財記海鮮火鍋活魚刺身 (已結業)

財記既煮蟹方法真係好正。鮮甜到呢。池魚油甘刺身新鮮，生蠔一般啦。海膽唔係日本貨不過起碼係新鮮一啲腥味都無。堅熬出黎既雞湯+翅+花膠真係超正。最後西洋菜餃係飽到唔記得影相。

Another great meal! Love ❤️ coming here not only because of the great food but also the people work here are great as well! They treat you like friends when you show them respect! It’s one of those neighborhood friendly restaurant with high quality food ingredients. I had been to many local hotpot joints and some even charge twice as much but not as good! Recommend the the seafood here! You’ve gotta try the beef here for hotpot. Yum!!! 😋 remember to book a table if u wanna come here on the weeken

打邊爐梗要一班人一齊打，今次約埋4個人小組出擊，去到大角咀財記呢間出名邊爐試下！入去都幾舒服，裝修新淨，同行女仔都好like！今次無咩叫刺身，因為一行人個個都係牛魔王，最終叫咗牛肉拚盤，有好多唔同款式嘅牛肉，啱哂！個人就喜好肥牛片，好有牛味但又唔韌，入口就溶，正！雖然我唔係好喜歡牛肉粒，但呢度嘅安格斯牛柳粒都值得一試，好香濃之餘煮耐都唔韌，好味！不過打邊爐點可以淨係食牛牛，呢度啲河鮮同蔬菜都唔錯，尤其係粟米幾甜，一舊粟米一舊牛肉都幾match！今次無食肉蟹鍋，下次再嚟可以試下！牛肉拚盤，量多又夠種類，超讚！

舊同學約食飯，有熟大角咀嘅朋友強烈推介呢間火鍋店，於是就約埋收工之後一齊出發去呢間咁有驚喜嘅餐廳本人多數食開任食火鍋，見到呢間餐廳湯底同菜式都有非常多選擇，而且有個熟客仔朋友都推介每個湯底真係獨當一面，於是我哋就四個人叫咗一個酸菜鯇魚煲做湯底湯底嚟到已經見到好足料，最有驚喜嘅地方係除咗普通鯇魚外，仲有我最鍾意嘅脆魚鯇朋友圈已叫咗啲三文魚刺身做前菜，食落都非常新鮮，唔會有雪藏味配料都陸續上枱，強烈推介牛脷！真係非常好食，以往食牛脷都係燒比較多，冇諗過打邊爐係可以咁嫩滑另外所有野都剩係得兩個字可以形容到，就係新鮮！鵝腸同珊瑚蚌一食就食到佢哋本身嘅味道，配合埋個湯底真係醬料都唔使朋友都唔夠食結果食多個椒鹽豆腐冇諗過火鍋店嘅小菜都咁好食，豆腐非常香脆，椒鹽味道好香口已經約咗下個月同成班朋友一齊再嚟真係好值得長期支持

作为内地人一直觉得吃惯了内地火锅的口味，吃香港到的火锅会觉得寡淡无味，但是到这港式火锅店之後有很大惊喜。店內一瞥，走道寬敞，臺數很多，不會擁擠醉雞鍋底，雞肉鮮嫩，淡淡酒香。先吃了兩個前菜，椒鹽豆腐和椒鹽雞軟骨，雖然不是這次的重點，但是味道非常好。重點來了，頂級牛肉。肉質軟嫩，肥瘦適中，必點肉品。其他配菜只能說有優有劣，青菜很新鮮，響鈴也是現炸的，魚皮和凍豆腐味道也不錯。鵝腸和蝦滑簡直就是坑，千萬避開。調味品相對齊全，但是芝麻醬和大陸比就是正常的差距了。

