越棧越式湯粉專門店 (淘大商場) (已結業)

星期日收工去九龍灣食飯，五點半左右見越棧下午茶時間去到六點，一於早啲食，平啲又少人啲。一人點了一個下午茶餐，$38有一個飯或麵配飲品，亦有小食配飲品。香茅豬扒配紅米飯。冇汁比較乾，但份量都算正常。豬頸肉湯檬，生牛肉湯河。 份量比較少，唔係好夠飽，唯有再點啲小食。蓮藕餅配豬串燒。幾熱，味道都ok。雞翼釀糯米飯。少少辣幾惹味。另外重點左個炸春卷 餐飲包普通凍熱飲，我點左紅豆冰(+$4)，有d淡，不過加＄4都抵飲。

本來只喜歡吃韓式和日式的食物 不過朋友突然想吃越南的食物 於是便去試試看 原來越南的食物其實也幾吸引的而且還有不少的飲品選擇 他並不只是有橙汁汽水這些普通的選擇於是我便叫了美式紅豆冰 想看看和普通的紅豆冰有什麼分別 飲下去有點兒似咖啡 不單只恨解渴而且十分好看又不會太甜

近排食咗好多西餐，日本嘢，中餐，打邊爐，都食到開始有啲悶，今日經過越棧，就諗起佢嘅生牛河，令人回味無窮，就一於入去食啦！照舊叫咗生牛肉河 ,由於下午茶嘅時間, 唔需要等得好耐 ,就已經有得食喇, 湯底有牛骨味，再加上九重塔，洋蔥，蔥粒，鮮甜得嚟又有少少惹味，急不及待已經想616生牛肉，再放入口中，十分之鬆化，又未至於入口即溶 ，牛味十分香濃，湯底唔算有味精，飲落去唔見口渴，佢既河粉係屬於幼身，唔似粗身咁給湯，所以慢慢食都唔會浸到發脹

一個人唔知食咩好, 行行下見到越棧越式湯粉專門店D湯河好似幾好食就入左去. 點左我最喜愛既扎肉湯河, 盛惠 $46, Lunch 黎講, 價錢尚算合理碗面Size都幾大, 湯內有5-6片薄薄的扎肉, 扎肉又白又滑, 再配上大量洋蔥, 少許香葉同辣椒, 扎肉連配料連湯一啖食更惹味.河粉一入口就可咬碎, 沒有煙韌的口感, 個人好喜歡, 河粉吸收左濃郁既湯味, 啖啖都咁惹味. 上菜速度都幾快, 落單唔駛10MIN 就有得食 ^^ 侍應態度尚算可以. (聽講好多間分店D侍應態度都麻麻地)環境寧靜, 一個人的午餐不錯之選~~

打風搵食。周圍既店都唔開。得啲連鎖食舖先開。所以去呢間食下。越棧出名個湯底好味。好耐之前有食過，再試一試仲係咪keep住個水準先！😁叫左個生牛肉河粉。再加$4飲佢個特飲：椰汁三色冰喇！講番個生牛肉，黎度都熟左了😂😂牛肉都幾大塊。但就得三塊……食落正正常常咁。個湯底就好似淡左d,有啲稀。所以無第一次食咁好味😣😣另外叫左 雞翼……雖然有4隻，但點解隻隻雞翼都係bb黎……咁細隻既？😧😧味道都ok 既！大隻番d,會好d..無咩肉食……再叫 豬扒 湯河。豬扒都唔錯。唔會話好“鞋”。整體黎講：好似退步左喎 ……

到了星期六當然要瞓晏d,瞓醒後約左朋友食tea吹吹水！經過越棧突然好想食越南野就走左入去啦！叫左兩個茶餐加條越式春卷！😆😆平時通常叫撈檬，但落雨後天氣涼涼地，今次我自己叫左豬頸肉湯檬，豬頸肉好入味，份量對女仔來說好足夠，做下午茶剛剛好！食越式野點小得飲番杯椰汁三色冰不是太甜，紅豆也不是太硬，唔錯唔錯！春卷新鮮炸起，好好味！不要太多肉起入面，我的至愛yummy ! 下午茶唔洗加一，$38就一份茶餐，特飲加$4絕對可以接受👍👍👍

