貳號冰室

營業中

休息中

今年新年前，我專程走到中環恆生銀行總行接財神！ 順路走去附近的 <貳號冰室> 買外賣早餐！反正我都未幫襯過這分店！一向都是幫襯上環店，聽朋友講，以早餐為例，兩間分店價錢相差 $1~$2！這裡佔地兩層，另一層位於地庫！早餐沙嗲牛肉麵. 炒滑蛋配岩鹽日式湯種包 $42 (外賣 +$2)打開外賣碗蓋，沙嗲牛肉麵已傳來陣陣沙嗲醬香氣，令我食指大動！先嚐湯底，味清帶鮮香！拌勻沙嗲醬後，香濃惹味！公仔麵依然保持攣曲，既富有彈性又掛湯！帶有鮮味的牛肉肉質柔軟而沒有韌勁！值得推介的早餐！岩鹽日式湯種包包身質感軟熟，味道少甜！個人喜歡麵包蘸湯食， 加上店方的沙嗲香濃不算辣，食得更滋味呢！ 炒蛋都幾大堆頭，綿滑帶有蛋漿，口感濕潤，火候亦恰到好處！熱香滑奶茶 $19茶香奶滑這一點店方也做得到！茶味香醇味不苦澀，就算不加糖，也嚐到淡奶本身的微甜，兩者口味平衡！

今日同三位同事去食Lunch，茶餐廳有地下和地庫兩層。我們選擇坐地庫，沿往地庫的樓梯排隊等入座大約等了5分鐘，就有四人卡位了，帶位員醒目勤快。兩位同事揀食精選午餐：蒜蓉汁牛扒拼火腿意粉，送中湯和飲品，凍飲加3元。牛扒味道正常好食，但邊位有少少UN。另一位同事揀海南雞飯，職員話不能走胸，所以加10元要雞脾。同事話好食。我食葱油豬扒熟蛋意粉，味道OK，但只有一塊size不大的豬扒，豬扒份量有待改善。值得一提，餐廳有位推介美食大使，負責推介招牌食物給客人，他有禮貌，有服務，值得一讚。最後我們叫左出名的奶油豬，美食大使主動來幫我們切開四件，服務貼心。奶油豬新鮮出爐，好脆好美味。👍中湯味道正常，沒有特別。服務 Very Good👍👍👍凍檸茶和凍奶茶很大杯，做得不錯。食物味道是合格之上，當然也有進步空間的。出菜夠快，有機會一定再會幫襯。

本身中環返工，尋日第一次同朋友試吓呢間食午飯，嗌咗全日早餐飲熱檸茶，諗住應該冇壞。內容有多士腸仔，吉列魚柳炒滑蛋等等。味道普普通通，魚柳淨係食咗三分之一。 尋晚10點開始覺得嘔心，又屙又嘔一整晚🥲懷疑啲蛋有問題！ 經我上網調查，香港好多人都因為食炒滑蛋唔夠熟食物中毒。以後唔會再咁出面食滑蛋。當然都唔會再幫襯呢間茶餐廳。喺出邊都經常食炒蛋都未試過咁樣！ 一定要煮到熟透溫度夠熱先好食！

我最近幫襯了租庇利街貳號餐廳，整體體驗還可以。女侍應的服務態度好，讓人感覺受到了重視和尊重。餐廳的新裝修而且乾淨，環境舒適。地面水吧的出品有質素，奶茶温度很夠熱，夠茶味又香滑，多士內脆外軟，十分滿意，令人回味。然而，「地庫的水吧出品很差」，叫了個早餐，喺油浸煎蛋荷包蛋，又煎得過熟，有爐屎，奶茶的溫度不足，茶走太甜，令人很失望。而且，多士唔脆，很失望，再光顧都唔落地庫用餐。總的來說，我會再次幫襯，但我會選擇在地面果層坐，因為地面水吧出品有質素。 然而「不會坐地庫個層」避免中伏，希望餐廳管理層有所注意。

員工態度差，45分鐘的下午茶，來回收3次碗碟，第3次來叫你走，說夠45分鐘，我入座時沒有說明限時，亦都沒有看見限時貼出來，這樣的待應不只一個，只可以說上樑不正下樑歪，不會有下次.

之前就見到呢間冰室喺上環開，試過之後就覺得唔錯，最近佢喺近中環嘅地方又開多一間，對我嚟講真係方便極啦！餐廳外觀好有特色，以綠色同金色為主調，招牌設計好吸睛，個個圓形同弧形嘅元素襯埋一齊，好有懷舊冰室嘅味道，又帶啲時尚感。今次我叫咗個「流晒口水雞飯」。一上枱，雞肉嘅色澤就好誘人，表面淋住紅彤彤嘅麻辣醬汁，仲有花生同芫荽做點綴。夾一啖雞肉放入口，麻辣味好夠勁，香氣瞬間喺口腔散開，而且雞肉啖啖肉，嫩滑又唔鞋口。配搭嘅白飯粒粒分明，用嚟撈埋啲麻辣醬汁，真係唔錯～而隔離啲花生又可以幫助解辣！幾好食！除咗食物質素唔錯之外，店員亦都夠醒目，一入去好快就安排位置俾我坐，上菜速度又快，啱晒我呢啲想快啲食完快啲休息嘅上班族👍🏻

呢間冰室係我同朋友行咗上環中環嘅街之後選擇嘅晚餐場所。我覺得呢間冰室價格都算幾親民㗎，服務人員態度都好好，環境都好清潔衛生，我自己就好滿意喇，朋友佢哋亦都話呢間冰室唔錯。當時我喺巴士上面已經食咗一個菠蘿油，到達餐廳嘅時候我唔係好肚餓，就點咗一份炸薯條，味道好過預期！唔會感到有好多油脂。朋友點嘅蔬菜炒牛肉配米飯，以及牛扒，睇起嚟外觀都令到人好有食欲！我仲點咗一份桔仔蜜，唔係太甜，對我就啱啱好。我個人嘅體驗係比較愉快嘅。