貴族甜品 (元州街)

營業中

休息中

呢間甜品店嘅種類都幾多，有傳統之選、窩夫類、芒果系列、冰雪之選、清涼之選、暖心之選等，埂有一款啱自己食天氣開始炎熱，我自己就好鍾意食甜品，呢間有我好鍾意食嘅椰皇，我就好鍾意食呢度嘅原盅椰皇燉3.6牛奶蛋白，要刮埋入面嘅椰肉食😂咪睇少呢個椰皇，食曬一個都好飽肚，蛋白真係好滑溜，甜度亦都唔會好甜，非常啱我口味，間唔中都會走過嚟食😋另有椰皇都具備有滋潤、清熱解渴、益氣生津之功效，都係一個健康嘅甜品選擇📍貴族甜品 (元州街)長沙灣元州街412號地舖

🥄巨峰金時 $45賣相吸引，但全杯刨冰得一個地方好味，就係一個雲呢拿雪糕球😞之後小丸子仲過份，係勁粉，食落勁重麵粉味，好難食🤕🥄芒芒小丸子 $35賣相不吸引😵‍💫芒果很淡色淡味😵‍💫成碗甜品只係得一個甜字😵，真心勁難食，真係勁淡味的芒果，芒果粒也是淡味又酸，唉，真係好唔開心😡。之後小丸子仲過份，係勁粉，食落勁重麵粉味，好像在食麵粉一樣，完全冇咬口，好難食🤕服務也可以，不過甜品比較差

諗住喺附近近近地搵間糖水食吓，見到貴族甜品最近，懶得行甘遠，就行咗入去試下🦥香蕉船叫咗個香蕉船配雪糕同Cream，賣相都ok，味道不過不失，無好大問題🍦🍌不過衛生方面真係有待改善，張檯面啲邊位有幾隻螞蟻🐜食緊個陣望到真係唔太開胃😥😥加上餐廳感覺歷史悠久，地方都偏殘舊，感覺已經唔太衛生～🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 貴族甜品 (元州街) (長沙灣)長沙灣元州街412號地舖

打開膠袋一拎出黎就知唔對路，我唔明點解楊枝甘露呢d咁普通嘅糖水都可以做到咁難食，人生第一次食加芒果冰沙同椰果 再帶小小椰果水嘅楊枝甘露，唔知係咪店舖特色la，最起碼我係香港未試過d咁樣嘅楊枝甘露…….我嗌外賣 如果賣晒 其實可以打電話通知番，而唔係求其乜都加d去做一份「楊枝甘露」咯真係勁無語 勁嬲

買咗個桑寄生蓮子蛋茶外賣，返到屋企竟然發現成碗野入面只係得啲蓮子碎，其實冇材料或者材料唔夠係可以同客人講，但店員係選擇唔出聲當冇事發生唔會再嚟呢間度買，真係有啲過分

貴族甜品（Cheung Sha Wan)🤭🤭平時夜晚口痕都想食下糖水🍮🍨🍧 於是就去附近一間附近貴族甜品試下 點解今次真係有驚喜！！💥⌖ 芒芒小丸子🥭🍡💰$33嗌咗個以為實冇死嘅芒果系列🥭 芒果雖然係好大舊 不過甜度就一般🤥 小丸子軟硬適中 可惜沙冰就偏甜 有種芒果嘅假甜味😬😬 ⌖ 紅豆相思🍧💰$35一開頭見哩碗都幾足料 有紅豆、芋圓🍠、仙草、西米露同埋椰汁沙冰🥥 除咗沙冰偏淡之外其他嘢都正常 點知。。 呢碗野竟然加咗料 食咗三份一先發現有隻🦟係碗邊🤢🤢（求小編嘅心理陰影面積☠️） 好彩舖頭喺隔離 即刻換到一碗 店家都有誠意整過滿滿嘅一碗 賣相係吸引嘅 只係衛生問題真係要注意⚠️ ☻ 回頭指數：4.5 / 10 （加料嘅糖水真係會嚇死人🤯）#Fatshit_ami #Desserttime #長沙灣美食 #港式美食 #香港美食 #食好西 #港式糖水 #港式甜品 #芒果系列 #芒芒小丸子 #紅豆相思 #加料糖水

好耐無同老公撐枱腳食糖水，今晚係屋企食完飯，就去左附近既貴族甜品食☺️☺️💫 情定九份 $36好多配料，有涼粉、紅豆、芋圓、爆珠… 份量足料！啱晒想樣樣都試吓既人…💫 石磨合桃露（加芋圓）$32芋圓份量都多，幾煙韌！合桃露幾滑，但食唔出合桃味，可能熱食會好食啲，但個人覺得麻麻，唔推介😶 ====================推介度：❤️❤️❤️CP值：👍🏻👍🏻👍🏻好味指數：👅👅👅====================

