軒尼詩冰廳 (柯布連道)

營業中

休息中

下午茶時間又到口痕時間，見手頭上嘅工作做得差唔多，走咗落去食下午茶，同事叫咗個炸雞翼配沙律，我叫咗個奶醬多士。見平時幫襯開佢，嘢食一向都唔錯就幫佢寫篇好評啦。首先個奶醬多係粗粒花生，而且多花生醬多煉奶，或者個賣相唔係好好睇，但老實講茶餐廳都預咗，最緊要食落去好味，佢用嘅方包唔係啲普通生命麵包，係有啲彈性嘅，所以比一般茶餐廳出色，跟餐叫咗杯凍奶茶，都幾滑而且幾夠奶味，應該茶底唔錯。同事嘅炸雞翼都好正，金黃色！唔會好重隔夜油味，大大隻！食得出事先醃過，所以唔洗點醬都好正，不嬲食肥仔野都特別好味，至於個沙律就不過不失，食完炸嘢食返啲沙律，係幾清新嘅，仲可以呃自己健康啲。哈哈

前幾日開完OT之後，同同事食咗個晚餐先走，平時淨係食呢間lunch，估唔到晚餐都幾出色。我地一人嗌左一個黑椒牛扒餐，我叫左個飯，同事叫左個焗薯，跟個餐仲會送羅宋湯，都幾抵食！講返個牛扒先，又幾大件同幾厚身喎，講咗五成，又真係煮到五成，唔會過熟或者過生，黑椒味都恰到好處，而且仲好有肉味，同出邊啲普通茶餐廳大家樂啲薄到牛嘅牛扒，冇得比！同事個豬扒飯望上去都又厚又正，不過無食唔知！至於個羅宋湯都幾多料，甜酸適中，可能老闆見我個樣好攰，主動問我添唔添湯添唔添飯啊，咁有人情味嘅餐廳，而家真係好少！我叫嘅白飯就不過不失冇咩特別，但同事個焗薯就好出色大大個之餘，上面仲有啲類似芝麻醬嘅汁，估唔到咁夾喎，唔好睇我影到核突突，但實物其實係大份又好食，我哋幾個麻甩佬都食到好飽，以後加班又有一個食堂，返工加油！

灣仔番工既人，應該都會聽過呢間軒尼斯冰廳，裝修左之後，終於趁lunch食第一次，同同事叫左一人一個飯，本來無咩期望，點知令我好驚喜。我叫左個印尼炒飯，一黎到份量都幾大，上面有三色蝦片，一隻煎蛋，一串雞串燒，好香啊！粒粒飯都充滿油香，印尼炒飯一向都帶左少少甜味，每一粒飯都係好均勻嘅啡色，證明炒得好均勻，我仲驚食唔灑，點知食下食下食灑lu。同事叫咗個魚香茄子飯，又係好香，好多汁，好多肉碎同茄子，帶少少微辣，飯既份量好足，店員仲話唔夠可以加飯，我試左啖，好夠火候，好味wo!午餐黎講好多選擇，灣仔茶餐廳好多間，但好食嘅其實好少，呢間真心係區內嘅推介。

突然肚餓，就係軒尼詩冰廳食左個下午茶。一入到去環境相當優雅，甚有冰廳味道，仲有電視可以睇下新聞。滷水雞脾 滷水味濃，味道岩岩好。另外配上水果沙律，份量合適，唔會太飽，絕係下午茶之選。焗芝士白汁海鮮意粉一上桌就聞到好香的芝士味！配料有青口﹑魚柳和魷魚，份量都算足夠 意粉不算焗得太乾身 白汁芝士味夠濃，但吃到底會有點膩！这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

我們試下這間茶餐廳啦不太多人排隊，落雨啊這個芝士蕃茄腸仔焗飯，偏鹹左常餐：豬扒米粉，米粉好食由於湯汁應該有料到加炒蛋配多士，多士無焗過系好軟身，加埋牛油，不好食煎魚柳配薯菜還可以啊

