車輪餅小姐

營業中

休息中

•美孚 | 車輪餅小姐睇完空肚講宵夜babyjohn介紹見佢哋食得好似好滋味咁決定買返嚟試吓本身有十二隻味 今日揀咗四個試🫶🏻-自家熬煮流沙紅豆麻糬車輪餅紅豆煮到起沙 但唔係全部爛晒仲有啲係完整嘅紅豆咬吓就咁食啲餡好似真係食緊紅豆沙咁-流心西村焙茶吉士麻糬車輪餅一切開就聞到陣焙茶味入口焙茶味濃但又唔會過苦岩岩好不過啲醬就偏稀🥲-港式奶醬多麻糬車輪餅係好熟悉嘅奶醬味😆花生醬味好出 粗粒嘅花生令口感更加豐富成個食落就好似係加咗麻糬嘅格仔餅😂-流心牛乳咖啡吉士麻糬車輪餅有咖啡嘅香味但又唔會太苦甜度岩岩好咁多款哩個係最有驚喜🤩舖頭所有嘅車輪餅入面都係有麻糬嘅麻糬偏軟身仲可以拉絲㗎(圖6拉絲圖🤣)整體來講味道都唔錯全部都唔會過甜 食晒成個都唔會覺得好膩價錢方面都算平 最貴個個都係20蚊下次要再試吓其他🤩

朋友一路都上網睇到，但要平日先有機會買到，今日終於試到！朋友食左阿華田，建議熱食仲好食啲！以下兩個就係盒入面既～未食之前怕佢好甜，但都唔係！佢有小小濃既茶味，唔會好甜，加麻糰好味，流心溶埋落車輪餅同煙韌既入面阿華田都係流心！但影之前已經食左！好有心思因為有三層，一層阿華田流心，一層麻薯，太足料覺得佢有啲厚，個底仲有一層阿華田！ 建議大口既朋友們一啖咬好啲！口感豐富更什！

久仰大名的車輪餅小姐，嚟到美孚人生路不熟，問路之下先搵到店舖，小巷裏的小食店，懷舊味濃亦尚算企理款式選擇好多，本想試抹茶味，但要等15分鐘心急仔揀咗個唔洗等的阿華田味攞上手好厚身，裡面好足料有厚實麻糬，阿華田脆脆加埋麻糬 又脆又煙韌咁，幾得意呢類食品我更鍾意食皮，鍾意雞蛋仔果種內心軟綿綿外層脆脆地嘅質感，呢個餅絕對做到一場嚟到，買多盒可可味麻糬返屋企食呢個麻糬老實講有些少失望，佢唔係唔好食，但同想像中名店水準有d距離講咁多我下次都會再幫襯嘅，始終好鍾意車輪餅同麻糬呢類邪惡食品

美孚有間賣車輪餅好出名既小店《車輪餅小姐》 @ms.wheelpie，望住流心爆餡車輪餅真係流曬口水🤤佢地既車輪餅係每日新鮮製造，絕無添加劑架～《特色口味車輪餅》‣ Lotus焦糖曲奇 & Lotus脆脆醬麻糬車輪餅 ($20) 咁多隻味入面最鍾意呢隻味，因為落左焦糖所以偏甜，加埋Lotus脆脆口感幾好，食落好滿足🥰‣ 自家蒸壓台式芋泥麻糬車輪餅 ($18)芋泥打得好均勻，味道岩岩好唔會好甜/淡，配埋麻糬都幾好味😘‣ Oreo金莎朱古力麻糬車輪餅 ($15)呢份切開之後都係有拉絲麻糬，配埋Oreo曲奇脆脆口感都唔錯👍🏻《茶味車輪餅》‣ 流心英式伯爵茶吉士麻糬車輪餅 ($15)‣ 流心宇治抹茶吉士麻糬車輪餅 {特濃版} ($18)‣ 流心西村焙茶吉士麻糬車輪餅 {特濃版} ($18) 由於我係麻糬控所以全部揀既味道都係有麻糬餡😝每件打開之後都見到流心吉士同埋拉絲麻糬，視角效果一流😙呢3隻茶味車輪餅，包括宇治抹茶、焙茶同埋伯爵茶，當中最鍾意就係宇治抹茶味，佢既抹茶味濃郁得黎唔會太甜/太苦，配埋車輪餅都幾好味😋

