越味皇 (已結業)

居住在荃灣的朋友約我到該區食越南菜，其實最近都去食了幾次越南菜，不過既然朋友相約，都沒有所謂，反正都是要開餐。餐廳位於路德圍，附近都有很多食店。我們入內時已經差不多滿座，只剩一、兩張枱。食店是以茶餐廳的型式，我們坐的是卡座，較為寬敞，店內用傳統的越南竹帽作裝飾，佈置簡約。我們見餐牌上有套餐，都已經很齊備，所以就點了一個二人套餐($198)，包括有沙律2選1就要牙車快沙律、春卷或串燒就選越味皇炸春卷、雞翼或豬扒就要蜜糖烤豬扒、米紙卷2選1揀了鮮蝦米紙卷、2碗粉或飯就要了越式脆雞翼飯及生牛肉湯河配蕃茄蟹頭膏湯(加$10)、飲品就要青檸梳打及凍薄荷葉青檸梳打，另外追加燒虎蝦2支($30)，相當豐富，兩位男士應該可以完成的。這個套餐就跟我家附近一間吃東南亞菜的差不多，一個套餐就有齊前菜、小食、主食及飲品。這麼多菜色差不多都一齊到來，先是飲品，兩款飲品本來是差不多，朋友不愛薄荷葉，所以只要了青檸梳打，就是青檸、糖漿及冰加罐裝梳打水。凍薄荷葉青檸梳打就是調好了的一杯，既有青檸味而薄荷可令梳打水更添清新。前菜的牙車快沙律有各式的沙律菜，加了少許醋汁，都幾醒胃。鮮蝦米紙卷是涼食的，粉皮薄得連內裡的大蝦

今日係荃灣個頭行完山，就諗住係路德圍個頭搵野食。見到呢間越南餐廳就入左去試試。環境方面，我地一入去就聽到用越南文唱既香港歌，幾有越南風味。但呢間餐廳走廊位比較窄，見到有個客人唔小心郁一郁就會撞到侍應。二人卡位都比較逼，台面都無位放晒所有菜。 野食方面，我地叫左個二人套餐（$198），包個48數飯/粉/麵，再配幾種小食同飲品。個人認為炸物偏油同少少鹹，送飯/粉就溝淡左陣味，所以都接受到既。水準一般，呢個價錢可以有更好既選擇！

路德圍有大量餐廳選擇。今日選擇裝呢間人氣高企嘅越南菜。越式雞肉串燒 調味幾好，肉沒有過份“鞋”，略嫌沙嗲汁過 “稀”。牛油蒜蓉雞翼 牛油蒜味撲鼻而來，香脆可口。邪惡，但極好吃。越味皇炸春卷 越南米紙春卷皮好薄。外皮酥脆，內陷緊實。紅蘿蔔、黑木耳、肉碎等等，用魚露調味，味道恰到好處。越味王頂級生牛肉湯河 湯底牛味香濃。牛柳薄片非常嫩滑。配上是拉差辣椒醬，極品。咖哩牛腩煲配蒜蓉包 咖哩辛而不辣。牛腩被炆至徹底軟諗。配香脆蒜蓉包同食，掂。越式滴漏咖啡 咖啡非常濃郁，與煉奶中和後好好飲。

10日之前來，估唔到相隔10日又來，無他嘅貪佢好味又抵食。上次來是晚餐，而今次，就係食午餐。跟上次一樣，都係好多人幫襯。只好坐在樓梯底嗰張二人檯。40蚊就可以嘆個自由配搭粉或湯飯，仲係包嘢飲，唔收加一，邊度搵呀?上次來食咗咖喱牛腩煲配蒜蓉包，覺得好正，今次想再食，不過就改了食飯。飲品就要了一杯咖啡和一杯薏米水。兩個餐夾埋都只係88蚊，仲平過美心、大家樂、大快活。【自由配搭粉或湯飯】揀咗金邊粉、牛骨湯、豬扒。湯底清得嚟有牛骨精髓咪，而金邊粉都幾滑溜。有骨豬扒幾大件頭，因為係連骨一齊煎，所以特別香。上面有蔥油炸蒜，更顯香味。有少少肥膏，非常甘香。成塊豬扒，至正呢件。【越式咖喱牛腩飯】相比上次個牛腩煲，牛筋的份量少咗，不過啲汁依然夠惹味，配白飯一齊食係無得輸。牛腩依然炆得腍，好入味。【咖啡、薏米水】咖啡沒什麼特別。反而薏米水比較少有得飲，雖然佢係加咗少少糖，好彩唔太甜，飲落都幾舒服。