特餐個面係福面之類？唔係公仔麵...個蛋同包都不值一提，我唔會再黎食...杯咖啡好難飲！十分難飲！櫃入面餐具好污漕咁...我以為入面坐滿應該唔會咁伏架？！失望😞

和朋友在動漫節走攤位走了半天走到累趴，本來是想貪就近，在附近找一間平平地近近地，食完就坐車回家。原來想到附近的興記or南記，但看到這茶記翻修就想入去一試，怎知就中大獎了。強烈推介鐵扒系列，牛排超厚大，比55元普通碟厚一倍，5成熟剛剛好，鎖住厚牛排滿載的肉汁，肉味濃，完全聯想不到可以在平民鬧市找到🤤🤤🤤的美味。 價錢又平又好食，建議選薯菜，雖然意粉咬感好好，但薯菜是完整的焗薯，薯薯相當香口也好味。另外我們也點了55蚊的系列，雖然半份尺寸，但雜扒量一點都不含糊，已飽滯到不想動。。。

輕鬆下午餐今日路經，突然肚餓，就係軒尼詩冰廳食左個下午茶。一入到去環境相當優雅，甚有冰廳味道，仲有電視可以睇下新聞。點左一個滷水雞脾配沙律，本身想點炸雞脾但剛好賣哂。滷水雞脾—滷水味濃，但有少少咸。另外配上水果沙律，份量合適，唔會太飽，絕係下午茶之選。另外睇到餐廳有最低消費20蚊，入去坐都要叫杯凍飲。但座位就相當廣闊，而且夏天去冷氣空調設備充足，唔會熱，仲有電視睇，最適合行街行到攰既人入去嘆下！！！

近日書展開鑼，自知讀書不多的本局長聯同副局長是日特地往會展湊熱鬧，順道增進文化氣息。參觀半天已覺身心俱疲，離去時瞥見此冰室，不假思索步入休息。本局長著小二來一牛扒飯，副局長則吃咖哩吉列豬扒飯。牛扒肉質鮮嫩，厚薄適中，水準不俗。副局長之咖哩吉豬飯甚有驚喜，因局長倆均不嗜辣，此咖喱為馬來咖啡，椰汁味濃，香而不辣，濃稠適中。豬扒非常香脆，外脆內軟，份量多，美味非常。另外凍檸茶亦為水準之作。總括而言，此冰廳食物水準高，局長倆是日精神食糧及食糧兼得，盡興而歸。

約咗老公去睇舞台劇之前喺呢邊開餐老公話呢間冰室想食好耐，所以見到有位就入咗嚟😆老公叫咗馬來西亞炒貴叼，佢個貴叼好似冇鹹味剩係得個辣字，好似淨係用咗咖喱粉炒冇落鹽咁樣，不過見佢D配料都OK算啦😝而我就叫咗我最鍾意食嘅雞髀生炸雞髀配沙律生炸雞比個皮炸得啱啱好，入邊啲雞肉仲好Juicy 添，仲有配埋個沙律雖然我覺得個沙律普普通通，但係老公就非常喜歡所以話每個人嘅口味真係好唔同另外覺得呢度啲侍應好有誠意服務態度好好👍🏻有個哥哥仔見我老公就嚟食晒碟貴叼，主動過嚟望吓我order左乜嘢👍🏻仲話俾我聽仲有幾耐有得食誠意可嘉👍🏻

和朋友去會展看show所以在附近先吃晚飯才前往會展最後隨意的進了軒尼詩冰廳～時間尚早，不用等位就能入座我揀選了焗芝士白汁海鮮意粉朋友就揀了焗芝士腸仔肉醬意粉焗芝士白汁海鮮意粉，一上桌就聞到好香的芝士味！配料有青口﹑魚柳和魷魚，份量都算足夠～意粉不算焗得太乾身白汁芝士味夠濃，但吃到底會有點膩！焗芝士腸仔肉醬意粉，肉醬的份量都夠茄汁味幾香朋友說味道不會過鹹肉醬中拌了芝士，有咬口之餘也有點拉絲凍檸茶，茶底都算香濃檸檬不會帶苦味飲品都算ok！綜合而言，焗意粉都算幾好食～$59的晚飯價錢在灣仔區來說都算合理下次可以再試試其他食品啊～～！！

