賦湯稻火

營業中

休息中

最近天氣好清涼，心血來潮又好想打邊爐🍲呢間火鍋店裝潢好光鮮，夠闊落好舒服仲好有設計感我哋要左個海鮮拼盤套餐湯底只可以選擇清湯，因為海鮮嘅鮮甜味落哂去啲湯度，令個湯更好味有齊海蝦、桶蠔、鮮鮑、魷魚&脆鯇片‼️全部我都係打邊爐必食的重點係好新鮮，特別係魷魚&鮮鮑口感好軟滑！海蝦勁鮮甜，蝦頭拎嚟熬湯，令無咩特別嘅清湯更昇華桶蠔好肥美終於明白點解只可選擇清湯了🤓所以最尾一定要飲碗湯！仲有呢度有得食日本雞頸肉，肉質特別爽口，雞味好濃好突出不過一碟得4件就唔太夠喉呢度仲有20萬度辣粉落少少已經feel到好刺激，食得辣嘅可以挑戰下

賦湯稻火，招牌都靚過人。菜單好清晰懷舊火鍋二人餐牛腩牛筋湯打底大角咀見到"賦湯稻火" 原來食火鍋，裝修好特別，好有時代感，座位好寬敞，侍應都好有禮貌。金目鯛刺身成條金目鯛刺身，刺身刀工好吸引，一片片，入口好甜美，自磨日本wasabi 粒粒粗粒，食晒先停得口。懷舊雜錦窩湯底係蕃茄薯仔，加牛筋牛腩湯底，淨食湯底都可以離場，不過重未走得，重有好多嘢嚟緊。火鍋料好大盤，份量重可加多位食，有大大隻生蠔，小丸子牛筋丸，貢丸，墨魚丸，但一的都唔小係好大粒。餃子有雲吞，水餃，腐皮餃，一人一粒。菜有鮮冬菇，粟米，千層豆腐。小鮮肉有滑雞柳，鮮牛肉，鮮蝦一人兩隻蝦。菜都好幾款呢！打邊爐食肥牛食得多，呢度食新鮮牛肉，要師傅出手藝調味，正。鮮牛肉好滑啊！Paulaner麥啤一杯走唔甩，火鍋飲麥啤我至愛。好彩行過路過無錯過，懷舊火鍋好介紹，傳畀朋友來食先。

經過大角咀，朋友介紹"賦湯稻火" 食火鍋。這兒好有懷舊味道，裝修好特別，好有兒時懷舊嘅感覺，座位與座位之間好寬敞，侍應生好有禮貌。先來過頭盤😊活魚刺身$198成條金目鯛刺身，外貌非常之吸引，白雪雪一片片，入口好鮮甜，再配日本wasabi 非常夾，食到唔停得口。👍懷舊雜錦窩$398嘩！好有氣勢好大盤呢！份量亦都非常足夠2人食，有大大隻生蠔/牛筋丸/貢丸/墨魚丸/雲吞/水餃/腐皮餃/鮮冬菇/粟米/千層豆腐/滑雞柳/鮮牛肉/蝦/菜都好幾款呢！湯底~蕃茄薯仔牛筋牛腩做湯底超正啊！重有好多配菜添。其實湯底好多牛腩牛筋已經非常之入味，牛腩又淋。推介👍生蠔大大隻滑捋捋，雲吞水餃都好大隻好足料，雞柳好滑，打邊爐通常都係食肥牛嗰啲嘅但係呢度就係食鮮牛肉，好有懷舊嘅味道鮮牛肉好滑啊！👍Paulaner麥啤$58食火鍋配麥啤就最正喇，飲杯。多謝朋友介紹，懷舊火鍋真係好正，等我都介紹下畀朋友來食先。😁😁👍👍

吃火鍋的季節又到了，最近到訪了位於大角咀鬧市中的火鍋新店，一進店已感覺很乾淨很舒服，果然店家在裝修店的設計上也花了心思。我們二人點了餐牌上新出的懷舊雜錦鍋$398，包括了指定鍋底及二人份量的配料。鴛鴦鍋：強烈推介給喜歡吃麻辣火鍋湯底的朋友，據店員所說店家是用了老闆特製的麻辣味道，號稱是全港獨家自創的，當然要試一試。果然名不虛傳，麻辣湯底火辣辣，麻辣的香味籠罩着整個店。另一邊點了清湯底，味道清淡很適合大部份不吃辣的朋友。套餐配料用了大拼盤呈現，場面壯觀，色彩豐富，用料新鮮。包括了新鮮手切牛肉、鮮蝦、豬頸肉、雞肉、粉絲、各類蔬菜、自家製的韭菜餃、雲吞、魚皮餃、牛肉丸墨魚丸等等。據說連醬料也是老闆精心挑選過的我個人特別推介新鮮手切牛肉和店家自製的韭菜餃，牛肉新鮮不在話下，肉質鮮嫩，比平日一般吃到的肥牛完全不能相提並論！韭菜餃絕對是一試難忘，肉汁和菜汁融為一體，必點！懷舊火鍋套餐用上了最新鮮的火鍋食材，簡簡單單已經將所有食材的鮮味盡現，我倆都吃得很飽才400多元，食材新鮮又性價比高，必須點讚！

