貴族甜品 (埃華街)

營業中

休息中

與朋友晚餐聚會後, 又想吃點甜😂大角咀區甜品店頗多, 朋友選了這間貴族甜品一試!😏星期六的九時半, 要等等位...我們分別點了:🍫朱古力心太軟椰汁西米+小丸子+芋頭七星伴月芒芒小丸子還有朋友的一款忘了甚麼名字😂😂整體味道不錯, 不太甜!❤我的椰汁西米+小丸子+芋丸👌唯一是小丸子過軟, 不夠煙um!芒芒小丸子很足料!我都分享了一點芒果, 很甜!😳評分: 5⭐最好食物: ⭐⭐⭐⭐環境: ⭐⭐⭐價錢: ⭐⭐⭐服務: ⭐⭐⭐

有個fd超中意食榴連甜品 黎開大角咀search openrice見到呢間咪打算試下地點都算易搵 地方都幾好坐 唔會好逼不過甜品就真係得個樣同榴連叫做香啲 個芒果腸粉真係唔使試 只係食個芒果肉就算啦大家

晚飯吃不飽，小人呼喚絲打團召開甜品大會，一呼百應，謝謝絲打團！😀先來兩個戀之甜品，第一戀名為天使之戀，乃是在拿破崙餅之間有些芒果忌廉顆粒，芒果清甜，餅亦鬆脆。第二戀乃傾城之戀，其實是朱古力雪糕襯香蕉，雪糕朱古力味濃厚，但香蕉不夠熟，傾不了城。接著的少女時代乃乳酪味沙冰，甜中帶酸，沙冰頗為綿滑，甜美怡人。芒果河粉撈乃是不得我們心的作品，奇怪的配搭，得出奇怪的感覺，總之令人拒而遠之。芒晶晶裡有些芒果肉、丸子和沙冰，丸子煙靭而沙冰爽凍，清涼清甜。吃飽甜品，絲打團散席，滿足地各自返歸。

打風前夕，天氣轉涼，一洗持續已久的熱氣，在這種夏轉秋的季節交替時間，想起了綿綿冰，於是便到附近的甜品店吃抹茶綿綿冰。下午茶時間去到貴族甜品，人不算多，只有三兩枱人，大家都靜靜地吃著手中的甜品。我也立刻叫了宇治抹茶雪糕綿綿冰。一會兒後，甜品上枱，一球抹茶雪糕安穩地躺在綿綿冰上，一左一右伴有白玉丸子和蜜紅豆。吃一口雪糕和帶少許茶香的綿綿冰，再吃一口白玉丸和蜜紅。不同的香氣和味道在口中融合，帶來夏秋交接的幸福感。

甜品的確好味，但好失望嗌外賣拎走，返到屋企一打開，咩都少左，感覺上俾35蚊，但只收到20貨。提醒各位，如果外賣拎走，呀姐放甜品紙在盒上面遮住你碗糖水，一定要check清楚先好拎走呀。我已經中過招兩次，一次系換了我的甜品第二次系偷工減料。好伏好伏好伏，好伏好伏特別系今次，拎返屋企果碗糖水比平時少左成倍，一向用20分鐘時間食完，今次用6，7分鐘已經食完，利申：唔系食野速度快左，而系好似俾人呃左呀！！！！

萬歲甜點～ OL 最愛！！下午茶最緊要 ～ 夠快 夠近 夠多選擇 夠抵食 夠簡單 夠方便 夠易食 唔會整污糟件衫同張台! 貴族完全合晒要求！ 打電話order, 落樓即刻拎得!勁勁勁快個個食得開心，老闆請得放心！

原本想飯後到這裡吃個清潤糖水，點了一個凍杏汁燉雪耳蓮子，到來的竟是一碗比杏仁糊還要杰的糊狀東西，用匙羹撈一撈，雪耳是泡到軟軟的，幾粒煮到爛的蓮子黏在一起，跟本不像甚麼杏汁燉雪耳，很黏口難吃，叫來侍應反映，她竟說雪凍了就是這樣杰，熱的就不會，我說這碗跟本是杏仁糊但他堅持不是，由於太難吃及跟本不是我想要的東西，只好放棄不吃，結賬了事，到收銀櫃埋單時，向那位相信是老闆的女士反映，她的態度就是愛理不理的，笑笑口還是要收你錢！

當嘢食嚟到嘅時候,因為餐具冇辦法放係碟上,結果店員好似"桶"我咁同我講"喂,拎住!!"服務態度好差甜品中嘅"QQ"十分硬,芝麻湯圓皮厚,材料少椰子肉未多軟,好難食

