越男仔

營業中

休息中

行經門口見到好多餐牌，諗住八卦睇吓，睇吓睇吓又幾多嘢食喎，最後竟然俾一杯朱古力漏漏啡引左入嚟幫襯。兩個人叫到成枱食物都不用$200，算幾抵食。在等候食物期間，欣賞吓餐廳佈置，牆上貼了不少玩味提醒，例如唔準室內放屁、不準攝影……嚇到我即刻delete 晒d相，但事實我又真係好想影相喎，忍唔住都係問吓侍應，侍應立刻笑說: 唔係喔！講笑咋！😅原來係自己太認真，不過之前影左果d相delete 晒都唔記再影返🙈海南雞黃薑飯，雞肉幾滑，有雞油香味。醬汁微甜；至於個黃薑飯，都軟腍，粒粒分明。餐湯揀左雞湯，鍾意佢幾多葱，令到碗湯除左有雞味，仲有葱嘅清香。牛骨湯生牛肉湯河: 湯唔會太熱，唔驚將牛肉淥到過晒龍；牛肉都算嫩滑，襯埋湯河一齊食都滑捋捋。跟餐+$11就可以有牛油蒜香雞翼，好香蒜味，炸漿夠薄、夠鬆脆。越式春卷唔錯喎，多料、春卷皮唔油膩，又脆卜卜。香茅檸檬梳打，可以有1枝梳打自己斟都幾好，香茅味幾出。引左我入嚟嘅朱古力漏漏啡，好好飲，朱古力同咖啡味好平衡，能同時飲到兩種香味，而且又夠滑、唔會太甜，不過得半杯，有d唔夠喉。餐廳嘅午餐真係有好多選擇，價錢係可接受嘅街坊價，加上特別嘅佈置、而又帶玩味嘅牆貼

總分，3.8/5食物方面，7/10平時食下午茶，$50搞掂。水準唔係好高，但係$50來講佢做到$70嘅嘢食。好味有鑊氣，你叫咗嗰樣嘢，同你嘅期望一致。因為而家出去食嘢好容易見到中伏。我覺得佢調味唔係好出色，但係佢好大份，同埋佢係嗰件事。絕對唔係高分，但係如果你係普通食個飯，好選擇。環境方面，6.5/10你唔會覺得佢好乾淨，但係佢絕對唔會污糟。側邊都有唔同嘅搞笑標語，認真幾開心。有啲地道得來唔會太cheap。服務方面，8/10每一次去都係下午茶，冇乜人所以服務幾好。有一次見到其中一個服務員姐姐好俾心機咁同伯伯傾偈，但係個伯伯根本唔會食，但係個服務員都好有心機。少少人情唔錯嘅街坊舖頭

#越男仔 生牛湯河粉 $88 🐮嚟到越南餐廳就諗起一定要食個生牛河粉🐮呢到既生牛肉唔算太肥 食落去有咬口同有牛味👍🏻湯底清甜得嚟 都有飲得出湯中既香料味而配料用左生洋蔥🧅 食落得好爽又帶點洋蔥嘅辣味仲可以自己加醬料招牌蝦醬炒飯 $98🦐其實我去茶餐廳都好鍾意食炒飯🙈一個好嘅炒飯係一定要夠鑊氣每一粒飯都係唔會黐住 粒粒分離👍🏻呢度嘅炒飯蝦醬味唔算太重 鹹度適中 配料有啲臘肉同札肉食起上嚟都夠野未 如果蝦醬味重啲會更好💪🏻晚市會有+10%收費但係Menu呢就冇寫明 如果寫清楚呢就會更加好🤗

🤍💛沙田- 越男仔💛🤍放假同媽咪去沙田附近行下，媽咪話想食下撈檬，就帶左媽咪過黎食啦～店入面有多張卡位，又放左d 好得意好攪笑既畫，幾特別😂😂😂🍜祕製豬頸肉蕃茄湯金邊粉係自選粉麵黎既，我好鐘意蕃茄湯ga，入面有洋蔥同大蕃茄，酸酸甜甜唔錯，金邊粉都有小小口感，而豬頸肉大大塊，好夠味。🍲豬扒札肉撈檬好fresh，有好多菜、青瓜撈埋，豬扒都入味好易咬開，札肉正常，不過媽咪話檬粉份量都幾多，食唔哂。🦐法式芝心蝦多士面頭有大量白芝麻，爽滑彈牙嘅蝦膠包住流心芝士🤤🤤🤤除左我仔鐘意食，我都一樣👍🍗3色脆雞翼每款2隻，有蒜香、牛油同辣味，炸到外皮勁香脆🤤放耐左都咁脆～推介❗️🦐炸蝦餅上面有大量薑蔥，加埋落蝦餅味道好夾。🍍水果茶甜甜的茶底，入邊有菠蘿粒同薄荷葉，好fresh，食食下麵再咬幾粒菠蘿粒解油膩👍食越南野我覺得呢間都算係心目中既信心保證，大部份食物都有水準，經過會再去👀

