越泰軒小食

之前去堂食叫咗碗粉同一個淨小食鳳爪，盒鳳爪淨係食咗2,3舊諗住帶返屋企再食，然後食完行咗幾步先發現唔記拎，返轉頭拎果陣個啊姐話已經抌咗，但我係佢前面張枱見到我開過嚟食果盒，可能個啊姐見咁大盒以為冇食過⋯我就話抌咗就算。牛肉又得3塊，檬粉又嚡又幼，個清湯又淡。街坊係度幫襯咗咁多年，真心覺得食物質素，員工都越嚟越差。…查看更多

本來由細食到大，以前都仲好地地。呢家食物質素下降到勁犀利！！！啲雞翼凍嘅，完全係炸定就擺喺度俾人食，勁難咬。叫凍奶茶杯野飲無奶，淨茶勁濃。叫人點飲？完全冇心做生意希望大家唔好幫襯店員態度亦都非常惡劣，唔想做你生意咁！堂食真係好嬲…查看更多

自從個商場裝修完再開返嗰啲枱凳變咗一人一格你落嚟食嘢會比張版隔住自己同個frd個冬陰功湯底質素唔穩定一時濃啲一時淡啲最重要多咗個以前冇見過嘅人做收銀仲有態度係好差落單嘅順序同埋「術語」要跟足佢呢度剩係得冬陰公湯底同清湯我：要鮮牛肉湯檬粉冬…收銀：堂食定外賣？我：外賣收銀：食咩？我：鮮牛肉湯檬冬陰功湯底收銀：辣湯定白湯？我：冬陰功湯底收銀：辣湯定白湯？我：辣湯…我要跟佢個說法講辣湯先至落單（心諗你聽唔明嘅咩？定係有心想玩客？又或者係一次過嗌兩個人我：鮮牛肉湯檬冬陰功湯底 香茅豬扒…收銀：飲唔飲嘢？我：（要先答咗佢飲乜如果唔係進行唔到落去Ok咁你有你堅持 咁我之後有一次就掃QR code自己落單結果整完之後等咗半個鐘發現冇人整我張單個收銀話我落單要俾錢先至會整其實我落咗單俾埋錢原來仲要俾佢望先可以整張單俾我完全不能理解QR code落單個意義去咗邊街坊生意幫襯左咁多年個商場裝修完轉咗個新機個收銀唔同咗人就聽唔明人話細個成日食好鍾意食依家想食都要撞手神同埋要對住個收銀我想食嘢，我唔係過嚟受氣…查看更多

店員態度極差，我電話嗌外賣，一直都有全走既習慣，加上呢間店舖我都經已光顧超過3年，今日遇上打電話叫外賣，但係今日湯底又錯我都唔緊要，亦都冇全走，跟住我打電話去查詢，佢竟然話係我嘅問題，佢話佢聽到嘅話一定會寫清楚，但係我聽到電話對面佢係同同事一路講緊嘢，結果佢冇同我做任何處理，反而係責怪我嘅問題，唔通以後叫外賣都要錄音去追究責任？如常嘅一天體驗極差，簡直係不知所謂另外幾乎每個星期都會叫同一個餐食，一時就收61蚊，一時就收64蚊，到我打電話落去問，佢都係話自己收64，點知過幾日又收返61，其實間餐廳係咪海鮮價…查看更多

我好少帶現金出街 ， 我問佢有冇得支付寶佢話網上落單先有 。 跟住我現金得40蚊 。 而我張單係42蚊 。 佢話由佢啦下次先畀 。 我心諗我係經過返工先至幫襯你所以我即刻去咗中銀撳返錢畀佢 。 所以呢間嘢都算有人情味 。呢個係佢啲小食同嘢飲同早餐嘅餐牌好香椰奶味 。 佢用左好多香料 。 例如 芫茜啦蔥啦蒜頭既 ， 所以成碗野雖然唔算得上好正宗 。 但都冇話好難食既 。好多人食東南亞既野都係想食辣既 ， 而佢個辣度方面唔食得辣既朋友仔應該食到掛 。 因為佢又未去到譚仔中辣 。 但佢個辣係慢黎快走既 。至於佢個綠茶有d似大x活或者大x樂果d 。 因為好微嘅茶味又有少少甜味咁 。街市嚟講有座位已經好好啦 ， 佢仲貼心到分開一個格一個人 。 同埋座位上面有調味品有筷子有匙羹 ， 所以服務員好忙嘅時候都唔緊要 。…查看更多

