越一越南牛肉粉專門店 (已結業)

買完張六合彩，見到隔離有間越南菜，就同阿媽入咗去食啦！坐落去見到隔離枱叫嘅檬粉超級大碗，就決定叫一碗share食，之後再叫啲小食同飲品飲咁！咁我就叫咗個香茅牛肉撈檬同小食拼盤，仲叫咗個椰青嚟飲！牛肉檬好快就黎到，真係勁大碗，而且啲料都好足，淋上去嘅汁嘅酸甜度亦都幾好！小食拼盤入面嘅食物因為要炸就可能要等耐少少，一上枱就覺得超多份量，入面有香茅豬扒、炸雞翼、炸春卷同埋蝦餅，而且見到側邊有好多生菜，可以俾你捲着啲炸嘢嚟食，咁樣食落去會覺得冇咁熱氣，香茅豬扒勁好味，而且肉質唔會過硬，而炸春卷亦都好好味，值得一試！

之前喺荃灣做嘢不嬲都有食開呢間，今日來到黃大仙探我啊婆竟然見到佢都有間分店喺呢度！條街就有得泊車好方便！呢度反而冇咁迫坐得舒服，話晒都係住宅區午市時間嚟到有lunch餐牌,套餐包嘢飲平均都係幾十蚊價錢都抵食！我就叫咗個火車頭配檬粉$62，阿婆嗰碗係河粉！我的粉面夠爽口，阿婆嘅河粉夠滑！湯底仍然保持一貫水準，用牛骨香草牛仔嘅清湯，牛味比較清香！係我最鍾意嘅越南湯底之一午市時間跟餐仲可以加一款小食我哋叫咗酸辣鳳爪同埋蝦餅，20幾蚊份量一啲都唔小！味道也OK，特別係個蝦餅非常之彈牙熱辣辣！當然最重要嘅我都係覺得個服務非常好，員工親切有禮，也非常溫柔， 所以值得一讚

在鬧市中品嚐越式料理，裝修簡約，自然風，下午茶時間，人客不多，坐得舒服！下午茶時段套餐選擇多，有湯河，飯和撈檬！三十幾蚊有個餐，勁抵食呀！出面商場鋪租金貴，收緊五六十蚊啦！越一火車頭，不用多說，就是食材新鮮，可能街市就在附近，特別新鮮！份量好足，湯底濃郁！西貢扎肉蒸粉包，皮薄餡靚，蒜頭炸得好香脆！都係加16蚊咋！炸蝦餅新鮮炸起，彈牙，有蝦味！椰青好清甜，強烈建議食埋入面d椰子肉！越南出名的咖啡，加左煉奶在底，香濃之餘唔會有酸味！地鐵站行過嚟唔使10分鐘，下次想靜靜地同平平地感受下越式的風味，會再來！

天氣開始熱，好想食凍檬，所以今晚來到屋企附近的越一。餐廳光猛乾淨，坐得闊落舒適。餐牌有好多選擇，價錢亦很經濟實惠。我要了廚師推介的順化香茅豬扒凍檬，份量大大碗，香茅豬扒炸得香脆肉鬆，配上凍檬必有的配料青瓜絲，酸酸的蘿蔔絲，炸乾葱及花生碎等，再倒入凍檬得靈魂-魚露，酸酸甜甜再加上魚露的咸鮮味，夏天食最岩。頭頓三寶金邊粉，三寶是扎肉，豬扒同雞翼，岩晒食肉獸及貪心的人。湯底好有牛香味，味道濃郁，提意加少少青檸汁同辣椒，更好味。再點多了一個春卷作小食，用上生菜包著，再點魚露一齊食，減低邪惡感外，又更添美味。天氣熱，叫多杯凍飲就更爽。欣賞薏米水有勁多的薏米，又唔太甜。