同朋友喺大埔遊完水肚餓想食啲嘢，記得之前食過既越男仔喺沙田都有分店，就即刻黎試試，食物質素同旺角分店一樣，都係非常高質。餐廳座位好闊落，坐得好舒服，裝修好有越南既感覺，仲播埋越南歌，好特別！ 🤪🥳 ✨越式海鮮蝦油炒金邊粉（$118）🦐由蝦油炒既金邊粉香味十足，搭配埋彈口既魷魚同埋新鮮既蝦，口感同層次都好足，金邊粉唔會過淋，口感啱啱好～🤤 ✨越式豬肉生菜包（$85）🐷豬肉碎較為辣口，上面仲有洋蔥、胡蘿蔔等，增加唔少層次，用生菜包住一口落肚，好食！ 😋 ✨越南蒜香牛油雞翼（$65）🐔大大隻既雞翼香脆可口，上面仲有一層蒜蓉帶出濃厚既蒜蓉味🧄，牛油味都好出，啱晒重口味既人士！🤪

沙田勁多好野食，約埋同事仔行遠小小食越南野！越男仔有幾間分店，聽聞旺角店超受歡迎，又試下沙田呢間又係咪真係咁平靚正先‼️店面不大，但勝在座位闊落坐得舒服，好欣賞店內好多特色廣東啜核十足裝飾點綴！午餐勁多野揀，價錢亦好實惠～有主菜有小食仲跟埋飲品真心抵食我地點咗2個椰汁酸湯濛，有齊牛雞豬串燒！另外每個餐仲有2款小食，會唔會太抵食？上檯份量好足，連我個大食同事都差D食唔哂😂，牙車快沙律酸酸甜甜好開胃，無骨鳳爪啖啖肉！欣賞椒鹽脆蛋魚柳，剛剛炸起好脆好香口，然後招牌手撕雞濛紙卷清清地，每次食越南野不可或缺❤️講埋主食先！椰汁酸湯濛係真心正！份量係超級多，食極都仲有咁！個湯椰汁味濃加酸酸地，唔覺唔覺就食多左嘞～再嚟必須一提跟餐串燒，大大份的串燒完全唔似跟餐份量，啖啖肉好好味，燒得剛剛好又唔會過燶，食肉獸千其唔好錯過！飲埋杯越式拉茶，近近地走轉越南，食返餐越男仔，滿足！

沙田越男仔💛 良心小店搭鐵既話可以係沙田圍站 行大約7分鐘地點係住宅區 所以可能都要搵一搵 但唔緊要！最緊要好食😋入到去侍應都好nice 餐牌食物多 總有一樣岩你😻我叫左個軟殼蟹沙嗲粉絲大脆包（係店家推介當然要試吓）原隻軟殼蟹加上炒香左既粉絲真係好夾，粉絲好入味 軟殼蟹又脆又香口 再配秘製沙嗲醬大脆包 值得一讚沙嗲醬真係好香好正！又食得又影得👏🏻再另加杯椰香朱古力🍫 底層滑滑朱古力+頂層椰奶 聞落真係好香椰味 口感好rich! 兩樣野賣相都十分好看🤤 值得再去!

小妹今晚同豬經過沙田河畔竟然見到有好多美食😍呢度比起沙田市中心人流相對較少，行都行得好舒服😌 二來呢區食肆選擇頗多，的確相當唔錯～而呢間「越南仔」固名思義食越南🇻🇳食物，菜式都有唔少選擇😙 坐得舒服，最特別係餐廳裝修好有格調，有種越南地道嘅感覺🤩🦀🥯軟殼蟹沙嗲粉絲大脆包呢個軟殼蟹份量唔少，炸得非常鬆脆🤗 麵包夠脆；沙嗲汁少少辣，但相當惹味，好滿足😎🍍🍚原隻菠蘿海鮮炒飯一上枱見到半個大大既金菠蘿😮 菠蘿鮮甜多汁😚 配料份量十分豐富，新鮮大蝦、魷魚、腰果、肉鬆等…炒飯每粒米都炒得軟硬均勻😝香氣撲鼻👃🏻小妹覺得係沙田河畔呢區黎講，呢間餐廳無論價錢，舒適度都可以接受👍🏻且今次點兩款餸菜都吸引又驚喜，絕對可以一試😆

