車麵館 (已結業)

公司係附近, 所以每次要開會無得出街食個陣都會落去買外賣,因為佢店舖唔大, 如果堂食, 灣仔既lunch hour都真係有排等佢個湯底夠濃, 最正係竟然有銀針粉揀!另外特別推薦佢既章魚丸, 平時食車仔麵通常都係所有材料淥熟就算,佢呢間會輕微幫你炸一炸D丸, 再分開裝,唔會就咁擺落個麵度比你拎走;細節位加分!!!!36蚊一碗麵, 再加兩蚊可以有枝裝豆漿.灣仔黎講真係好平好抵食!ps. 等外賣個陣, 個男店員都好好禮貌, 認得哂等外賣既人.

呢間位於灣仔內街嘅車仔麵一啲都唔起眼，要由莊士敦道轉入去先見到，附近仲有地盤工程進行緊，晏晝三點去到都竟然都有人排隊等緊位，睇落都似係做開熟客生意🤓應該係自家經營嘅小店，所以裝修都較為樸素，只係齊集基本嘅設備。舖頭只有五至六張檯，老闆事前都有同我地講由於疫症關係，唔可以坐滿客都唔可以搭檯，所以等候時間比較耐。雖然舖頭地方唔大，但都好企理，啲野唔會放到好亂，夠整潔👍🏻一間小店嚟講食物同飲品種類都算多，仲要有埋特色小食，都應有盡有👍🏻🥢全日車仔麵套餐 - 蘿蔔+雞翼+油麵 $36蘿蔔切得比較細舊，易入口而且清甜無渣，值得一讚😋豉油皇雞翼唔會太細隻，同時都醃得好入味！油麵無鹼水味，軟硬度適中。至於湯底我揀左腩汁，味道偏甜，有少少似瑞士汁嘅味道，我就幾鐘意😋份量方面對女仔嚟講就完美，但男仔可能會唔夠飽。套餐包飲品，叫左杯熱阿華田，最後無落到糖都覺得夠味，唔似平時係茶餐廳飲果啲只係加咗好少粉又無味嘅阿華田😂🥢乾撈沙嗲汁銀針粉 $52 🔥必食🔥好少見車仔麵檔會有銀針粉食，所以就即試，果然無失望🤩雖然叫乾撈，但都好多汁，絕對唔怕無味！我地叫咗沙嗲汁，但應該都有加豉油，食到豉油嘅鹹味，而銀針粉嘅粉質

今日終於有機會試到灣仔巴路士街那間車麵館。打算入內之時，接近晚上七點，但見店面暗暗地一檯客都無，仲以為係咪打烊，好在問聲原來仲有得食，食食吓多返幾個客，先無咁戥佢擔心。小小黃店，內有文宣，仲有免費口罩供有需要人士取用。食物方面都幾唔錯，個炸腐皮卷真係即叫即炸，熱辣辣香脆可口，進食時見到斜對面位仁兄吃的乾撈麵+咖哩魷魚及炸雲吞非常吸引，無奈要回家吃晚飯，只好留待下次再試吧！題外話：埋單時明明$36，我仲懶醒諗住攞定散紙唔使找，戇居居俾咗$26，先發覺原來未夠錢，傻吓傻吓同老闆講唔好意思即刻再攞銀包，反而係老闆笑笑口安慰返我話唔緊要，好小事啫，唔怪得和你Pay 啲留言好多都話老闆好好人啦！

今日黎支持告急小店！因為疫情關係細鋪真係好難為皮，食肆規定要有安全距離，所以舖頭只可以放到兩三張枱，對細舖生意真係好大影響，所以我叫外賣😏😏我叫咗：銀針粉（好少車仔麵有得揀銀針粉，所以我二話不說揀咗）冬菇汁（我未試過冬菇汁車仔麵。冬菇味唔重，有少少似無咁鹹嘅腩汁）蘿蔔（好甜無渣）咖喱魷魚（正常）炸腐皮卷（係真係仲脆卜卜嘅炸腐皮卷，我好鍾意食）另外仲有炸燒賣，我聽日一定要再去食！🤤🤤2餸只係$36（講緊我屋企附近都係呢個價錢，但係佢係商業區，所以算好平），我加多左個餸所以$45題外話，老闆好有禮貌好好人，見我拎住好多嘢企喺度等外賣，就叫我坐低等，仲話張凳佢成日都抺，好乾淨，跟住全程仲同我講咗幾次多謝

