越萊 (福榮街)

營業中

休息中

"香港大廚💛越南姑娘的越南餐廳"9月來了~ 學生師兄師姐終於可以開學了，小編就忙到經常頭痛，就連食野呢排都無咩胃口，今日放鬆心情去黄金掃下電腦野順便搵食😋上網搵到間被讚賞為足料超抵食越南野，CP值高又平靚正，重要係肉食者至愛，簡直係我嘅忙碌過後嘅解放天堂!門外店員哥哥大熱天時殷勤介紹菜單，店內佈滿竹製燈罩以及木檯椅，時尚簡約帶著比兒時"小巴黎"更貼切的越南風情。講返愛情故事，老闆彭哥總廚研製越南菜多時，來自越南嘅彭嫂來到香港定居成為越萊的老闆娘，再將正宗的越南味道二合為一咁昇華，越萊Phobo就有如佢地用心投放嘅愛情結晶品👏=̶牛萊了=̶ $68推介:⭐️⭐️⭐️⭐️⭐️真係可以唔駛點講野! 係必點一款!精選生牛肉、牛腩、牛筋、牛𦟌及充滿牛肉嘅牛丸做材料，可選河粉/檬粉，上檯😍非一般咁大碗。先嘗頭啖湯，牛骨湯底以肋骨、筒骨、洋蔥、薑及白蘿蔔等熬煮，清香的牛味乃經十小時熬製，毫不油膩又不失濃香，正😋正宗配料辣椒碎、青檸、芽菜及九層塔等自由加配，生牛肉，呈現半生熟吸湯溫熟，牛筋軟熟入味，入口軟化滋味，牛丸驚喜爆汁彈牙，牛味香濃，牛腩牛𦟌部位問題感覺一般，但入口肉感味道合格。而份量就真係相當抵讚，一碗河粉

天氣咁熱有時食飲真係無咩胃口，所以一到夏天我特別鍾意食d帶湯既粉麵而當中最鍾意一定係越南粉！牛萊了召喚生魔王！呢一份牛量超豐富既越南粉作為牛魔王既我見到即刻被吸引。一碗牛萊了有生牛肉，牛腩，牛筋，牛丸及牛𦟌。生牛肉經牛肉熱湯浸熟令肉質唔會變得過老，入口仍然保持嫩香。帶點牛腩帶有香濃肉香再加上充滿骨膠原感既牛筋帶出唔同口感，亦令牛味更濃郁。牛丸爽彈而目咬入仲帶有肉汁！整體牛萊了既牛肉味香厚一定滿足愛牛既人。潘浪帶子明蝦伴茄子煎香過既茄子軟腍香甜，茄子上加入蝦仁及帶子新鮮爽彈幾有特色既小食。雞肉串燒串燒烤得金黃又唔會過焦，入口帶出陣陣沙嗲咖喱香味。再加上另配既花生醬令沙嗲味更濃郁香甜，入口仲帶粒粒花生碎。

深水埗多小店餐廳又多元化真係好吸引！今口趁住收工經過附近又去發掘一下一d新餐廳！今次見到呢間越南餐廳價錢幾抵又幾多選擇就入左去試試！越萊精選火車頭一碗火車頭既配料夠晒豐富！配料一共8款,有生牛肉,牛腩,牛筋,牛丸,札肉,豆卜,雞絲同豬軟骨,一碗2個人share都得！火車頭湯底帶淡淡牛骨香而且加上生牛肉令湯底既牛脂香更濃郁.以河粉做麵底又可以掛上牛湯入口又滑溜.河內蝦仁米紙卷米紙卷薄身帶點煙煙韌韌口感,米紙下透出蝦仁,生菜及米粉相當吸引.配上酸酸甜甜既魚露開胃又清新.入口層次感豐富,先有米紙煙韌感,內裏又有爽脆生菜及蝦仁彈牙既口感.青檸梳打帶青檸獨有既清香及酸味,加上梳打後酸酸甜甜清爽又解膩.

