赤丸製麵所 (已結業)

一行二人係apm食完lunch，夜晚再食dinner 馬拉盞通菜–幾惹味，d通菜幾靚，唔老，有少少辣雜菜炒河–都唔錯，有鍋氣，口感清爽椰林樹影(飲品) –之前網友話唔錯，所專登試! 杯飲品都無令我失望，原本以為係幾甜既椰子汁味，但第一淡飲落覺得有少少酸味，好似有d怪，再飲落去又覺得幾fresh，又解渴，比起剩椰子汁味更特別，無咁溜! 而且大大杯，又夠涷，飲完覺得好滿足，為呢餐加分。食物方面真係唔錯，夠濃味。但座位安排方面，應該要好好改善! 其實餐廳環境本身幾好，但將一張4人拆做兩張雙人，搞到好迫。而且似搭，因為兩既距離好近，無晒私人空間。後來，我地轉去卡位坐，先舒服晒! 待應轉時既態度唔錯，見佢都幾緊張，有禮貌咁話一有會好快幫我轉過去。我眼見好多客開見到要坐呢d 位都唔係咁滿意。有兩個坐一陣重走埋，有個待應見佢地咁樣，就連忙追出去同佢地講多謝，請下次再光臨。佢識得咁補飛，算執生得快!整體服務幾好，走陣有個待應仲同我傾計，問我覺得d野好唔好食，而且好多待應都有講byebye!但座位安排方面如果唔改善，會嚇走好多客!

咋日一行二人lunch嚟食野，叫咗多款小食，兩個烏冬，其中炸物最好食炸豬扒- 新鮮炸起，幾鬆脆天婦羅–ok，但無想像中咁好，隻蝦無味玉子–有三件，甜甜地，不過不失煎魚餅–20蚊一件貴咗d，味道似日式炸魚旦，有少少八爪魚粒燒排骨–最唔掂，剩係得d骨，無肉，個source就ok炸雞翼–ok，好似10蚊有四件細既牛肉薯餅(推介) –幾大件，味道唔錯，有口感，只係7蚊，抵!!熱湯烏冬(加大)(推介)–估唔到幾好食，d烏冬切得好粗，食落幾有滿足感，又唔溜，好似是用味噌湯底，15蚊，抵!!食物質素一般，同價錢都成正比，但服務麻麻。埋單約120幾蚊，我同朋友都食得好飽。如果對食物要求唔高，又想係apm食一餐化算既，都係一個唔錯既選擇。

之前去食幾次...果人覺得d 野都ok$ 如果計夜晚係apm黎講都算係平, d 炸物我覺得係最正果人覺得如果兩個人去叫一個大冬冬, 之後就主力叫d 炸物吧...

之前見好多人排隊... 仲以為有咩咁堅... d面好稔, 鴨胸好老, 豬扒唔脆.. 價錢都ok喇...

中午1點多去,好彩只等了15分鐘,跟住兩個人叫了各一個冷及湯的加大烏冬我吃了冷烏冬非常好食及彈牙。炸物只賣$8-$12蚊,算抵食，每人食了40幾蚊己非常飽。但地方比較逼及上菜時又亂,而且無乜Service。

女朋友放假，就請假同佢去玩一日。夜晚去到apm，想試這間烏冬好耐，次次都見到長龍，今晚leon 去左apm，d人掛住去睇佢，我地就坐享漁人之利，得15分鐘就有得食。叫了個咖喱烏冬、吉列豬排撈烏冬，小食有海藻，牛肉薯仔餅、餃子。烏冬好有口感、咖哩少少辣，濃得好惹味。吉列豬排淋了，撈烏冬出了水，賣相一般，味道一般，女朋友結果淋左d咖喱汁落去先食。海藻草青味，好似係海撈上來。牛肉薯仔餅好好食、好好食、好好食，女朋友好鍾意，餃子普通。

見咁多好評, 就算山長水遠排長龍都想試試!7點到都已經有人排隊...孚彩等左15分鐘到就有位.2個人叫左個大冷烏冬,咖哩烏冬加幾款小食冷烏冬都幾好食, 個湯唔知係乜, 加少少wasabi最好食咖哩烏冬中規中矩..小食方面, 炸蓮藕好硬啊>_<總括而言, 都幾抵食, 如果唔駛排隊會再幫襯, 哈哈!

