影片
好肚餓，瞓到2點幾好肚餓就去到附近天一，上嚟見到食評話呢間唔錯就入左去食，點左個4餸嘅車仔麵，豬腸、豬潤、生菜同豬紅配河粉，真心難食，河粉係雪完冇煮過咗硬，真係唔使食落口夾落去就知無煮過大佬呀咁硬點食呀！到食餸豬潤腥又硬、豬紅超咸，食左一啖就唔食啦，個湯底都係偏咸，成碗野淨係食左生菜同豬腸就埋單。頂唔順咁難食點食，好似hea客人咁，講真咁鬼肚餓真係乜都食得落，但碗野一嚟到就冇食慾真係身一次，又唔平，本來想叫多一個小食，好彩見到貴冇叫，4餸車仔麵要$52，真心冇下次。
繼續閱讀
🌹2 December 2021應該有一年當無係呢間食了夜晚搵野食時經過老細好友善地叫我地入去試下 過抵食所以最後晚餐揀左呢間1）粟米斑腩飯 $45雖然望落賣相普普通通但係食落係正嫁首先落單佢先會去炸個斑腩 唔係預先整定 再求其擺落去就算所以食既時候仲係脆的仲有就係一般出去食既斑腩炸果舊皮都好厚 需無咩肉仲呢間個炸斑腩入面係有肉嫁😍除此之外佢個汁都好出色粟米味重之餘 又唔會太咸岩曬食開淡口味既我😛2) 兩餸車仔面 $30我地叫左魚皮餃同牛帕葉佢同出面食既車仔面唔同既地方係佢個湯底係清湯底 淡口味😜我估味精都無落 因為食完完全唔覺得口渴所以真好岩我地口味估唔到出街食都可以咁健康☺️魚皮餃有三粒 牛帕葉都有5-6舊魚皮餃正常口味但牛帕葉就麻麻因為整得唔夠淋！好似食緊永遠都咬唔開既根😹Overall 而言有想食淡口味既一日就一定會去呢間食🤤
繼續閱讀
平時好少落呢個新商場食飯，今日咁岩放假行遠少少食，行到呢間餐廳，本身諗住入去食碗車仔麵，點知見到人地食緊個椒鹽豬扒飯，好香，所以都叫番碟，一食就覺得好正，首先係啲豬扒好新鮮，都有成5塊，正常size，最緊要調味一流，非常惹味，碟飯超級大碟，可能見我男仔俾多啲飯我，送杯熱奶茶，奶茶有啲同平時飲開既唔同，好好飲不過奶略多左少少，不過我本身都飲開多奶，所以都ok，價錢合理，38蚊有呢個質素，不錯！最緊要係即叫即炒，有鑊氣
繼續閱讀
依家好多新開餐廳都唔肯接單叫一個餐既外賣，絕對係欺負單身族同小家庭，係香港叫外賣真係唔多方便，選擇唔多。明潮同呢間一樣，上兩次打去話叫一個餐，都準備會叫多d餸同小食夠指定外賣費有突，加上只係隔離村都唔送其實有點兒過分，如果一個餐就唔送應該寫明，而唔係寫幾多錢就送，咁樣真係做到街坊生意？今次屋企有人唔舒服，唔想食粥又想清清地，全家一齊order三個餐終於肯送，好彩都唔洗等好耐就送到。叫左一個沙爹牛肉飯45蚊，中規中矩，港式沙爹，微辣，份量夠男士食。另外兩個車仔麵，25蚊兩餸算係咁，餸就麻麻，個湯可以，粗麵幾好食，河粉就痴埋一舊Not good，份量較少，女仔或者食量中等既都夠食。最後仲加左秘制雞翼尖25蚊，少少辣仲唔知配左咩香料整既，味道幾特別、幾野味，個個都爭住食好快清左。整體可圈可點，不過下一次幫襯就又要等佢唔知幾時樂意送外賣，或者要自己行去食。
繼續閱讀
星洲炒米沒有多餘的油 , 比較少有可惜除左少少辣就無味假日要加兩蚊 , 餐牌同成間鋪都無標明 , 絕對聊交拗明明是幾個月既新鋪 , 好似幾年既老鋪既殘舊 , 但衛生就 ok
繼續閱讀