嚟開買電腦野，就在附近食下茶。這間的menu覺得好吸引，所以入去試下。原來奶奶先前都食過都說好食。叫了4份餐1／ 豬頸肉飯 $522／ 豬扒包 $38 配蝦餅3／ 魚柳包 $38 配雞翼4／ 札肉撈檬 $38 配雞翼柑桔*2，越南咖啡*2我怕炸野，所以不大喜愛兩個包，因為豬扒同魚柳炸得好燶，但我兩個仔超鐘意。蝦餅好腥，我唔鍾意，牛油雞翼沒有牛油香，沙爹王的就很香牛油味。我喜歡豬頸肉飯，很juicy.另外喜歡越南咖啡，我喜歡它的香醇，本身已加了甜味，但不是太甜，很好味。下午茶呢個價錢都幾扺，又有小食又有飲品。下次會再幫趁。

朋友推介黎食，真係冇介紹錯最最最抵係係沙冰做到唔會太甜濃味夠凍有美感，夠吸睛，開胃牛萊了 68hkd基本是係平日出便食到加大版牛魔王：生牛肉、牛腩、牛筋、牛碾、牛丸，足料到爆，食完差唔多9成飽。湯頭無味精，食完唔喝。配沙冰簡單係極好既配搭，而且跟餐叫，抵食過去買外賣飲品青檸柑桔雪山 18hkd3片大青檸，咸咸地，飲落少少似咸檸七，但夾 夾雜埋柚子蜜，好開胃椰汁紅豆雪山 18hkd好多地方都會飲咗紅豆冰，但係呢度有刨冰所以一定要試下，同樣地又係甜度適宜嘅紅豆，大概有3層口感，味道多元化。照燒雞扒肉碎煎蛋飯 52hkd底層有辣椒油炒碎肉香味， 面層係燒烤過既雞扒，上面有流心蛋黃， 少量炸蔥調味， 少量醃製白蘿蔔， 紅蘿蔔

之前朋友介紹過越萊這家越南菜式質素高，而且價錢便宜就可吃到正宗越式味道，包括湯河及不同出名小食例如春卷，牛油雞翼等，今天和友人順路來到深水埗便嘗嘗，朋友點了越萊精選火車頭，十分多配料，有生牛肉,牛丸,牛筋和扎肉等，可以選擇河粉或檬粉，如果想吃很多不同款，滿足你全部願望，我很推介這個火車頭，份量十足都只盛惠88元，附有芽菜和辣椒等調味，套餐送熱柑橘蜜，凍飲則只需要加6元，越南黑咖啡友人表示味道頗特別，不會苦澀得難以入口，牛油蒜香雞翼也出色，炸得外皮極為香脆，肉質仍保持濕潤滑嫩且全熟，技巧讚👍

中午同友人已吃過午餐，閒來無事，友人提議帶我出去食些不一樣的食物，友人講我飲食過於單一，應該嘗試不同美食於是友人預約了越萊的下午茶，我們不應來到深水埗福榮街，沒有等位直接掃碼入座點了PlanB和法式吉列豬扒包套餐海防炸蝦餅，滿滿的蝦仁肉，口感非常好還有紅豆冰淇淋和鹹檸七（給一罐可樂，可以自己續杯）法師吉列豬扒包兩個人消費大概146元，兩個人也吃的好飽，服務熱情，餐廳衛生整潔，食物份量也足，口味也正

自從以前食過某連鎖越南🇻🇳餐廳後一直都覺得呢個地方嘅野食嘛嘛因為個到價錢都算貴🤣食過一兩次味道都好清淡下😥但今日朋友話想食越南野就入咗去呢間試試味道真係幾有驚喜！CP值好高！本身見佢有位，點知食食下就勁多人🤣7點左右就坐滿哂裝修都幾靚，乾淨睇完menu牛骨湯係招牌無理由唔試最後揀左生牛肉牛骨湯底河粉湯底好深色好濃好甜後面兩個配料有辣椒🌶️青檸香葉同牙菜勁抵！晚餐去只係$42！由於我好鍾意食茄子🍆所以見到呢個一定要嗌🥺茄子燒到好香好淋好似串燒咁然後有一隻蝦同帆立貝蒜香🧄超好食必嗌仲叫咗好多小食呢個牛油🧈雞翼賣相好靚$26@3好打卡able 炸得好脆而且入面有肉汁唔會乾！牛油同蒜味好濃通菜都好好食😱$24咋出去食多數都要$50 upCP值超高！而且落單嘅時候店員話而家有優惠只要like咗社交平台就會送一條春卷同埋一杯飲品我就嗌咗上面嗰杯青檸梳打原本要$20 㗎好抵食咗咁多野都只係$162

今日同朋友行行下深水埗，在黃金商場旁邊食咗一間越南牛肉粉餐廳，叫越萊。入到去就點了一個set lunch，仲有加左個下午茶包餐。Set lunch 係越萊精選火車頭，我揀左檬粉，唔要河，一大碗粉好豐富，餸有札肉、豆卜、牛肉、牛丸、牛根，牛腩，豬軟骨、雞絲，味道都唔錯，$88。我地仲加了$18，要了一杯特飲，椰汁紅豆雪山，係沙冰紅豆冰，甜度都ok，唔會太甜；另外餐廳做活動，IG follow 佢地個page，有多個小食，今日星期三，所以有潘良帶子明蝦伴茄子，呢個係兩啖size既小食，帶子、蝦仁都爽口，幾好食。下午茶餐果個係沙沙汁魚柳包，呢個魚柳包算厚，外皮炸得脆口，餡料都好豐富 👍🏻。兩個人咁食，唔駛$150，算是中上價。

