車仔麵之家

營業中

休息中

旁晚六點幾,想食d熱辣辣同份量唔係太大o既嘢。在灣仔附近就去咗車仔麵之家。由於本人鍾意食餸多過食麵,所以就叫咗個小幼麵。店內有分大、中、小的麵size,份量比較有彈性。幼麵:好有彈性,亦有麵的香味,淥的時間控制亦啱啱好!very good.牛腩:味道ok,不過我覺得唔太淋。豬腸:有些小「壓」味,而且腸皮變成深色和乾,不知是否風乾,腸皮比較un。冬菇:味道唔錯,冬菇亦好香。籮白:蘿白切得好骨子,細細粒,有蘿白味,不過我個人就覺得太甜。尤魚片:調味的味道淡咗d,不過d尤魚片就有d怪味(化學),返屋企問呀媽,佢\話可能係d發魷魚o既水過得唔清。有d舖頭用鹼水,有d用蘇打水。豬紅:不是完全入味,好彩我對豬紅o既腥味都頂得住。豬皮:非常爽口,不過未入味。可能因為就o黎收市喇。豬粉腸:有粉腸味,不過調味料o既味就未入落d粉腸內。Overall,好味。有少少口渴,可能味精重咗d。下次會早d去,試吓d要入味o既餸會唔會更好味。

本人食左這間立食車仔麵十幾年, 有些人覺得唔好食只係因為唔識選擇.......如果選墨魚丸, 紅腸, 牛丸之類無煮功的就梗係試唔出真章啦......豬大腸,粉腸, 冬菇,蘿白,酸齋是強項主打, 當然仲有個超好味的湯底同埋個辣醬, 就知真係全港最出色的車仔麵!如果唔係點會無坐位都咁好生意, D人傻咩?

上次對榮記的失望,令我要一再試試最美味的車仔面。這次試試灣仔晏頓街的,叫了蘿白、酸齋、冬菇和幼面,再附上大大pat 的沙嗲醬酸齋的味道最好, 好入味,而蘿白則不夠榮記的清甜,冬菇也太小了,沙嗲醬甜甜的, 不太辣,幹掉一碗後, 不覺得有什麼再三回味的地方。吃完幾口渴, 相信是味精的緣故。還是最愛西環尾的新記,大大碗, 更有我至愛的粉絲,都是專一點好。

終於試到這babe推薦的車仔麵了!一時來到，因為是上班族吃飯時間，所以有10個人的長龍，幸好數分鐘就等到了(店鋪小小竟有6個人工作!)babe要了豬皮、魷魚、齋、魚蛋、米粉(小辣)babe說豬皮同魷魚都好入味，米粉配沙爹醬味道一流，魚蛋反而一般我要了豬皮、蘿蔔、冬菇、齋、油麵(小辣)豬皮、蘿蔔好味得沒話說，齋的味道一般，冬菇也是意外的好吃，吃完想連湯都喝掉，又想再叫一碗在店外的橫巷站著吃，雖然吃力一點，但也是值得的!

咁啱去開灣仔，就試試此家車仔麵。本人幾鍾意個湯底，因為都幾濃，配合埋個辣醬，都真係幾正。我叫o左蘿蔔、豬紅同豬皮油麵;蘿蔔都幾好食，好清甜;不過稍嫌料太少，本人還是覺得太安樓車仔麵用料比較多。三餸o既車仔麵都係$17，價錢合理，不過地點就有點不方便。

聽到，立刻令我想起在日本食壽司的小店，但食車仔麵都要，而且食評還要這樣好，當然要去試試。店鋪真的好細間，但就幾乾淨，沒有給人很不潔的感覺，值得一讚！我一向比較喜歡食油麵，今次當然也沒有變，配料選了魚蛋、墨魚丸、豬紅和蘿蔔(小辣)；辣椒女就選了粗麵、豬大腸、冬菇、魷魚和蘿蔔(中辣)。油麵- 煮得幾好，生熟度剛剛好。魚蛋- 細細粒，很有咬口，幾出色。墨魚丸- 味道一般，不過不失吧。豬紅- 切到細細粒，方便進食，都算幾滑口，唔算太硬，味道也幾好；當然沒有小時候食的那樣香和那樣滑，但在今時今日，已算不錯的了。蘿蔔- 煲得好淋、又無根，切得細細粒，很入味，值得一試。豬大腸- 洗得好乾淨，沒有什麼臭味，也沒有什麼肥羔，味道也很出色。冬菇- 大大隻、煮得幾淋。魷魚- 很香魷魚味，喜歡食魷魚的食家，實在不可錯過，非常好味。靈魂是那沙爹醬，加入之後，令你食之不停，實在無話可說。價錢平，食物出色，有空經過，一定再來一試。

今日終於忍唔住要食番碗車仔面. 其實我差不多有幾年無食了. 今次早咗去, 但結果都要排隊. 裡面好似裝修過, 起碼餐牌已經不再是以前那麼殘舊. 店員的面孔依舊沒變.要了碗油面, 豬皮, 豬紅, 蚝油齋, 粉腸和魷魚鬚(要了中辣). 真難得, 味道仍能保持水準, 好野! 沙嗲醬做得真係好味, 畢生難忘.雖然地方細細, 還要企位(幸好公司在附近, 可以買返公司慢慢嘆!)講到車仔面, 這間應該是灣仔之最, 亦是我食咁多間最好的(特別是其沙嗲醬).

