,本來去源記,但係無卡位,所以先過黎輕鬆一下...打開餐牌,價錢偏貴,係唔值果隻...點左三樣野:豬扒雲吞麵--豬扒同雲吞麵分開上,令到豬扒個皮唔會淋晒,但係件扒唔好味,肉明顯唔新鮮,真係十分之麻麻地,雲吞夠大粒,但係皮亦厚,麵口感厚實,一般;醉雞菜飯:算係多雞肉,肥瘦適中,都幾好味,但係菜飯略嫌少,不過抵讚係竟然多菜(無諗過會咁好);竹笙瑤柱粟米粥:味道鮮甜好味,都有幾多粟米同唔少竹笙,反而喜歡呢味,清清地,粥唔會太杰亦唔太稀,唔錯(但係成$32一碗,唔算大碗,所以個價錢就...)其實d野唔係特別好味,而且都好一般,未必會再試...

同朋友剛唱完K，但仲係有D餓，所以入咗嚟食野。第一次來，問waiter 有セ好suggestion, 佢話一定要識义燒腸粉！一向都不太喜歡义燒腸，怕廚房会用overnight 义燒，一陣陣雪味，再reheat会好難食。不過今次碟义燒腸真係好好食。粉皮又滑又薄，最緊要係D义燒超靚。味道好，半肥瘦，絕不是隔夜义燒。佢仲放咗D生菜入去，所以食落無咁heavy。雖然價錢較貴，$28 (因為做tourists生意多)，但可以話係我食過最好味嘅义燒腸粉！喜歡食腸粉嘅朋友可以試試;)P.S. My friend also ordered 魚肉四州擔擔麵。麵就好一般，個湯都麻麻，不過魚肉就好好味，又有魚味又彈牙。

Went there as I saw that the furnishing was quite nice.Had the 'darm darm' noodles and it was great. Price was ok considering that the sitting arrangments was quite comfortable.Will go there again.

(4/3/07)之前的源記鋪,變埋"輕鬆"lar?大左好多,裝修過幾舒服。下午茶餐:蛋牛治,好精美,蛋炒得好靚,牛肉就較少喇。火腿芽菜炒麵,初時食都ok架,越食越覺油。飲熱奶茶及咖啡,嘩,太奶喇!但又唔滑咕喎!尤其杯咖啡,仲有咖啡酸味添!

1 January 2007 (Mon) - 晚飯唔係太好胃口，只係叫咗碗皮蛋魚片粥，三個人再share碟菜，再叫杯嘢飲，唔知點解已經好似食咗成$60蚊一位咁．．好貴呀，肉都赤埋．．．我哋叫咗白菜仔，menu入面既相都真係白菜仔，但係黎到變咗大白菜，爭啲以為我哋叫錯．．．係坐得幾舒服既，但真係好貴，而且只係一間茶餐廳咋，唔抵呀，唔抵呀～～

完全係茶餐廳貨式,又唔係太好食,價錢就貴過人,醉雞菜飯得幾條菜,個粥簡直係厄錢,無料既!!!叫人加茶應左你之後無左件事

昨晚凍凍地, 我男友提議食粥, 但尖沙咀好少粥舖有埋炸兩食, 行過見到哩間有, 門口個餐牌無寫價錢, 但我地估"唔會好貴啫"入到去, 環境ok, 都幾好坐, 播住10幾年前葉倩文, 林子祥同王傑d歌, 而待應會間中企在我地張枱旁邊講下粗口, 講下買邊隻馬好, 另外, 價錢就更加令我地嚇一跳...粥大約$25至$30, 炸兩一碟(8件)$18, 好貴! 所以轉睇其他, 我一路睇一路笑, 竟然一碗普通2餸公仔麵都夠膽死收$28, 仲要全部不包飲品! 我男友話:"唔緊要啦, 可能d野好食呢~"佢叫左"菜肉雲吞牛展麵" $33一個字--- 淡!我叫左"雞翼擔擔麵" $37雞翼: 分開上, 味道ok, 但凍既麵: 可能我見識少, 但第一次見擔擔麵用粗麵...而且無乜味, 清湯加一大匙麻醬, 少量辣椒醬, 好求其...有d茶餐廳為免顧客淨飲茶, 齋坐, 都會要求最低消費$10。而哩間已經寫明"最低消費每人$10", 點解一杯水又要再收$5?