貴緣小鍋米線 (和富)

營業中

休息中

無味精湯底，碗碗即叫即煮，會等耐小小，但無值得👍🏻**********酒香醉雞米線🐔（$72）🌟推介🌟嚟到嘅時候已經聞到湯底勁香酒味🥃，食落又多咗一份藥材味，兩者好balance！湯頭仲有小小雞油！雞件有雞胸雞翼雞髀🍗，即使係雞胸肉質都好嫩滑！**********青花椒麻濃湯米線🌶️（$36）🌟推介🌟非常麻，係我鍾意嘅麻辣，除咗麻仲多咗一份香，真係食完一啖接一啖，而且米線麵質好滑，連埋湯一啖sir入口😆揀咗雞絲（$10）、豬大腸（$10）同甜酸齋（$9）做配料海量雞絲😂好似叫咗份小食咁，抵食之選，好啱索湯汁豬大腸洗得好乾淨，冇羶味酸齋好開胃，係平時少見嘅米線配料，仲要分上，好貼心，免得混合湯頭唔啱味**********小食蒜泥白肉肉🐷（$28）薄切白肉，醬汁麻辣香濃，滿滿嘅蒜泥，真係好like👍🏻-巴屬狂野雞翼🐔（$28）有原味同黑椒味揀，揀咗黑椒味香烤雞翼小小辣，肉質juicy，好惹味🌶️

貴緣呢間米線舖當時喺紅磡嗰度已經非常之出名，而家搬咗嚟北角，人氣一啲都冇減退到，而且佢哋升級咗佢哋嘅湯底，變咗無味精豬骨湯，所以今次特登嚟食一食😋😋😋同朋友叫咗2碗薯粉，兩個都係唔同湯底，青花椒麻香味啱晒中意麻又唔辣嘅朋友，爽！青花椒麻濃湯獨特嘅香麻味，配以紅薯粉同豬軟骨，湯底豬骨味濃郁。中小辣程度食落恰到好處，讓人感受到青花椒嘅清新同麻辣嘅刺激。加搭咗冬菇皇同紫菜，最推介係佢哋嘅冬菇，夠厚肉，入味又彈牙，必點！招牌酸辣湯我就點咗呢度招牌酸辣湯，酸辣程度適中，而且酸菜有炒過👍所以味道夠香同埋酸味溶入咗去湯底裏邊，湯底酸辣過癮，食落開胃。加配咗必點嘅螺旋藻、手打魚腐和冬菇皇，螺旋藻份量好多，吸哂啲湯，正！。朋友介紹就嗌咗魚腐，估唔到非常新鮮，大大粒，推介👍👍👍貴緣雞絲火山呢樣又係必點，都幾抵食，除咗大量嘅雞絲之外仲有大量嘅榨菜，所以非常香，搭配特製嘅辣椒粉醬，味道更香濃。

幾年前，友人帶過我去紅磡崇潔街食呢間米線小店，估唔到呢間小店已過海進駐北角，呢次就嚟咗食呢間分店😗招牌酸辣湯酸辣湯係呢間小店嘅招牌推介，一試都係好啱口味 。配料方面就揀咗三餸，豬軟骨好腍好入味，冬菇皇厚肉彈牙，蘿蔔好清甜 。麵底就轉咗芽菜底🤩 芽菜好爽口，想食少啲澱粉嘅朋友要試吓 。特濃新鮮番茄湯米線呢個係另一款招牌湯底，番茄湯底加咗少少辣就更多開胃🍅 餸料揀咗秘製腩肉、肥牛、鮮製魚皮餃、腐竹 。秘製腩肉都係必試嘅嘅配料，呢個腩肉唔會太肥，醃得好入味🐷貴緣雞絲火山呢個小食非常澎湃，有成座小山丘嘅雞絲，入面有啲酸菜加強口感🐥巴屬狂惹雞翼呢個係餐廳嘅新品，雞翼面灑咗黑椒，味道惹味，肉汁豐富😂玉露綠茶飲枝茶就可以解渴同解辣啦🍵呢間小店繼續佢哋大件夾抵食嘅風格，主打湯底冇味精，真材實料，真係間好值得支持嘅小店🤗