見到泰式及越式店，我都會想起那惹味的酸酸辣辣的味道，所以，今日見到越一越南牛肉粉專門店，就被吸引住了。室內裝修時尚之餘，充滿著越南特色。車河酸辣鳳爪$48鳳爪是我喜愛的越式小食，酸酸辣辣較惹味，不過我喜歡味道濃些會更好。燒豬頸肉青木瓜沙律$52燒豬頸肉青木瓜沙律，燒豬頸肉很大件，切得厚薄適中，醃得入味帶爽口。一絲絲的青木瓜沙律也是帶少少脆，剛好取消了燒豬頸肉的滯，真是绝好的配搭。生牛肉牛腩片湯河$48生牛肉還帶著少少嫩紅，在熱湯中浸一下，令牛肉剛好熟而不會鞋，這就是越南的特色菜。牛腩切得厚身都很大件，炆得夠腍夠入味。湯底我要了加腩汁，帶腩味很清甜，河粉與湯底齊食，很是美味。勒咖哩牛腩飯$52大勒咖哩牛腩飯，金黃的咖哩，不隻是外表的顏色吸引，味道也值一讚，濃香的大勒咖哩牛腩伴著飯，真是忍不住一口接一口的停不了口。

趁復活節到黃大仙廟拜神 希望求個安心 🙏之後順道在附近晚餐 ，選擇了這間越南餐廳。餐廳職員 服務殷勤 ，即使店舖人客爆滿的情況下 ，仍然超有禮貌 ，顯示出專業態度👍我和朋友選擇了二人餐 ，超值的價錢， 包括了兩碗湯麵 一個菜， 兩款小食 ，還有兩杯飲品。生牛肉湯河 牛肉嫩滑 ，牛骨湯味道濃郁 ，河粉份量十足， 非常飽肚😊雞絲扎肉湯檬湯浸蘿蔔越南春捲 炸得香脆 ，用生菜包裹後再吃不止消去 油膩的感覺 ，還能增加進食的口感👍牛油雞翼， 非常香的牛油味 ，咬落非常鬆脆 ，雞翼超多肉 而且很嫩滑😋青檸梳打越南餐廳果然有越南的味道 ，黃大仙的居民真有福氣。

同媽媽探完親戚，順便系呢頭街市買埋餸返去。買完餓餓地系街市附近見到竟然有越南野食，HIGH埋個TEA先走。應該系新開，乾乾淨淨，仲有D越南元素既裝飾。【小食拼盤 (春卷、炸蝦餅、香茅豬扒、香茅雞翼)】$118全部都系炸物，香茅豬扒、香茅雞翼勁好食，皮炸到脆脆地，香茅夠哂香夠哂味；春卷皮內裡有D肥膏，食落有少少肥膩，但系可以接受勁香口；炸蝦餅似魚餅多D，冇甘彈牙，有D一粒粒既馬蹄增加左口感。【生牛肉湯河粉】$45牆壁有介紹牛肉粉既正宗食法，食過甘多次生牛肉粉，宜家先知生牛肉有醬汁蘸。生牛肉粉紅嫩肉但就無味牛肉味。湯底睇落有D濁但系飲落清得黎味道濃既，河粉份量好多，多D湯少D河粉會好D，食到一半變左撈甘。【咖哩牛腩飯】$52餐牌無寫話辣，不過咖哩系有小小小辣，濃郁椰香，撈飯好正，牛腩軟腍。

餐廳用嘅杯碗都好大件，食物份量都KEEP住好多好大份。越一火車頭有牛柏葉，牛丸，生牛肉，牛腩，蘿蔔。　生牛肉有好多片，牛丸好有牛味又彈牙，牛腩大大舊不過唔夠淋。湯底都好濃味，幾好食。8/10老街香茅豬頸肉撈檬 上菜時我真係嚇親，因為真係好大份，豬頸肉都係好巨形。豬頸肉淋身帶少少豬肉好香口。由於碗夠大既關係，撈檬變得好方便，點撈都唔會四圍都係。味道就正宗酸酸辣辣。唔錯。　8/10紅河炸蝦餅同泰式蝦餅唔同，紅河蝦餅加左蔥係蝦肉入面，食得出好香好鮮好彈牙既蝦味。味道真係一流，但個皮似煎多過炸，同埋切法問題令到脆皮接觸面少左，扣左少少分。　9/10凍奶茶 6/10 椰汁三色冰 9/10

