貳號冰室

營業中

休息中

由中環行到上環文咸東街， 發現有間貳號冰室， 就入去一試。晚飯時間，但唔算好肚餓， 點鮮茄炒蛋牛肉飯$64、 大蝦木耳餃米線$56、 油菜$22、 凍檸茶$11。 ▫️鮮茄炒蛋牛肉飯🍛 ～ 牛肉只得三塊， 鮮茄炒蛋味道好淡， 好一般。 ▫️大蝦木耳餃米線🍜 ～ 湯底酸酸辣辣幾開胃， 大蝦有三隻夠爽口， 木耳餃味道普通。 ▫️油菜🥬 ～ 油菜只得菜心可以揀， 味道普通。 ▫️凍檸茶🥤 ～ 正常 整體一般， 叫做食得飽。 🏷️溫馨提示～ 整個用餐體驗均屬個人分享意見， 只作參考😊。

本來係想食下午茶，而5:30-6:00仲有下午茶的茶餐廳唔係好多間，大家樂冇野食，蘇杭截左單，華星好大機會都截，所以直接嚟呢間.不過呢間下午茶選擇唔算多，如果係就㨂常餐，但6:00好尶介，我和朋友都好肚餓，咁不如直接食晚餐算.落單時女侍應好有禮貌，問我地要咩湯主動介紹中湯有雪梨燉的，於是我們都㨂左中湯，好好飲，飲左唔口渴.左邊係蝦球炒蛋，蝦球大隻但唔夠蝦味. 蛋滑整體都ok.右邊係炒豚肉，棘椒都有d棘但就好惹味.湯好好飲👍

14:22 落單 14:37吹單（話整緊）下次打電話落定單我：打咗，電話冇人聽可以WhatsApp落單我：第一次食，唔知等咁耐14:49 同我講落漏咗14:50問佢要等幾耐我取消就咁行開左又唔算係多客 員工好多 都唔知係咪做嘢

以前貪佢位多，中午唔洗等位，我本身中。午趕時間，對食沒什麼要求，只要食得飽我都唔會點出聲，但真係好差架食物啦！仲要佢比其他茶餐廳貴，可以令我覺得難食到不再幫襯,真係非一般咁差公仔麵口感overcook ,個豬扒鞋到咬唔開，個所謂炒蛋，蛋無蛋味仲要唔嫩乾身架！真係常餐都做到難以下嚥，零廚藝架人都整得好過佢啦，連個，toast 都係放左好耐，唔再脆中間吸曬廚房油煙濕氣，吃一口己要吐返出來個焗豬扒飯，用蕃茄膏調味，無乜層次感可言，一樣是塊用盡牙力都咬唔架豬扒

上環搵間平民價又坐得下既茶記唔易，貳號冰室就係一個選擇，又大又光鮮，慢慢食慢慢坐茶記食物，有湯有茶既午餐，算係咁菜乾豬骨湯 💖💖💖💖💖💖🤍🤍🤍🤍咖哩牛肉意粉 💖💖💖💖💖💖🤍🤍🤍🤍凍檸茶 💖💖💖🤍🤍🤍🤍🤍🤍🤍例湯，以為會將貨就價，點知都幾真材實料，真係老火湯，濃味但無味精，讚咖哩牛肉意粉，咖哩唔算辣，配意粉幾好，味道都唔錯牛肉都多，整體幾好，冰室款式凍檸茶就正常，服務幾好又舒服，唔趕既係不錯既選擇

‼️⁉️圖片只供參考餐牌上嘅野就係無🤷🏿‍♂️⁉️餐牌上話有醒神早餐-菠蘿油點知，服務員同我講無？這時已經是差不多早上8時💢咁都無？？咁就唔好整個餐牌出黎騙人😡又話醒神早餐？🤷🏿‍♂️真係俾呢間餐廳騙到好醒神‼️同埋服務員嘅質素一個字差🤦🏽‍♂️

呢間都間唔中會食下，貪佢好坐間隔又大又多卡位，食過常餐都ok 嘅，話說本來去左另一間出面有老婆餅賣的冰室，點知一入到去問佢有冇下午茶，嗰陣5:45，個侍應話冇，再加多句而家幾點，個餐牌冇就冇囉，ok fine, 我以後都唔會嚟，即走，就去返呢間. 呢間下午茶去到6點.茶餐廳我唔要求佢服務好，但唔該我唔想比錢受氣食野.轉返正題，其實想食d野郎下個肚，所以叫了奶油豬，有驚喜，面包脆度啱啱好，咬嗰下脆但入口已經淋，咁牛油同煉奶的組合基本上都無敵，所以個飽先係定生死，有d個包好硬冇咁好食，呢間好食，往後我都再去過食過兩次，所以都係出篇食評，奶茶都ok ge.