今日特登嚟呢度打邊爐因為係朋友介紹 平時都唔會特登嚟到大角咀 就試吓佢有咩咁值得推介 入到去環境好大 好光猛 而且都好乾淨 仲可以一路食嘢一路睇電視 坐低冇耐店員已經拎左啲調味料過嚟 呢一到服務好好 仲介紹我哋有乜嘢好食除咗打邊爐嘅嘢之外仲有小食同埋刺身打邊爐梗係要飲啲清熱解渴嘅嘢啦 甜度適中 啱晒打邊爐可以消滯呀湯底揀咗酸菜魚 入邊原來仲有脆鯇 雖然佢只係湯底但係啲魚好滑 而且個湯酸酸地好開胃呢個牛舌真係超級推介 分量大大碟之餘 口感好爽 唔會靱大大粒好足料皮薄餡靚一啖擺落口非常滿足椒鹽黃金豆腐 又係大大碟 冇諗過小食都咁多 熱辣辣 外脆內滑

每次同班朋友去來聚，都係我搵餐廳，因為我比較識搵新野同正野！今次我搵到財記火鍋，不得不推介！真係正到爆！店面都幾大，好彩個日我地早去，如果唔係就要排，證明係實力火鍋店！呢間火鍋有好多野食，多到我咩都想叫！哈哈！我地叫左兩款小食，椒鹽豆腐同雞軟骨！無諗過火鍋店既炸物同大排擋有得揮！好味！真心一定要叫跟住就到主角出場！醉雞火鍋！成隻醉雞，湯底好又香酒味，一流我打邊爐一定唔少得靚牛，而財記呢個美國牛真係肥瘦岩岩好！口感好好！值得

最近有幾個在大角咀附近返工的朋友都推介這間財記海鮮火鍋店，話食材好新鮮，所以同屋企人黎試下新野。入到店內，都幾闊落，地方干淨又夠燈火，感覺幾舒服。叫左個涼瓜咸菜胡椒豬肚湯底，雖然簡單，但好足料，打邊盧一定要叫碟牛先啦！！安格斯牛肉（大），好得，係牛魔王（我）必食之選。老婆見到隔離枱叫左一盤象拔蚌刺身，賣相好靚，我地都立即order試試，好新鮮，點wasabi+豉油食或者火鍋卓一卓（2秒）都咁正還有點了墨魚同蝦滑，好彈牙。白鱔片好新鮮，好嫩滑。仲有個西洋菜餃有驚喜，好好食，其他火鍋店好小整得咁好。啤酒Asahi大支都係$18，平。好滿足下次叫多幾個朋友黎，叫多幾款刺身同叫多幾碟牛先得。

不嬲都知道大角咀出名多野食，今次朋友帶我黎呢間食好西，又有刺身又有火鍋，又幾特別。呢度空氣都幾流通，唔似其他火鍋店咁焗束，冷氣都好夠勁，服務仲好周到添門口有好多唔同既魚同海鮮，自己鍾意邊條就揀邊條，即叫即劏除左刺身，都有好多火鍋食物種類坐低第一時間叫杯加多寶先消下暑先跟住就嗌左個胡椒豬肚雞湯底，豬肚好淋好入味，胡椒味好香，飲左兩碗湯刺身我地就揀左象拔蚌，海膽，鱆紅魚，象拔蚌好凍冰冰，入口好爽！個海膽真係勁正，好大塊好creamy，包埋紫菜一齊食真係冇得頂！鱆紅魚薄薄地一片，好鮮甜，所有刺身都勁新鮮！黎呢度一定要食刺身其他火鍋食材都好新鮮，份量亦唔少，全部真材實料，食完已經約朋友下星期又黎食😂

想食刺身又想有得打邊爐，係openrice太多選擇，最後揀左呢間！黎到環境同衛生都幾好，尤其係服務好好食物有好多種類，湯底已經有好多選擇！我地揀左番茄薯仔湯底，好濃好甜打邊爐主角一定係肥牛，原來真係大家所講，好新鮮日本黑豚肉亦超新鮮最新鮮係呢個田雞，黎到仲識郁架，入口超滑，鍾意食田雞既一定要試下！脆皖骨腩，鵝腸，都係打邊爐必食黑柏葉唔係度度都有得食架價錢合理，食材新鮮，乾淨舒適，呢間真係冇得輸，絕對冇介紹錯！