其實我發覺自己嘅人生真係鍾意食粉類嘅嘢，多過食飯好多。一個禮拜起碼有70%係食粉，而越南湯粉就係我其中一個選擇，差唔多每一個禮拜都要食一碗。今次就試吓呢一間荃灣嘅越南餐廳，估唔到呢一間餐廳唔算好大，但係佢嘅選擇就非常之多。除咗平常有嘅湯河，飯，之外。佢嘅小食絕對唔少，今次我同我個朋友嚟佢就叫左佢必食嘅蒜蓉牛油雞翼，又香又脆，又有牛油香，無得輸。我就梗係揀返我鍾意食嘅越南生牛河啦，佢呢一度嘅生牛河湯底味道都幾正宗，而且牛肉嘅份量非常之多。另外仲想推介一下嘅實係呢一度嘅炒菜，今次就叫咗蟹膏炒菜，佢比起平時食嘅啫啫通才又或者馬拉盞通菜特別，味道香濃。除咗食嘢之外，呢度特飲嘅類別都非常之多。除咗平時見嘅三色冰之外仲有呢一杯薄荷特飲，唔使飲淨係見佢啲顏色就知道夠晒清涼解渴啦。

因為去左荃灣行街，同埋好耐無食過越南野，所以就一試越味皇既二人餐。有一人餐、二人餐，同埋四人餐。而且，仲有多款飲品選擇。越式酸辣鳳爪沙律，大概有五隻鳳爪，底下有啲沙律菜。醬汁唔會太辣，酸味較重，容易食唔停口！串燒雞肉，有兩串，雞肉嫩滑，另外我覺得最吸引嘅係沙嗲醬，食前點兩下會更惹味。蜜糖烤豬扒，如果冇咁多蜜糖就會比較好，因為蜜糖太多就會好甜，同埋令到豬扒冇咁脆。鮮蝦米紙卷，如果唔點醬，會冇乜味。生牛肉湯金邊粉配牛骨湯底，金邊粉份量好多，牛骨湯底幾鮮甜。脆香雞翼湯河配越式酸辣湯底，酸辣湯底偏向酸其實唔係好辣，而且有4隻雞翼，份量超多，雞翼好入味好脆！熱百香果同埋熱柚子蜜椰汁紅豆沙好甜，同埋紅豆好綿密。

去到路德圍，一連串嘅食肆，食乜好係一個大問題，因為天氣熱，以清淡健康為理由，決定食越南嘢。依間人龍店，唔單止有檬粉，仲有各種各樣小吃，連地道嘅濱海都有嘩依個沙律不得了，大份到我唔使食主糧。佢唔係剩係得青瓜而係滿滿嘅牛柳。蝦餅味道中規中矩蝦味唔算得出。牛油蒜蓉雞翼係最邪惡嘅食物佢處理得好好全熟雞翼又保持到香滑有汁。越南滴漏咖啡睇住佢一滴滴，就feel到佢嘅濃香，就算倒落冰度都唔會淡咗。豬扒濱海塊豬扒好大塊好好味但係啲濱海偏濕。全晚最一般的係海鮮炒飯細細碟又冇乜味。呢個米紙卷有軟殼蟹，豬頸肉，同埋清新蔬菜，味道口感都好適合夏天食。

周日訓到晏出荃灣食下午茶！呢間越南野朋友大力推介，是位於路德圍既一間越式餐廳，是近年新開的！下午茶有很多選擇，大約是$36包飲料幾抵食！我叫左呢間「香茅豬扒撈檬粉」另友人叫左「生牛肉沙河粉」，飲品仲可以叫薏米水/咸柑桔水，好粉餐廳見過！豬扒大大塊，份量足，又熱！好食！唔會因下午茶減少左佢份量！另友人讚佢個湯底，好濃郁好夠味，生牛肉剛好不會太熟！宜都有好多片同唔會太肥！幾好食！飲料底部有好多薏米可以食埋好正，食埋飽到8點唔係講笑！

某一晚, 其中一位朋友講起遲些會到越南旅行, 個人突然間想起已有一段長時間沒有吃過越南菜了, 那就即時拿起手機, 在飲食網站找找資料, 原來在香港，越南菜館為數不少，但想要吃得經濟實惠一點的，還是選了來這裡。來到時見店子的裝修很有南洋風情，燈光火猛的。 先來個小食越味皇牛油蒜蓉雞翼, 是即叫即炸的,每隻都炸得外層香脆, 但內裡的雞肉還是嫩滑和肉汁豐富，配合牛油和蒜蓉, 吃起來就更加惹味, 有意外驚喜。海鮮類是原條的越式燒魚，外皮燒得香脆, 散發誘人的魚香, 魚肉是鮮甜嫩滑,給我們只吃剩一排魚骨。吃越南菜又怎能缺少一味牛湯河？這裡給命名為越味皇頂級生牛肉湯河，當見店子是信心十足的。先跟牛湯，呈深色的湯頭鮮美而醇厚，灑幾滴青檸汁，鹹酸味俱備，吃得過癮, 河粉本身爽滑而有米香，質素也不錯, 牛肉淥得僅熟，口感嫩滑，整碗粉份量也不算太小，這裡的牛湯河，也吃得過。餐後飲品不作他選，就來一杯越式滴漏咖啡(凍), 耐心的等咖啡滴完，跟一口，雖然是苦了一點點，但味道濃郁而有香味，加入練奶就完美了。食物是正宗而且有水準, 價錢也是經濟實惠, 吃得飽飽的離開。