車輪餅小姐成日都聽到介紹美孚有間車輪餅 好好食難得順路就過黎覓食下晏就時間真係好多人去到有成4-5個人🚶🏻‍♀️🚶🏻🚶🏻‍♂️🚶🏻‍♀️排緊隊難得去到一次過叫晒5種味：有睇開得POST嘅人都知 好鍾意❤️食茶類嘅食品嘅人所以都叫左兩款：抹茶&焙茶 ①流心宇治抹茶吉士麻糬車輪餅🍵 ($18):入面既抹茶餡較為稀身，令整體造型做到流心效果。唔會太苦同太甜 較香抺茶香味 感覺正正常常②流心西村焙茶吉士麻糬車輪餅🍵 ($18)焙茶味都幾出可能真係用左日本西村焙茶粉做比抺茶更濃烈 更出色鐘意！！鐘意！！③港式奶醬多麻糬車輪餅 🥮($18):奶醬都幾香口 估唔到仲有花生🥜粒粒！！俾左試想不到嘅驚喜④自家蒸壓台式芋泥麻糬車輪餅🍠 ($18)相對比較之下芋泥相對失色 如果芋泥能夠再香啲會更好⑤馬來西亞D24榴槤麻糬車輪餅🧇 榴連又係比想像香一切下去 榴連香已經漂擁而出原來用左真榴連蓉 而且估唔到榴連同麻薯係咁夾推薦推薦！！！⑥流心牛乳咖啡吉士麻糬車輪餅☕️ $15咖啡味還好 香而不苦 小朋友都食到睇到依加仲有賣甜品同糖水就賣多左一盒糯米糍同兩枝飲品- 日本宇治抹茶糯米糍同車輪餅一樣咁出色焙茶味都幾出- 青檸薏米

由車輪小姐在美孚開張到現在，是位比較特色的小店，但食品質素每況愈下。車輪餅千篇一律、沒有改良、沒有進步，皮太厚，味道亦一向強差人意，外皮太腍從來沒有些微脆邊，車輪一貫放入膠盒外賣，蒸汽將車輪餅表皮造成濕立立，非常難吃。相對銅鑼灣Sogo有日式燒餅外賣，人家祇有兩隻味道，但外脆依然保持質素，不明為何差距極大，哎！相信因為疫情影響經營，車輪小姐增設很多款甜品銷售，今天買了一盒花生糯米糍及一盒芝麻糯米糍，簡直離曬大譜！花生糯米糍雖然餡多但花生已變膉味；芝麻糯米糍更離譜，餡料已經變酸變壞，而且餡料變成液體狀態，吃了一啖直情反胃想嘔。若甜品放太久變壞仍然放出來賣，請車輪小姐憑良心做商家，吃到顧客又屙又嘔遲早俾人封鋪。真是抱歉沒有拍照、太憤怒一早已經全部掉落垃圾桶，說真的不會再幫襯。

每次去美孚都記住要去一間很多人推介的小店買車輪餅，這天終於成功買到想吃的口味回家！四至五個一盒，最後我選了五款，價錢大約$15 - $20@1 有些口味未必會有，製作過程大約需要等20分鐘左右 (◍•ᴗ•◍)與一般的車輪餅不同是，這間的餡料有流心版本，還有滿滿的麻糬，整個就是爆餡狀態，會不會太吸引了!?🫖流心英式伯爵茶吉士麻糬車輪餅 ($15)茶味不算很濃，要細味下才嚐到淡淡的茶香。麻糬可以做到拉絲的效果，所以是偏軟身，不是十分煙韌那種。✨流心雲尼拿籽吉士麻糬車輪餅 ($15)這個口味的流心不是太明顯，不知是不是與我翻熱時間有關。不過雲尼拿味很濃郁，甜度也適中。🫖流心西村焙茶吉士麻糬車輪餅 ($18)焙茶相對伯爵茶的茶味濃一點！吃落會有回甘，但又不會很苦澀的味道。🍵流心宇治抹茶吉士麻糬車輪餅 ($18)有抹茶香，不過如果你追求甘苦濃郁就不夠了。✨自家蒸壓台式芋泥麻糬車輪餅 ($18)好綿滑的芋泥，調味同樣不會很甜。但車輪餅本身的香味有微微蓋過芋泥，芋頭味再濃就好了！我是買回家放入雪櫃，想吃的時候放進焗爐翻熱。車輪餅外層會變得微脆。店有提供單張教保架和加熱方式喔！