想食連鎖店以外選擇，@guiyuansiuwokmixian 都係唔錯選擇紅磡人氣小鍋米線舊年年尾嚟到北角開咗分店，呢度湯底用豬筒骨新鮮熬製，標榜係飲得到湯底招牌酸辣湯米線（小辣）$72秘製麻辣湯米線（小辣）$72甜酸齋 $25麻辣豬肚絲 $32除左招牌酸辣湯、仲有秘製麻辣湯、青花椒麻濃湯、蕃茄湯同豬骨濃湯可以選擇。我就試左試左酸辣、麻辣，湯底唔算好濃、炒過嘅肉碎酸菜令湯底更香口，食完唔算好口渴👌配料中我最鍾意秘製腩肉、豬軟骨，腩肉比起坊間係用較瘦嘅豬肉，雖然瘦啲但唔會柴口；豬軟骨厚切好有咬口，食落幾滿足；另外蘿白豬紅都唔錯甜酸齋係我鍾意嘅配料，不過佢嘅甜酸汁唔算杰身唔掛汁，不過不失；反而豬肚絲麻辣味幾過癮

最近試咗一間位於北角嘅貴緣小鍋米線@guiyuansiuwokmixian 主打正宗雲南風味米線，湯底係每日以豬骨新鮮熬製，無添加味精，仲有五款湯底可以選擇，個人好推介招牌酸辣湯、秘製麻辣湯、同岀面未食過嘅青花椒麻濃湯😋 佢哋嚟緊都會喺大角咀開分店啊，九龍嘅朋友可以食啦～.元祖金酸魚片濃湯底配米線 $70: 金酸魚片濃湯味道濃郁，酸菜嘅酸味滲入魚片中，魚片有超過十幾塊，嫩滑爽口，再加配爽口魚片頭(+$11)同墨魚丸(+$9)好爽彈，不禁飲咗好多湯！招牌酸辣湯配紅薯粉 $32: 酸辣湯底偏酸，配有酸菜、韮菜、芽菜、蔥同炸醬，配料揀咗秘製腩肉(+$11 )軟腍又入味，唔會好肥膩，而手打魚腐(+$11 )軟滑有彈性，索哂啲湯汁，仲加咗魚肉春卷(+$12 )；辣度揀咗中小辣，少少辣好刺激！酒香醉雞翼 $28: 有5隻，雞翼醃得好入味，酒香味濃～娃娃菜 $14杯裝豆漿 $10

朋友黎香港公幹，話想試地道米線；因酒店係北角，所以就上網睇下有咩推介。想帶佢去非連鎖嘅米線舖，上網見到唔少人介紹呢間，就試下啦。去到地方都舒服寬敞，冷氣又足。朋友叫酸辣湯底配魚腐響鈴；我就豬骨湯加魚片頭腐皮。但好失望呀，雖然話無味精，但湯底係完全唔·夠·味！我揀果個魚片頭係乾、鞋、無咩味；腐皮係就咁放入湯度，無煮過咁，硬到我食唔到，浪費咗一餐嘅quota，仲諗住比朋友體驗下非連鎖式既好味米線，失望而回。

🇭🇰貴緣小鍋米線·呢間我之前見到好多人推介 見佢係北角開左分店就專登去食 點知都幾失望🫢·招牌酸辣湯$32 l 雞肉絲$11 l 豬軟骨$11佢個酸辣湯我自己覺得唔係好惹味 唔知係嗰日失手定係點 佢個酸同辣係分開咁樣既 而且整體都比較淡🤔個雞肉絲影相澎湃就澎湃 但係佢食落好乾身 麻麻哋🐤個豬軟骨都係比較乾 唔算好淋身🫢🫢·#rbyeat#rby港式#rby北角·📍北角和富道21-53號和富B樓B15-16號舖

雲南米線舖應該是大部分香港人的平民飯堂，不過實力有高有低，間唔中都會食到啲㐲嘢。不過今次返工經過間米線舖話自己嘅湯底係自家制豬骨湯，唔用濃縮湯精，咁就一於試吓佢實力！今次平民推介嘅係@貴緣小鍋米線位於北角和富薈商場B樓B15-16號舖，舖頭座位闊落舒適，同埋空氣流通冷氣又夠涼，天氣咁熱食嘢要揀個夠冷氣嘅地方都係必須嘅。total有五種唔同嘅湯底選擇，仲有七種唔同嘅辣比食客挑戰。鍾意挑戰食辣嘅，你要試吓佢個特特辣，仲要加錢添🤣👍🏻⭐️青花椒麻辣湯（配菜自行配搭）喺其他地方唔係好常見，我都真心推薦大家試吓， 平時食麻辣食到所有嘢都係一樣嘅味道， 但係青花椒比普通麻辣多了一份香味，配搭埋豬骨湯真係好開胃。佢地嘅魚腐大粒，墨魚丸都幾彈牙而且冇梳打粉味， 腩肉爽口唔會得個肥字。⭐️ 鮮豬骨濃湯（配菜自行配搭）怕食辣嘅朋友可以試吓豬骨湯，湯底鮮甜少油，豬骨味濃郁。滷水豬肚爽口、魚蛋彈牙、薯粉煮得又夠透。⭐️ 蒜香醬油雞翼蒜頭醬油味香濃的冷盤，就好似蒜泥白肉咁樣不過變咗做雞翼， 但係冇咁油膩。⭐️ 榨菜豬肚絲醒腦開胃的小食，豬肚爽口唔會韌，榨菜唔會太鹹。總結：非常之欣賞佢哋嘅湯底鮮甜又少油，食得出真材實料。