黃大仙越一越在環鳳街， 離地鐵站十分鐘距離左右， 餐廳新淨光猛有卡位， 坐得都算舒服大勒咖哩牛腩飯52越南咖哩層次比泰國咖哩多, 並不會一味的得個辣字。 另外，牛腩煮得入味，而且都幾多舊，口感Q彈，白飯夠大碗，大男人都肯定夠食呢 。-生牛肉牛腩片湯河48生牛肉牛腩片湯河 充滿九層塔的芳香， 湯頭鮮甜濃郁 ，加上 附上的指天椒和青檸，滿滿的牛骨香氣 的湯頭頓時層次感提升 ，河粉 幼身細白，輕輕一啜就 已經入到喉嚨 ，痛快 ! -牛腩片有咁大舊， 層次分明。-胡志明 鴛鴦飯豬扒雞翼 54是簡單版的越式公司飯，只是沒有紮肉。 越式豬扒滿滿的香茅味， 雞翼肉身大隻，炸完仍然保留肉汁， 唯一美中不足的是蔥油比較少如果再多一點撈飯會更好吃呢。-越一春捲撈檬46越式春捲 炸得香口真材實料 ，入面有豬肉木耳蘿蔔粉絲等等。 最重要係撈檬大大碗，而且配搭不同的蔬菜，青瓜絲，蘿蔔絲，芽菜和九層塔等等， 口感與味道皆豐富。

沒想過連鎖的越南菜竟然不用70蚊碗Pho，而且質素也挺高～生牛肉湯河 $45 |生牛肉塊數多，但肉質不算很嫩，河粉份量太多差點吃不完，但湯底好有牛肉味！炸春卷 $38 |這炸春卷和港式酒樓的不一樣，炸皮是米紙所以薄而香脆，炸皮不會太硬而一大片掉落。以前在峴港試過一次後，每天都要吃的小食！這裡的讓我想回旅遊時的味道，但鹹了一點點。法式牛油蒜蓉雞翼 $ 39 |牛油蒜蓉非常濃郁，而且雞翼炸皮脆過任何我食過嘅炸雞翼！比韓國炸雞更出色！椰汁紅豆冰 |這個飲品也是很足料的，紅豆份量有杯的四分一，而且粒粒都好大！

因公司有新業務在黃大仙，所以這段時間多了在黃大仙食，今晚OT完后就順便在黃大仙越一越南牛肉粉專門店食越南菜。餐廳裝修整潔，牆上的越南帽令餐廳更充滿了越南特色。沙壩青木瓜牛肉沙律$48沙壩青木瓜牛肉沙律，面上鋪了一粒粒的花生碎，令牛肉及木瓜味道更帶著花生的特有的香。木瓜刨得又長又細，調味落了酸酸甜甜的越式味道，令木瓜爽脆又好味。牛肉切得厚薄適中，醃得很入味，一口牛肉，一口木瓜沙律，味蕾的享受。生牛肉牛丸湯 金邊粉$48生牛肉牛丸湯 金邊粉，還帶少少嫩紅的牛肉很嫩，有牛肉味。還有蘿蔔大大件，十分腍甜。牛丸帶少少爽很入味。金邊粉吸收濃湯好好味。南定香茅牛肉飯$52南定香茅牛肉，份量尙算多，牛肉帶少少香茅味，非常有特式的越式牛肉。香茅牛肉撈檬$48香茅牛肉撈檬，檬粉其實與香港的米粉差不多，比起米粉稍為少了少少軔度，味道可自行調較。今晚的越南味道非常有特色，真是抵食又美味。