邊個話夏天唔食得火鍋！最緊要係間火鍋店食物夠新鮮同埋冷氣夠👍🏻 上星期去左大角咀呢間火鍋店😍一入去就覺啲餐廳員工好親切 鋪面都好乾淨舒服👍🏻我地揀左食雞煲 貪佢可以食完個雞就打埋個邊爐 一舉兩得✅個雞煲好正 超級野味👍🏻店員好好 幫我地睇住個火 話比我地知幾時ok食得👍🏻另外呢到啲選擇都好多同多樣化 我地當然唔少得就係叫左海鮮 一上枱就嚇死我 啲蠔成隻手掌咁大粒！而且好新鮮😝當然仲有牛呀 菜呀 丸呀果啲 特別要講下個響令 係即炸 超正！去開呢邊可以試一試👍🏻Btw! 除左火鍋 雞煲 呢間野仲有刺身同啲中菜菜式真係不得了😂想食乜有乜👍🏻

前兩天放大假休息，到大角咀探望一位舊同學，這位舊同學帶我到她家附近位於埃華街財記海鮮火鍋活魚刺身店一齊豪嘆火鍋，到達店鋪已感覺非常好，地方整潔乾淨，職員都很友善看看點菜單，令妳看得眼前食物包羅萬有，最先來個皮蛋芫葉湯底再來頂級牛肉，竹簽海犌，花甲，白鱔片，花枝片，炸芋件，什菜等等，全部食物新鮮無比，頂级牛肉吃後也要再來一客，海蝦也是超新鮮好味，花甲大隻又新鮮，白鱔片爽口彈牙，連炸芋件也做到精挑細選，總括這食肆的食物，超級新鮮，老闆對食物質素要求甚高，對食客來說也得到非常滿足！

昨天跟老朋友相約到旺角購物，購物完畢後，巳接近晚飯時間，朋友提議大家一齊晚飯才回家，我一向很喜歡打邊爐，朋友記起前幾天跟另一朋友到大角咀財記海鲜火鍋打邊爐，感覺食物都很 OK，去到財記，職員很有禮貌介紹店内食物，我們先點了湯底，湯底非常豐富足料我們先點了白鱔片，白鳝片送來的時候，感覺非常新鮮，灼一下入口滋味得很，牛肉也非常好味，一下子巳將整大碟牛肉送入肚内，我們還點了蝦，蝦不似其他火鍋店的一般蝦，財記火鍋選購給客人，真的很有質素，令人回味無窮，財記還有很多很多選擇，連什菜拼盆也特别新鮮，總言就是好正，我已訂枱下星期仔仔生曰去慶祝.

今日同朋友行左落黎大角咀睇下有咩好食，竟然發現呢到有間打邊爐好多人食，問左店員又即刻有位，所以就入左黎試下。一坐底就立即叫左個湯底，本身想試酸菜魚湯底，可惜朋友唔食魚所以最後叫左個澳門豬骨鍋湯底，真係用料十足，豬骨足足有四大舊，再放埋粟米佢成個湯都好甜。叫左呢個牛皇拼盤，肉質新鮮，有唔同種類唔同部位既牛，值得一試。真係睇到都覺得新鮮，食落口一d都唔「鞋」，肉質好嫩滑，呢到既牛真係推薦大家試下👍🏻其他食物都好新鮮，價錢中等唔會話太貴，黎開大角咀不妨都可以黎試下。

大角咀見到好多火鍋店, 花多眼亂, 其中見到財記光猛企理, 環境超於一般港式火鍋店。座位唔擠迫, 決定試試!入到去仲有幾間vip房間, 適合10-12人一圍, 大圓枱，獨立房又有電視睇。安格斯牛大碟又新鮮, 看上去就像雪花一樣的手切肥牛，入口牛味很重。師傅力工切個厚度好有口感, 性價比高。象拔蚌灼兩秒更鮮味。大推有白鱔、墨魚滑蝦滑雙拼，內有粒粒墨魚肉同蝦肉，非常彈牙。西洋菜餃好香西洋菜味加上好新鮮。炸魚皮夠薄同脆，係鮮炸魚皮。食物款款都係水準之上。