行完深水埗黃金商場，係附近搵野食，見到這個餐牌幾靚又抵（$38任選一款配小食及飲品）就入去試下。星期日都幾多人，小店位置不多，好彩有幾枱客人差唔多食完，等左大約5分鐘就有位啦。不過係冇得拎飛排隊嘅，記得行入啲同樓面職員講聲，等佢地幫你安排。餐廳環境都好新淨衛生，用色鮮明。下午茶餐就點左一個肝醬扎肉包配春卷，同相片一樣，冇偷工減料 兩條春卷係新鮮炸好，香脆熱辣辣，內餡有啲肉末菜絲，配上兩片生菜一起食，未及影相已經食哂而扎肉包味道都可以，大量酸菜、厚切扎肉及青瓜配合濃滑豬肝醬，清爽不膩。不過自己冇睇清楚，以為係越式法包，原來係豬仔包嚟，有少少失望。青檸梳打微酸少少甜有青檸香味，唔洗加錢，非常唔錯。另外，都叫左個午餐撈濛，揀左最多肉個款，有豬排、豬頸肉同牛肉，多菜多肉，份量十足。肉都被燒得微焦，味香肉嫩，調味得宜。用餐時間大約15分鐘，未及飲埋杯餐飲，已經有職員埋嚟收拾，有少少催速之嫌。不過都明白嘅，咁抵食嘅價錢，當然要做多幾轉生意先有得賺。整體都幾好，CP值高，兩人埋單唔洗$100，行街行到攰想坐低食少少野就啱哂。

深水埗嘅小店真係愈開愈多呀不過一心就已經想搵間食越南嘅小店~ 唔好以為門口裝修個style好似間cafe入到去都見到有好多越南風情嘅裝飾🇻🇳望完成個餐牌，第一個印象係好平民價呀😳於是嗌多咗幾個小食試下😝*牛萊了* $68呢款湯麵可以揀檬粉外，鐘意金邊粉嘅朋友仔都可以揀另一個粉底。仲包括咗生牛肉、牛腩、牛𦟌及牛丸2粒。整碗份量都相當大碗，湯底都十分濃郁惹味，以呢個價錢食到呢個牛肉質素更是無得頂呀😋*厚切燒豬扒蝦餅撈檬*$52撈檬嘅份量普遍都會較湯粉細些小，但越萊嘅撈檬係相對大份（以女仔食用份量嚟計🙈）豬扒嘅厚度不是十分厚，但有返味道搭救，蝦餅感覺有自家製嘅味道👍🏻*越萊自家製手工春卷*$38越南春卷嘅賣點就係人手自家製造💪🏻食完第一啖就知道越萊嘅春卷係自家製造，因為皮薄而脆，餡料豐富，特別一提係餡料中嘅豬肉仲好juicy😋如果配埋越南嘅玻璃生菜就更加Perfect啦😆仲有一點美中不足的是，酸辣醬如果可以再結身啲就會更完美啦。不過酸辣醬嘅味夠哂惹味啦～*越萊蒜香牛油雞翼*$26(3隻)雞翼外皮炸得夠脆身，但都保持肉嫩多汁。蒜蓉放咗係雞翼面頭，所以蒜香味好濃郁👍🏻但係，牛油嘅香味可以更出就夠

今晚放工朋友話要出深水埗買嘢，行咗陣之後就有啲肚餓，唔想食到咁飽所以就選擇左越南菜😋😋😋餐廳叫做越萊店舖細細間坐低咗，之後就睇餐牌選擇都好多，晚市推介點湯粉/撈檬/飯類/主食就送柑橘蜜或+$6 配其他飲品我哋就點左自選越式湯河，選擇兩餸生牛肉+扎肉牛肉都很薄身，很嫩滑美味；扎肉切得很厚身入口彈牙，而湯底都很濃郁！牛腩+蘿蔔牛腩都很大舊，但數量較少，蘿蔔不錯牛腩+蘿蔔潘良帶子明蝦伴茄子這個小食整得很出色，帶子和蝦都很新鮮彈牙，而且茄子很有口感，吸收了醬汁十分美味可口😋👍🏻夏日炎炎最後都係點返兩杯凍飲鹹檸七和青檸梳打✨

