越想食

行街行到夜晚九點幾, 是但走入一間餐廳醫肚, 又唔錯喎.個蕃茄湯好濃味, 其實係蕃茄醬咁滯, 唔太甜唔太酸, 食食下可以用黎撈河粉 牛腩粉量亦都唔少, 啲河粉好滑.一人套餐包小食拼盤, 湯河/飯同一杯野飲. 拼盤每樣一件可以試到唔同野, 幾好.啲炸野(有蔗蝦, 粉絲春卷, 豬肉春卷) 應該係即炸, 熱辣辣, 炸得恰到好處. 仲有雞翼同豬扒都好入味. …查看更多

因為有啲事，所以無咩胃口食野。所以是但搵間舖頭食少少食算。呢個商場其實都好多野食，但每間都係細細間。要試哂需要啲時間。佢啲小食有一份同半份揀，非常好，就算一個人都可以試到不同既野。凍扎肉呢個好食，不過切得薄左啲。炸扎肉三角形一粒粒好得意，炸得幾香口，不過我覺得凍扎肉好食啲，啲肉滑啲，呢個好似有啲雜質。炸雞翼+卥水雞翼炸雞翼好味，炸得夠香口。卥水雞翼就唔好食，肉好鞋但無味。蒜蓉包蒜蓉包細細塊夠脆，但唔夠蒜蓉同牛油。咖喱汁太稀又無味，唔點仲好食。炸蝦餅好迷你既炸蝦餅，但麻麻地，食唔到蝦。…查看更多

今次輪到嚟呢間食店嚐新, 長窄形鋪位只能容納若干食客, 牆上都放了不少食物圖片及越南裝飾品甫到達, 便被那即磨燕麥糊的餐牌所吸引熊媽親耳聽到快速磨機磨豆的聲音 香氣不絕 不需多久, 侍應生便把這碗芝麻燕麥糊熱騰騰地奉上味道是充滿芝麻, 甜度適中, 質感調得剛好, 不會過稠或過稀, 吃完後頓覺滿心歡喜後來再叫一份二人套餐$128, 感覺算抵食但味道如何就不得而知越式魚露雞(半隻)... 半隻雞的份量是非常細, 因為雞瘦無肉兼形態上似隻春雞仔, 雞本身味道是0, 連調味都是0, 怎麽攪的 幸好魚露調得有誠意, 魚露+檸檬汁......味道清新不少淨撈檬...檬粉煮得過分腍, 沒有了清涼爽口感越式雜錦拼盤...so far so good 蔗蝦條蔗是超級甜越式油菜... 無特別扎肉米紙卷... 扎肉量只得少許, 欠缺鹹味下午5:30至6:00是店子休息晚餐時間, 想去食就要留意時間吧~…查看更多

Extremely disappointed in the Pho (Vietnamese soup noodle) and the Banh mi (Vietnamese sandwich) For those who had real Pho should know its unique taste whenever you have one... even if you haven't had one in years....there's absolutely no such taste at all. And the Banh mi is joke calling it that. This would be my first and last time visiting this place.…查看更多

Order : $ 128 二人餐 酸辣鳳爪 (點解得個甜字仲有碎骨) 蒜蓉包 4 片 (好細塊喎!!!!!!!!!!) 飲品 2 杯 菜 鮮茄牛腩 (最好食, 不過都係甜味重左) 拼盤 (夠大碟, 無話好好食, 只係好普通)Order : 法式三文治 $ 30 (le 件野先最招牌, 都唔知佢想整咩, 完全唔係果樣野, 洋蔥多多, 得果幾條扎肉, 唔該出去食下人地果d 真係無得比, 亦唔係之前食評果d 咁靚, )Order : 扎肉湯粉 $ 22 + $ 1 轉濛 價錢合理, 大碗, 不過咸左, 同多味精...........…查看更多

見好似成日都咁多人排隊等位 揾日就同fd去試下叫左個招牌法式三文治 價錢適中 都幾好味唔記得帶相机所以冇影相雖然鋪仔細細但服務態度唔錯有機會一定會再去食整体黎講都唔錯nice<3…查看更多

今日的午餐係同表弟一齊食生牛肉粉河,不過佢加$1轉做金邊粉1.首先個湯底有少少咸,令人食完就好口渴,不過D粉就軟硬適中,OK好食D牛肉好"林",都幾好食…查看更多