剛好約了一個在大角咀附近工作的朋友吃晚飯，最近天氣突然變冷了，最好的當然是吃火鍋，朋友告訴我附近新開了一家很有特式的，襯大家早收工便去一試。聽餐廳的名字便已覺得這家餐廳玩味很重，一步入餐廳便看到一句很有意思的句子，‘過往的聯繫工具，今天的火鍋相聚’很有意境，我和朋友都想不如我們今天相聚也放下我們的手機好了。這裏的菜單十分有人性化，除了有大部份火鍋店的單點外，還有一些多人套餐選擇，方便我們嘗試不同的菜式，最後我們揀選了二人精選套餐-懷舊雜錦鍋。他們的服務很好，一開始會提供不同的醬料給我們選擇，還有他們秘製的醬料， 十分吸引。還有他們特別推介的秘製麻辣湯底亦是值得一試。總括來說：環境清幽，地方乾淨，食物質素高，如果去開附近值得到來一試的火鍋店。

賦湯稻火重視維繫人與人之間的連繫，提出以火鍋相聚的理念，締造人情味及美味兩者結合的全新火鍋品牌。 賦湯稻火主打家庭味道濃厚的清燉湯火鍋湯底。今次點了型男湯，馬卡鮮人參燉雞湯，清甜滋潤的湯頭，單是這個湯頭就已經取得我心。真鯛刺身，薄切魚肉，透光白晢，肉質爽彈鮮甜。再來手切牛，牛味濃郁口感彈而不韌，脂肪分佈平均，不會太膩。雞頸肉，入口嫩滑滋味滿分。手打丸彈牙有肉味，三種不同口味。鴨血 嫩滑彈牙整體價錢性價比高，地方舒服。

天氣少少轉涼就心思思打邊爐啦，今晚去大角咀一間開咗冇耐叫赴賦蹈火嘅靚裝邊爐餐廳。餐廳唔算大，以卡位為主。由於卡位滿咗我哋被安排入房。問咗侍應坐房嘅最低消費星期一至四都係$5000，假期就$6000，可以坐20人，都幾抵👍由於兩個人又想試多啲款，所以店員推介咗二人懷舊火鍋套餐就。包活魚刺身一條，仲有成盤上每樣有啲嘅拼盤：包括有牛丸墨丸貢丸。餃類有水餃韭菜餃魚皮餃。仲有牛肉豬頸肉，最特別嘅就係日本入口大大條嘅雞頸肉。另外仲有啲鮮蝦生蠔粟米豆腐同雜菜。今日個活魚刺身係冧蚌，魚肉腍香，油份唔重，魚味亦唔太濃，但爽口鮮甜，加杯大啤一齊食最爽湯底揀咗清湯，就係想突顯食物本身應有嘅原味。丸類全部都好彈牙，水準平均反而餃子有啲驚喜，韭菜餃超好食，魚皮餃同水餃都好足料值得一提嘅就係個牛肉，係細個食打邊爐嘅牛肉，唔係而家好流行嘅肥牛，咁樣食到牛肉本身濃濃嘅肉味另外日本入口嘅雞頸肉，串燒就食過，用嚟打邊爐都係第一次，爽口煙韌有咬口，幾特別，係我今晚最鍾意嘅一樣