🤍💛旺角- 越男仔💛🤍以前放工成日經過但都無入去食，今次去開旺角就第一次試下啦～ 店入面掛住好多唔同嘅畫，幾有特色既。🍜雞絲扎肉椰汁酸湯濛粉呢陣獨特既椰汁酸湯我勁like~ 濛粉索哂湯汁好食，手撕雞好淋，連骨都係淋既可以咬開，扎肉味道正常，最正係佢有調味盤，分別有蒜蓉、辣椒粒、青檸仔，任你落。🍲生牛肉湯河牛肉都多片，河粉好滑，味道唔錯。由於老公唔鍾意酸味，所以淨係落咗蒜蓉去調味。🦐法式芝心蝦多士面頭有大量白芝麻，爽滑彈牙嘅黑膠包住流心芝士，我仔最愛，差唔多1碟4件都係佢食晒😱🍖串燒沙嗲拼盤配燒菠蘿牛、豬、雞肉各1串，個人喜好雞肉多d，爽滑彈牙，豬肉好入味易咬，牛肉帶有青檸酸味，沙嗲汁上邊嘅花生非常脆口，好食，燒菠蘿味道有少少酸，還可以啦～🍅冰鎮蜜糖蕃茄擺盤好靚呀，估唔到蕃茄同柚子蜜係咁夾，雪到凍冰冰，好消暑解膩👍☕️凍朱古力咖啡採用滴漏嘅形式去做，等到滴晒成杯再倒落杯冰度，老公話好濃好好飲🍋凍雙檸檬茶茶入邊有青檸及檸檬，嗌左小甜，正常味道估唔到呢間小店又幾好食喎，下次黎可以試下其他食物，例如海南雞🤤

沙田越南仔店鋪唔算大，店內裝修好有特色，人比較多需要等位，食物款式選擇多。招牌越南仔無骨雞配黃姜飯套餐（HKD 92）飯有香濃椰香同少少姜味，齋食都好好味，無骨雞又嫩又滑配上個醬汁甜甜地，咸咸地非常好食。另外套餐配2小食：無骨鳳爪沙律，鳳爪凍凍地又爽口，味道偏酸非常開胃。手撕雞檬紙捲配越式酸辣汁，非常好味。套餐+12蚊轉冰凍水果茶：茶味偏淡，少甜，半杯新鮮菠蘿，味道十分清新。三鮮PHO椰汁酸湯檬套餐（HKD 142）湯底味道香濃，有好濃椰香味，微酸好似泰式味道湯底，檬粉好滑，配上三鮮（生蠔+大蝦+滑雞）海鮮好新鮮，配上湯汁好野味。另外套餐配2小食：椒鹽脆蛋魚柳，我無食到，我3個女食曬，話超級好食😋牙車快沙拉，超級酸木瓜絲用蘿蔔絲配生菜，鐘意勁酸一定要試。套餐+3蚊轉越式拉茶：茶味濃微微苦澀味。整體來講價錢相宜，食物質素高，味道好分量足。

#越南菜 推介‼️❣️《胡志明市紅蕃茄火車頭》$148香濃蕃茄湯底 甜得來又唔會太酸 令人不停飲配料亦都相當豐富 牛柏葉。生牛。烤牛。牛丸。牛筋❣️《椰汁酸湯浸滑雞拼大蝦粉絲煲》$148湯底開胃 酸味味 兩隻大蝦都相當彈牙 食埋粉絲夠晒飽 滑雞亦都相當嫩口❣️《法式芝士蝦多士（4件）》$69邪惡之選 蝦多士面頭加上大量芝麻 香脆可口餐廳裝飾亦都相當有趣 有唔同搞笑句子 餐廳近沙田圍站 6分鐘就行到不過食到咁飽 20分鐘散步去沙田站又得。🟡🟡🟡🟡🟡🟡🟡🟡🟡🟡🟡🟡🟡🟡🍔 越男仔📍 沙田沙田圍路1-7號勵城花園地下1號舖

