越味工房 (已結業)

蝦餅唔新鮮 炸到好乾 咖哩牛腩飯牛腩酸既 之前去過一兩次食都還可 但依家愈做愈差 仲要愈來愈貴 凍飲由+3蚊變+10蚊 咖啡一次比一次差 真係唔好去食 依家又難食又貴 行過見到愈來愈少人食就知咩料 btw歡迎以身試伏

札肉肉鬆炒飯 $48午飯時間去食，等咗一陣位，表面係越南餐廳，但實際上好多都係中式菜，基本上同普通連鎖茶餐廳一樣，一樣咁貴咁普通。午餐set揀咗呢個飯，首先賣相已經好一般，肉鬆放係啲飯上面，而味道就更加一般，純粹就係飯炒飯咁，料真係唔多，啲札肉切粒，味道又係一般，有少少燈籠椒，不過就真係好少好少，如圖所見，味道又係淡而無味，主打越南嘢，但札肉都咁唔出色。再加上咁嘅價錢，就真係唔值，可一不可再！俾多啲錢食其他野好過。

本身想食旁邊個間，但人實在太多了😓 見到呢間無乜人喎😍 即刻入去醫下肚先🙆睇個店名就已經知佢係食越南野，點知打開餐牌一睇😍 有小菜，仲係餐😎三餸一湯+兩白飯+兩茗茶首先送上兩杯車仔茗茶，香片茶包☺再送上羅宋湯 (如果有中湯就好喇)味道偏酸，但材料無吝嗇今日既時菜就係通菜😍由於佢用咗薑絲炒，有時會唔小心食到薑絲選用嘅通菜都比較嫩👍薑蔥煎封倉魚一嚟到覺得倉魚煎得好香，魚皮係脆嘅👍但係食食下發現入面啲肉冇乜味道，於是就用咗食越南粉會落嘅酸辣汁點綴一下😂 出奇地食到泰國風味😂😂梅菜扣肉煲扣肉肥瘦一半，但係一啲都唔淋😓煲內仲有梅菜同芥蘭芥蘭菜好老🙈咬完仲會有渣🙈🙈🙈越南餐廳應該食越南菜好啲？究竟係越南個越？定係越來越好味個越？🤣🤣🤣🤣🤣🤣🤣

越南餐無辣椒魚露，調味配料少！扎肉又薄又皺皮，檬粉全部上枱已經碎，好難夾起！天氣太熱的話，千萬唔好揀餐廳幾乎無冷氣食完成身汗，簡直比錢買難受餐具，匙更污糟，有漬

海南雞飯餐 = 伏到冇朋友我諗我自己烚雞，煲飯好過佢雞冇雞味，白飯過熟，又唔係油飯，完全乾爭爭，超級粗糙， 連醬油都差極，都唔係海南雞慣常見嘅醬簡直恐怖，離曬大譜絕對冇下次

我就係一個中學生來既。咁既有一日啦我就同朋友去左依到食野，叫左個常餐等左半左幾鐘，都沒來到。我諗平餐都半個鐘咁叫左小菜起碼都一個鐘。大家如果沒野做太多時間就去試下，包你等到變「望餐石」。

一心同屋企人支持樂富新食店，點左兩個餐：1. 越式海海南雞$58雞冇雞味，飯冇飯味！雞又老又「鞋」，刀工又差，幾件雞都連埋一齊最慘係個飯，竟然係白飯！2.燒豬頸肉炒河 $52姑勿論佢在冇乜客的情況下要我等左20分鐘先上菜，整碟炒河份量仲炒過下午茶☕️難怪一眾地盤大哥係格離台D晒鬼。味道偏淡，豬頸肉可以接受3. 凍檸茶 +$3個茶底浪費左塊檸檬