身邊總係有一個打邊爐精，幾時都鍾意打邊爐，今日去咗奧運站打邊爐，門口有一個假火爐，雖然係假嘅，但係睇落去都即時暖粒粒。叫左一個懷舊嘅邊爐拼盤，大排風味，一盤上枱乜都有D，湯底要了清湯，奶白色的湯頭有肉，菜及冬瓜的甜味，清而不淡。另外叫咗一條粒冧蚌魚嘅刺身，魚身非常之甜，油份不重，入口爽口，師傅擺盤擺得幾精緻。火鍋拼盤上枱係傳統嘅配料有滑牛，豬頸肉，蜂巢豆腐，三色丸，韭菜餃，雲吞及魚皮餃，鮮蝦及生蠔。每樣都係二人嘅份量。傳統本地滑牛入口嫩滑，牛味太不濃。三色丸-墨丸，牛丸及豬肉丸，有別於現時流行嘅手打丸，反而係傳統機制的丸，入口彈牙。豬頸肉幾爽脆，味道清甜。雞頸肉幾特別，爽脆口感，雞肉彈牙。最後雜錦菜加埋粉絲，吸埋個湯，完全係傳統嘅風味，簡簡單單，唔係名貴嘅食材，但係食物有種懷舊嘅味道，個人覺得欠了蟹柳，金菇及肥牛，不然更加滿足。

大角咀新開火鍋店，淨係睇門面都吸引，入面有唔少懷舊擺設，不過無影哂大家就自己去觀望下喇。先講湯底，我哋叫咗花膠雞湯，超級足料，大家都飲咗湯先至再開始打邊爐，冬瓜吸晒湯嘅精華好好食🥰我哋仲叫咗象拔蚌刺身，同樣好新鮮好大隻，好少餐廳會切條狀，淨係見到有幾厚就知有幾重磅😋😋整體來講地方乾淨整潔，上次影唔夠相有啲可惜，因為其他食材好似牛肉、墨魚滑、菜等等都幾出色，會再回頭～～🍲

今次黎到呢間打邊爐啲野食好高質我哋叫咗珍珠松茸螺頭燉雞湯（索女鍋）同埋叫咗X-1493麻香斷魂湯底（大辣）😆覺得個湯底真係好辣🥵🥵🥵之後叫左啲火鍋配料～首先食刺身，啲海膽好正😋其次大閘蟹係自己拎過嚟嘅～叫店舖幫忙加工，都只係比返加工費👍🏻都有蟹膏食😆最後火鍋配料最正係啲牛🐂✨✨✨✨個湯底真係好好飲，我地好似返左屋企咁。另外個麻辣鍋真係好辣，食得辣嘅朋友可以去挑戰下評分：😋😋😋😋😋

又進入打邊爐季節, 大角咀開左一間新店, 我地當然要去試下啦！店裡面環境舒服, 重有好多打卡位架...你知道我在等你嗎? 花膠乾瑤柱鷄湯翅鍋- 個湯黎到我真係嘩一聲....有甘多花膠同魚翅既, 一定要飲啖湯先打邊爐, 好足料又好好味。食物推薦：野生竹笙-唔止係個樣靚, 味道鮮美, 重有豐富營養架！螄蚶-又真係幾新甜喎！日本無激素鷄頸肉-佢個樣好似普通野, 食落真係估佢唔到甘好味！其他食物：牛切肥牛油甘魚刺身X-1943 20萬度辣粉

讚1.火鍋湯底係夠味既，唔會有果種得個鹹字而無味既感覺；配料有啲都有特色，印象中就好少見到新鮮竹笙，好爽口；午餐肉炸得好脆2.餐廳入面既擺設都有少少特色既彈1.價錢係實在貴到有啲出乎意料

同幾個朋友知道開咗間新火鍋店去試吓，諗住都係火鍋嗰啲嘢，雖然都係嗰啲嘢，但點知啲食材真係令人好驚喜，超新鮮好好味！因為非常肚餓嘅關係，同埋同朋友慶祝生日，另外仲叫咗魚刺身、生蠔、龍蝦刺身、火焰海鮮鍋、招牌花膠雞湯翅鍋，不得了、頂瓜瓜！

朋友係大角咀開左間新火鍋店，唔係打手但真心好食😍😍😍😍😍前菜有勁正刺身，螄蛤同松露餃子🥟邊爐湯底有兩款，1️⃣瑪卡鮮人參燉雞湯 (成條人參落左去😍)2️⃣珍珠松茸螺頭燉雞湯(入面有花膠)飲完先加湯打邊爐🍲🍲火鍋料我地叫左醉雞，三款手打丸，三款自家製餃子雲吞，豚肉片同羊肉片重點緊係牛😍叫左超正安格斯同本地牛🥩之後仲將魚炸埋，等打到尾時食🍲🍣甜品有荔枝，芒果or豆腐雪糕㨂🍦成班friends一邊飲白酒一邊食好西, a perfect night with perfect food and perfect people 🥂P.S. 一定要預約訂位😉