話說我都幾鍾意食米線，所以諗唔到食咩就會食米線，今次咁啱喺北角做完嘢，經過見到一間平時未試過嘅米線舖，咁就入去試吓特濃新鮮番茄湯米線 $35 +豬軟骨$11+鮮製魚皮餃 $10+蟹柳$9推薦指數💥：🌝🌝🌝🌝🌚蕃茄味超濃，但又唔會太酸，豬骨食落好軟淋入味，而且軟骨位食落好脆，魚皮餃食得出唔係平時可以買到嗰啲急凍貨，唔會有一層粉係出面，蟹柳都唔係嗰啲一夾就散，食得出有用心招牌酸辣湯米線 $32+手打魚腐$11+秘製腩肉$11+甜酸齋 $10推薦指數💥：🌝🌝🌝🌝🌝除咗米線之外，仲可以免費轉薯粉，薯粉食落好煙韌，而且掛湯能力一流，酸辣湯第一啖酸味會比較明顯，之後慢慢辣味就會浮出嚟，腩肉份量比得超多，而且入味得來唔會乾柴柴，手打魚腐好軟熟，甜酸齋額外放開，唔會死甜，酸酸甜甜好開胃巴蜀狂野雞翼 $28推薦指數💥：🌝🌝🌝🌝🌚我今次就揀咗原味，超級入味而且好Juice，整體嚟講味道唔算太重，但都好惹味Thai 全新正宗泰式奶茶 $12推薦指數💥：🌝🌝🌝🌝🌚Thai椰青水就飲得多，但係佢新出左呢個泰式奶茶真係未試過，飲落唔算太甜，一開始茶味會比較濃，係真係正宗係泰國飲到嘅泰式奶茶口味✨整體來講，位置坐得

最近天氣好炎熱，但有時候都很想吃米線。今天去了一間位於北角和富地下的米線店 - 貴緣小鍋米線。這裡有五款湯底，招牌酸辣湯/秘製麻辣湯/豬骨鮮濃湯/特濃新鮮蕃茄湯/青花椒麻濃湯；麵底有米線/紅薯粉/米粉亦可以選擇轉芽菜底。另外有8個辣度選擇，最辣是特特辣。配料有46款選擇，一定會有一款合口味。❈ 招牌酸辣湯米線 (湯底HK$32；自選配料HK$54)招牌酸辣湯米線是其中一配推介米線，除米線常有的酸菜，韭菜，芽菜和蔥，這麵底還有炸醬！自選配料方面，不知不覺點了五款，魚肉春卷，秘製腩肉（微辣），滷水大腸，手打魚腐和墨魚丸。就算點了少米線，也是超大碗！雖然這是小辣的米線，但也不是很辣，下次可以點再辣一點。❈ 特濃新鮮蕃茄湯紅薯粉 (湯底HK$35；自選配料HK$31)特濃新鮮蕃茄湯米線，除了湯底是蕃薯湯外，也有新鮮蕃茄加強蕃茄濃度。紅薯粉入味彈牙有咬勁，入口絲滑。點了三款配料豬軟骨，秘製腩肉（微辣）和金菇菜。腩肉沒有想像中肥，非常入味，必點！豬軟骨很大一塊，真材實料。❈ 酒香醉雞翼 HK$39 (5隻)新品推介小食 - 酒香醉雞翼。第一口已經聞到酒香味，雞翼非常入味。☆分類標籤#nuttyli

Originally planned to visit Provident Centre's food court, but my sis and I were in the mood for mixian that day, so we decided to visit this resto instead. .I got Special Pork Belly and Chinese Marinade Pork Intestine with Sweet Potato Noodles in Signature Hot and Sour Soup. The sweet potato noodles had a pleasant chewiness and absorbed the soup base nicely. The pork intestine was a bit small in size, but both the pork belly and intestine were well-marinated. The soup base initially tasted a bi