【沙田• 越男仔 】🐝————————————————————————有次去行山之後落山嚟過食一次 湯粉湯底超正今次特登再過嚟食一次 但試其他嘢食🍯｜胡志明市紅蕃茄火車頭｜HKD148Beef Special in Soup (Ho Chi Ming City Style)牛柏葉。生牛。烤牛。牛丸。。牛筋。香茅牛肉推介‼️用火烘住 底層加埋粉絲。薯仔。洋蔥蕃茄湯底濃郁 相當可口😍😋 甜得嚟帶少少酸味 同朋友飲哂成個鍋啲湯😂真係好好味好抵食 仲免費配白飯/豬仔包 豬仔包又係吸晒湯汁😛🍯｜椰汁酸湯浸滑雞拼大蝦粉絲煲｜HKD148Chicken and Shrimp w Rice Noodles Potin Coconut Sour Soup味道偏酸 帶有少少椰汁味 岀奇地滑雞比想像中好食😳真係夠滑唔嚡啲滑雞應該預先醃製過 有種香料味感覺 🍯｜法式芝士蝦多士（4件）｜HKD69好少食炸野 朋友有興趣陪佢食口應有驚喜😳非常香脆 咬落陣陣芝麻味 食落吾會覺得油膩 令人想繼續食🤪。餐廳環境：📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰消費 HKD401/2人（連加一）

上完堂想食返個dinner，唔太熟沙田圍呢邊有咩食。是但入左呢間越男仔，純粹路過同埋我鍾意食粉麵多過飯，諗住越南野一定有粉麵啦～我叫左越男仔生牛湯河粉($88)無論係牛肉定河粉嘅份量都好多，牛肉紅卜卜睇落新鮮而且厚切，浸落湯啱啱好熟好鮮嫩！越南蒜香牛油雞翼($65五件)蒜香牛油味重，外皮炸得好酥脆，咬落d汁必曬出黎！飲品方面，我叫嘅係椰汁鴛鴦冰紅豆加綠豆($35)加埋綠豆個口感層次更豐富，令我有一下幻想自己喺越南小店渡緊假！我食嘅期間，見到幾枱客都食胡志明市紅蕃茄火車頭嗰個火鍋，望落好豐富！下次有機會會試佢！

《越男仔 - 沙田》上星期六同媽咪去左沙田區買傢具，順便周圍去行下食埋Lunch，但係新城市真係太多人連停車場都無位泊車，無奈地唯有周圍兜仲無限地兜錯路唔知去左邊度🥹最後去到沙田交通安全城果邊停低左😂本人超唔好意思的，因為我亂兜路既關係媽咪由12點餓到2點，所以我地放棄入新城市求其喺沙田圍食少少野先，原來呢邊都唔少小店嫁wo，最後漫無目地下簡左食越南野-越男仔當日去到人流都幾多，同埋見佢好似好多外賣要做咁，等左一陣先安排入座，一坐低左即該睇下有咩食先😂當日一共叫左一個主食、兩個小食同埋兩杯飲品💁🏻‍♀️越式生牛骨湯河粉 $63👍🏻老闆都幾佛心下，碗粉超巨大勁多粉，我同媽咪Share兩份食剛剛好，牛骨湯都算幾濃，上面既生牛肉好嫩無筋，推薦👍🏻💁🏻‍♀️海膽檬紙卷 $65 (跟餐優惠)呢個係媽咪叫的😙平時好少機會見到用海膽做既米卷，用左Rice Paper 包住檬粉同埋爽口既蔬菜🥬上面就放淋左醬既海膽，食落其實幾清新，再點埋旁邊既蜂蜜食，都幾開胃嫁😊💁🏻‍♀️三色脆雞翼 $67👍🏻雞翼有三隻口味，我最最最鍾意就係傳統牛油雞翼，一咬滿口牛油香，入面都好有肉汁，超Juicy😋另外兩隻味分別係蒜椒脆雞

週末決定外出晚餐，平時食來食去果幾款…便試下係沙田勵城的越男仔一入店是一間很有特式的餐廳，價錢大眾化，而且選擇多女兒選擇檬粉，我便叫了蝦餅拼豬頸肉撈檬，諗住香口野佢食多啲豬頸肉非常有驚喜，每一片都香脆可口，焦脆肉嫰越式海南雞飯一畢起啲飯比女兒已聞到飯中有濃濃的椰香，雞肉非常嫰滑新鮮！愛吃雞人士必吃！如人多建議叫一隻，太好味老公叫越男仔生牛湯河，湯底非常濃郁，一片片生牛肉舖在河粉上，配上蔥蒜吃著，，十分惹味下次再來試埋其他野…