越食 (富華廣場) (已結業)

精選二人餐$198青胡椒燒春雞(半隻)﹑2選1越食火車頭湯粉(河粉/檬粉/金邊粉)或皇牌五寶凍檬粉﹑2選1越南蝦餅(2件)或墨魚餅(2件)﹑2選1越南春卷配生菜(2件)或越南蒸粉包(2件)﹑飲品兩杯除左泰國椰青，其他飲品連特飲都可以揀。青胡椒燒春雞份量都算大，兩個人食都好多，雞配合兩款醬汁，配搭不錯！春卷炸得金黃，又唔會太多油溢味，油炸得酥酥脆脆的，再蘸着味汁食用。越食火車頭湯檬粉入面有牛柏葉﹑牛丸﹑生牛肉﹑牛腩，湯底好入味！

➖ 越食火車頭湯粉碗粉配左河粉，入邊有4樣配料生牛肉、牛腩、牛丸同牛柏葉。河粉佢地用幼河粉，雖然幼但唔會一夾就斷。生牛肉一開頭食左塊未全熟既幾好食，留返兩塊最後食，不過浸到太熟鞋口左了。牛腩有三塊厚切，牛羶味都幾重但我鍾意，可惜有啲靭。牛丸唔彈牙，但味道好。牛柏葉正常，無特別好食。最後係佢個牛湯真係幾好飲，如果唔係飲緊枝啤酒應該飲得哂個湯🪧 搬左黎大鋪之後食得舒服左好多，可能我太大份以前細鋪真係搞唔掂

越食未搬前已食過，印象最深刻係佢哋嘅秘製牛丸，超好味。去年搬咗舖之後，地方大咗，企理咗，價錢就好似分別唔太大，都算有良心👍。一直覺得佢哋個秘製牛丸好正，好似混醬坊嘅和牛牛丸，今次當然要翻兜。叫個雙拼河粉，另一個餸揀生牛。我幾鍾意呢度嘅湯底，清清哋，加咗大量嘅芫茜，好啱我口味。秘製牛丸一如以往牛味勁濃有肉汁，超正。食完成餐飯，餐廳得幾枱有客，出咗門口，見隔離甜記餃子排哂長龍，大家真係要分散投資呀💪。

經過這間店見餐牌上食品都比一般越南餐廳平就入去食個河粉試吓。河粉有牛肉湯底或雞湯底，牛肉湯底和雞湯底的餸是有所不同。先要了一個生熟牛肉金邊粉牛肉湯底，牛河有好多洋蔥、牛肉好薄身、有兩舊蘿蔔，吃第一口時就覺得比平時的越南河粉大不同，首先牛肉湯非常之熱，湯底非常之鮮甜，牛肉很薄身沒有根很易入口，洋蔥很清甜，蘿蔔很入味，金邊粉很滑，總括嚟講就是非常有水準，好好好食。實在太好味，又要多次河粉，今次要越食火車頭湯粉，有生熟牛肉、秘製牛丸、牛腩、牛柏葉，都是要牛肉湯，秘製牛丸好爽有牛鮮味、夠肉汁，牛柏葉爽口、牛腩味不錯可惜有點兒韌。最後要了個絲網春卷，簡直是神之作，包着生菜吃非常之脆口，不像其他的春卷那樣一口口大肉粒，感覺只是食肉粒，這個絲網春卷入口感覺就像會溶化般，味道非常之出色，好好好好好好食。埋單還有九折，兩個湯粉加個春卷都只是$126。員工也非常之禮貌及有耐性。

今日凍凍地好想食番碗越南牛肉河，本來一路有食開元洲商場附近的一間，其實我唔係好like果間，湯唔夠熱，河粉唔夠滑，份量亦小，不過冇計，果頭冇乜選擇，心諗算啦，又唔係日日食，得過且過，但令我加深决定係果頭再揾試吓第二間嘅原因係如果你叫佢加D牙菜佢哋會比個鼓油碟裝D牙菜比你。。。然後收你5蚊！。。。🙄🙄。。。可能5蚊系好小錢但系對我嚟講就好似去食腸粉叫老細加多D甜醬比你，然後佢話要收多你2蚊囉，條氣頂頂地囉！講番轉頭，今日抱住唔係好大冀望去試，我叫左個雙拼，牛腩及牛丸河，我朋友叫左炸鷄翼河，再加春卷同蝦餅，再加兩杯普通飯料，春卷蝦餅價錢平但原來份量都係好細份，不過冇所謂當係appetizers 啦，我碗主角跟住嚟嘞，牛腩河！第一樣野要做系飲啖湯先，嘩！正！又濃又香又熱，唔多味精，話冇味精就你嘅，跟住再食注粉，嘩！滑！其他D牛肉牛丸就已冇乜所謂，個湯糸靈魂D粉糸精神再配一大堆青葱茜等配料其他已是配角嘞，唯一不足之處都係唔夠牙菜，不過今日冇問佢，下次再嚟食睇下佢會唔會又要收5蚊先。總之愛食越南pho嘅兄弟呢，不妨可以試一試尼間，值得推介

三五知己搵個地方食餐飯，經朋友介紹左呢間隱世越南菜。店員介紹，試左半隻燒雞。賣相同埋味道都一流。其餘菜式都好有水準，特別係豬頸肉，配搭埋生菜同埋濱！價錢公道絕對值得一試。