三人行去行山前 想食得簡單dd 所以決定去食碗車仔麵~~小店環境唔大 可容納大概10個客~~老闆(?)包辦廚師店員角色一腳踢💪🏽講下自己食左咩先💁🏽‍♀️我嗌左三餸($46) +($5)轉特飲👉🏼 凍橙茶 滷水雞翼+素腐皮卷+蘿蔔+銀針粉(冬菇汁)滷水雞翼非常入味👍🏽 素腐皮卷非常熱辣辣😛 腐皮好脆卜卜!蘿蔔係每次食車仔麵必點~~ 車麵館既蘿蔔無令我失望 清甜多汁😋銀針粉係少有車仔麵既粉麵選擇 不過唔係好襯我揀既冬菇汁😛 可能因為冬菇汁菇味唔重~~凍橙茶有驚喜😆 幾fresh🌿 酸甜度岩岩好!入面好多果肉 食左大半個橙🍊另外兩位友人就叫左💁🏽‍♀️兩餸($36)+ 罐裝汽水/ +($2)凍飲滷水雞翼+扎肉+油麵(沙嗲汁)滷水雞翼+魚皮餃+米粉(沙嗲汁)扎肉同魚皮餃都正常發揮~沙嗲湯底就比較淡味🤨之前見呢間小店係告急list度車仔麵黎講 呢間都幾高質希望多d人支持下車麵館啦💪🏽😀

好好味的小店 店仔細細 位置唔多但一望張個餐牌 啲餸多到我《Wow》佐出黎估佢唔到有咁多款式車仔餸揀 又有小食喎佢的招牌 唔係普通湯麵 係乾撈麵！佢的麵類多到 連銀汁粉 豬腸粉都有提供撈麵並唔係一般蠔油或者豉油汁係有辣汁、沙爹汁、咖哩汁、冬菇汁、腩汁辣汁有分級別嘅 你想要幾辣都得添呀🌶咁多汁揀 實岩哂每個你地揀完麵揀完汁 要揀餸啦掛！識食當然揀啲要炆要入味🥘咁就知道依間車仔麵掂唔掂啦我試佐咖喱魷魚、豬紅、蘿蔔、炸素腐皮卷同燒賣啲魷魚 好濃咖哩味 炆到好淋🦑豬紅好入味 蘿蔔好甜無渣炸素腐皮卷🥕🌯同燒賣係老闆介紹果然無介紹錯 咬落脆卜卜 饀料好足大滿足🤤🤤🤤

一間好有愛嘅小黃店💛佢個鋪面比較其貌不揚 好似好普通咁 但係原來啲嘢食都幾好食 大家可以去支持下🤤🤤·全日車仔麵套餐$36呢度係有湯麵同埋撈麵揀嘅 但係我嗰日好想食銀針粉 所以我就嗌咗🤤其實我嗰陣勁驚佢會好奇怪 但係出到嚟係比我想中更加好食 原來銀針粉同沙嗲咁夾🥰🥰我本身仲以為自己會中伏🙊😂😂佢個炸素腐皮卷超好食 係啱啱炸起俾你 出邊個腐皮超脆 而且入邊都幾多餡另外嗰咖喱魷魚都唔錯 佢個咖喱校得好好食 我最後係清晒成碟 超滿足😋·#rbyeat#rby港式#rby小黃店#rby灣仔·📍灣仔莊士敦道214-216號地下3A-3B號舖

唔知懲罰邊間好灣仔有好多選擇呢間平平地車仔面都唔錯早少少黎 唔係都好多人沙嗲湯底 仲有銀針粉揀沙嗲唔辣 但個人覺得咸左少少下次可以試下其他湯底餸方面有炸燒賣同雞翼價錢36蚊兩餸面包野飲 抵呀！