—————————————————————📍 越泰軒小食 今日介紹🐷以前住hall個個禮拜都食嘅越泰軒，不過冇幾耐學校嗰間就執咗🥹今次就係網上外賣平台見到佢即刻嗌黎食，如果大家係荃灣葵青區都可以試吓！下面都係網上外賣平台嘅價錢黎，如果自己買應該會平小小🤔因為以為成日食，所以差唔多啲餸都食過曬，可以排次序🤣🥇燒豬頸肉🥈鮮牛肉🥉炸雞扒全部都係🐷個人口味，不過其實佢樣樣都幾好食，冇聽過人會話佢難食🤣 #chuchu推介 咁嘅價錢，CP值超高！—————————————————————❣️ 燒豬頸肉冬陰功湯金邊粉 $55係回憶嘅味道🥹真係好好食，冬蔭公湯底超好香，酸辣椰好平均，雖然外賣冇得嗌少辣，所以對🐷黎講辣左小小，辣到我唔係好食到（廢）佢好貼心會分湯，以前都會！所以豬頸肉個邊都仲係脆卜卜，醃得夠好入味，所以就係好味囉！.❣️雞肉串燒 $21有兩大舊肉，有小小沙嗲咖哩醬，不過我覺得佢係炸唔係燒，因為好脆，不過肉質都好嫩滑！.❣️越式米網春卷 $35好！多！油！見到個袋真係嚇親…..但真係炸得好脆！！！送到黎都仲係好似啱啱炸起咁，春卷啲料唔記得係咩，但就係好食！.❣️蜂蜜綠茶 +$7🐷想嗌水蜜桃綠茶的，但落單嘅時候唔知點解㩒左佢，不過都好飲嘅！—————————————————————不專業評分👅好味指數:4/5💰性價比:4/5 👍🏻推薦:4/5 —————————————————————🏡地址: 越泰軒小食 (荃灣)荃灣梨木樹商場光亮街市地下68-69號舖👉🏻長沙灣有間可以堂食—————————————————————…查看更多

冬蔭功湯底一流,少少辣!下午茶可配小食!今次揀咗朱頸肉檬.鷄串燒.珍珠奶茶!好入味朱頸肉爽口.鷄都好滑的有2串-珍珠奶茶少淡，但都可以的!!!另外有外賣被媽媽，冇分湯放久了嫁檬粉有D糊，清湯都好但冇冬蔭功湯野味…查看更多

讀書時偶爾會叫外賣，間唔中就會食！最心掛掛就係個冬蔭公湯粉！配搭埋燒豬頸肉簡單一流！Feel到係落足香料，湯渣會食到另外有搭配某D小食，串燒，飛碟等都有～飲品方面有得叫珍珠奶茶，味道都唔錯…查看更多

岩岩開始黎呢頭上堂，都唔知有咩好食，逛逛下見到個foodcourt呢間聽個名就知係主打越南泰國野見都幾多學生哥幫襯而且係佢呢間先排晒長龍，一於試試佢我地好心有靈犀咁都同樣叫左「燒豬頸肉湯檬」清湯唔好睇佢清清地，食落都幾重味，我覺得啲乾蒜都發揮左幾大作用豬頸肉都燒得好惹味，只係薄左啲咁啦lol蘿蔔好淋都冇渣我地都覺得好似返返去中學，lunchtime一齊食嘅日子唔同嘅係冇得用學生價lor lol..雖然個份量係細左啲，但味道唔錯，下次會試埋佢個冬陰公湯底…查看更多

唔係住呢到既朋友應該唔會發現到身處於街市入面既呢間小店買完餸少少餓，可以坐底食個下午茶，街市環境尚算乾淨，三十幾錢有小食，湯河，飲品，加錢仲可轉珍珠奶茶。食過一次後，我第二日忍唔住要再幫襯！個冬蔭公湯底超好味！係超好味！味道好香濃唔會太酸太辣或太椰，唔會覺得嗆喉，襯埋滑溜河粉，好正！河粉真係好講究，唔可以太厚太吸湯，唔係食耐左無哂湯就唔想食...個下午茶分量唔算大碗，次次食完唔夠喉咁小食同配料就普普通通啦⋯⋯如果再花下心思就完美珍珠奶茶都係偏奶味重，個茶底可以改良下！估唔到杯凍咖啡又幾好飲，唔係港式路線，帶點越式味道！一定要點冬蔭公河粉，其他已經唔係重點了！…查看更多