越男仔

營業中

休息中

呢間越南菜係食過比較貴嘅一間同朋友平日去食，無咩人流主打係越南菜，門面芥末黃幾搶眼，室內裝潢又幾潮牆上裝飾有心思，有彩色瓷磚同各種特別標語小燈罩貌似越南傳統帽，幾別緻餐牌色彩豐富，但似乎部份美食係越式mix港式叫咗一份軟殼蟹沙嗲粉絲大脆包 $168上枱有視覺效果，幾大份上面係一隻軟殼蟹，下面係粉絲，整體以大麵包作器皿盛載先食軟殼蟹，整體有酥脆感，蟹肉份量可以接受可將蟹肉連殼食，入口唔辣，但略欠鮮甜，反而有好重鹹味同油味以軟滑粉絲墊底，同軟殼蟹相反，味道偏淡，醬汁唔多，幾乾吓用嚟裝粉絲同軟殼蟹嘅大麵包，可以逐塊剪開食晒個包烘焗過後，表皮香脆，麵包軟心但味道一樣淡，麵包蘸沙嗲汁比較易入口，係三樣裏面比較值得食小食叫咗法式芝士蝦多士 $69/4件驟眼睇好吸引，但上枱時已經熱力不足，影多兩張相已變涼芝士蝦多士本身係流心狀，但由於唔夠熱力所以芝士呈固體狀，未有呈流心狀態，僅有芝士香味蝦多士表面灑有好多芝麻，入口好重芝麻香而蝦多士脆卜卜，厚身，炸得幾香口蝦肉有彈牙感，蝦膠感重，比起軟殼蟹無咁油膩

沙田區比較少黃店，呢間黃店個人認為係沙田區來講算係一流。因為疫情嘅關係所以佢採取外賣九折嘅優惠，而我就選擇堂食。叫咗蒜香牛油雞翼同埋法式芝心蝦餅，牛油雞翼外皮炸得卜卜脆，雖然牛油味唔重，但勝在剛炸起，皮有濃郁嘅蒜香味。之後芝心蝦餅真係令人有驚喜，咬落去裏面嘅芝士餡會流出黎，並唔係得芝士味嘅餡餅，一樣都係啱啱炸起新鮮熱辣辣。下次再去沙田區一定會再幫襯！

3點3又到下午茶時間，有啲肚餓，落街搵食見到價錢合理，又多選擇，重點係唔洗等位，就試吓呢間越南野啦😬😬！之前食過旺角個間，味道唔錯，唔知沙田呢間點呢？🤔同呀媽2個人叫左2個茶餐😋我叫左個越式干炒牛河，呢個真係勁好食，一上菜已經聞到勁香，牛河炒得勁有鑊氣，牛肉好食，炒得岩岩好，唔會話炒到好韌好乾，配菜都好多(有蛋、蘿蔔絲、生茶絲等等），勁足料呀😋！由於實在太好食，所以食到一半先記得影相😂另外餐飲就叫左士多啤梨奶，味道同我想像中的唔太一樣，有啲淡味😂下次都係叫番越南奶茶穩陣啲😆

生牛肉湯河 還好滴滴咖啡完全吾掂首先拎出黎係已經滴完 淨係放個滴滴壺上去打開個壺 裡面只有極少量咖啡粉似係扮正宗越南咖啡🤔今日天氣太熱 內裡冷氣嚴重不足一路食一路爆汗但最吾掂係員工態度俾錢個陣 店員同我講$227我俾左$300 佢找返$23俾我然後我同佢講找少左錢佢一面不耐煩 找左$73俾我到我拎返張單望既時候 實際係食左$223咁我又再次同返店員講 佢就用極不友善態度話我應該睇清楚先而我就非常不明白 我又睇吾到張單作為店員吾係應該睇清楚銀碼再收錢咩？俾完錢先俾單我 我對返銀碼有出入再出聲又有咩問題？有需要用咁不友善態度去話我？其實附近都好多吾錯既餐廳 呢間下次吾會再黎食 俾錢買難受🤷‍♀️