上次哩得兩公婆食晏，凈係試咗個香茅豬扒湯濛同咖喱雞扒飯，今勻搵埋姨仔舅仔哩，人齊D可以試吓佢個拼盤喇！個拼盤上次猛咁推介，今次哩多少都因為佢，大大份有齊多款越南小食。小店，地方雖然係逼D，但價錢著實大眾化，所以有一定吸引力，好似今晚晚市哩依然坐到滿！越想食拼盤有香茅雞翼、蔗蝦、魚餅、春卷、炸魚卷、蒸粉卷、豬頸肉同扎肉，除豬頸肉，樣樣兩件，可惜無咗貴價嘅蝦餅，但份量上計落都抵食。雞翼甚有香茅味，脆煎零舍惹味，蒸粉卷外皮有米香，餡料又多，醮咗魚露特別好味；蔗蝦就削咗D，又無乜蔗香；其他幾款小食，可以以穩穩陣陣哩形容，如果加多三幾大蝦片，賣相仲有D睇頭呢？火車頭對「火車頭」都唔係好認識，屋企人話有番咁上下大大碗，加埋幾款牛肉，就已經算正宗喎，咁眼前哩碗都算合格啦。碗內嘅河粉確實幾多，餸料有生、熟牛肉，牛肉粒，竟然仲有D牛柏葉、蘿蔔添，雖則有幾款餸料，但整體份量上就唔多，味道一般！湯底方面，同上次哩嘅感覺差唔多，都做得唔錯，無靠味精！ 炒牛肉撈濛一個洋蔥炒牛肉加濛粉嘅簡單組合，不過，將牛肉、洋蔥、甘筍絲、椰菜絲撈勻一齊食，又幾好食，因為濛粉食起上哩好清爽，較濃味嘅洋蔥炒牛肉，搭上爽口嘅甘筍絲同椰菜絲，中和咗個油膩感，夏天食依個就正斗！咖喱牛肉飯、炒菜依兩樣嘢，都係為咗平衡番餐飯揀嘅。叫咗兩個粉粉濛濛，所以揀個飯，選擇又唔係好多，之前試過佢嘅咖喱，都覺得OK，所以再揀，舅仔話事就揀咗咖喱牛肉，又係牛肉，今餐真係食得牛多，味道無驚喜；多肉、多澱粉質，梗係叫番個炒菜，所以個菜為叫而叫！上次寫食評俾個OK佢，今次再哩，都係維持原判，一樣都係得個OK，無辦法，雖然服務拉番唔少分，但食物質素又真係未見好突出！…查看更多

1.招牌法式面包望見餐牌入面個包都好大個 好多料 好多扎肉 仲話有四種扎肉添 所以就叫左個啦點知到左個包Size好細 完全同相片不符 又少料 只係見到又薄又細塊既扎肉(得一種) 但洋蔥就好多丁屎咁多扎肉 食落得洋蔥味 咁既包值$29 又冇特別 完全唔抵!2.招牌魚露頸飯成碟野得幾舊雞 雞頸仲有成三舊雞頸都可以俾客人食架咩!?d雞仲要係無味 雞肉仲好鞋!!!$33食完完全係貴夾唔飽一定唔會再有下次!…查看更多

到2:20-3pm呢段時間,都有好多人客~當日放學回到荃豐中心呢邊~到此餐廳試試看lunch set如何札肉湯濛粉 25元呢次又唔覺得特別抵食...4片札肉..札肉份量好似少左d喔...質素都ok的, 湯底唔oily~有蔥,洋蔥片,芽菜,啡色的蒜粒~入味入味!!呢幾樣配料我都幾like呀,,哈哈大碗~多濛粉~論質素也不太差~飲凍檸水也不用加2元~d冰好大杯喔..好冰凍..太凍了見到其他食客的特飲個杯也是平平無奇..但特飲應該要用特別的杯盛載吧....服務態度真係一般...…查看更多

那時只係6:30pm左右..已經有2張4人桌的人客,都幾旺喔~呢個細商場近來開左好多餐廳~不過間間都係細細間的.但假日無套餐食tim...meau又印得幾精緻,以綠色為主的餐廳,都幾特別呀!!不過職員服務態度麻麻地呀...點了 特色牛肉炒飯, 25元但上菜果陣,望落去都唔係炒飯只係炒牛肉+洋蔥+ <賢>茜似的~飯球一個,唔算話好大的~有紅+白蘿蔔~係凍的~是前菜嗎??一堆堆在一隻大碟上面,分配得整整齊齊~又幾精打細算炒牛肉也不錯呀,,唔見多油~加上黃色卜卜脆的配料,又夠晒入味,雖然碟飯無汁..但都唔會淡淡無味朋友食的炸粉卷~(唔記得個名字)不過見到幾oily....幾細件…查看更多

