影片
餐廳特色一項冇家庭敘會俾我揀，如果唔係我認為呢間絕對係perfect for family gathering呢間擺明做街坊生意嘅越南舖頭，本來我冇乜期望，果晚我同我屋企做節，考慮到兩位老人家行路唔係好方便，於是我喺樓下揾到呢間算比較企理少少。點知伙記態度真係值得一讚，算幾有禮貌、又唔aggressive，對老人家又算尊重。香港嘅食肆又好、其他服務行業又好，d人都唔係好識禮貌，好似呢一間果幾個伙記嘅態度已經好少有㗎喇，我好impressed，特登上嚟呢度表揚吓。平時帶屋企老人家出外食嘢，佢哋都唔係好肯叫嘢。可能覺得唔自然、唔自在，但係今次居然肯叫嘢、肯食，算欣慰。佢裝修都幾新淨，唔係懶豪、懶潮果種，但係比起好多港式茶餐廳佢企理得多。佢嘅嘢食唔可以講話咩嘢超水準，但係絕對係比可以接受再好㗎喇。以四十蚊個一人餐，一百蚊個二人餐加多個炒菜，抵食。我四個人，叫咗一份一人餐兩份二人餐加多個白飯、轉一個飯做越南河粉，大大碗，都係一百五十幾，為三十幾蚊一個人，仲食唔曬要打包添，糟街坊生意比到呢種水準同服務態度，比起外面好多走精美路綫嘅食肆叫做交足功課有凸啦。佢喺大角咀中滙街，屬於舊區，住果頭嘅街坊如果有咩嘢要外出食飯不妨試吓，家庭敘會三、四個人係首選。喺左近返工嘅約埋同事食lunch亦不妨諗諗。
繼續閱讀
九月十三‧晴 不看招牌，準會以為這裡是間港式茶餐廳，連餐廳內的格局也非常地道港式。本來不會選這裡的，但早到的已來了，貪其有卡位，又有大電視可看，也是的，如果要找處地方等人，這裡還不錯。 三個人，要了三個下午茶餐，分別是燒豬肉檬、燒牛肉米紙卷及生牛河。 在這上店子，我一向不太喜歡吃檬粉，因為很難找到好吃的魚露，而這裡的魚露當然也恰如其分的平平無奇。不過燒豬肉卻頗好吃，尤其是夾雜了蔥油，乾身香口。同樣是不錯的是燒牛肉，味道更白香。原本米紙卷看來不似好吃的，但吃起來又很不錯。卷在裡面的檬粉不乾身，夾起菜葉，浸在魚露中吃，美味。生牛河就很一般，「師傅」湯底，牛肉已全熟的，韌得咬不動的。旁邊有一支枯竭的金不換，及一小瓣青檸，其實與沒有提供差不多。 飲品方面，朋友飲的是奶茶咖啡，我要了杯鹹檸疏打。真的幾鹹，完全不甜的，勝在下火，但不太好喝。 伙記態度很一般，只顧著招呼自己的朋友，已沒有餘暇去照顧客人了。 埋單每人廿六蚊，幾便宜就是真的，但在這一區來說，要吃飯的話，其他選擇也真的很多。
繼續閱讀
又繼續幫屋企附近 D 新食肆寫食評呢間野都開左幾個月本來我幾鍾意, 後尾越黎越有問題, 真係唔想再幫襯不過原因基本上唔係因為食物 - 佢地 D 味道從來都唔算難食由香茅豬扒, 焗大頭蝦, 串燒... etc. 基本上都有越式風味點解不滿...1) 試過幾次晚市入去幫襯 D 白飯又凍又硬2) 有一次外賣個豬扒飯加隻煎蛋, 隻蛋要加成 5 蚊之餘仲得番一塊豬扒 (普通叫香茅豬扒飯有兩塊)3) 服務員掛住吹水 / 睇電視唔 show 人4) 開張之後兩三個禮拜已經玩加價 5 - 10%... 佢仲唔係貼個 tag 上新餐牌就算, 連外賣紙都印過晒, 呢樣真係好反感, 大佬你一開頭要賣呢個價你就出呢個價 + 做優惠好過, 可能佢開頭以為自己好好生意, 好掂, 就乘機加價啦5) 成家人 8 個幫襯屈人坐個迫到阿媽都唔認得o既位, 另一張闊 D o既檯到走o個陣都冇人坐佢地午市生意 ok, 不過晚市就真係少得可憐 (基本上大部份大角咀食肆都係咁)而家仲要玩埋 $98 任飲任食火鍋, 不過一睇個餐牌就知唔會幫襯, 全部都係 cheap 野先畀人任食, $58 就差唔多...呢個位做親食肆都不得善終, 我估佢都唔玩得幾耐
繼續閱讀
去左呢度連續食左兩日, 一次比一次帶多人黎食!我覺得佢個紅豆冰真係好好飲!!! 佢隻紅豆冰係用椰子汁整架, 好香!我重有食過佢隻鳳'找'撈檬, 凍食黎講真係幾吾錯...朋友既烤肉好香Vietnam 隻香草味!強烈推介紅豆冰!
繼續閱讀
日期：2008年9月20日同事既親戚開既店鋪，無黎開哩頭都唔會專登走黎食，今日經開就順道黎試下．對於我黎講太偏僻喇，入席率40%到．野食都係中規中矩，應該係老闆＆老闆娘就好好，有ｄ員工就麻麻地喇，好似趕我地走咁，未食完ｄ菜就收起我對筷子．叫左個二人套餐：－１．越南拚盤：春卷，扎肉，雞翼－都整得幾好味．菜俾妳包住春卷黎食，爛既２．魚露雞：有ｄ似係醉雞既口感，好香好滑．３．湯河＆湯金邊粉：洋蔥湯底，ｄ粉煙靭易入口，正．４．馬拉盞炒芥蘭：炒得好入味．５．椰汁珍多冰：好飲．６．凍咸檸七喜：正到暈，唔太咸唔太酸．
繼續閱讀