之前在舊舖有幫襯過，覺得幾好味服務又幾好，但早前經過見佢執咗都覺得可惜. 但原來佢哋在北角開了，去開果頭當然要回味吓. 新舖比舊舖寬躺，在商場內環境格局都比之前舒適. 今次叫咗招牌酸辣湯米線，選了中小辣，特濃新鮮蕃茄湯紅薯粉，配料大推冬菇皇，大大舊，軟身而且好入味，咬落去好多汁，真心正👍🏻.滷水雞翼亦都滷到好入味，感受到有花時間去製作食材.蘿蔔清甜無渣，大大舊絕不孤寒. 蕃茄湯茄味濃郁，唔使好杰身但也有豐富濃郁蕃茄味，而且有好多蕃茄，成個湯充滿維生素C，健康又好味. 另外叫咗碟菜心、蒜泥白肉、重慶口水雞翼及椰青水，菜心爽口脆綠，蒜泥白肉微辣蒜味惹味，重慶口水雞翼係冷盤來，肉嘅質感有啲似醉雞，辣味出. 最後飲啖涼浸浸嘅椰青水，中和辣味，成件事好滿足.

叫咗個酸辣米線，要中辣多酸米線食「爽」。餸要咗雞絲同埋螺旋藻。開舖嗰時都要排成個鐘，今次經過下晝6:45冇乜人可能啲人未放工，食物品質零件比上次下降很多，份量比之前多咗少少，但係都不及紅磡本店。湯：冇乜特別，比以前淡酸菜：屬於多，而且高質米線：我叫咗佢嚟到我就斷開淋晒。所以我要求面具。第二碗嘅情況只係等於正常並無特別爽。雞絲：份量比紅磡少，但比當時開店的時候多，可惜雞絲一疊疊痴埋，而且充滿「濃濃雪櫃味」，螺旋藻亦都唔似紅磡嗰陣時嘅新鮮清新爽脆。總結服務很好，因為要求換過處理。電腦落單可以選擇食爽或淋。希望廚房留意食物隔夜及準備時保存的情況，客人下單時列明的要求。

北角街坊有口福啦，黃埔出名的米線店———貴緣小鍋米線🍜移鋪到北角和富中心，係我最喜歡的米線店，想食番貴緣既味道，就要來北角啦。首先當然點D小食食下，小食款式多選擇多：1. 蒜泥雞絲山 $25 開胃夠香蒜泥，撈埋雞絲都正2. 皮蛋豆腐 $25 最鐘意滑溜溜既豆腐，加上皮蛋味道👅配合得剛剛好3. 娃娃菜 $14 份量都算多，可以食下蔬菜主食：秘制麻辣湯米線🍜，自選幾款菜，我真係加左好多菜：鹵水雞翅，鹵水豬肚絲，肥牛，甜酸齋，蘿蔔，湯底正抖，配菜又好食😋食到超飽捧著肚走👍🏻

👧🏻😋👅🍽✨北角再遇貴緣-📍街坊支持多年既紅磡店結左業, 好彩既係北角和富開返, 沿用返以前湯底之餘, 加入左新湯新小食📍和富店比舊鋪大好多, 又有新裝修, 仲有梳化位, 食米線都可以舒舒服服喇-🍲 湯底 🍅 💯青花椒麻濃湯米線 $34 鹹鹹地帶麻香, 微辣而唔太啃; 好似川菜咁始終需要灒油先突出到風味, 所以湯底有少少偏油, 但夾起米線唔使連湯飲已掛滿麻香, 所以都OK💯特濃新鮮蕃茄湯米線 $35 用新鮮番茄酸酸地好清新, 仲有好多番茄肉; 見個湯咁健康特登叫晒勁索湯既配料😎-🍗 配料 🥟 ✨雞肉絲 $11 雞絲山係貴緣招牌小食, 叫雞絲送山, 相上見到只係冰山一角, 個底仲有勁多! 雞絲好滑身勁索汁好正✨ 鮮製魚皮餃 $10 個皮好滑, 真係好食過出面既來貨好多!✨肥牛 $11 手打魚腐 $11 螺旋藻 $10 紫菜 $9-🐥 小食 $28 🐖 💯巴屬狂惹雞翼有原味同黑椒味, 原味竟然係唔辣, 反而甜甜地好juicy💯蒜泥白肉肉個底係醬油底, 上面再有麻香辣醬, 白肉好滑!-🥛 飲品 🥛 ✨杯裝暖豆漿 $10 食濃味野叫暖飲有少少後悔🤣 不過暖既豆味真係突出好多, 響鈴牌豆漿香甜