影片
新田及古洞的食肆, 原先以為已經拜訪哂. 前日子因為要讓路給一部貨櫃車出貨場而令我留意到係古洞路呢一邊有一間貨場茶水部missed了. 為了完成呢一篇. 來吧.....我什麼都要食.貨場飯堂, 地點雖然不是太過odd. 但我部前七, 又真的對呢一個貨場, 好odd. 因為, 這裡, 完全發現唔到有私家車的蹤影. 而茶水部, 就在貨場的門口. 一入場就能見到. 於是就把車泊在門口. 行入去. 有少少牛仔feel.一樣, 是簡單到極的貨櫃場茶水部. 鐵皮屋, 冇窗, 准許抽煙, 代報關, 有報紙賣. 真係方便哂D拉貨既司機大佬. 而我的早餐, 食什麼好呢. 看來看去, 都只係得一個選擇. 就是公仔麵餐. 當然, 食既只是超大牌的光身麵, 不過, 食慣了, 其實麵質也不壞, 根本不用特別去要求公仔麵或是福字麵. 我點了一個豬扒公仔麵. 當然, 早晨時段, 必定加一杯濃滑奶茶. 公仔麵, 前段說過只是普通的光身麵, 而豬扒是一塊醃得味道好的帶骨豬扒. 再加上菜兩條, 簡單而百味俱全. 而奶茶就夠香濃滑, 及極之提神. 此茶, 對那些要開長途的司機來說, 是早上不能缺少的. 早餐, 簡簡單單的就過去了. 不過黎呢一D貨場食野,, 美味, 不能要求太高. 地方整潔, 食物衛生, 泊車方便. 就是他們吸引司機大佬入去食野的主要因素.行大窩西支路, 係近和合石有一家貨場茶水部, 不過, 一開車入去.....已經唔敢落車.....更何況是入去食.........所以, 貨場茶水部, 越是衛生, 越受歡迎.
繼續閱讀