近日，心情欠佳，連食慾也大受影響，雖說是瘦身的好時機，但總不能這樣下去...... 剛巧，身邊朋友接連出遊越南，突然令我想起越南獨有那款越式酸辣甜醬，很想吃一碗開胃撈檬！ 路德圍一向是 BeautySearch 覓食的據點，於是便在這先選中這家《越味皇》。 不過，看著餐牌的相片時，BeautySearch 突然非常掛念生牛肉河，於是便點了一碗「越味皇頂級生牛肉湯粉」(HK$68)。 想不到原來這裡的生牛肉河如此大碗，對我而言，有種吃不完的感覺！果然足料泡製！不過，期盼的嫩紅生牛肉卻未有出現，幸好未至於熟透，帶點嚼勁的口感，還是不錯的。 相比之下，蝦子餅的「越味皇招牌炒飯」(HK$88) 賣相似乎蠻不錯，不過如果蝦的份量大一點點或多一點點，相信吸睛度會大大提升。而我就較為欣賞那個味飯，硬度適中，不會有炒得太乾或太濕的感覺。 我們只好追加一碟「越式燒蝦串燒」(HK$60) 來滿足一下！ 雖然今次未有點選撈檬，不過，別的食物也可以蘸一點越式酸辣甜醬，我們揀選了一份小吃 「牛油果軟殼蟹米紙卷」(HK$62)，透薄的米紙卷包著我最愛的牛油果、軟殼蟹，還有蔬菜及粉絲，口感清新，同樣醒胃。 以前，B

山竹之破壞力確是人驚人，公司有幾隻窗都被吹爛咗，搞到成地都係水，一地都係文件、雜物，合幾個同事之力幾經艱辛執咗成日，才執番掂，搞到人都幾乎散晒。收工真係好肚餓，要食番多啲嘢補充一下先得。聽說山竹登陸後，直吹廣西一帶，繼而進入越南，希望佢哋吉人天相啦!今晚去咗一間越式餐廳食飯，裡面除咗有好多人幫襯之外，仲有好多好多越式草帽，襯晒呢度嘅嘢食。【凍越式滴漏咖啡】通常我係會飲熱的，但係，今日實在好熱，所以叫咗杯凍。其實不論凍或熱飲，佢都係要用嗰個越式滴漏器，將啲咖啡滴落隻杯度，完成後，就可以將啲咖啡倒入落隻放滿冰的杯內。要求咗唔好落太多煉奶，所以杯凍咖啡唔會太甜，啱晒我。【椰青】嘩! 超級大! 多汁清甜，又多肉食，爽!【牙車快沙律】由雞絲、椰菜絲、辣椒蓉等材料製成，都有啲辣，配埋生菜一齊食，就可以中和一下，仲會覺得爽口好多，而且幾開胃。【火車頭湯河】食越南嘢點少得食pho，呢個火車頭pho，份量好大，可以分到4、5碗出來。熟牛肉、生牛肉、牛筋多到滿，味道都好唔錯。【燒老虎蝦米紙卷】另一個越南名物當然唔少得米紙卷，今次食嘅係老虎蝦米紙卷。米紙皮好薄，幾乎係全透明的，可以睇到裡面的餡料，有粉絲和大

行過路德圍，實在太多餐廳，search下openrice發現依間小店都幾多好評，定價又親民，一於試下先😍果然無失望！服務態度不錯，餐牌選擇都多，上菜非常快😂最吸引係佢既小食，味道幾出色！-蕃茄蟹頭膏湯檬粉($68)蕃茄湯底比較開胃，依個湯仲要加上蟹頭膏既精華，雖然唔太食到蟹味，不過湯底加埋肉碎去做，小小小辣，成個感覺好惹味，好似食緊酸辣米線咁！唔洗成日都食牛肉湯底咁dry，可以一試而檬粉係超掛湯啊！入晒味！檬粉裡仲有肉丸同扎肉，肉丸食落感覺似手打，整體不錯呢！-頂級生牛肉湯河($68)哇好大碗，食落都真係幾多下湯底用牛骨熬成，都算清甜。牛肉片比較薄身而且瘦，入口口感不俗，牛味頗濃，河粉就正正常常啦！-小食先係最要讚！都算係我食過既越南野第一第二位咁高性價比！牛油果軟殻蟹米紙卷($62)超足料的米紙卷，每一舊都有滿滿的牛油果同軟殻蟹食落真係好夾又好fresh，完全無炸軟殻蟹既油膩感，係開胃既配菜如果軟殻蟹再脆少少就100分雞串燒($48)依個都係有小驚喜的！雞串燒得岩岩好，表皮脆口內裡肉質保持嫩滑，調味恰到好處，食落香口，真心讚！ 而配上既椰汁咖哩甜甜地，配雞串都唔錯，如果係熱上應該會更