呢間甜品店已光顧過好多次，疫情期間入店好嚴格，一定要測體溫加掃安心出行，二者缺一不可！咁樣好似麻煩D，但好處就系可以營業至淩晨一點。現今情形下可以開到咁夜的甜品店好少見，所以好適合兩三個朋友一起宵夜，服務態度都OK夏天來呢度都是食凍嘢，尤其鍾意食幾樣榴槤甜品，味道幾好，榴槤味幾濃！宜家天氣開始凍，就試下中式熱甜品：糖不甩味道太甜，不鍾意！酒釀桂花芝麻湯丸唔錯，既有酒香又有桂花香，味道幾濃，熱辣辣，好適合冬季食

夜晚口痕約左朋友一齊去食甜品，過左10點唔係好多甜品店有開，長沙灣地鐵站附近有間貴族甜品，可以開到一點鐘！夜晚有好多人等位，也有人叫外賣。我和朋友叫了白雪公主，白色腸粉好滑，仲有一頭芒果雪糕，芒果尚甜。又叫了伊甸園，有龍眼、椰果、黑珍珠，略為過甜。另外一款係芒晶晶，當然芒果肉和芒果雪糕係主打，配上水晶、珍珠，配上芒果沙冰，不配配搭。鍾意食芒果的可以一試！貴族甜品也有不少其他芒果甜品，也有不同配搭，宵夜時可以再試其他款式。

係附近食完晚飯就緊係要食埋個甜品🍰滿足下另一個小胃仔啦😊 今次就去左貴族甜品試下! 餐廳所提供嘅甜品種類幾多, 好多都幾吸引咁😆, 佢仲有甜品放題任點任食, 不過今日食飽左所以就不了🙈小妹同朋友叫左一冷一熱開心share🤗😋星空🌌甜品係由芒果汁, 粒粒芒果🥭, 仲有龍眼肉同爆爆珠整成的, 芒果肉都算甜, 整體味道酸酸甜甜幾有口感, 而且食落幾清涼!😊桑寄生蓮子蛋茶甜品幾夠熱同足料, 味道正常有少少偏甜, 不過不失!

不論何時何地，女仔總有第二個胃留俾甜品。呢日同朋友食完晚飯, 就去咗附近嘅甜品店繼續girls’ talk。餐廳面積唔大, 座位比較狹窄, 尤其天氣凍每位客人都着大褸, 就有少少唔夠位置放嘢。諗住食啲熱嘢暖下肚, 點知店員話日本紅豆豆腐花只有凍食(由此證明貴族甜品的豆腐花不是即叫即撞), 唯有點北海道牛奶燉蛋白加紅豆 。第一次食呢個combination, 冇諗過紅豆同燉蛋白咁夾。紅豆大粒份量多, 且甜度適中。比較下燉蛋白就比較遜色, 雖然表面光滑, 沒有過火, 但奶味唔算濃郁。整體嚟講, 甜品屬中上水平, 但再特意光顧的機會唔大, 都係留番啲quota俾其他美食啦!

我發現而家唔係度度都有得食「河粉」或者「椰汁粉條」！！！去左好多間甜品譜先搵到一間係有得食嘅^_^ 不過我就覺得一般麻麻地；（ 佢嘅椰汁味係好重，但係成兜野真係好冰凍好冰凍XD 同埋芒果味一般，唔夠濃郁，可能溝得太多水！如果夏天石應該都幾正，但係冬天再加上強大嘅冷氣真係好凍啊哈哈

雖然這2年間都久唔久幫襯下但最近才找到喜歡的甜品, 就是這個”清湖映月😋😋有椰味沙冰紅豆芒果柴糯米及雪榚球(雪榚球好似有三種選擇)以往都是吃傳統的熱的甜品但覺得凍的甜品較出色!! 以後會多光顧🥳

我發誓我呢世都唔會再去食呢間垃圾糖水！尋日去食完，碗糖水有蟻，咁咪打算叫人取消佢，點知嗰個人聽到我地話碗野有蟻就即刻面口都變埋，好似佢碗糖水有蟻係我錯咁，又冇意思要同我地換過碗或者取消。同埋嗰間野有個帶黑框眼鏡既女人，成日黑口黑面，態度勁差。我都唔係要求你好似高級餐廳咁好態度，但都唔洗吆吆喝喝咁下話，當正啲客殺父仇人咁。做糖水做到你啲態度咁差真心幾時執呀！糖水又唔係好食，價錢又唔係平，如果鐘意被虐既，我都推薦你去幫襯下架！

首先 店面算大 檯都有十多張啦 我地去既時候係20:00左右 得一半滿 但店員都要照叫我地去搭枱 算啦 坐低諗左陣叫左個宇治金時 紅豆用糖煮過 但唔會太甜ok 小丸子就係正常面粉味 無特別 冰加煉奶所以係好味 但最敗筆係佢既綠茶雪糕 雪得耐 無左陣綠茶味 太淡lu朋友叫左個白雪公主 芒果唔甜唔酸 粉條無味但加上雪糕一齊食味道還可以 整體唔太甜 但粉條話就話有椰汁 不過食唔出總結 -其實唔係爆多人既話 希望可以簡位置-甜品 普通 可以有待改善 尤其是三四十蚊一細碗