第一次路過見有下午茶就試吓幫襯，服務很親切，食物味道不錯，檬粉足料好大碗，抵食！紅豆冰十分好味，推介！唯一不足是洗手間有點遠，而且是一間男女共用的，對女生有點不便。

沙田黃店不算特別多，所以今天特別想去試一下越南仔。兩個人點了一客軟殼蟹（$108-6件）一客雞串燒（$62-3串）一客三色粉卷（$168-6件）一碗白飯($15)一杯熱飲($28)，加一後合共$420。熱盤上菜時都很熱，所以味道相對較好，粉卷本身是冷盤，採用海膽又有呑拿魚，但食材一般，吃不到鮮味。整體味道普通，份量偏少，不算抵吃，相對來說偏貴。食具不算乾淨，調味料的樽和上菜盤都是油油的，雖然是黃店，但應該不會再去了。

兩個人去食 叫左個珍寶拼盤同埋軟殼蟹沙嗲粉絲大脆包 份量岩岩好食物質素幾高！珍寶拼盤B 裡面有：法式芝心蝦多： 蝦肉彈牙 外層粒粒芝麻好有口感 炸得好香口 芝士一咬就湧出黎 正！蒜香牛油雞翼：同樣地炸得香口 好香蒜同牛油味  一人分得一隻真係好唔夠 好吊癮蝦餅：夠彈牙 蝦有蝦味 都同樣地炸得剛剛好 檬紙券：上面有d柚子肉吊下味 好開胃好清新 非常岩熱辣辣既夏天食 軟殼蟹沙嗲粉絲大脆包：軟殼蟹份量好多 炸得非常鬆脆 麵包部份 同佢個名一樣 夠晒脆 少少辣 非常惹味 俾我地清晒 大滿足！價錢方面 唔算話係特別平 但呢個食物質素配呢個價錢 可以話係物超所值本身想叫埋佢個魷魚釀咖哩炒飯 見其他檯好多都有叫 但我地驚食唔晒 下次黎會試試 P.S. 聽聞佢黃到金

支持黃色經濟圈，試試沙田區的黃店。估唔到個小食拼盤 (珍寶拼盤B) 好好味，燒吞拿魚柚子檬紙卷有意外的驚喜！本身我無特別喜愛柚子，但原來襯埋吞拿魚食係幾夾，感覺好fresh，能夠帶出吞拿魚的鮮味。喜愛芝士的一定要試法式芝心蝦多士！不會太油膩，吃一口蝦多士，配上美味的芝士，真係會讓人想食完一件又一件！哈哈！最後我忍唔住食了三件！越南蒜香牛油雞翼的味道一般，較油，不太有蒜香的味道。推介原隻魷魚釀咖哩炒飯，我本身愛吃魷魚，呢個菜的魷魚整得幾香，不會煮得太熟，和咖哩飯相配都唔錯！整體而言，值得推介！會再去！

一直都想試下越男仔，旺角店次次都排長龍，黎到沙田竟然唔駛等位喎！🦐椰汁酸湯浸雞拼大蝦粉絲煲($148)用得椰汁煲唔駛講都知佢甜！湯底似清甜版嘅叻沙，無乜酸味，不過都幾順口！雞嘅份量好多，應該有成塊大雞扒，蝦都好大隻，佢仲串好𠝹開咗，好易食。而最正嘅一定係粉絲啦！因為吸收晒湯汁嘅味道呀😍🦪燒芝士有機形寶大蘑菇釀生蠔($89)*買一送一*平時我都好鍾意食大烤菇，越男仔竟然係入面收埋咗隻生蠔！而蘑菇吸收晒蠔嘅鮮味，加上邪惡芝士真係超正！好想買包廣島蠔返屋企焗個豪華版😂🥗牙車快($72)即係柚子+手撕雞沙律，份量超多，雞絲亦有香料味，但整體黎講有啲淡，可以多啲酸汁，我最後攞啲菜黎浸湯食🙈