上星期同女友去左呢間店到食晚飯,鋪入面勁迫,坐得好辛苦,又熱,係咁比人撞......叫左個火車頭,一個蝦餅,一個牛肉撈檬,一個春卷,上述所有野都做得不太好,尤其係個火車頭,d湯完全冇味,d肥牛又冇味,成碗野最有牛味o既竟然你牛丸,唉,咁都可以做招牌菜,唔好玩啦!…查看更多

見咁多都會搵日黎試。不過今晚想加餸,便先買左個「越想食拼盤」回家。每樣有兩件:蔗蝦,包住枝蔗既蝦膠太薄,食唔到有咩特別。炸扎肉餅w/兩片扎肉,原來扎肉餅就係炸厚切扎肉。好似食魚片頭咁,好爽。黑椒味好辣。豬肉春卷、粉絲春卷,兩款個樣都係一樣,唔睇番menu,真係唔為意係兩樣野。淨係覺得朕皮好韌,味道一般。豬扒,好深啡色,「幸好」未至於柴皮,炸得過火既香茅豬扒,好似只係食緊肉絲。雞中翼,同以上豬扒好一個tone,險些炸過火,仍有一點肉食。粉包,如果唔係個皮太厚,呢個餡/味道算係最好食。可能在小商場做食肆,好多野限制,攞既都係小食牌,做唔到咩驚喜美食出來。…查看更多

添記的越南法式三文治咁出名的我就未食過, 不過有一次睇到開飯的食評, 見到好似佢的越南法式三文治好吸引, 常出沒於荃灣的我就去試一試餐廳係希奇咖啡室隔離, 可希奇一樣, 呢度的地方非常細, 我估得半個鋪位, 座位迫得緊要, 連侍應係通道送餐時, d客人都驚碰到他們, 所以地方係坐得唔舒服 我唔喜歡食越南扎肉類, 所以放棄了叫佢地的招牌法式三文治, 因為它有原味扎肉, 分蹄扎肉, 豬耳扎肉, 豬皮扎肉, 所以喜歡食扎肉的朋友千祈唔好錯過, 而我卻叫了香茅豬扒法式三文治($26), 雖叫法式三文治, 說穿了其實越南被法國統治過, 所以係用法包或百吉包, 因為即叩即整, 所以都等了15分鐘, 已吩咐分開2份, 方便食用同share, 法包送上時熱辣辣, 豬扒肉質鬆軟, 有微微的香茅味, 配上自家秘製肉醬, 越式酸菜, 生洋蔥, 芫茜, 辣椒, 食落去酸酸辣辣, 開胃非常, 賣$26都算唔算貴, 其實食得多漢堡包, 食下越南法式三文治的感覺都幾清新呀另外叫左生牛肉湯河($22), 生牛肉有4片, 肉質一般, 而湯底顏色同味道都偏淡, 牛味唔濃, , 配上生洋蔥, 芫茜, 蔥, 如果要辣椒粒請揚聲, 整體味道尚可, 河粉粉量不少, 但質感唔算突出, 不過有值得一讚的熱湯, 似剛剛煮滾一樣, 因為坊間有好多d湯都唔夠熱, 令牛肉唔生唔熟咁...埋單無加一$48, 總結來說法式三文治係幾有水準, 可以一試架, 不過呢度食野無套餐, 野飲要散叫的…查看更多

同女友兩個人食晚飯，見到OPENRICE話呢度都幾好，於是就黎試一試，結果當然係價廉物美。我地兩個人只係叫左兩樣野食：生牛肉湯河($22)，份量OK，個湯幾深色，以為會好濃，但其實OK清甜，D牛肉好新鮮，份量都唔少，有成3-4塊大大塊。不過我比較怕食生牛肉，我女友就鍾意，好彩浸左湯之後，D牛肉即時熟左，所以我都食得落。D河粉都OK滑，唔會碎晒，整體黎講係幾好食。大小食拼盤($48)，相對而言比較貴，不過對比出面D店舖就算平，份量都幾好，有成6-7款小食，每款有2件，好適合2個人食，個醋好好味，點埋D小食就更好。整個拼盤都好味，雖然係炸，但係一D都唔刺嘴，而且夠熱，入面仲好JUICY，所以我地成盤食晒。OVERALL係好既，有機會一定會再去。…查看更多