這晚大約7點多來到位於荃灣的越味皇， 門外有人等候， 不過很快便有位了， 這裡裝修富於越南風， 一頂頂的越南帽子掛在天花上， 頗有特色的。 細看了餐牌， 食物價格合理， 由於我們不太肚餓， 所以這晚點了都是小食為主， 並沒有點飯或麵食。越式椒鹽炸軟殼蟹 $72， 有兩隻軟殼蟹 分量， 外在炸得香脆，內裡仍保留水份， 啖啖蟹肉， 再三回味， 所以點了兩客。越式串燒雙拼牛肉雞肉各三串 $88， 肉類串燒只有牛肉雞肉， 滿滿香茅香氣， 比較喜歡雞肉串， 因雞肉比牛肉較嫩滑， 如不喜歡吃肉的話 ，另外還有燒蝦串燒可選。鮮蝦牛油果米紙卷 $55， 很清新的一道菜， 米紙卷內有檬粉，生菜，蘿蔔， 牛油果及鮮蝦， 米紙口感有點彈牙，配酸甜醬，十分清新。越式扎肉三文治 $62， 法式長麵包一開二， 有兩大件， 麵包塗了牛油，肝醬， 以及有酸蘿蔔和青瓜， 最欣賞扎肉片， 扎肉片厚切口感十足。越味皇牛油蒜蓉雞翼四隻 $45， 香口惹味之選， 滿口牛油蒜蓉香， 雞翼炸得香脆， 內裡嫩滑有肉汁。咖哩牛腩煲 $78， 可配蒜蓉包或飯， 我們選擇了蒜蓉包， 有 4件， 蒜蓉包烘得很香脆， 不知道是否越南特色， 覺

今日同朋友行完街，就去搵嘢食，朋友係越南華僑，所以我哋專門搵食 越南餐廳嘅地方，所以我就帶佢嚟呢一間越味皇，果然不負所望，朋友都大讚食物非常出色，聽到我加倍開心，一來食品真係 好好食，朋友又欣賞。越式炸蝦多士$48份量大大件，厚厚嘅蝦膠 煙韌又彈牙，肉汁豐富，鮮甜味濃，配搭多士脆脆又鬆化，非常滋味。越味皇頂級生牛肉湯濛$68油光閃令令頂級牛肉，每一片都盛著滿滿的汁液，見到都令你垂涎，會急不及待地把它吞下，當你放在口中，肉汁充滿你的口腔，非常享受，檬粉爽滑 又柔韌，整體非常匹配。頂級手切牛柳碎湯湯金邊粉$72呢一碗真係冇得輸，食材貨真價實，肉質軟軟綿綿，牛香濃甜，金邊粉爽口彈牙，我連湯都一飲而盡，完全沒有一丁點味精。越式牛油果沙冰$22（跟餐價）朋友飲過呢一杯都話頂呱呱，製作全是越式手作，非常到位。椰青$20（跟餐價）我叫咗椰青大大個，多汁又清甜，價錢實惠，結帳後，我倆都非常滿意，還約定下次再來。

上次借了朋友些器材，放工後去了他屋企歸還，順便請佢食餐飯。他帶了我去這間以越南菜為主的餐廳，7點多門口已經排隊，好彩我們早了一步。這裏晚餐湯粉都是四十多元，簡直是午市價錢，非常超值。我點了益力多沙冰，有很香甜的益力多味，朋友的熱薏米水比較清淡，不會太甜。首先點了些小食，越味皇牛油蒜蓉雞翼，牛油及蒜蓉的香味混合一起，雞翼香脆，不過幾油膩。越式炸蝦餅裏面充滿著蝦膠，蝦膠新鮮且爽彈，加上酸甜醬則去減油膩感。越式燒黃立倉外層燒至焦香，裏面魚肉雪白，肉質嫩滑，而且有很香的香料及辣椒味道，點上些酸汁更加開胃。蟹頭膏炒高麗菜有香甜的菜香，配上比較濃郁的蟹膏，一濃一淡非常合拍。最後再點了一個越味皇頂級生牛肉湯河，河粉比較一般，有點似發脹及很碎，而且很腍，牛肉嫩腍，但牛骨湯底味道較淡。