店在晏頓街的暗處，不算易找。此店的特色是「立食」，一個坐位也沒有，只有一條長桌可把麵放上去吃。星期六的下午一時前到達，只有兩個客人在吃，可以慢慢選材料。我要了油麵，配三腸（粉腸、紅腸、大腸）、魚蛋、豬紅，要小辣（中間的沙爹醬就是小辣的份量）。麵灼得不過腍，吸了湯汁的彈牙麵條很好吃。粉腸軟糯且不苦，去了膏的大腸有嚼勁，紅腸沒什麼特別，豬紅則十分軟滑。魚蛋我覺得硬了點，不過當然比軟乎乎的「削魚蛋」好吃。全碗麵的精華是那沙爹醬，蘸了它之後，平凡的配料亦變得十分美味。果然是非常好的車仔麵，推薦！

順步走去星街，諗住去Olala Charcuterie食個ham sandwich。行到去，忽然改變主意，走去晏頓街，睇吓車仔麵檔closed咗mei先...好彩，竟然仲未...呢度嘅車仔麵名震四方，注定今日有食神...立食唔緊要，最緊要有好嘢食...咁夜，估唔到仲有咖喱魷魚，真夠運...叫足四餸 --- 魷魚、甜酸齋、蘿蔔及粉腸...油麵沒啥特別，但其他餸可不得了--- 魷魚爽到嗦嗦聲，入晒味；甜酸齋亦夠入味，認真夠甜夠酸；蘿蔔雖未至入口即化，亦算夠清甜亦夠淰；粉腸真係夠粉，雖有少許異味...但嗰pat沙爹醬足有晝龍點晴之效--- 卒之差唔多飲晒成碗湯...飽到...唔識講嘢...

今朝有d發瘟，唔知想食乜，又唸起尋日同事d好香嘅車仔麵，所以來咗呢度。今次食蘿蔔、魚旦、墨魚丸幼麵加辣：先食蘿蔔，嘩！係完美！又脆又甜又無渣。再食幼麵，得！入口彈牙。再食魚旦，唔！好有舊時d街邊檔咖哩魚旦嘅質感。最後食墨魚丸，掂！好有咬口。要提一提個辣醬，係有d似沙爹/參咩之間，唔係好辣，但係好香，將味道提高不少。見d剪報話佢最好就係蘿蔔、豬大腸同酸齋，d蘿蔔咁得，下次一定要試埋另外個兩樣。不過呢處係要立食嘅，而且無乜冷氣，環境就扣咗好多分。

2007年5月11日。呢度近公司，所以今次試埋粗麵。粗麵：喂，我覺得D麵都係撐D，但粗麵比幼麵油麵好D。牛腩：睇個樣好似好韌，但其實好腍，好食！豬大腸：上次提過，好食呀！蘿蔔：都是我的車仔麵之選。還有通菜。今次又落辣。但真係好鹹，要改善。

2007年5月2日。再試車仔麵之家。油麵：唔得。腍！我唔鍾意D麵無彈性。無texture。酸斎：酸度佳，但有點乾。不過食車仔麵都係唔應該配酸斎。通菜：夠。魷魚：有魷魚味，無咩水味。冬菇：好腍並有冬菇味，很不錯。這次無加辣。湯無上次咁鹹，但都係D麵唔得。

2007年4月26日星期四。午飯時，嗜吃車仔麵的我，冒名走到晏頓街這家“車仔麵之家”。幼麵：這裏的幼麵很蛋麵Feel，與我愛吃的車仔幼麵有點不一樣，下次會試油麵。魚蛋：是我喜歡的結實的魚蛋。豬腸：也是我喜歡的幼腸，腸裏面的肥羔已經去掉，感覺比較乾淨。生菜：新鮮。蘿蔔：切小塊，容易吃，很腍。車仔很有水準，但湯很鹹，一向省錢只喝水的我，吃完了忍不住買了果汁喝。美中不足。

大大話話己經幫襯咗佢十幾年,人依舊,味道依舊...而我也每次都會依舊叫呢幾款餸1)魚旦,豬紅,酸齋+油麵 魚旦實肉唔會腥,豬紅煙煙靱靱,酸齋入味,油麵有種講不出既好味,再加上濃濃既湯底,超級好味...我覺得全港九新界無乜邊間係好味過佢喇*星期日及公眾假期休息

晏頓街的"車仔麵之家",店子少少,沒有座位,堂食只能"立食".長年累月,顧客不絕.其豬紅味道特別濃,豬腸去油,魷魚爽脆惹味,蘿蔔爽甜沒有渣.還有湯底,比外間的更清甜.車仔麵發展到今天,已經比有些店弄自不倫不類,什麼三寶,薯餅這些也能成為材料.失去"那渣麵"的原意.沒有甚麼"花臣",亦沒有十九幾隻醬汁你揀,只有初戀的感覺.