💛💛超級好食 越南小店💛💛喺佢未搬舖之前，疫情期間，已經成日都去幫襯買外賣返屋企食。搬咗舖之後，堂食外賣都有做。今次想介紹外賣質素：1. WhatsApp/打電話都可以落單，預咗時間先落街落，慳返好多時間。2. 超喜歡吃炸野，豬扒同雞翼，外賣返到屋企都唔太失色。大大隻，好松發、好脆口感！！！仲有新口味：蒜香牛油雞翼 3. 牛湯底嘅湯粉最出色一定要叫招牌「火車頭」，料多款式又齊：彈牙牛丸、爽口牛柏葉、入味厚切牛腩、有牛味嘅牛肉，大大嚿白蘿蔔…. 外賣分開湯/麵，唔怕浸到林晒，天氣凍返到屋企會攞去微波爐加熱啲湯先撈埋啲麵食。記得落埋青檸辣椒調味，令個湯非常之昇華更好味。4. 搬舖後，多了很多小食新菜。- 特別想介紹：越南蒸粉包有細個食既家鄉風味（蝦米超出），個粉皮唔厚有口感。我同老公每次必定，鍾意食。- 燒菠蘿拼盤菠蘿香甜，燒完仲好juice墨魚餅比蝦餅好食，大大件烤肉串同絲網春卷一樣正- 芽車快（雞絲沙律）開胃一流，配搭脆卜卜的蝦片，兩重口感，好味好味好好味💓💓搬咗舖之後，地方大左，有位置座又可以堂食，最緊要多左飲品，不時約三五知己來支持同吹下水。🎉🎉🥰

喺長沙灣好多嘢食，但越南嘢食唔多，最近先知道以前間越食開返，得知呢個消息都特登去幫襯，發嗰啲嘢食同以前都係一樣咁好食，舖頭帶咗，種類都多咗，多咗好多小食同沙律，現在都有凍飲得飲，最喜歡就係食佢嘅火車頭，啲牛丸好Juice，牛湯好濃郁，另外一位朋友嗌左個香茅豬扒檬粉，分量真係好大，同埋好好食。咁佢有得飲，叫咗個青檸梳打，好refreshing,仲有四粒新鮮青檸喺度。

夜晚意外經過門口，見到入面環境唔錯又有位，同朋友一齊試下環境舒服又光淨order 完食物都好快到左！同埋餐廳佈置得好靚，打卡一流，依家已經佈置左聖誕飾物味道唔錯，性價比高，值得一試Order左幾款小食，碌冧鳳爪酸酸甜甜，岩哂平時唔係好食得辣既我，同埋個香辣生菜包，其實都只係微辣，而且生菜洗得好光淨同好爽脆！絕對唔係放得耐或者浸到軟哂，依個真係好值得推介越食火車頭河粉，湯底好濃好好味，配料又多！真係好開心屋企附近開左一間高質餐廳

呢度係一間食越南粉既小店,終於正式開張 試下佢手藝先午市優惠套餐 $52起,有沙律,湯粉,牛腩等等選擇越式火車頭湯粉 綜合粉,即係乜都有齊包括牛腩,牛丸,牛柏葉,蘿蔔,肥牛片,一堆香料金不換湯底以鮮牛骨每日新鮮製作,煮十幾個鐘既濃郁牛骨湯限量供應賣完就無,非常有型 配料新鮮,牛腩炆到好入味,再薄切,連筋帶肥,口感味道都好食牛柏葉食爽口,牛丸係和牛牛丸,味濃彈牙,蘿蔔清甜無渣 ,肥牛片切得夠薄身河粉吸曬濃牛骨湯,又香又滑溜 份量又大碗,抵食呢!印度薄餅配香茅咖哩牛腩 烤薄餅4件配咖哩牛腩咖哩牛腩,濃郁既醬汁配以炆到入口即溶既牛腩肉,口感鬆軟味濃咖哩汁特別香,加了很多香草香料去製造, 咖哩唔算好辣但食起黎有少少辣勁,味道好豐富脆身薄餅用黎沾咖哩汁食,脆脆地好食鮮蝦柚子沙律 鮮拆柚子肉,再淋上酸辣汁,令到柚子肉食個陣甜同爆汁之餘又食到辣味再加大蝦一齊食,係開胃既小碟沙律手打墨魚餅,以蝦膠,墨魚混打而成,再炸脆,食到粒粒墨魚粒,蝦膠彈牙鮮味凍飲加4蚊整體有水準,抵食Shop 016, Florence Plaza, 23 Cheung Wah Street消費$220

呢度係一間食越南粉既小店,幾多人介紹!過黎試下先!香茅豬扒，香茅雞翼同春卷，仲有雞湯河粉厚身既豬扒用自家香料去醃過,入口鬆化外層炸到好酥脆 食落好有肉汁雞翼都係好大隻,差唔多既香料醃完再炸脆,個雞皮好脆口,咬開都係啖啖肉好惹味河粉配清雞湯 粉條好滑溜,係幼身既河粉黎既另一碗就係撈檬粉,配金蒜蔥花,如果覺得唔夠味可以加辣醋魚露,又香又辣非常岩夏天食檬粉爽身彈牙,同河粉係2種麵條口感最岩飲埋青檸梳打,解渴好飲平均消費$100評分8/10Shop 16, G/F, Florence Plaza, 23 Cheung Wah Street, Cheung Sha Wan