貢茶 (已結業)

其實旺角區果3間貢茶都試暈晒,但我又唔覺得有d咩既分別,可能我飲野比較求其啦次次去親貢茶都係飲呢個百香果綠茶,由全糖降到少糖,半糖,微糖,甚至無糖,都飲過晒,全糖,少糖同半糖個人認為好甜而微糖就岩岩好啦,甜度適中,但無糖又真係無晒d甜,好似飲茶咁樣之後更加嘗試加入椰果,飲野得黎又有野咬下咁,唔錯...但今次去買既時候,就要畀多1蚊了,因為綠茶系列(蜂蜜綠茶除外)都加左1蚊, 1開頭仲以為自己聽錯左個收銀姐姐講最搞笑既係我明明係嗌左加椰果,但係佢整左加珍珠,我左,咁梗係叫佢換啦仲有仲有,呢間貢茶既服務態度真係唔多得,尤其嗌number果個姐姐,有人話要個膠袋袋住,點知佢淨係放係張枱到,袋都唔幫人袋渦

第一次寫食評XD其實已經飲過好多次貢茶架啦...不嬲都係去開登打士街到飲今次就試下轉分店買~本身諗住個味都差唔多架嘛...點知佢個招牌珍珠奶茶...(我叫少冰既)唔係我飲開果隻味勁少甜同冇乜奶味咁...飲左一啖已經唔想飲只有d珍珠仲有d甜味, 入得口XD唉真係有少少失望,下次都係逼一逼, 去返登打士街果間算啦 =(

尋日放左學之後出左旺角，一出新世紀就見到貢茶，所以都即刻買返杯珍珠奶茶，其實哩間貢茶我都唔係第一次飲，一直都不及登打士街，但都未到太差GE地步...不過尋日個杯就真係好難飲，完全冇茶味!!!連我個FD個杯梅子綠茶都好難飲哩間野D野飲都幾飄忽，大家如果要飲GE話可以碰碰運氣，OR行完少少，去登打士街飲啦~~

平時幫襯開旺中對面那間貢茶,次次都飲"奶蓋烏龍8分甜",每次的水準都一樣~剛好昨天在太子食完碗仔翅口渴,見到貢茶又買一杯先~這間弼街分店是第一次幫襯,跟其他的一樣多人排隊同樣點了杯"奶蓋烏龍8分甜",但這杯比旺中那間差很多奶不夠杰身,還有奶精未溶茶不夠凍及不夠滿,唔夠一杯....但茶味一樣~敗在些奶,有點失望呀~還是去返旺中果間好過!

去完明記食車仔麵，就過對面貢茶買杯野飲。今次試可爾必思，平過come buy，700 ml 都只係$12。要了檸檬可爾必思，半糖。問店員本身會唔會好甜，佢話： ur...都甜架，因為檸檬用糖水浸。於是我就要了半糖，問佢會唔會太淡，佢又話唔會嘅。半糖其實都仲係甜咗少少，下次叫微糖穩陣d。檸檬味重，又有檸檬肉喺底。可爾必思味道似益力多，不過無咁濃味。解渴又開胃，唔錯。

睇完食評去試下叫左一杯招牌珍珠等左12分鐘,因為都幾多人先講D奶，奶味.....有，茶味好好好好淡,唔知係唔係我唔鐘意太奶既野，感覺麻麻地。overR都係好普通........只係有甜味既茶......................。後來睇睇下，有個扎"邊"金毛員工在挖鼻..................。總括來講， 我唔會再幫襯這一間。

今天已是第四次光顧,頭三次係飲珍珠奶茶,也不錯,珍珠也有趙頭,但今次想轉口味,試飲焦糖紅茶,發現紅茶非常幽香,焦糖也突出了它的味道,$10已是非常底飲,所以本人極力推介熱焦糖紅茶及珍珠奶茶o

每次行過貢茶，都想買杯試下，唯登打士街個間真係多人到不得了，所以每一次都會放棄，寧願唔飲。今日在非繁忙時間經過這間分店，終於有機會試下喇!! 望一望個menu見到有好多種類，都冇咩心機再睇就叫左杯珍珠奶茶，店員很有禮貌咁問洗唔洗少冰同少甜。等左唔夠5分鐘就有一杯700cc的奶茶到手，講真，未試味都覺得抵，12元大大杯。飲落去覺得都不過不失吧，d珍珠確實係幾有咬口既，自問唔太識飲奶茶，但都不失為一樣好的飲品!!

寒天仙楂洛神茶$16熱死辣辣，見唔係咁多人，就整杯嘢飲，唉！依家年紀大，唔飲得奶茶，夜晚實瞓唔着寒天好有咬口，煙煙韌韌，有甜味唔寡，個茶咸咸酸酸，可以消滯開胃，最鍾意佢有粒話梅吊味，飲落有啲似以前佐敦彌敦道（新東陽）嗰隻楊桃汁

今日去o左弼街的貢茶買茶飲, 上次飲過綠茶幾好, 今次就飲紅烏龍! 選擇了無糖的, 旨在要解渴, 目的達到了, 茶味幽香, 冰凍的茶落入喉嚨, 十分舒暢這一次順便比較衛生的情度, 皆因坊間已經開了很多很多間不同牌子的台式茶店, 以貢茶的設備最衛生, 加上裝修都靚得多, 再配合產品的質素, 貢茶係咁多間之中最給我信心的台式茶店

食完羅坤發, 個肚仲有位，於是去貢茶度買野飲。今次要了寒天愛玉，$16。檸檬味的飲料配以寒天&愛玉，感覺清新。都知呢間野d野飲較甜，落單時本來叫少甜，但安全計都係問一問好d。個店員話本身都係偏甜，建議我要半糖或微糖。最後要了半糖。好在問一問！因為即使係半糖都好甜囉！不過唔似齋糖水咁plain , coz 有lemon ge 清香味！寒天&愛玉超多，差不多半杯都係寒天&愛玉！還有好多lemon 皮同肉喺底添！愛玉口感似jelly, 滑嘟嘟；而寒天就帶點彈牙！寒天&愛玉 + 檸檬味飲料是個好配搭！

仙草奶茶 好喝 茶味比較重 喝的時候會感到一口淡淡的奶味 正~我喜歡涼粉就爽口兼有清涼的感覺

果日冇野做同d朋友行街.,..比我見到間新野開左..之後就打算去試下啦...係我等緊野飲ge時候...好奇睇下入面d人點整...點知比我見到個男人冇著制服係到沖野飲..本身都冇咩野ge...但係感覺就怪怪的...好似唔係好衛生攪到我唔係好想再去飲...但係味道都ok ge...有小小sweet左d..下次如果去的話...叫反50%糖先""

第一次買貢茶既"奶香綠茶" 唔記得要小甜, 所以太甜... 但$10 / 700CC 好抵飲同埋今次只係等左幾分鐘就有得飲　

貢茶!貢茶!貢茶! d人講到咁神化,但真係一次都無試過!今日去完花園街買野之後,見到對面竟然開左間,決定一試!由於得$10!所以choose不多,$10的飲品不多,平時飲開的水蜜桃都只係賣$10,好!就一杯水蜜桃green tea 少冰&少甜效率好快可能因為新店人不多,亦好大杯,無珍珠亦始終差緊d!一飲,好失望,勁甜,仲甜過我平時無叫少甜的飲品(雖然唔係呢間)!但真係勁甜.咩事?好想知如果嗌走甜的話,會唔會都係甜