路邊小廚 (已結業)

幫母親大人辦完事後都已經非常肚餓了，所以隨便選擇一間餐廳買外賣，今次就選了「路邊小廚」。買外賣之前，早已看到他們餐廳前擺放了午餐的餐牌，而我對餐牌上的路邊什錦飯相當有興趣，一問之下才知道原來路邊什錦飯就是將當日的A餐、B餐和D餐加在一起的什錦飯。由於當日已經太累了，所以不想費神諗吃什麼餐，所以便直接點了路邊什錦飯。路邊什錦飯老實說，路邊什錦飯的賣相不是十分討好，但是這個飯裏面的餸是相當有份量。不論是午餐肉還是扎肉都是厚切，除之外外還有一只煎蛋和一些梅菜扣肉。梅菜扣肉的味道甜甜的，味道也不錯，而煎蛋也煎得相當香口，只是煎蛋不是流心的而令我有少許失望! 不過，喜出望外就是他們的扎肉，這扎肉跟一般吃到的一點也不一樣，它的口感非常爽口彈牙，同時肉味香濃，吃上去還十分juicy，平時不怎樣愛扎肉的我也愛上了它!雖然今次買的外賣賣相不是十分討好，但整體的味道也相當不錯，價錢亦十分合理，如果下次再經過也會考慮到此用膳或買外賣。

由於之前嚟食過已經覺得回味無窮，好想快啲再嚟食過，所以我們今日喺元朗做完嘢之後，就去咗錦田城門新村嘅「路邊小廚」食晚飯！一開始我們叫咗老火例湯：生熟地煲豬骨湯、鐵板薑蔥爆魚鰾同杏汁燉豬肺湯，因呢三樣嘢都係我們上次食過覺得超正㗎！如果大家有留意開本人寫嘅食評都知道，本人一家都係超級鍾意飲湯，所以就叫晒兩款湯，生熟地煲豬骨湯同杏汁燉豬肺湯係同上次一樣都係咁真材實料，因湯料嘅份量多到可以令到我們食得非常飽肚，所以湯底嘅味道超級鮮甜濃郁，特別係杏汁燉豬肺呢個，因湯底濃郁嘅程度好似飲緊牛奶咁，質感極之芳香幼滑，真係超正呀！而生熟地煲豬骨除咗都係咁正同咁足料之外，每煲都祇係賣$28咋，真係超抵飲呀，可以話係仲平過自己喺屋企煲，所以飲完第一煲之後，我們就再叫多煲嚟飲！鐵板薑蔥爆魚鰾嘅薑蔥香味滲透晒入啲軟滑爽脆嘅魚鰾入面，而且份量係相當多，仲要多過配菜嘅豆卜，真係值得一讚！黑椒茄子魚雲煲真係炒得鑊氣十足，魚雲係有輕輕炸過，但表面嘅炸粉唔會好厚身，肉質就相當鮮甜嫩滑，至於黑椒醬汁嘅濃稠度調教得恰到好處，唔會過稠或過稀，而且味道非常惹味！總括：祇係用$28就可以飲到呢煲好足料嘅老火例湯，就算自己喺屋企煲都

今日我們同好朋友一齊去元朗錦田祠堂村嘅紅磚屋一日遊之後，我們話再一齊食埋晚飯，而當中比較熟悉呢度嘅姐姐就話喺附近城門新村有間用可樂嚟做主題嘅餐廳叫「路邊小廚」，作為可樂忠實粉絲嘅我們，當然係選擇去食晚飯啦！一去到我們全部人都為之瘋狂，因除咗店外有可樂嘅海報之外，店內嘅餐檯面都係印有可樂嘅懷舊畫，真係超級正呀！而我們當然係第一時間不斷狂影相先啦，影咗一陣，我們終於冷靜落嚟之後，就開始揀要叫咩食？喺餐牌上好清晰咁話係「不含味精」，所以好有返屋企食飯嘅感覺！而我們就叫咗老火例湯：生熟地煲豬骨湯同杏汁燉豬肺湯都係好真材實料，湯料極之足料豐富，超碼煲咗同燉咗幾個鐘以上先可以有呢個超濃郁嘅效果，生熟地煲豬骨嘅味道相當甘甜香濃，而杏汁燉豬肺一嚟到就將我們全部人都吸引晒，因一打開就有芳香濃郁嘅杏汁香氣撲鼻，湯底超級香滑濃郁，味道非常鮮味清甜，而且有齒頰留香嘅感覺，真係超正呀！係我們嘅必食推介！薑蔥爆魚鰾係用個鐵板盛載著上碟，可以一直保持著熱度，魚鰾嘅質感非常爽脆軟滑，而且相當入味！鹹魚鷄粒豆腐煲同平日食開嘅唔同，因平日嗰啲嘅豆腐係切到好細細粒，而且份量亦唔係好多，攪到好似啲豆腐嘅成本好貴咁，但呢度就完

幾次經過「路邊小㕑」都忙得匆匆忙忙的走了，但今次終於有點時間可以買個外賣來品嚐。他們午餐款式非常多，但當我一看到肉醬焗意粉，沒有多想便把它點下來。由於肉醬意粉需要一點時間焗製而成，他們亦有善地提醒我製作需時，可先坐下等等。肉醬焗意粉 $40雖然肉醬焗意粉製作需時，但也不是想像中要等那麼耐，再者看到熱騰騰的肉醬焗意粉即使要等也值得。肉醬焗意粉的肉醬滿滿的蓋著意粉，肉醬醬汁香濃，甜酸度適中而富蕃茄香，肉醬的牛肉碎沒有油膩感之餘，還帶頗濃郁的牛肉香，味道不俗，但牛肉碎的比例再多一點會更為理想。意粉方面就如一般茶餐廳的那樣沒有做到十分有咬口，但亦不會過腍，茶餐廳的質數來說，這意粉的口感算是不錯。將香濃蕃茄味而富牛肉香的肉醬跟意粉拌在一起，每吃一口意粉都感受到肉醬那份濃郁和滋味，令我吃過不停又滿足。凍檸茶 (跟餐送的)沒想過這裡吃外賣即使點了凍飲也不用加錢，凍檸茶不用加錢之餘，質數亦沒有因此而下降。凍檸茶甜酸度適中，茶香味濃，對於我這個凍檸茶控來說這個真的是喜訊。「路邊小㕑」這茶餐廳不算是十分起眼，但食物味道和服務也比我想像中的還要好。肉醬焗意粉雖然只是簡單的食物，但不俗的味道都令我吃得出他們製