第一次去食 原來旺角分店食 但太多人排隊搭左的士入沙田 點知都要排隊店舖唔大 都滿座 等左十五分鐘左右終於入到去叫左 幾樣野 小食拼盤 有四樣 蝦多士最好食 有芝士 香口 蝦肉都唔錯 米紙無咩味 雞翼其餘油多無特別椰汁湯麵 味道唔多夾 無咩味 特色越南菜配菜無芽菜香葉咩都無 可能太地道港式煮法生牛肉蔬菜包 走辣 因為怕辣 就完全唔係個回事不過生菜可以無限加 整體一般 唔值得排隊

路過 發現黃店 下午茶餐 價錢合理 可以話抵食 3x 好有驚喜 門口又可以短時間泊車 一定係附近概不二之選 炸雞比 係有味道 而唔係乾柴柴 豬排飽 堅脆 豬排係有醃製過 飲品正常 喂 紅豆冰豆係加$3 想點呀？ 一定有下次 😋😋

今日原本去燒山新開的時代食，點知多人到不得了，等廿幾張飛，結果又返去呢度食生牛肉河，牛肉好嫩，高質，海南雞飯，雞又香又滑，飯唔會好油，真心like 食海南雞飯，要四圍食下

是日到沙田食lunch，lunch menu好多選擇，叫左3樣野。海膽檬紙卷$56身為uni愛好者，一上菜已經見到海膽份量好多！當然新鮮程度一定不及日本餐廳嫁喇，但都不俗！$56 食到呢個質素仲想點呢！個海膽炙燒過所以幾香！我地覺得呢道fusion 幾有創意，海膽濃味，但紙卷好清，兩樣野好夾好fresh! 值得一提個透明酸汁都做得好，可以調起個味又唔會喧賓奪主！❤❤❤❤❤❤❤❤8/10越式鴛鴦雞配黃薑飯$65個海南雞唔夠嫩滑，扣左分！個炸雞味道幾好，但都有點乾不夠嫩滑多汁！係個黃薑飯拎番唔少分，好香又唔會太油，食到停唔到嘴！❤❤❤❤❤❤6/10胡志明市椰汁酸湯四寶湯檬$64四寶係豬排、豬頸肉、扎肉同脆豬肉。先講湯底，幾惹味，好開胃，但唔夠椰香，不過不失。豬排幾入味，豬頸肉正常，扎肉都係一般貨色，個脆豬肉較為細件，無咩咬口同埋略帶油。❤❤❤❤❤❤❤7/10值得一讚既係間店有超多款set lunch，都係50-60蚊左右，我地選都選左10分鐘😂 整體都ok! 會encore 既！

 今日天氣幾好唔太熱，又出黎食飯啦！特別鐘意食東南亞菜，未食過呢間，今次就黎試下食。始終覺得食飯飽肚啲，就揀左個飯無揀檬粉。嗌左個雞飯，越南米卷同埋熱奶茶，黎個時唔算多人，上菜有少少慢。杯奶茶好香好滑幾好飲，同平時啲奶茶有啲唔同，有種特別ge香味，可能係茶底唔同個雞飯啲甜酸汁不過不失，無乜特別，啲雞唔太乾個皮有少少脆，偏咸左少少，個餐份量偏細。至於個米卷都無乜特別，反而米卷個配菜醃蘿蔔幾好食，酸酸地咁。整體價錢有少少偏貴，服務正常。

手撕雞椰汁酸湯檬粉，很久以前在附近工作，同事買過這個粉的外賣給我，那個時候很好吃，可能是堂食的湯汁太多，反而不夠入味。胡志明市紅番茄火車頭，其實就是一大碗用鮮蕃茄煮成的材料，內裏都是牛肉製品。茄汁非常之濃郁，只是內裏的食物，除了牛肉牛筋煮得很腍外，其他都沒有太大驚喜。小食拼盤A - 有春卷有燒豬頸肉有鳳爪沙律有米紙卷，兩個人來說小食拼盤也很大了。適逢餐廳有周年紀念，晚市全單都有折，埋單嘅時候感覺幾抵。