越萊 (福榮街)

營業中

休息中

小火車頭越南河，set餐搭配一杯野飲，點左越南黑咖啡，超濃！有鍾意濃咖啡的mm可以試試～個火車頭料超足，一半肉一半粉，素食者鍾意菜多d～下午茶set，豬肝醬扎肉包，一啖超滿足，包葛口感適中，唔干唔柴，跟餐有兩個細春卷，沾汁包生菜，正！再飲翻杯咖啡，舒適滿足，又抵食，兩人下午茶食飽飽，100蚊出d

一早whatsapp落單有職員已經回覆ok無問題2:45嚟到竟然話冇落到單明明有職員whatsapp我話冇問題 可以2:30後取嚟到冇落到單 即刻落翻要等20分鐘😡😡😡呢間嘢之前試過不止一次係咁Whatsapp睇完覆咗ok 已落單嚟到自取又話冇所以你呢間嘢外賣嘅 自己要有心理準備😤😤😤

之前教友同我講一定要來食@phobohk 越南粉,今晚番團契之前就來食吓先 🔮越萊蒜蓉牛油雞翼 推介之選,外面粉漿炸到超級脆,雞翼嫩滑,咬落去仲有雞油bi出來,好juicy 好好味,上面淋上香濃蒜蓉牛油醬,非常惹味🔮越萊經典撈檬  $66天氣咁熱,真係要食D酸酸地嘅嘢開開胃.其實我好鐘意食撈檬,越萊經典撈檬份量好多,入面有三款肉：香茅牛肉,厚燒猪扒,炭燒猪頸肉,三款都好好食,尤其個炭燒猪頸肉,肉質軟腍,外皮烤到勁香,而猪扒就醃得好入味,好香口,配上越萊甜酸魚露汁,和青瓜絲甘筍絲,入口清新又開胃.配粉太大,我仲問店家拎多碗酸甜汁再撈更有味 🔮青檸柑桔雪山 （跟餐加$18）真心推介勁呢杯沙冰,青檸柑桔味濃之餘,以新鮮青檸和柑桔打成沙冰,入口有粒粒青檸和柑桔,而且仲有大杯,我飲唔哂,問店家拎外賣杯邊行邊飲 無諗過深水埗有間咁好食嘅越南菜,價錢又實惠size又大份,性價比很高,睇吓佢地個menu,仲有好多其他好嘢食,下次一定會再回頭來試吓其他嘢食先

今日去深水埗嘅越萊獨食晚餐，餐廳有二至四人枱同吧枱，因為一個人，所以安排左坐吧枱。本身都擔心吧枱會唔會唔方便，但高櫈夠大張，坐得都好舒服，有勾可以掛袋，仲有個腳位可以踩住，好似我咁腳短d都可以舒服咁坐。食物方面我叫左越萊經典撈檬扣底，有香茅牛肉，厚切燒豬扒，豬頸肉，撈檬仲有生菜，青瓜，花生，蘿蔔絲等嘅伴菜，撈檬汁酸甜唔算太重味，差唔多落曬食落就啱啱好。檬粉煮得唔會太諗或者太硬，亦都唔會太凍，食落爽口清新。餸嘅份量都多，香茅牛肉有d帶筋，咬落都算嫰，厚切燒豬扒，唔會過油或者太乾。豬頸肉最有驚喜，薄切，肉質彈牙，肥瘦均勻。小食就叫左潘良帶子明蝦伴茄子，帶子質素唔錯，冇腥味，明蝦處理過冇蝦腸，值得一讚！茄子大大件，好入味，係幾有特色嘅小食之一！另外仲叫左越萊自製手工春卷，皮薄餡靚，唔算太重口味，幾好食，上枱一陣咬落都熱辣辣。凍越南咖啡冇得揀甜度，味道偏甜，厚身而且咖啡味都算香濃。。越萊性價比都唔錯，貼近一般晚市價錢，而質素都幾好！

今日係廟街行完，就和朋友去了這間餐廳吃越南野。3餸麵餐：生牛肉，牛腩，手撕雞絲河粉配招牌牛骨湯（$56）牛骨湯好重牛味，非常好飲，好鮮甜。生牛肉好滑，牛味重，入口即溶，幾好食。牛腩都好鮮嫩好滑，唔錯。手撕雞絲咸咸的有雞味，好食。另外份量真係非常多，好飽好抵食。3餸麵餐：牛筋，手撕雞絲，豆卜檬粉配招牌牛骨湯（$56）牛筋好彈牙，個質感好好。手撕雞絲咸咸地都幾香。豆卜索哂牛骨湯d味真係幾正。必食推介：越萊蒜香牛油雞翼（$38）共5隻外皮炸得脆卜卜，然後非常香的蒜蓉牛油味！未食已經聞到d香味，真係好正！飲品方面跟餐送的熱柑桔蜜，甜甜地幾好飲。另外點了杯紅豆冰，都唔錯。埋單$160，呢個價2個人食都算抵食，唔錯。

