貢茶 (已結業)

好耐無飲過奶蓋，上一次在歇腳亭中伏後，一直都想再試奶蓋飲品，果日返工放飯想鬆一鬆腦袋，於是走到貢茶再試下奶蓋飲品有冇退步左，果然仍維持到水平！今次叫左奶蓋綠茶，杯蓋可以打開，有教你點樣品嚐，有三種層次，最先當然跟佢教咁，好好試一大啖先啦！奶蓋好creamy好厚，有少少抹茶粉好夾，好香好濃，食得出好足料；之後連埋綠茶一齊飲，綠茶味都幾出，茶味甘香，淡淡的，唔怕太濃，夾埋奶蓋好似奶綠咁，到最後撈暈一齊，已經無左奶蓋嘅味了，整體都算不錯（至少比歇腳亭好好多倍），我還是喜歡飲一大口奶蓋呢！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨…查看更多

可爾必思，第一次飲係台灣飲嘅，就好似益力多咁，主要係乳酸菌嘅味道，但上一次飲已經唔記得幾時lu。呢一日無意之中，發現貢茶有得呢一個百香可爾必思，味道真係好似益力多，幾好飲。…查看更多

呢排天氣涼涼地，忽冷忽熱咁，個人都好似跟住個天氣咁忽冷忽熱，特別係朝頭早出門口，嗰陣寒氣真係入心入肺，仲要諗起返工對住老細嗰種撩心撩肺，好彩返工嘅時候都唔係好長，朝九晚六咁，呢一日就約咗個朋友喺深水埗行下街想唔想買返隻mouse咁，同埋睇吓啲USB有冇平執返兩隻造下Backup都OK。行完之後就去大埔join朋友食飯。一落巴士，唔使行幾耐，就見到呢間貢茶，今日就飲黑糖薑茶，大杯嘅，肯定啱晒依家天氣忽冷忽熱，佢又可以幫我驅下寒，滋潤下。…查看更多

今日到大埔找朋友，見大埔也有最愛的貢茶當然要來光顧一下星期六的傍晚人不多，等了少少時間就拿到他們家的紅豆牛奶冰沙味道很不錯、不會像有些舖淡如水，奶味紅豆味都很剛好。美中不足就是店員自己玩成一團愛理不理，在櫃檯大喊唔該也不理，出餐擺著不喊號，轉頭就走要自己上前確認🤷🏻‍♀️…查看更多

因為太太喜歡台茶，搞到我也漸漸從討厭變成有興趣之後更可以說是喜歡上這一種飲品。在香港，《貢茶》是一間周圍都有的台茶店，好多時，開車到大埔、沙田、大圍，因為就腳，近路邊可停車，買一、兩杯野，開車走。而這一天，我們在大埔，辦好事就來海寶花園，把車泊在路旁，派一人，衝過來《貢茶》買飲品。夏天，都是以消暑為藍本去選購，鳳梨蒟蒻綠茶，有清新的果香，不過，一飲就知道是濃縮果汁溝出來的，味道十分之甜，蒟蒻給飲用者一個幾開心下的咬口感。果汁茶，的確是消暑，但味道上，也實在是太甜了。正常的珍珠奶茶，正常的感覺，珍珠粉圓夠硬也夠彈，茶香，奶也香，水準正常。沒有過人之處，當然，也勝過不少的台茶小店。《貢茶》水準不會太參差，去開的幾間都十分之方便就腳，自然地，會是我們路上尋飲料的好選擇。…查看更多

喺附近行行吓口淡淡又叫一杯珍珠奶茶飲下先。今日叫咗格雷奶茶無糖加珍珠， 即係Earl Gary tea.奶茶味好濃，有少少甘味，亦有散發應有嘅柑橘香氣。珍珠夠煙靭，就算凍飲都唔會死實實，少少甜，似焦糖味。如果飲中式茶就一定飲天仁，但如果西式茶呢，貢茶其實都唔錯。…查看更多

星球奶茶無荼味，啲珍珠係有顏色幾靚既，但試一次就夠黑珍珠仲好食過星球珍珠格雷三兄弟係其他舖飲，個荼味同珍珠奶茶唔同，但宜加已經變返珍珠奶茶咁既味，同埋得個甜字服務態度唔係好，剩係講幾錢之後連叫飛號都唔出聲以前明明好好飲，宜加愈值愈差 情願行遠小小都唔會再幫襯…查看更多

啱啱踏入春季初期，天氣都真係幾反覆，呢幾日又再次轉冷，加上開始愈來愈潮濕嘅關係，雖然同樣係十度左右，但體感溫度好似反而比乾燥嘅冬季仲低，感覺好似仲寒冷啲啲咁。晌街上面行緊，之後就去咗附近間貢茶買咗杯熱飲嚟飲飲兼取暖。平日鍾意飲凍嘅珍珠奶茶，天氣關係呢日決定要熱嘅，晌街上面一邊拎住一邊飲，既可以暖手又可以暖胃。台式奶茶一向都係奶味比茶味突出嘅，暖暖哋咁飲落好似冇凍飲咁甜，入面啲珍珠就仍然煙韌有咬口。…查看更多