睇到佢幾多人，睇餐牌又d以為幾好食就諗住試試．．點知坐低ｄ位又窄，台面又污漕，ｄ水杯又污漕，換完都係污漕，我水都唔敢飲，隔離位pair人都要係度洗抺杯．．．waitress拎野來時仲見到佢ｄ手指整左落ｄ湯度．．．野食方面，男朋友叫左個鴨胸烏冬，果幾塊鴨胸完全係燒味鋪果ｄ燒鴨味！烏冬又有陣粉味（可能就係佢聲稱既小麥粉，但個人唔太接受）．．．而我就叫左個滑蛋豬排撈烏冬，完全唔掂！！首先已經細碟，仲要成兜野都係水，多到ｄ湯印漏晒落台面！仲叫左碟餃子同牛肉丸，餃子ｄ邊唔係脆，係硬，而ｄ牛肉丸就似微波爐叮咁．．．好普通．．埋單要成百幾蚊，我覺得完全唔值．．．三十幾蚊，去citysuper食個餐好過．．．

次次都見到咁多人排隊,以為應該好好食la點知係位太少關係,只搞到好似好多人等位入到去已為會有綠茶飲,點知得清水之後叫左一個炸牛肉薯餅、天婦羅鳥冬第一個感覺都普通日本野一樣無特別,係價錢低dd一食完野d待應好快咁收晒d野想我o地走咪講low

有時放工特登去APM赤丸食﹐通常大排長龍﹐每次約等15-20分鐘。不過﹐食物質素無比價錢拖累﹐一直保持水準。烏冬彈牙﹐湯同料味道剛好﹐唔會太咸。多款小食都OK﹐又係夠平。環境始終係做快餐式﹐不過到好乾淨﹐唔會太逼。除非要同人SHARE餐臺就怪D。經歷同服務員都好客氣。

6/11 4:30pm男友想試好耐,趁呢個時間人少少,吾洗排隊.我地叫左冷烏冬$10,海老天婦羅$10,玉子$7/3件,燒珍寶腸$10.冷烏冬---比平時食到既略粗,的確幾彈牙!海老天婦羅---$10系貴左d,但蝦肉相當爽口,脆漿炸得夠薄身.玉子---味道都可以,但再甜d好d.燒珍寶腸---微微燒焦,肉質頗juciy,點mustard同茄汁食,吾錯!服務一般,水都系擺定系度等客人自己斟.埋單$37無加一,.真系幾抵食!下次會試其他食物如:滑旦鰻魚飯,炸魚餅.

間餐廳剛剛開o既時候去左一次，d 烏冬真係好好食。但係尋日食再冇咁好食lar。烏冬硬左好多，而且d 吉列豬扒好軟，都唔脆。但係個腸小食就幾好食，其實個價錢都ok。但係真係有好多人排隊，佢地唔人齊唔比位o架

冷烏冬真係做得唔錯,夠彈牙,撈d wasabi再點個汁食,真係一流,仲要十蚊咁平小食叫左腸同吉烈豬扒,個腸唔錯,吉豬麻麻地,但勝在夠平同唔洗加一

呢度最出名就梗係食烏冬~~~~我同我個朋友叫了一個親子飯同一個烏冬~~~~一個吉烈豬扒和一個天婦羅~~~~個飯比我想像中無咁理想~~~都係一般親子飯~~~烏冬係必食item~~~~正~~!!!!勁~~~!!!

平時見呢度都好多人排隊，所以從未食過，今次可能因為時間早，冇人排隊就要試下。睇個menu，見烏冬賣$10( 加大$15) 咁平，咁就整番個”冷冬”食下。過左一陣就有得食，望落唔錯，食落口，烏冬好彈牙煙韌，唔錯！另外，呢度都有好多款小食，例如吉列豬扒、燒排骨、餃子、香腸等，每款$7至$10，味道亦算中規中距。整體上係幾抵食，味道屬中等水平，不過呢就坐得幾唔舒服下，因為都幾擠迫，而且只有清水冇熱茶，差少少囉！如果只排一陣隊都食得過，不過要排好長龍的話就唔多值得喇！