今日幫朋友拎完野，天氣熱咁熱，一個人又唔知食咩好，就揀左呢到食個午餐食物種類都幾多，有湯粉，飯，撈檬，越南包，小食等等，價錢亦唔算貴最後叫左照燒雞扒豬頸肉撈檬估唔到份量咁多 配埋酸蘿蔔絲，青瓜絲，最重要有蒽油大大塊厚肉雞扒今次真係要讚下個豬頸肉勝在香口彈牙，夠哂惹味午餐加$12 可配小食叫左份自製手工春卷，炸得香口，不錯最後再飲埋杯越南咖啡大大杯，入口順滑，而且夠濃味，好飲下次有機會再過黎試下湯粉同越南包先

估唔到既好食，前排行開深水埗唔知食咩好，之前食開又食到厭🙈，誤打誤撞試咗呢間越南嘢，當時去到冇乜人排隊，食到中段越來越多人，估唔到都幾受歡迎，好多打工一族去食😋湯底好濃味，推介大家叫牛骨湯，濃郁到想飲埋啲湯，但係都有啲重味精，睇配菜就知餐廳做任何嘢都唔馬虎，白蘿蔔好入味之餘仲冇渣又淋，個蘿蔔已經攞滿分，豬軟骨🐷大致上都唔錯嘅唔會好柴，但係軟骨位可以再淋啲（有啲偏硬）其實整體上都冇咩好挑剔😌，基本上每樣餸都唔錯，而且價錢親民，仲好受外國人歡迎，理解點解佢會咁多人食👏🏻

尋晚同朋友去西九龍中心買完野之後，就搵地方食晚飯。 兩個女仔都係比較鍾意食粉麵，見我哋一致想食越南河粉，於是我印象中記得福榮街有一間，果然冇錯就係「 越萊 」。 早兩個月食過佐敦嘅分店印象好好，所以二話不說就拉咗朋友入去一齊食。呢度有全日供應嘅河粉套餐，最平一餸 $46就有交易，而且仲會熱金橘蜜一杯，真係啱晒我哋兩個女仔。朋友叫咗兩餸嘅🔑《 扎肉雞絲檬粉 $50 》而我就叫咗三餸嘅 《豬軟骨、牛筋、蘿蔔檬粉 $56 》。 夠晒大碗，而且湯底仲可以揀牛骨湯，味道好清香又唔油，豬軟骨真係好夠腍，入口骨膠原滿滿；牛筋就連左一啲腩肉，入味有口感；蘿蔔都清甜，雖然有少少渣。然後帶出兩份小食，小食都可以揀份量，都幾好，兩個女仔就可以揀最細分嘅～ 《 越式春卷 $26/2件 》 配埋酸甜醬好惹味又香脆。《 越式雞翼 $26/3隻 》出邊應該用牛油炸，有卜卜脆嘅外層，而雞翼都多肉，雖然唔算嫩。呢間幾抵食下次可以再食。

第一次光顧 所以選擇咩都有齊嘅越南火車頭檬粉好大碗 落足料 但坦白講味道一般生牛肉已經熟甚至乎有啲老豬軟骨唔新鮮有霉味如果純粹醫肚 一定食得飽 但如果講享受 加上嘈吵嘅環境 工作人員不停高聲暢談 就是唔合格

今日收工約咗妹妹係附近食quick dinner，深水埗真係好多餐廳選擇，今次我哋就揀咗無論午市晚市peak hours 都一定爆場嘅越萊！越萊經典撈檬（$66 套餐）超級豐富同毫不吝嗇嘅份量，三款主菜包括香茅牛肉、厚切燒豬扒、豬頸肉，個人最鍾意油脂十足嘅燒豬頸肉，配菜有酸紅白蘿蔔絲、青瓜絲，淋上特製魚露酸甜汁撈匀，係超岩夏天食嘅開胃惹味菜式！網皮春卷撈檬（$48套餐）有四件自製手工春卷，炸到香脆嘅絲網皮包住肉碎、蘿蔔內餡，香口到好似食緊薯片！越萊蒜香牛油雞翼（$26）超邪惡嘅炸雞翼再淋上蒜香牛油汁，比較油膩但雞肉幾嫩滑。河內蝦仁米紙卷（$26）超鐘意半透明煙韌米紙，餡料係傳統做法，米紙餅皮包住生菜、檬粉同鮮蝦，口感清新爽口！全日套餐包一碗湯粉/檬粉/飯加一杯熱柑桔蜜，轉其他飲品加$6-$10，姐係最平$48就已經可以埋單，另外呢度仲有越南包揀，想食得light啲都得！

