貴族甜品 (元州街)

營業中

休息中

長沙灣站附近糖水舖不多 但又懶唔想行去深水埗嗰頭見到呢間貴族甜品好多次 但都未試過 見今日好想食甜品 所以就試吓佢價錢中上 份量亦算多 但質素就一般般因為甜品嘅味道對我嚟講太甜了 以個芒果腸粉為例 雖然芒果好甜 但感覺上係浸過糖水 所以甜得唔太自然 食完之後會有啲口乾 不過以呢個價位嚟講 甜品嘅份量算多 我同朋友食完都好飽 差少少食唔唒個腸粉宇治金時就同普遍市面嗰啲冇咩大分别 但個綠茶雪糕偏甜 同埋啲小丸子有幾粒好似未融雪或者雪得太耐 咬落去係實同有少少粉 但大家都可以去試下！

自從係荔枝角上堂 放學後就好想去呢間糖水鋪食覺得呢間店😂d甜品乜都好食其實細細個都食過他的甜品任食係而加又去番多左琴日食左榴蓮公主好欣賞她有榴蓮肉又有冰 底下仲有個牛奶布甸D味道勁夾😍不過係愈食愈凍甘解之前外賣食的茫果甜品 好欣賞它d冰沙😍❤️夏天食超涼爽！

今日來到長沙灣食晚飯，飯後好想食個甜品，附近都有好幾間甜品屋，但呢間我地都未食過，其實我地覺得呢間貴族甜品同九龍城嗰間皇室甜品，無論係風格，餐牌都好似，唔知係咪同一間呢其實？店內有甜品放題😂如果食到，價錢係ok嘅。。。伊甸園 $32黑珍珠，小丸子，龍眼，水昌珠，雲呢拿椰汁我要求店員少冰，佢地真係做到俾我😌宇治金時 $42分量好足，同價錢成正比👏🏻龍珠二世 $35龍眼，芒果，雪榚，水晶珠，黑珍珠整體上唔太甜👍🏻下次經開呢頭，都會再幫襯

平時食開深水埗的貴族甜品，今次過去長沙灣就試吓長沙灣嘅貴族甜品，一見到個賣相比平時食開的更吸引，我自己叫咗一個星空，個朋友叫咗個榴槤，另外亦叫咗個類似芒果腸粉的一齊吃，個芒果腸粉外皮幾好味芒果超甜，榴槤嘅產品榴槤味超勁，連我這些不吃榴槤的人也覺得幾好味，而我的星空份量都唔細，食咗好耐都食唔晒，只不過比較多類似西米粒要咬，個口比較攰。

食完飯和朋友們去食甜品！朋友之前在長沙灣讀書，所以帶了我們去貴族甜品！餐廳的選擇都比較多，價錢合理。我叫了一個椰王燉蛋白雙丸（$53）。可能是即燉的，所以我們都等了大概10-15分鐘。蛋白燉的很嫩滑椰子味道都重！椰王夠熱而且清甜裏面更有西米。椰王裏面的雙丸是黑芝麻湯丸，芋圓和地瓜圓。黑芝麻湯丸有兩粒，而且咬開就會流沙，十分不錯。芋圓和地瓜圓比較軟糯，但是芋圓和地瓜的味道都較出這個椰王燉蛋白雙丸配搭新鮮。不過到最後我都未能食曬一個，個人覺得比較浪費，如果大家係食飽再去的話！可以兩個人Share 一個甜品食！因爲都好大個下。

天氣太乾燥 ，收工返到樓下去貴族甜品食糖水滋潤下皮膚， 諗唔到今日元旦居然唔使等就可以直接入去坐， 得六七個人坐係度，平時一般都要等二十幾分鐘以上先有位坐， 今日元旦 居然咁好 ， 唔使等就有位坐 ，叫咗個杏汁蓮子燉雪耳， 紅棗雪蓮子燉桃膠紅棗雪蓮子燉桃膠 才料足夠，甜味係合我心意，為一不足之處係紅棗有核，糖水係 滋潤皮膚 ， 紅棗有核大打折扣 ，希望佢改善下。杏汁蓮子燉雪耳， 杏汁味好重 畀我感覺呢個唔似糖水似糊仔多啲 ， 今晚呢餐甜品美中不足有少少遺憾。

甜品種類同味道不過不失，但服務態度超差🙄黎錯雪糕球味道但店舖伙記企硬自己冇落錯單x2🤷‍♀️老實講大家又冇錄音，雙方都証明唔到邊個係啱邊個係錯。如果你好聲好氣問可唔可以照食，我相信好多客人都唔會介意照食，唔會刻意留難話一定要轉番。加上雪糕球咁基本，分分鐘下個客已經要，再唔係你擺番入雪櫃亦得，唔會蝕大本同浪費，冇需要為左咁得失客人呱?建議店方伙記落完單重複講一次order內容，咁之後咪包你地拗得贏囉🤐

一個深水埗區已經有兩間貴族甜品，之前喺第二度食過都覺得性價比幾高，今次夜晚嚟到食左2款甜品都冇失望紅豆相思，都係$30一碗，有齊紅豆仙草芋圓等等，仲要係椰汁底，雖然係比較甜但係真係好好食，佢嘅芋圓仲要好彈牙另外叫咗個士多啤梨吐司金磚，等左差唔多20分鐘，不過嚟到嗰下都覺得好驚訝，因為啲吐司真係烘得好靚，好似每一面都烘過。味道方面因為有雪糕同埋jam，配合埋外脆內軟嘅多士真係好好食！好食過果間連鎖台灣餐廳既吐司好多！