正所謂「希望越大，失望越大」。講起美孚有咩好食，其中一樣一定會諗起車輪餅。記得呢間曾經好人氣，要排好耐先買到，宜家人氣就好似冇之前甘高了。我終於有機會試到嚕，佢地都好有心思研發唔同嘅口味(⁎⁍̴̛ᴗ⁍̴̛⁎) 大家可以買完即食，拎左番屋企後最好焗熱再食啊！不過可能我期望太高，有少少失望，冇想像中甘驚喜🙈😢麻糬偏軟身，唔夠煙韌。焗熱後外皮會變脆，都有淡淡蛋香，但內裡較紮實，易散，同唔夠軟熟@(￣-￣)@只可以講呢個價錢嚟講性價比都算高，但未必會回購🙈==============================〖 流心宇治抹茶吉士🍵 〗💰18 | ★ 2.1/5本身最期待我嘅最愛「抹茶🍵」，但就有點失望。流心效果係有嘅，不過太稀了。抹茶味好淡，零回甘，可能因為呢隻抹茶粉始終唔算好濃郁，可能用小山園會好少少(｡･ω･｡)ﾉ 〖 流心西村焙茶吉士☕️ 〗💰18 | ★ 2.8/5焙茶反而比抹茶濃郁，帶有微微烘焙嘅香氣，而且尚算濃郁醇厚。不過就冇乜回甘了。同埋同抹茶味一樣太稀，甜度都還可以嘅♪(´ε｀ ) 〖 流心英式伯爵茶吉士🫖 〗💰15 | ★ 3.0/5伯爵茶帶點清新嘅佛手柑味，香氣十足，不過濃度唔

又一間美孚排行榜top top top 3 之一。上次星期一黎，居然冇開，第二次去終於開，店舖細細，都幾多人排隊黎買。 嗌左其中兩款口味，花生、朱古力車輪餅。車輪餅外皮整得好脆，入面仲夾左超級煙韌既麻糬，口感十足！花生味夠晒絲滑香濃，份量好多，仲要一D都唔膩。而朱古力味除左入面有麻糬之外，仲有oreo碎碎，有種好似食緊oreo朱古力既味道，勁香！ 車輪餅小姐既車輪餅出名的確有原因，唔怪得之咁多人排隊，我諗我應該會成日買黎食！

呢間小店其實開左好耐之前一路都冇機會試1. 怕要排隊2. 唔經開3. 趕唔切關門時間今晚8:xx 試吓可唔可以whatapp落單其實佢有好多款味道都好吸引但係本身佢8:30回覆經已收爐正當失望之際店家回覆他有一個紅豆,一個榴槤…照殺😍😍😍到手時微暖打開個盒發現個車輪餅好厚身入面爆餡勁大舊榴槤，麻糬好QQ紅豆餡完全唔甜，配麻糬亦都好夾我相信如果佢岩岩熱辣辣整起一定更加好食P.s: 今晚心情低落😞，甜品救左我一命

睇過食評幾吸引，今日順路就來試下。雖然大家都介紹奶醬，但係原來餐牌有好多選擇，平時好中意焙茶，所以見到焙茶口味就即刻叫左。落單之後好快就有得食，似係整定左不過一拎上手係熱辣辣既，又唔似放左好耐。打開紙袋，估唔到咁大件，成個餅好靚好吸引。⬇️流心西村焙茶吉士麻糬車輪餅 $18即買即食，仲熱辣辣好好味，咬開之後見到焙茶吉士好似就黎想流晒出黎。個焙茶味好濃，麻糬好煙韌，因為係焙茶所以整個餅既感覺好有茶香唔會太甜。另外由於好大件，食左一件都飽飽地下次再試奶醬味