今日去完黃金電腦買野，我話想食越南野，男朋友咁啱搵到附近又有👍🏻店面裝修淺藍色，好清新自然~ 夏天非常熱，嗌杯檸檬可樂，冰底就夠凍 但係可惜可樂本身唔凍！夏天必叫🤤-兩餸越南河😄平食我一向鍾意食越南野，依間嘅選擇都好多，基本上有晒湯河粉、撈檬同埋飯。👍🏻彈性都好多，配一定二定三餸都可以，種類又多，食安格斯牛都有。咁我就試咗個必食嘅生牛肉可同埋蘑菇河粉。牛肉來講又多又薄，但係蘑菇就冇味🥲-照燒豬扒蝦球撈檬😎正撈檬來講都算大份，豬扒份量都多，蝦餅就有兩件。蝦餅可能擺得耐，食嘅時候已經唔係好香脆，但係豬扒就好入味，甜甜地得又好香。🤤加埋少少撈檬醬，整體成個味會更加好食😙-香甜菜心苗依家買菜都好貴，$20有菜心食，加咗少少豉油，感覺fresh🤤-蒜香牛油雞翼叫咗三隻雞翼，雞翼就幾香脆，我就覺得比較多油。但係男朋友就覺得好香蒜香味，仲話唔夠喉想再食😂😂

之前停左晚市一排，終於又到搵食環節了。今次朋友仔話有間越南菜都唔錯，咁就去食喇。首先，我同180叫左火車頭同牛萊了。牛萊了-份量都算多，勁足料。入面有生牛肉，牛肉，牛丸2粒，牛腩，牛𦟌。佢d牛丸真係好彈牙。（跟餐加錢配紅豆冰）火車頭-黎到真係嚇親好大碗。份量十足。（跟餐加錢配椰水）2碗粉有一小碟芽菜同香葉隨意添加。仲叫左個小食拼盤。選擇都好多呀。有蘿蔔，春卷，蝦餅，串燒etc呢餐越南晚餐真係好豐富呀，食到好飽。

📍深水埗福榮街124號地舖今晚同朋友行行吓，巧遇一間位於深水埗的一間越南菜。門口招牌已經寫住PHO，即係食越南嘢。裏面裝修明亮，乾淨舒適。顧客可以揀卡位、四方枱、bar枱，而空間感都唔錯。 🔻1. 越萊蒜香牛油雞翼（ $26/3件）👍🏻力推。未食就已經聞到陣陣牛油香味，用生菜隔起多餘油份。食落酥脆，雞肉亦係滑得無比，雖然佢嘅損傷冇牛油出但係無減佢嘅惹味。🔻2. 會安豬軟骨飯（$68）以呢個價錢嚟講簡直抵到爛。完全冇諗過會有咁多豬軟骨，而且落咗好多紅蘿蔔中和返。3. 越南食湯河（2餸$50）素食者必嗌。食落清清地之如，湯底好濃味，清甜濃郁。🔻4. 熱柑桔蜜（跟餐）🔻我地兩個人食晚飯都只係$12x咋！

👧🏻一向都幾中意越南粉，特別係生牛河同撈檬😆而呢間越南菜有齊晒湯河、撈檬、飯類，仲有各種越南小食，選擇都幾多🙈 ❣️越萊人氣撈檬（蝦餅、扎肉、烤豬肉）撈檬好大碗，檬粉同配菜嘅份量都好足。撈檬會配埋撈檬醬，👧🏻覺得個醬唔夠酸，落晒成個醬酸味都唔夠出。配菜方面，蝦餅炸得幾酥脆，蝦肉幾彈牙，略嫌蝦味唔夠出。烤豬肉幾好，有陣陣既燒烤味同調味都好夠。扎肉普普通通。蝦餅加少少佢提供嘅辣醬會更加惹味🙂整體不過不失啦～

深水埗既越南餐廳 假期後人數都唔少叫左生牛肉河 湯底比較清甜 唔算好濃郁不過裡面仲有蘿蔔 比較少見～ 而且非常之淋同甜份量好大 牛肉好多又薄牛油雞翼又好香脆整體都幾好味😋