越色牛肉粉餐廳 (已結業)

D服務態度真係不知所謂。叫o左兩碗火車頭外賣。話低o左要走芽菜，無走到，本來都無咩所謂啦，但個waiter無乜歉意，淨係話同事手快落o左，唔好再整啦，唔係要sai好多時間云云。仲振振有詞同我講，quote unquote，唔使擔心，D芽菜熟o左擺o左響D河粉底。好笑，我最憎芽菜，你整成o甘，D味入sai，點解我唔使擔心？不過當時num住，算把啦。Law o左個兩碗河粉走，落到樓下至發覺，原來袋野無包好，兩碗野瀉到一地一鞋都係。即刻要將袋耶放落垃圾筒，唔係滴到成個商場都係都似。上番去叫距整過啦，點知…嘩！好似殺o左距全家o甘，塊面黑sai！第一件事叫我law番碗野番黎，話要“包過”。點為之包過呀，根本就已經瀉sai？最討厭o既就係好似係我錯，inconvenience o左距o甘。碗野包得衰，搞到我要走兩轉，d 態度咁差, 由頭到尾一句道歉都無。番到屋企，又發覺原本叫o左生肉改熟肉，又係無改。今時今日o甘o既服務態度…唉！最離譜o既係，外賣都要加一！我去中環歷山北京樓買外賣，百幾二百蚊一個人的消費，XX生前XX生後稱呼都唔使啦！service 咁差？你比錢我我都唔幫親啦！

叫了蕃茄牛腩金邊粉﹐個湯底很濃﹗係可以食到蕃茄蓉的﹗﹗牛腩都很林﹐不錯﹗不過因為沒有下午茶時間﹐所以覺得不太划算﹗飲品也沒有點﹗

今日放工去左要去B&Q買野,,買野之前就黎呢間野試..可能太早7點未夠,所以好多空枱,成間野得我同男友同隔離枱客咋...燒豬肉撈檬--- 好唔得..唔正宗...火車頭湯河--- D湯好淡,D粉係金邊粉,,鞋口,,粉好硬,,D肉無肉味...>.<燒豬頸肉--- 味道同其它食店差唔多..好細碟...炸蝦餅--- 一碟四件,,都幾大件下,,算係彈牙,,係全部野之中算係最好食既..兩個人食,埋單$18X....味道差又唔抵食....>.<

去食tea，包野飲但要加$3凍飲，加10蚊有杯龍眼水，龍眼水差唔多，都算不失傳統牛丸牛肉河粉，d 粉係金邊粉，金邊粉水平還可以，只是份量太少，聽說這是從美國回來開的，我相信美國人最少要食五份，菜係非常不正宗，只是提供青檸，香花草同牙菜，沒有其他了，當然只是做樣吧了。事實其金邊粉，牛丸牛肉的水平是比很多胡志明市的pho好，湯低須然用料比胡志明市的多和濃，但不太對勁，整體水平當然不及巴黎，但係去係香港算係較正宗個間拉

日老闆娘同大老闆無回公司, 所以我同大冬瓜就去左mega box食lunch...選左食越南野都唔需要等好耐位就有得入座...我同大冬瓜各叫牛柳粒撈檬及豬扒撈檬再加上湯浸芥蘭;野飲就要左檸蜜及檸檬茶....味道方面我杯檸蜜就相當唔得啦, 淡而無味以為係檸水; 個撈檬都唔多得我勁落果d魚露sauce都唔覺得有味道; 牛肉同埋豬扒都好一般...最差算係個芥蘭, 煮得過淋呀...我本人比較喜歡爽口既菜多個淋pat patp.s 此店在銅鑼灣登龍街有一間, 以前係加拿大都食過此店唔知係外地無咩比較就覺得佢正, 香港地實在太多美食...此店既越南菜真係麻麻地

前幾日同一個同事去行B&Q, 諗住食完野先行, 所以睇下有咩食啦, 最後同事話想食河粉之類既野, 所以入黎食啦, 我覺得銅鑼個間好食D.D野食一般, 服務都係一般啦, 同埋間野其實真係細, 開初以為都幾大間架。