喺灣仔search良心店app搵到呢間車仔麵店本身真係無諗過行入嚟呢條街兩個人叫咗一個大什麵，一個兩餸麵然後撈勻嚟食大什麵包9-10款餸比較驚喜係有銀針粉！我幾鍾意食銀針粉，估唔到車仔麵都有得叫不過最驚喜係個炸燒賣，外脆內軟，有別於一般燒賣湯底叫咗腩汁，食落個湯又幾濃

喺灣仔食lunch真係好多選擇，過咗兩點諗住周圍唔使等位， 來到車麵館都要排咗一陣 灣仔好味嘅車仔麵有兩間，車麵館係我推介嘅其中一間。🍜車仔麵~ 油麵加小辣湯汁上次嚟食大辣真係辣到跳舞，所以今次點了小辣個湯好夠味好濃 👍🏻🥬餸 ~ 蘿蔔 ，咖哩魷魚， 素腐皮卷🥕 夠淋夠入味份量多 👍🏻🦑 我係為左咖哩魷魚黎，佢唔係汁還汁， 魷魚還魷魚，而係一啖咬落去已有咖喱味👍🏻👍🏻超好食🌯素腐皮卷我第一次叫， 賣相好靚， 第一啖食嘅時候脆卜卜， 餡料有菜絲冬菇絲， 不過要快D食否則好快浸咗湯會淋曬 😅3餸套餐加凍飲$53 ，抵食👍🏻👍🏻👍🏻

每次食車仔麵時選擇困難症都會出現，樣樣餸都想試。車麵館的’‘大雜麵’‘一次就可以食到十款不同食物。蘿蔔、豬紅、魷魚、魚片頭、炸燒賣、豬皮、生菜、紅腸、雞翼、豬大腸。因為我不愛豬大腸，店家好好人的幫助轉成魚蛋，每樣配料都乾淨、入味，足見用心。另一特別之處是可以選擇乾撈，比湯麵更加能夠吸收湯汁，好味！下次要試試乾撈豬腸粉，感覺很特別。

又是時候，到翻查上手手提電話「開飯喇」關注食店資料的時候了，今次我的食評提及，位於灣仔「莊士敦道」的港式車仔麵食店「車麵館」，它的前身也是一間車仔麵食店，店名叫做「順興車仔麵」。由於「車麵館」的店舖選址，位於香港島灣仔區我「莊士敦道」內部，加上「順興車仔麵」經歷過改名（是否易主重開就不得而知了）後，食店多了一層陌生的感覺。但是「車麵館」實際上內部面積其實不算很大，「車麵館」侍應服務態度尚算不差，食店裡面又沒有電視機，按理食客在「車麵館」裡面食車仔麵，過程內也不會感到壓力。「車麵館」裡面的車仔麵食品，大致上都是繼承了「順興車仔麵」裡面的一向可以食到的食品，包括其中一款以類似章魚製成的魚蛋，三顆章魚魚蛋串在一起，然後放進油鍋裡面炸成的美食。由以前的「順興車仔麵」到現在的「車麵館」，都一直把這款以油炸方式製成的章魚丸食品，稱呼叫做「章魚燒」。不過這款「章魚燒」不含任何麵粉成份，可不是尋常街頭食店食到的「章魚燒」。上次我在「順興車仔麵」裡面享用過一次「章魚燒」之後，就立刻對以油炸方式製成的「章魚燒」失去了興趣，今次再光顧「車麵館」已經對「章魚燒」失去了興趣。至於「車麵館」車仔麵裡面的另一個賣點

今日經過灣仔，想吃車仔麵便隨意找一間吃。這間車麵館好像是新開的，店內的面積很細，可以容納大約最多二十位食客吧。車仔麵的配料與一般的差不多。今日點了一份三餸車仔麵。辣汁是指天椒的辣，辣度確是十足的，但未能與食物的味道融為一體，有點分開味道似的。炸燒賣炸得很香脆，確實幾驚喜，不過因為放進湯裏，很快變淋，若能分開就好了。豬紅的味道未能與湯底融洽，仍有種剛用水烚的味道。蘿蔔比起一般車仔麵來說是較細小。整體的份量都算少，所以計上來，算是有點貴。