賞麵館 (已結業)

同朋友打算放工後去佐敦飲咖啡，食意粉，到左咖啡店一睇餐牌，店員就同我講「所有食物賣晒喇」下！6點半咋喎？！咁算啦，撤退啦，由於勁肚餓，轉個彎有間食店，係咁易望下舖面就入嚟喇。兩個人，叫左呢D我就叫左蘿蔔牛腩飯，都幾夠味既，牛腩帶點肥，蘿蔔好淋入晒味。朋友叫左沙嗲肥牛河粉，我同佢都以為係湯粉，但原來係沙嗲肥牛撈河粉，都唔肯定係我地睇錯餐牌，定係個餐牌寫得唔清楚，好在都夠沙嗲味，算係幾好啦。我地都太胃食喇，見到有腸粉又想食。呢個係叉燒腸，店員話即叫即整，需時二十分鐘，冇所謂啦，店員嚟碟野嚟時，嘩！好大碟呀！如果個豉油多一點甜味，就好喇。油菜：菜心腩汁正常，好味的。…查看更多

佢位於路口轉角位，大大個招牌都幾當眼。 見佢有牛根，豬手同九仔鵝係招牌，就諗住試下九仔鵝。一黎到佢分左湯，個湯好淡冇咩味，本身瀨粉已經冇咩味，不過撈埋d湯食就仲淡。瀨粉係白白地色唔係全透明，不過味道就同普通瀨粉一樣。九仔鵝原來係斬件炆鵝。份量比得都多，但係全部都冇咩肉食，有頸，pat pat位同埋鵝掌咁，雖然冇咩肉食，但一d都唔淋，有d難咬。不過叫做係幾入味，同埋雖然佢算係佐敦少有既餐廳係50蚊有找，但應該未必會再試。…查看更多

下不為例。吃了豬手麵 煮不淋 味不入 豬手無肉多骨 咖哩汁完全垃圾 無味又稀 簡直垃圾 坐到一點幾 成間店都唔滿就知幾失敗 無下次 👎🏻👎🏻👎🏻👎🏻👎🏻👎🏻👎🏻…查看更多

一路都知佐敦多好野食, 試左十幾間餐廳終於試到呢間家座小店.呢間舖處於內街街角, 全店以落地玻璃裝潢, 光猛舒服, 入面簡潔通爽茶餐廳設計, 店員顧客熟到會吹水傾閒偈.坐低望下隔離幾枱都食左鵝瀨, 咁我第一次入泥都入鄉隨俗叫左碗泥試下上瀨粉時跟埋碗例水, 湯頭味精味偏重, 瀨粉都有d散同難夾,但個鵝同菜就好好味, 鵝味好香鹵汁餘蘊又長, 配住瀨粉又夾得泥,呢個價錢真係唔錯, 係份量唔太夠, 女仔食就岩岩好…查看更多

賞麵館啲腸粉夠滑，唔知點解加咗蛋，裡面綠色嘅食物似係生菜或油麥菜，啱哂怕食芫茜同蔥嘅朋友，調味(非一般豉油)、餡料、配料、腸粉配得剛剛好，可以 encore 。滷水鴨翼米線，湯另上，我重口味就咁食都唔算太濃味，而湯係似雲吞麵嘅湯底，滷水鴨翼一入口就有果種燒味舖嘅味道，鍾意果陣味嘅人會好鍾意，不過就好多骨，好麻煩，所以唔好滷水鴨翼陣味嘅朋友不如食其他嘢。佢個路口位會有車路過，建議無咩最後閂哂啲門，以免食埋啲灰塵。…查看更多

很喜欢这家餐厅的牛雜捞面，肉多料足味道好！牛肉的味道很原汁原味，很香很大块，牛肚和肉筋Q弹爽口，很有口感。第一次吃搭配冻菜蜜，很可口很美味。店面不大，但就餐环境良好。店里有电视播报新闻，吃饭休闲的好去处。店里的辣椒酱很辣，如果再咸一些就更好了。这家店的地理位置很好找，交通方便，我记得是左敦地铁站的C2出口附近，直走片刻就到了。如果说唯一不足的地方，我个人感觉服务不是很热情，如同很多香港街边小店的服务，冷冰冰的，没什么人情味。…查看更多

晨早諗住食個早餐先開工，見到呢間餐廳外觀唔錯，落地玻璃，有別於一般茶餐廳，即管一試。仲要係新開試業，決定支持下小店。早餐都係大眾化，沒有特別既驚喜。叫左個沙嗲牛麵，配火腿奄列，方包。方包轉左多士，不用加錢。餐飲要左奶茶。奶茶大大杯，飲落口就係我最愛既味道。我飲奶茶係唔會落糖，咁先會試到真正既奶茶味。一杯靚奶茶，一定要夠熱同夠滑，當奶茶滑進喉嚨後，香滑感依然會停留在口腔裡，再加埋苦中帶回甘既味道，很令人回味。呢度就俾我享受到一杯香、滑、濃、厚的港式奶茶。滿心歡喜可以享受一杯靚奶茶，點知附送左個不速之客係碗麵到好失望，一間試業既餐廳，衛生情況做得咁差，就算食物做得幾好都會大打折扣。不過，職員反應都好快，一示意比佢聽，佢就話即刻換過碗俾我。唔知係咪佢地都見怪不怪呢？其實佢碗沙嗲牛麵幾好食。沙嗲味香濃，牛肉唔會太碎，真係一片片既牛肉，而且無根，又稔，比好多茶餐廳做得出色。火腿奄列同多士奄列做得唔錯，唔會乾淨淨，蛋皮薄，還有少許半溶滑溜既蛋汁，火腿絲夠多，蛋腿合一，口感柔軟細滑，好食。不需加錢既多士，牛油落手一d都無吝嗇，兩邊都有塗上牛油。多士洪得剛剛好，唔會太乾身。如果唔係衛生問題，食物同服務態度都好好。還好係試業階段，可以多多改善。我仍會支持小店既。…查看更多

大家覺得一碗好的 沙爹牛肉麵 有咩特質？尋日做完推拿，發現佐敦有間新開的茶記，除左茶餐廳食物，仲有粉麵，見就黎過早餐時入去試下先！個沙爹牛麵係我暫時食過最好食。一送上見要個色水已經加分！沙爹汁香，加上少少辣椒絲，麵仍爽口不淋，而牛肉份量有好多。盛惠三十二元，因為烘底加左1蚊！杯奶茶有點過苦澀，而叫左茶走但似乎只係落左極少的煉奶所以有點失望。在佐敦這個競爭大，又有好多食肆嘅小區，要經營唔容易！希望小店keep住，吸引更多人黎食！…查看更多