#黃店 🇭🇰 美孚-車輪餅小姐之前一直聽人講呢間車輪餅小姐好正，講咗好耐終於去到美孚食啦！！估唔到美孚呢個地方都有正嘢食🤪呢間車輪餅小姐徐咗車輪餅外 個冷凍櫃仲有其他正正甜品 雖然位置係井仔 但不斷有人幫襯買唔同野食㗎🤗⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗💬溫馨提示佢哋逢星期一唔開門㗎，大家記得唔好摸門釘☺️另外，佢哋未必隻隻味都會每一日都有 可以喺IG啲問定佢哋先或者落單～～同埋記得拎到返屋企食之前用微波爐嗰啲整返熱佢！！我返到屋企用氣炸鍋整返熱佢地！整到熱辣辣 外脆肉軟！！超好食超正😆👅 自家熬煮流沙紅豆麻糬車輪餅(⭐8/10) $15呢個主要係配搭佢嘅自家煮紅豆，食落又唔會話過甜🙌🏻紅豆份量亦幾多，而且唔係紅豆溶，佢係仲有碎粒，所以食落有多重口感😍👅 港式奶醬多麻糬車輪餅(⭐9/10) $18呢一款我覺得係必試㗎，佢真係做到好港式嘅味道，食落好似奶醬多，花生味好重㗎，一切開中間，佢既花生醬湧哂出嚟，加埋煙韌嘅麻糬😍正啊！👅 Lotus 焦糖曲奇 &Lotus 脆脆醬麻糬車輪餅(⭐7/10) $20呢個有啲似奶醬多嗰款嘅味道，不過佢就再

📍車輪餅小姐💛 @ms.wheelpie地址: 美孚美孚新邨吉利徑19號50B7號舖二訪車輪餅小姐♪。.:＊仲記得第一次幫襯既時候仲係高中，已經唔知係幾多年前🤣而家已經就黎大學grad꒪꒫꒪)係模糊既記憶入面，第一印象係覺得佢幾好食，同埋車輪餅好少見到會有咁多款口味可以揀🤫事隔咁多年，間唔中都見到有人post佢，就挑起我條癮再買黎食下🤣(´∇｀)係我心目中美孚都算係美食沙漠之一🤭加上個邊都無乜地方可以行，平時無咩事都唔會過去呢頭🥲想食既話真係要專程過去🥺• 阿華田夾心曲奇酷脆醬麻糬車輪餅($20):3款入面最爆餡既1款🤩望個賣相都好吸引人食慾，啲料一啲都俾得唔輕手 ♡\(*ˊᗜˋ*)/♡不過食落去就比我預想中既無咁好食🥺雖然每一啖都食到佢個餡，但係夾心曲奇唔算突出，唔係好覺入面有曲奇既存在，可能啲餅係入面已經淋左( ˊ• ·̭ •̥ )味道都唔算濃郁，可能自己食開重口味🤭個人認為甜度唔高係好事，食落無咁重負擔，不過就唔係好feel到佢係阿華田，反而會似朱古力多啲‪( •᷄ὤ•᷅)另外，入面仲加左麻糬，呢個價錢黎講，可以俾到呢種口感層次都已經係唔話得👐🏻🤤: 6.6/10• 港式奶醬多麻糬車輪餅

香港小食店一向都係我至愛，好多有特色嘅都幫襯過。以前唔就腳，有時都會特登過嚟美孚買「車輪餅」。 依家搬得近咗，就一個月幾有一兩次心癢癢想食返個「車輪餅」。而真係好可惜，最近我發覺依間車輪餅越做越差。 7月尾、8月我都去過買車輪餅。平時一買都最少買兩件。個三次都如常買兩件。 我知道做小食製作，唔會100%良品，而做咗咁耐，良品率都起碼有80%/90%？ 而由7月尾到依家，我都去過買三次，而頭個兩次都係同一樣，買返嚟嘅車輪餅兩件都係燶嘅。第一次基於對佢嘅忠誠，覺得「一次半次啫，佢應該一時失手。」就隔一兩個星期又再買第二次。 而第二次，「唔係啊嘛，又係兩件都燶嘅！」買到返去食個時發現。個下我買個時都已經同佢唔好俾燶嘅我。 「好，我應我無自己睇清楚。咁我再俾多次機會你。」隔兩三個星期，再去買，今次我同自己講，今次唔只同佢講要唔燶，佢入袋前叫佢俾我睇一睇。去到買嘅時候，同店員講叫佢揀啲唔燶嘅俾我，接住佢同我講，得X,y,Z 號無燶，跟手攞咗一件俾我睇… 都係燶嘅！ 我叫佢逐件逐件攞俾我睇，幾乎件件都係燶！😰天啊！ 點可能你成兩個爐，個度起碼每次做到80-90件，件件都係燶㗎！最令人失望嘅係，個店

同事派散水餅，竟然揀咗呢間小店出嘅車輪餅，幾特別本身未聽過呢間店，一search原來咁出名我揀咗個日本流心宇治抹茶味試，一咬落去爆哂抹茶漿出黎，入面嘅麻糬好煙韌，口感勁正仲要送到過我公司有一大段距離都仲暖暖地，好野！下次我會去買其他味試