#魔鬼的誘惑 $42雖然個名特別咗少少 但係其實係一個朱古力綿綿冰佢嘅朱古力味好濃 而且仲加咗啲朱古力醬上去 濃上加濃🤤🤤配料有小丸子 紅豆同香蕉🍌佢比嘅分量真係好多 其他舖頭通常都係比得幾塊香蕉塊你但係依到係成條比曬 而且小丸子超級煙韌 超正！🤤評分:8/10

一到夜晚就好有意慾想食糖水，長沙彎呢間分店糖水鋪都好多人食，眼見佢D糖水價錢都唔算貴，所以同老婆就衝左入去一試。天氣開始轉涼，所以我地二公婆都係叫熱食糖水；我叫左個北海道牛奶燉蛋白，至於老婆就叫咗桂花酒釀芝麻湯丸。我叫嘅北海道牛奶燉蛋白整體味道都唔錯，都算滑，幾香牛奶味，最緊要夠熱，$22蚊算係甘，不過老婆個桂花酒釀芝麻湯丸就一般般，個酒釀味道怪怪的，而且太甜，甜到好漏，同個湯丸又唔多夾，好彩個芝麻湯丸總算食得下。

成班朋友食完飯，又好似未傾夠計嘅話，當然係搵間糖水鋪坐下，再啟動埋第二個胃啦！可能因為落雨，所以唔係好多人。呢度嘅店員都幾好，我地講明可能要坐耐dd因為有一個朋友會遲d到，佢就講笑話佢地收零晨，我地坐幾耐都得（個時10點左右），之後我地個個冷氣位勁凍，佢又主動安排我地轉過個位。女仔，少不免都有dd綠茶控嘅成分，佢嘅綠茶吐司同宇治金時都的確唔錯，最有誠意係佢打個個綠茶厚忌廉，茶味好濃又香又滑個芒果卷都好正！夠多果肉，芒果本身又夠甜👍🏻呢d仲有得揀食甜品放題，有機會可以挑戰下😂😂

約咗朋友係屋企附近見面，附近可以坐得比較舒適的甜品店大概只有這間貴族甜品。所以晚上大概10時，仍然坐滿了人，門口仍有數個人在等。兩個人分享了一份＄48的朱古力心太軟。雪糕有兩球，可以選的味道包括朱古力，士多啤梨，雲呢拿，綠茶，芝麻等等。作為綠茶的忠實粉絲，加上綠茶和朱古力是絕配，就叫了兩個綠茶雪糕。點朱古力心太軟都必然是需要較長的等候，另外又因為鋪頭比較多人的緣故，甜品等了大約15分鐘才來到。首先必須讚一下賣相，朱古力醬的裝飾有技巧，再灑上糖霜，感覺高貴。另外綠茶雪糕用cream固定好，認真細心。整體來說，蛋糕的部份大約2cm厚，是濕潤又厚實的brownie的感覺， 然後裏面都是濃郁的朱古力漿。朱古力心太軟的溫度也相當夠熱，最愛心太軟也是因為喜歡熱和冷交織的感覺。綠茶雪糕的味道是類似手作之店的那個味道，感覺軟滑唔會有碎冰。

晚上食完正餐，雖然好飽，但當諗起可以食甜品，立即醒神，行多幾個圈希望加快消化。黎到甜品店集中地深水埗，左諗右諗，就入左貴族甜品。款式頑多有中有西，明顯芒果當造，有一整頁的選擇。叫左白雪公主和龍珠二世。白雪公主的椰條感覺清新。龍珠二世，有我喜觀的龍眼和好好咬口的黑珍珠，但配珠古力ice-cream有點怪，下次我會改叫雲尼拿or Mango ice-cream。兩款的芒果份量都至少有半個，食完十分飽，好满足。最緊要是食完透心涼....冷氣有點凍，真係由內到外都降溫不少每人$33，都算好ok

食完飯，再食埋甜品就真喺超滿足了。所以，一食完飯就喺OpenRice 搜尋，最後決定來這間甜品店。夏天來臨，一個適合食芒果嘅季節。所以選了這個人氣推介嘅白雪黃金卷。白雪黃金卷意思喺以椰汁粉條包裹芒果而成的卷物。白滑嘅粉條與超甜芒果，配上涼涼的芒果沙冰，還不錯。不過椰汁粉條嘅椰汁味超淡。還點了這個窩夫配班戟。班戟感覺普通，而且内裏忌廉較多。窩夫脆而微溫。不過我還想窩夫內裏比較鬆軟。至於雪糕可算不同口味，而我們則算了芒果味。配料芒果則因爲加了焦糖醬喺面，味道過甜。窩夫配上雪糕還好，但不太建議配上焦糖芒果。整體而這還可以。無甜品店可去會再去。

媽媽來香港玩 帶她來吃甜品今晚點了椰汁燉燕窩 甜品來了以後 燕窩細細的幾乎沒有 這我可以不抱太多期望 整個甜湯 水水的 一看就是水加太多 又過甜 吃了幾口完全無法強迫自己吃完,一碗還要$78。很明顯的偷工減料 和照片上的40%都不像...和店員反應過後 他們說可能說水加太多，最後說會扣掉這一項 我們要付錢時請老公對一下單 但他們沒有給一張update 的單 所以我要老公等等看清後再付, 收錢的小姐聽到後竟然態度很不好, 非常無禮、粗魯的問我們到底要用什麼付錢?! 八達通還是什麼?! 還擺一張臭臉！沒想到現在客人不但對於消費的東西沒有和餐牌上的類似，感覺被騙以外，連想要對單都還要被惡劣的態度催促快一點，今晚真的是浪費錢和時間! Like they know how to do business and treat the customer. What an awful experience tonight.