今日行開深水埗，見門面光鮮，因為太熱想食啲唔太熱既野，便進去試試，坐位唔算多但下午茶時段都不停有人幫襯，裝修方面都感覺到越南既氣氛，重點講番食物方面，我叫了個雙拼越式豬頸肉加雞排撈檬，友人就叫咗經典撈檬（即雜錦有豬頸肉、雞排、牛肉和豬排）上菜時眼前一亮，大大碗的燒豬頸肉和雞排都好入味，友人也分享了豬排和牛肉給我一試，味道也不錯呢。價錢方面真係好抵食，兩個午餐也只是$112包一杯熱金桔🍊。下一次諗住試下下午茶，因為重抵食只需要$38包飲品和小食，當然選擇就唔會太多，但呢個價錢真係好吸引

收工與朋友去了深水埗食晚飯.因為想簡簡單單食點東西，剛巧見到有間越南餐廳，見menu 晚市價錢很便宜，於是想試試😬餐廳都挺大，6點幾入座已經有好幾枱客，主要是單人比較多😂自己一個又不想食太貴，這間是好選擇☺️☺️因為跟朋友也很喜歡吃撈檬，所以叫了2碗撈檬和2份小食.menu 還有湯河和其他拼盤等等..💠炭燒豬頸肉 𝗚𝗿𝗶𝗹𝗹𝗲𝗱 𝗣𝗼𝗿𝗸 𝗝𝗼𝘄𝗹 🐷🥓$42豬頸肉燒得好，外面那層香脆，上面灑上花生碎，沾甜辣醬食更好味😚💠越萊自製手工春卷 𝗗𝗲𝗲𝗽 𝗙𝗿𝗶𝗲𝗱 𝗦𝗽𝗶𝗻𝗴 𝗥𝗼𝗹𝗹𝘀 $24/pcs春卷跟平時吃的不同，細細條好像年糕😂炸得卜卜脆.入面包了很多不同餡料，好食😋💠香茅牛肉撈檬 𝗟𝗲𝗺𝗼𝗻𝗴𝗿𝗮𝘀𝘀 𝗕𝗲𝗲𝗳 🐮🍜$42有牛肉，雜菜絲和蝦仁，牛肉份量更多更大件，肉質嫩滑. 倒入秘製甜酸汁，酸酸甜好過癮，因為本身好喜歡吃酸的東西，覺得可以再酸一點，於是另外再加多了酸汁😁好好食😋💠越式扎肉撈檬 𝗩𝗶𝗲𝘁. 𝗣𝗼𝗿𝗸 𝗦𝗮𝘂𝘀𝗮𝗴𝗲 🐷🍜$42同樣是有雜菜絲，蝦仁和扎肉. 扎肉大大塊，跟午餐肉差不多大🤩肉感綿軟，完全不嚡👍🏻👍🏻😆🔹柑桔蜜 🍊☕️晚市也有跟餐送飲品，叫了柑桔蜜. 底部有

嚟到深水埗福榮街呢一條美食街，你可以揀嘅食物真係好多，有一啲好出名嘅舖頭，經常大排長龍，今次就行多兩步去到街尾，試吓呢一間越南菜。店面都係一間幾吸引人嘅舖頭，裏面都坐得幾舒服，今次就試吓佢嗰個越南河粉。佢個午市套餐由11:30至到下午六點，因為佢有越式湯河食，又有套餐跟，一於就試吓佢嗰個安格斯牛魔王牛骨湯粉，見到好多人都推薦，一於就試吓。另外個套餐可以加配小食，就試吓佢個月來自製手工春卷，同埋一定要飲嘅鹹檸七。鹹檸七首先上枱，一杯大冰+鹹柑桔係底，在另外上一罐Seven up，唔知點解嚟越南餐廳都好想試吓呢一杯鹹檸七，味道真係幾唔錯，啲金橘味同七喜好夾。到呢一個重點推介嘅安格斯牛魔王，牛肉嘅份量好多，仲有三粒牛丸，一食落去，個安格斯嘅牛尾好重，同平時食開嗰啲肥牛好唔同，真係食得出係一啲貴價牛肉，依個湯底都好好食，個粉個份量好大大份，好啱一啲大胃王來試吓。每個粉仲附送左一啲芽菜，香葉，青檸，同埋辣椒，可以按自己喜好自己添加。仲有就係佢個小食，自家製春卷，呢一個都炸得好好食，用來做開胃小菜，配埋個泰式辣椒醬真係好好味。最後都叫多咗一個馬拉盞炒通菜嚟食下，呢一個通菜炒得好好食，味道好夠，通菜