大埔開左貢茶咁耐我都未試過~今次行過就試下啦!ORDER左芋香奶茶 少冰等左2分鐘度就有因為我係諗住拎返屋企飲既, 就問個STAFF有冇膠袋, 點知佢話冇....咁都算啦一飲杯野,........唉杯野完全冇奶味 冇茶味, 又冇香芋未!!!!成杯野係好似甜甜地既水咁仲有, 我明明嗌左少冰, 點知佢仲"不"左半杯冰俾我,,,,,真係嬲甜甜地既水+半杯冰 = 少甜既水.........成個EXPERIENCE 係勁嬲, 勁SAD....買唔到自己想要既野 係失望的!…查看更多

話說本人行到貢茶到買左杯奶蓋烏龍加珍珠，因為大埔呢間系開放式嘎！睇到區嘎製造過程，到最後就加奶蓋嘎時候，我見到只系得過0.5cm都沒嘎奶蓋！我就問左句[系未得甘小嘎？]跟住個女嘎就黑曬面甘轉個面同我講[系甘嘎份量]跟住就好大力甘將杯野飲擺系台到！唉!都算拉！我一飲！咩事！沒茶味！沒奶味！完全五系我以前飲過嘎奶蓋烏龍！！好失望！！…查看更多

次次食米線都一定食!!買埋臺式飲品去食!!今次都唔例外!!!!!!今次叫了珍珠奶茶!!!珍珠奶茶::::濃茶味!!! 相對地奶味少了!!所以覺得一般!!本人比較鐘意重奶味的!!!珍珠同甜度都ok!!!…查看更多

2010-06-20跟好友一起吃飯後，想去買野飲品；遠處再昌運看見貢茶很多人排隊…所以待人流少了才過……就去海寶那兒買奶蓋烏龍茶(少糖 70% )加珍珠…而我的朋友買冬瓜茶，另一位就買巧克力奶茶加珍珠…首先，說說我的奶蓋烏龍茶：茶可能因為太多，奶蓋太少了: (希望可以會多多一點吧…以我來看,好像愈來愈少的。另一方面，少甜剛好，珍珠十分彈牙…之前試過數次的珍珠也是保持水準… ^^值得一讚，本人很喜歡吃珍珠！ 繼續努力！~~~~~而冬瓜茶…我的朋友說冬瓜茶很好~sales跟她推介檸檬冬瓜，我下次也會試試~好香……巧克力奶茶：我們三位試過像巧克力般……比較一般…大家都認為太濃了~感覺不到有奶味~希望有所改善……下次會請他們另加奶^^但有珍珠就加分了:)服務方面：整體的員工也很好~收銀員先生也會問需要少甜少冰..向你推介或解釋^^ 很有笑容＾＾而且沖茶只需一會兒就好了＾＾給杯子的那位妹妹也很親切在幫我們三位插飲筒、入膠袋很快手… 值得一讚！而且看見沖茶的很快，人手搖杯…　這個也值得一讚！！＾　＾可能味道不算是完美，高水平…　但以客角度來說，覺得整個服務由心發出> <而且珍珠真的很好吃！！貢茶加油！　我最喜歡你們的裝修！^^…查看更多

六月十五日 (星期二)從媽媽的口中得知,大埔終於有貢茶了今日放工回到大埔就同老公仔去試試貢茶就當然要飲珍珠奶茶...這間的珍珠奶茶,茶味沒有別的分店的濃可能是剛開業,我會繼續再試,希望你有進步呢珍珠都彈牙!很開心大埔終於有自己的貢茶了!…查看更多

雖然係大埔住, 但發覺自己真係好少係大埔食飯~最近行行下發現大埔多左好多間台灣飲品舖頭, 心知自己outdated, 決定會一會佢久仰貢茶出名既奶蓋系列, 今次都試左個奶蓋烏龍茶.落單個陣, cashier小姐好細心咁問我要唔要少冰少甜, 我即刻就答佢, 絕對要!! 一拎到手就影張相先, 之後搖勻佢, 好奶既顏色~~飲落...真係好奶, 不過都飲到烏龍茶味~ 我其實係咪做錯左呢? 應該邊試d奶,邊試烏龍茶? 除左奶d外, 我真係未了解奶蓋為何咁出名~不過anyway都係一個嘗試黎既~~…查看更多

等閒...做完野...好想飲貢茶...10點...去到門口...未開門:(...去大中行陣先...11點...去到門口...未開門...去大廣行陣先...12點...去到門口...啱啱開門:)...我要今日第一杯珍珠奶茶!!!等左禁耐...毫無白費...重要覺得賺左第一杯真係唔同D...一入口...嘩...唔講得少...好強茶味...嗰種甘香完全出左黎!!!用"回甘"黎形容都唔過份!!!完全無被奶味蓋過!!!又要唔苦!!!好強奶味...茶味雖濃...但係又飲到奶味!!!激滑...已經超過左日出茶太(大埔墟)!!!比美絲襪奶茶!!!珍珠甚佳...唔似啫喱又唔似擦膠!!!彈牙得黎又咬得落!!!完全唔覺淡...有陣時飲珍珠奶茶覺得好似溝左水...完全唔覺!!!味道濃厚!!!完美嘅極品!!!重震撼過第一次飲貢茶!!!我從來未飲過咁好飲嘅珍珠奶茶!!!雖然等左咁耐好似好傻...但係絕對物超所值!!!…查看更多