影片
近排唔出得街食，今日口痕想叫外賣下午茶一吓，見到呢間新店啲選擇又多，賣相唔錯，就叫嚟試吓，係小食，包括自家製咖哩陳皮魚蛋，相片見到放喺碗嘅魚蛋好似幾大粒，另外仲叫咗魚肉燒賣，粉果，碗仔翅，普通陳皮魚蛋（細細粒果種）。點知4點鐘落單，5點15分先到，等到呆咗，下午茶差唔多變晚飯，唔拖唔水。打開，見到自家製咖哩魚蛋同普通陳皮魚蛋一模一樣，又細又似橡皮膠，有咖哩同冇咖哩完全冇分別，味道太大落差！試哂所有食物，完全已經凍哂！對於好愛小食嘅人嚟講，好失望！
繼續閱讀