今日去旅遊展, 本身想食附近既車仔麵, 但因為裝修所以去左附近呢間野....屋企人叫左個炒貴刁($55) 同 蔥雞飯($55), 炒貴刁冇咩味同炒得唔夠香, 蔥雞飯係一大碟飯加一碗啡色汁, 裡面浮住幾粒仔雞肉, 見到已經唔想食...我叫左個黑椒牛仔骨($55), 入面係BB仔拳頭大小既薯仔 (因為我要薯菜, 所以本身以為係薯條+雜菜) 加三片牛仔骨, 一片中SIZE正常(其實都係好細), 一片小SIZE一半係肥肉(本身咁細細片就算), 最後最大嗰片差唔多全部都係肥肉!!!   我明白牛仔骨有機會係有肥肉, 但都唔好咁過份, 咁都可以俾客食, 可唔可以為客人著想下, 得嗰三片, 仲要有超過一半食唔到.... 之後叫左個肥男人職員講, 佢頭一句答: "係咁O架, 10塊有1塊係咁", 答得咁理所當然, 仲要係冇得換, 因為黑椒牛仔骨"佢話"賣哂 (雖然我走既時候, 佢個活動式屏幕餐牌仲顯示有呢樣選擇...), 佢問我要唔要換, 但因為我嗰牛仔骨等左好耐先黎, 屋企人已經食左超過一半, 同埋真係 炒貴刁 同 蔥雞飯 都唔掂唔想食, 對其他野冇咩信心, 所以食完就算...最後花$55食到既係:

今次第二次幫襯呢間茶餐廳，上次食早餐都無咩問題。今次平日lunch hour黎食，人流好多，上菜同收碟速度都好快，好似比提示你食完快D走，多謝合作咁。我地2個人叫左2個焗飯，加$6有熱飲/$9凍飲。蕃茄焗豬扒飯（望落都幾大碟，份量都ok。豬扒大塊但有點簿身。茄汁多但無蕃茄，個汁好咸但唔覺酸或者有蕃茄味。同埋無波蘿。）咖哩雞飯（都係勁多汁，食唔出辣味但係再咸過蕃茄飯。雞扒都算滑。配菜方面有薯仔2粒。）

最近有個朋友搵我食飯，佢喺灣仔嗰頭做嘢咁就發左呢間餐廳俾我睇，我就覺得好熟口面，原來係我之前去會展，曾經幫襯過亦都打個食平嘅一間茶記，誰不知過咗半年左右，竟然大翻身，由普普通通嘅茶記，變咗一間冰廳，入到去感覺同以前好唔同，乾淨，舒服，座位都唔迫夾，而且出面仲有賣出爐麵包幾吸引，不過我估朝頭早食應該先會特別好食！我係喺夜晚食嘅，我同朋友分別點左一個晚餐板燒雞扒拼蘋果圈，同埋一個小菜蜜椒薯仔牛柳粒，先講味道方面個牛柳粒唔錯，辣得來帶甜，牛粒唔會好乾，薯仔攞晒蜜糖嘅味道，好推薦食，然而雞扒飯配燒汁汁水都唔錯，汁水打得好滑，雞扒大大塊，同出面其他雞扒完全唔同，另外伴蘋果圈比較特別，但估唔到食落又幾好味，雞扒煎得一啲都唔乾，好有肉汁熱辣辣而且味道都好好，不過杯凍檸茶走甜咗啲，係好似淨係飲糖水嗰隻，如果嗌少甜就啱啱好！果然同我之前黎又咗一次大進步，而且今次裝修真係好靚，另外留意到鐵板餐，依家竟然可以喺呢啲冰廳嗰度$100都唔使食到，兩個人加埋$200唔使埋單，環境舒服，服務員態度都唔錯，如果去灣仔我覺得呢個絕對係佳選！

話說去到灣仔食晚餐，唔知食咩，見到呢間餐廳裝修咁靚，就入咗去試吓，然後點咗個黑椒牛柳配薯菜，呢個餐跟個多士，好抵食。個牛柳熟度啱啱好，黑椒汁配落唔錯，好有牛味 好味！價錢都唔太貴，相比起花園餐廳椰林閣嗰啲我寧願揀喺度食 ！個環境坐落好舒服 服務員服務態度好好 ！而且出餐嗰度有個小窗口看到做廚房嘅員工都有帶手套感覺幾整潔同衛生！但杯凍檸茶甜咗啲 嘢飲方面有待改善。另外，留意到餐牌都有好多唔同嘅特色嘢，例如小菜、鐵板餐，都好似好吸引。如果再經過灣仔，我會揀返呢間食。值得一試！