原本諗住簡單食個晚餐，點知畀班侍應搞到一肚火。話說當晚全店食客只有一半，侍應A帶我地坐左個對住燈牌好盞眼嘅位，坐左一陣覺得唔舒服，於是我地轉左位。跟住我地如常落單，等野食，等緊途中，侍應B忽然走過唻問我地：「走嗰陣有無落過單？」我地一頭霧水，問多佢一次，佢依然重覆同一句說話，我地以為佢問我地轉位之前有無落過單，驚重覆落單，我地於是答無，佢行開左。之後聽到隔離枱漏單， 明明叫左青檸梳打又無落，侍應馬上幫佢落返，跟住無幾耐 ，佢杯青檸梳打就到左。我就奇怪，明明我地落單先，點解補單杯嘢飲都快過我地？於是問左個著黑色衫嘅侍應（高級啲，唔知係經理定店長，暫叫經理先），經理就好愕然，話頭先問過你地，你地又話無落單？原來侍應B頭先係問我地有無落過單咁經理亦知侍應B表達力差，亦即時講唔好意思，幫我地再落過單，點知惡夢就唻喇……我地嗌左一杯奶茶，一杯椰汁冰，點知佢就唻左2杯奶茶，我地糾正返侍應，連經理都出聲，佢就再轉返一杯檸茶，一杯椰汁冰到呢一刻我已經好無語，到第3次先唻啱。而且食物依然係落漏單，不過我地都唔想再糾正，拿拿聲食完就走。呢家分店其實嘢食ok,飲品亦ok,不過侍應無論溝通同理解力都奇差，最緊

進內午餐，叫餐時才獲告知沒有牛豬扒豬頸肉，最初根本聽不到侍應說甚麼因她們那些半廣東話半普通話的說話，故沒有選擇下叫了雞絲粉。旁邊一家庭叫雙拼面沒有豬扒供應而打算改選其他食物，卻要另付多元。在差不多甚麼肉類的情況下，該家庭選擇離開餐廳。才剛離開，兩名侍應態度惡劣在該家庭背後說他們不是，沒叫食物便離開，難聽至極。本人明白可能受食物供應影響，但商場其他餐廳也會在門內外餐牌單張列明暫停，而不是像越棧般沒有明示，選餐沒有所選食物而離開餐廳，卻被餐廳侍應謾罵。此餐廳的侍應說話技巧及態度很差，說話含糊不清，真的希望該公司認真處理。

開餐啦喂♡陶大真係堅多好好既餐廳♡泰國菜日本菜韓國菜中菜西餐全部都好高水準每次黎到陶大都有選擇困難症，食乜好呢，食平野定貴野好呢？食煎炸野定溫和啲好呢？pizza hut又好似成日食，日本菜又食到悶♡好難諗越棧，一間又平又底食既餐廳一個男士食紅米飯套餐都夠飽女士食湯河都好滿足平均都係50-60蚊一位賣單♡呢啲價錢，貴午餐小小，算係咁la♡四色粉皮，每次同屋企人黎食，都定會order原因係我媽愛上左個囗感，我又中意食河粉類既食物粉包其實都有叫開，不過5係太穩定，一時時，有時好味，有時又整得無乜特別，價錢合理，share都可以一試。胡椒粉卷：辣的，胡椒搶左啲味，肉味有啲似食緊卡巴，都算開胃睇妳叫全份定半份，4個人，叫半份都夠。呢個5算中伏，但有得簡，5會簡。感恩，晚安。

一早起身相約朋友打羽毛球, 做完運動真係會特別肚餓, 我地選擇了, 上次試過就不過不失。今次再去試多次。越棧的麥茶,真係好香, 加上運動過後更加口喝, 先飲左上兩大杯再睇下餐牌。係淘大商場的越棧地方都大, 但座位較迫。我們點選了 :~ 香茅豬扒河 $44~ 香茅豬扒撈金邊粉 $44朋友食河粉, 雖然豬扒係分開上, 但香茅豬扒明顯炸得幾燶, 真係麻麻我偏愛撈金邊粉, 餐牌原先寫撈檬, 但我較喜歡金邊粉,職員也預先講出金邊粉是熱整。比起檬粉更加立即熱煮出來,更加彈牙。每次食撈金邊粉, 奉上枱時總會佈置得好美觀, 擺放得好整齊。而且撈個汁好惹味! 熱辣辣的金邊粉加上個汁真係配搭一流。金邊粉軟硬適中, 香茅豬扒亦炸得香口, 不錯不錯。

約左朋友影藝睇戲，唔想行咁遠，咁就食越棧！以連鎖嚟講其實佢價錢合理之餘味道亦算唔錯！畢竟食越南菜都算比較特別！我叫左雞翼牛腩片河，珍多冰，朋友叫左雞翼豬頸肉金邊粉，青檸梳打！我嘅牛腩片超好味，厚薄適中，而且味道夠曬惹味，湯底亦好好味，好味到我飲曬！珍多冰就正常味道，都算大杯！朋友話金邊粉超正，可能因為少食掛！