今日同朋友喺附近食飯，見好耐冇食越南嘢，搵到呢間幾抵食環境又光猛就入咗去😁入到去安排咗嘅二人枱都幾凍，我問個店員有冇其他位置冇咁凍，佢話其實都差唔多，跟住提議幫我熄咗頭頂嘅冷氣，然後問我o唔ok，仲話如果唔ok再搵佢，真窩心😚朋友唔太舒服無乜胃口，我地叫咗一個香茅豬頸肉湯檬同埋香茅雞翼小食share～可能我潛意識幾愛香茅， 所以唔覺意叫咗兩個香茅菜式🤣個雞翼面頭既蔥蒜好香口，炸到香脆得黎又唔會油膩，裏面嘅肉質嫩滑😋金邊粉一嚟到就聞到好香的香料味👍 粉麵煮得啱啱好唔會太淋，個湯底好濃郁，芽菜大條又爽口， 豬頸肉外皮好乾身，脆口，裏面一啲都唔韌份量勁多，我哋兩個都食唔曬🙈 超抵👏

個人係好喜歡越南呢個地方,講到越南食物pho都可以話係數一數二既代表(屋企重有一箱雞肉&牛肉口味既pho係到)。今日去到黃大仙探一探朋友,見到佢屋企附近有間食pho專門店,一於LUNCH係到落腳。店內裝潢帶有越南風味,越南帽掛係牆壁上面,好懷念係越南同朋友坐艇仔戴越南帽既旅行喜歡呢個每一個店員既服務同有禮貌。因為我真係唔想再食牛肉/雞,點左個豬頸肉。L04 $48老街香茅豬頸肉湯河。意想唔到河粉數量有咁多...越南食既份量只係呢到既一半/什至係3份之1,真係好飽肚,超級大碗,係男士們醫肚仔既好地方~ 講到係PHO既專門店,一定要同越南食到既相約,佢又真係做得到既~至起碼佢連配菜例如芽菜、香葉等等都同。味道都令我搵得返係越南既感覺~佢既香茅豬頸肉好好味,第一夠肥美,第二,香茅味道夠,第三,外皮夠香脆。朋友點左L08 $48保寧蕃茄牛腩湯河,蕃茄味道超濃,如果係鍾意蕃茄既朋友就相對岩KEY D~ (朋友分左兩舊牛腩比我,好味呢)越一越南牛肉粉專門店價錢親民,食物中上,回憶滿滿。地址:黃大仙鳳凰新村環鳳街12號地舖電話號碼:23190838營業時間:星期一至五11:30 - 22:00星期六

呢晚同朋友去開黃大仙果邊，朋友推介我有間越南餐廳d二人餐好好食又唔貴，咁我地行過去食，咁間野距離地鐵站就大概十分鍾左右既路程。餐廳餐牌:餐廳餐牌主要分為單點同套餐，朋友極度推介食套餐，所以我地一去到兒家直接叫套餐食，套餐真係好抵，我地叫既B餐，成個套餐先$198，但包超多野，CP值好高，$198包每人一碗面同飲野，跟住仲有一個小食，一個菜同牛油雞翼，好抵呀！生牛肉河/扎肉雞絲河:本身我同朋友都想食金邊粉，但今晚無哂，好彩我地都覺得其實河粉都無乜所謂，所以就叫左河粉。河粉上面有好多金不換，令到成碗河好香，生牛肉超嫩，肉質正，扎肉好厚，雞絲好味。牛油雞翼:越一既牛油雞翼真係超好味，首先係蒜味超香，外脆內軟，雞翼整得好熱，真係好好味，極度推介呢個比大家！上湯生菜香茅豬頸肉米紙卷:同朋友share就每人兩件，其中一件係超多菜，個人覺得如果菜既份量可以小d就更好，豬頸肉真係好好味，好軟好香！

Close to home to decided to check it out. No waiting required. Price was decent. The beef pho was in a nice bowl and was average 5/10. Pork chop vermicelli and fish sauce was below average, noodles soaked up a lot of fish sauce and was not tasty 4/10. Pork neck salad tasted weird and not fresh, was afraid to get sick 1/10. We ate 50% of the food and left. Very unsatisfying and will not return unless starving 👎🏻