本來想食另一間甜品 去到原來已經頂左手俾人 又無得食 但我同朋友都覺得開左個頭 就點都要搵間甜品食 咁就周圍行下喇 行行下就見到貴族甜品 原來大角咀有間我都唔知 深水埗個間就食得多 大角咀分店都係第一次食 但水準同深水埗一樣 無差別👍🏻我叫左個宇治金時 差唔多次次都係叫呢個 因為我係抹茶控同煙韌控 真係好鐘意呢個宇治金時 雪糕好濃抹茶味但唔會甘苦 小丸子好煙韌 我好鐘意 紅豆偏淋 如果鐘意粒粒分明既你咁就未必岩喇 唯一美中不足既係刨冰無乜抹茶味 好淡 但連雪糕一齊食我覺得岩岩好

係奧海城行完街食飽飯，又係時候食返個甜品，由於唔知係邊度有甜品食就行返去大角咀搵下，中途就發現左呢間望落好吸引既甜品鋪，就決定食呢間啦小清新既裝修，坐得幾舒服食物方面真係好多選擇，而且望落全部都好吸引，雖然我好想好想食窩夫，但啱啱餐飯真係食得太飽，就決定放棄本人非常喜愛紅豆同芋圓，一見到呢款甜品已經心心眼，椰汁係咪底，紅豆夠淋夠甜，芋圓煙韌香甜朋友order既即撞木桶豆花，熱辣辣新鮮出爐，豆花就一般般，不過不失咁，不過欣賞佢比一樽黃糖我地任落唔嬲呢個價錢其實都算好抵食，都唔錯既

喺奧海城睇完戲之後，就同朋友行咗過去大角咀，途中經過呢間位於大角咀嘅貴族甜品，就畀佢吸引咗入去啦，雖然佢個名係叫貴族，但係裏面嘅甜品價錢都好親民。就例如我叫咗嘅依個薄荷金時刨冰配 oreo曲奇雲呢拿雪糕，都只係35蚊咋 佢嘅薄荷刨冰食落口，每一啖都有我最愛嘅薄荷味，而唔係生水味，佢嘅粉圓亦都好煙韌，加埋甜味十足嘅金時，再配上軟熟既曲奇雪糕，真系一絕，而且佢嘅份量亦都唔細架，夠晒你飽！ 希望下次嚟嘅時候，佢嘅份量同價錢都依然不變啦😊

我喜歡用openrice搵食，但不會特別去寫食評，今次忍不住了去開戶！我們不是第一次光顧，有信心保證才去吃，可惜已經變差了！三個人叫了兩個甜品share，包括朱古力窩夫同咖啡芭菲。咖啡芭菲還keep到，但窩夫是同＂淋＂的丶沒溫度的，我問佢地「窩夫係咪即整？」，佢豪不猶豫答「係」！我不是小朋友，目的也不是要求更換，只要他們承認錯誤便可接受，可惜他們沒有！走時留了半碟，不會再來！

星期六食完晚飯時間，出面企左好多人排隊，等左大概15分鐘先到我地，環境淺窄，都係速食之地，兩大兩細叫左個少女時代同童趣。少女時代即係益力多味棉花冰+芋圓+紅豆，不過佢乳酸味都叫濃，唔似有d鋪頭淡而無味，食飽飯更見開胃。童趣就係自選兩個雪糕單球再加d雜果，d生果都幾新鮮，係自欺欺人既健康之選😋整體味道ok,選擇眾多，可惜坐得唔係幾舒服，唔係適合慢慢傾計，下次有機會會再試窩夫

試左椰子牛奶蛋白，好淡椰子味，好淡牛奶味，只有蛋白味。綠豆沙好杰，唔係人人都會喜歡。其他芝麻糊，木瓜雪耳係正常。 但有位綠色長髮幫我地落單既小姐，佢既服務態度真係好惡劣。一行埋黎佢就已經好唔耐煩，態度極差，落單要"慢慢地"同佢講因為佢會跟唔到同好混亂，繼而就燥底。我地落單時想改一樣甜品，佢就即時黑面好似要佢零分重作咁。 最後都係落漏左一樣甜品，但佢就不停係旁邊碟碟不休，類似話"我唔知有咩落錯囉" 其實你咁不滿自己既工作，如果情況許可的話，不如你考慮下轉工？ 無謂留係度辛苦自己，辛苦客人。 如果係咁既食物質素，但要受D咁既服務態度。我寧願去澳牛俾人鬧。起碼佢有食物質素搭救。Guys, don't waste your money on this terrible customer service. Even the food is not worth it.

🍧大角咀特色小店林立，一班朋友嬉嬉哈哈食過飯後，最好就是找一間糖水店繼續吹水。路過幾次呢間小店，卻每次都不耐煩要等位，沒有緣份光顧。這天星期天來到，驚喜地不用等位。中西式糖水甜品選擇很多，雪糕生果豆腐花種類也多，最啱三心兩意的女仔慢慢挑選。紅豆雪米糍豆腐花紅豆夠甜，豆腐花也夠滑，但糯米糍就跟餐牌不一樣，沒有流心的。椰皇芋圓湯圓椰皇很新鮮芋圓湯圓都很彈牙的食物上也不錯只是座位上有點狹窄，服務員也欠缺笑容，這是比較可惜的。