農曆年廿九，跟阿媽在西貢「海灣X坊」飲完午茶後，我立刻坐小巴出發，到牛頭角淘大商場影藝戲院，預訂年初一的電影戲票，是周星馳的「西遊伏妖篇」。今年香港華語賀歲電影，只剩下周星馳跟鄭丹瑞兩位仍敢拍賀歲電影，TXB的情況是活該，以星級演員陣容拍出一套爛片，輸給周星馳是必然，以後不敢再浪費金錢亦是很正常的事。這些跟食評完全沒有關係的事，就不要再提了。我只想講， 因為之前在「海灣X坊」食得不夠盡興，所以訂票後在戲院附近的越南餐廳「越棧」補食午飯。越南菜對我來說，雖然是比較冷門的菜式，但是不等於從未食過。二十多年前，我跟阿媽細佬曾經上過麗星郵輪（是的，當時還未有郵輪碼頭，麗星郵輪還在尖沙咀海港城碼頭上船），去海南島和越南旅行，更曾經在越南食過越南菜。我對越南菜最大印象，都是生牛肉河粉跟越南春卷，所以還是對這次的越南菜午餐，仍抱有一絲期望，不過重點在於，我要食雞飯。不過這餐越棧咖喱雞紅米飯，說是午飯其實有點微妙，因為我入座點餐時已經是下午三點左右，與其說是午飯，倒不如說是下午茶。無論是午飯還是下午茶都沒有所謂，反正越棧沒有明確推出下午茶時段，很多食品都是收原價。不過正正就是下午茶，才沒有太多食客同時

食過幾次越棧的分店, 一直覺得唔太差, 尤其係個杯麥茶,夠濃又夠香。今次到淘大分店試一試先~人流唔多, 所以不用等位 ! 我坐近窗邊, 侍應好快比左熱茶我地了.麥茶依然好香, 好好飲, ORDER左食物, 就飲下麥茶啦 ~點知...越黎越熱....好似完全沒有冷氣 ! 問問侍應, 佢地回答係太陽射住,所以呢邊位係特別熱  ! 令到怕熱既我, 真係出晒大汗 !唯有食完要快快離開啦 !我叫左, 好快就有啦 ~ 開餐 :金邊粉還是暖暖的, 但豬扒就比較, 但一見到個蕃茄真係大大扣分.點解會比個蕃茄的頭我呀 !! 其實切開左個頭再比我都無問題,但係感覺好似比廚餘我囉 !!朋友點的是豬扒河粉, 豬扒是另上, 避免浸太耐會過淋我地食的午餐, 由於太熱真係用左15分鐘食完就拿拿臨走啦 ! 麥茶雖然熱但味濃香, 好奇怪叫侍應加茶時, 佢只係拎一杯新的比你,我同朋友都好中意飲, 要侍應加茶時又唔係好中意, 所以枱面共有6個杯 !

最近天氣非常酷熱，而酷熱的天氣也令我的胃口變得差了，今天想吃一道有湯的午餐，所以便選擇了這間位於淘大商場的越南餐廳了！午飯時間大約1:00，餐廳還未有爆滿，未知是餐廳位置的問題，還是餐廳質素的問題？店舖裝潢是不錯的，座位與座位之間保持了適當的距離，是客人可以從容不迫，舒適地享用他們的午饍。打開餐牌，基本上所有越南餐廳有的食物，這裡也有，而且價值也算合宜，大約$50-$60，包飲品。特別牛河 ($50) 7/10貪心既我，今次試了他們的特別牛河，這個應該是其他餐店統稱的火車頭，因為它的配料夠多！有生牛肉、牛腩片、金肚絲、胡椒牛扎肉。所以配料也算合格分數，湯底少味精，但我覺得湯太多，河粉分量也不算少，一個大男人也夠飽！比較特別的我覺得是胡椒牛扎肉，因為一般餐廳也是提供扎肉的，胡椒味的扎肉我比較少試到，而它的胡椒味不算太辣，幾好味。這樣的價錢，有這樣的食物質素+環境，性價比絕對高！ 

因為要等返學，見有時間去左越棧食個tea，最愛食撈檬，嗌左個雞撈檬配百香果綠茶。價錢都唔係平，加埋一都五十幾蚊。個百香果。。。好甜，雖然唔係藥水味，但真係好甜，要等冰溶緊d會好d。 雞撈檬就搞笑囉。。。真係雞同粉，分得好清，雞就好似蒸雞手撕出黎，但奄冇過。。。全靠d撈汁去俾味。 俾完汁就似樣d既。。。感覺上好冇heart的一盤粉 ，要俾五十幾蚊去食，好似好唔抵。下面仲要墊青瓜絲，青瓜我係鍾意咁食。。。但。。。你成個樣出黎似呃錢多d，仲要講緊係下午茶bor。。唔洗咁貴丫。。 以下依枝萬用汁，真係落係邊都好食！仙丹一樣。