星期日在上環食早餐，選擇唔多，因為好多餐廳都唔開，早餐都係例牌個d 沙嗲牛麵雪菜米粉，連炒蛋同餐包，三十幾蚊價錢合理，食物質素都冇乜要求了，算合格啦，正正常常咁，唔想食粉麵可以揀菠蘿油包飲品。早餐C 雪菜米粉，炒蛋，餐包 $38 味道同份量都正常菠蘿油餐，包飲品 $28大大舊牛油，正，不過如果唔想要可以走牛油，包個size 都算大，上枱時仲有少少暖，個包面頭好鬆脆，下面的麵包食落有空氣感，唔係好實個種包，個包好食過d 早餐ABC

Lunch time時間食飯都未食完，停一停手禁電話就趕收碟仲要好無禮貌，隻手已經叉左埋梨大佬呀，我食野快姐，更何況我碟飯未清晒我都未飲杯野…食碟飯大概10分鐘到，就覺得我食完要起身走？我仲要飲杯野架!!上一次個呀姐直頭話後面好多人等位自問平時都食得快，飲一飲杯熱奶茶就會走吾會坐系到霸住個位所以自問食得慢，真系吾好揀呢間希望老闆正視一下問題，系客人角度睇下我都知道系快餐店，自問自己算系食得快吾代表要比人趕走

又係嗰句，去親上環都唔知食乜嘢好。於是乎，就簡簡單單喺做facial樓下嘅茶餐廳，食番個下午茶算了 ╮(￣▽￣"")╭ 其實我好想試佢哋嘅炸雞髀餐㗎(因為我好鍾意食炸雞髀，而且而家好多茶餐廳都冇得食)，但係我又唔係肚餓喎，加上一陣又要食晚飯。於是乎都係食佢哋嘅奶油豬套餐($29)。 佢哋個奶油豬不過不失，都係即刻焗嘅，不過啲煉奶就非常少 ಠ_ಠ 最大鑊嘅係佢杯飲品，遲遲都唔上枱，食完個奶油豬都仲未到，要催咗兩次先至施施然上枱。 盛謂$58。

周未朝可以較晏起床，梳洗過後就近來吃這客貳號的頭號沙嗲牛肉麵早餐，除了主角沙嗲牛肉带淡谈麻醬香味，麵身硬度身也控制得不錯，在吃完炒蛋後也不會過份腍身而影響食味，個人感覺比那些加大量濃油赤醬的沙牛名店更加啱口味。今天這件多士焦香而柔軟，炒蛋依然嫩滑保持一貫水準，而鴛鴦依然是香港最出色之一，即磨濃香咖啡味加西冷红茶在喉嚨的回甘味，带來平衡的口味，沒有「如果太多牛奶味，朱古力味冇掟企，等到朱古力味返番嚟，牛奶味又唔爭氣。」的感覺，啱味就啱哂你。

嘆完下午茶，路過上環見到有一間冰室，都好光猛又寬敞，所以就入去睇下有咩食。我叫左個洋蔥豬扒飯套餐，包一個中湯同埋一杯飲品，另外我朋友叫左個豬小排木耳餃米線，追加油菜(+$20)。先講個豬扒飯，煎得幾香，脆身，不是翻煎，有肉汁。有兩大塊豬扒，分量充足。豬小排木耳餃湯米線，豬扒厚身，都相當淋，木耳餃都幾好味，又係大大碗，抵食。碗米粉最初到左之後漏左木耳餃，侍應生表示唔好意思後，即時另用碗連湯補返餃子，服務態度唔錯。追加碟菜心就有驚喜，係菜心苗，細細條，好有菜味。因為好多時都食到無菜味又好老既菜心。另一驚喜係每台都有一甖豆豉菜莆，多數都係放辣椒油。將來再經過此間舖會再光顧。

鐘意食厚底芝蛋治烘底既你，小編推介2 Cafe,佢地份芝蛋士烘底好大份又好味，從相片可見美味可口，不得馬上一試，再配上一杯香濃熱鴛鴦就更perfect!環境同侍應服務都不錯，甘大份都係HK$47,係上環值得一試既茶餐廳!

個人認為貳號冰室早餐幾好食，包括質素、調味、價錢，和餐廳衛生都不錯。我唯一會挑剔是煎蛋。看圖中反蛋，蛋白還未熟透，一鎅開液體蛋白流出來。再者現時流行脆邊（燶邊）煎蛋，這冰室的反蛋太軟身了。如果加$2可以轉脆邊煎蛋，我會加。如是者，早餐就完美了👍

我下晝3點多啲入黎，就揀咗個美極生炒牛肉飯下午茶餐啦。等咗20分鐘都算，碟野落到枱 我撩咗成碟飯 好想問，牛肉呢？最好笑係連粒碎蔥都大粒過啲肉，呢啲唔叫牛肉 連肉碎都無資格叫！美極味又無，飯又硬，完全同食緊兜蔥花蛋炒白飯加少少鹽一樣 淡而無味！ 我自己都有煮開飯，呢啲肉量連去街市買5蚊瘦肉都不如 真可憐 每枱都有免費勁油菜脯 我唯有撈菜脯食咗碟飯佢。。講真真係衰過頹飯。。一路食一路忟 絕對無下次 真係一間搵笨實嘅懶靚茶記