由於恆生卡做半價的關係,已經試了幾間位於mega box 的食肆!昨晚輪到這間美國"回流"亞洲的越式餐廳!亦由於半價,所以order 得好鬆手,兩個人食o左好多o野:火車頭河粉$4x- 銅鑼灣店好似香濃少少, 熟牛肉反而比生牛香口,而竟然賣相好普通的牛丸好香!湯就清o左少少,我鍾意濃郁d!越式小併盤$9x- 有雞絲粉皮沙律一小碗, 其實唔知係咪叫呢個名, 但係都係呢d o野, 好食!- 粉卷兩件, 一般越南餐廳貨色,一定唔難食但都唔係特別好好食!-春卷兩條, 同上-軟殼蟹兩件, 都係同上-扎肉三件, 亦係同上!牛油大頭蝦$118成舊水一隻平時應該唔會點,不過半價就梗係要食啦!賣相同menu張相都好似,o黎到都好香.而食落口好濃蝦味,肉質其實唔係太好,唔夠彈,但係o的蝦膏真係香到爆,想連殼都食埋!我斷估都應該唔會係新鮮蝦,但真係好香好香,由於佢係開邊, 所以一人有半隻,但隻蝦個頭都有手掌咁大,食完半隻都唔覺淨係食o左半隻!燒牛肉粒沙律$5x睇menu張相驚驚地唔夠多菜同好細盤,但原來都ok, 而且撈得好食, 我唔鍾意食菜都食o左大半! 燒牛肉就普通, 幾香口咁啦!越南啤酒$24咪就係啤酒

晚上八點左右，再一次搭上免費車到megabox，到達時已經八時十五分了。拎左飛，周圍逛逛，雖然有很多鋪頭都未開張，但都幾多野行。廿多分鐘後有位，四個人，坐底之後睇左兩睇，到落單都冇杯水黎飲下。 叫待應拎四杯水黎，另外落埋單，叫左一個生牛肉牛腩河$38、一個火車頭湯河$46(有生牛肉、牛腩、牛丸、牛根、牛柏葉)、一個海鮮炒金邊粉$58、一個馬拉盞炒通菜$58。 等左十多分鐘兩個河就黎，火車頭湯河十分大碗，而生牛肉牛腩河比較下細碗點，但也比普通餐廳的湯河大碗。我先試一下湯，一分濃味的牛肉湯，再試一下，覺得有點鹹，但牛丸十分有牛味，其他牛肉都幾好食。 再黎既係馬拉盞炒通菜，上枱後香味不夠，不及很多其他店舖，其味道亦不夠香，只是中下品。 試了試海鮮炒金邊粉，沒有味道，吃的只有鼓油味，甚麼味道都被沉重的鼓油味蓋過了，連家姐都話我炒得比他們出色，下品。 用餐期間有待應打爛了杯，另一位待應卻串他:「真係服左你啦，膠杯都打得爛!」我覺得此舉十分差，根本不尊重用餐的顧客。其間我喝乾了水，待應根本不懂得加水，一點也不醒目。另外，落單時待應十問九唔應，所以覺得服務十分差。圖:忘了拍照，所以把生

新開張走去食lunch 叫咗湯河午市套餐湯河一送上枱就聞到好重香料味有別一般越南湯底感覺好似肉骨茶味, 其他小食同飲品不過不失, 但樓面service need more trainning , 下次會再去試其他食物

昨晚4人來mega box,選咗這家1試:1)扎肉雞絲湯河-湯底好深色,不清,好重肉味亦好鹹-扎肉質感彈口同爽-雞絲普通-粉唔滑,但有質感,挺身,個人喜歡2)鮮茄牛腩河-友人嫌唔夠茄味,好似大坑火XX好d-粉太硬因友人偏好軟飯,軟粉...4)香茅豬肉檬-豬肉夠味,友人說不錯5)春卷檬-等了很久因廚房做錯了單-應ok6)蒸粉卷-無試到,因幾飽-友人異口同聲說幾好-食食下,人多等位時,侍應曾試問我哋(因坐了張7人圓枱)介唔介被人搭枱。說了對不起後拒絕其要求,侍應很理解,也沒有insist

叫左碗有生牛肉、牛、牛丸、牛x(stomach)、.... o既河粉食，幾好味，好香牛肉味，都係＄４ｘ。　食後有ｄ口喝，維持左好久，相信佢係用了很多五香粉啦。