超記茶餐廳

營業中

休息中

門面唔算係吸引，食物都食得落肚既；呢種餐廳不會無啦啦有興趣走去食，我去都為填飽肚啫。叫左個常餐，都好多野唔細份，有火腿奄列、湯意粉加牛丸，仲有杯奶茶。味道一般啦，自己都煮好容易煮到既質素，不過$22算好抵食。

下午去遊樂之前，突然心血來潮好想好想吃一碟豉椒牛肉炒河粉。所以隨意的到了這間茶餐廳來。叫了牛河和凍檸茶。等了一會，牛河便到了。一夾之下，河粉是炒得水濕濕的，而且河粉沒有打散，一舊舊的，非常失望。牛肉相對較合我心意，沒有經過化學作用，但這個炒河的獻汁較油，也是敗筆。這個牛河，不合格。不過下次可以談談早餐的。

一向喜歡幫襯做街坊生意既舊式茶餐廳，由於唔係大集團出品，很多時都食出其專屬的味道。今日同朋友行完荃灣廣場，打算係附近搵間街坊茶餐廳食個tea先去下場，最後就去左香車街街市附近既超記。超記裝修衛生同一般街坊茶餐廳差唔多，亦同樣有個粗聲粗氣唔禮貌但無惡意既伙計(好似係default既設定咁)，見下午茶A餐抵食，於是每人order一個。等左兩分鐘度，先來奶茶，繼而來奄列方飽，最後上沙牛通。奶茶一般，無乜好講。奄列偷工變炒蛋，仲要油多到滴出來咁滯，反而方飽意想不到的軟熟，用來夾蛋食落無咁油膩。最後食個沙牛通，真係未食過咁差既沙牛通，湯只有咸味，牛只有羶味，反而沙嗲味一d都食唔出... 如果夾硬要讚，就係d通粉煮得幾軟硬適中。係幫襯既時候發現真係有唔少街坊幫襯，但如果持續質素係咁，更有人情味都相信會好快絕跡。

2010年8月15日 荃灣 ( 超記茶餐廳 - 1)( 首評:272 )早上來了一場勁大的失魂雨，行不得也哥哥，困擾在附近街頭，肚子又餓，環看四周，這間舊店還未來過，結果...就跟它結緣了...。選擇了沙嗲牛肉、雪菜肉絲公仔麵，沙嗲味道ok，牛肉沒驚喜，雪菜肉絲味道不錯，麵底就是一般的。飲品為凍奶茶，也是普普通通，不過不失...。早餐過後，雨過天清...喺時候起錨了...