貓貓車仔麵 (已結業)

宗皇台開站，襯放假過來遊覽，順便留肚過來食本地美食。由於太多泰國小食，所以刻意食車仔麵，始終車仔麵是本地最著名的。可惜此店車仔麵完全無車仔麵既感覺，最離譜係雞翼（臭的）泡椒豬手，叫店主比多2條泡椒，但說沒泡椒了。食物以及人情味都比較一般，不推介。

今日一心嚟食車仔麵，去到門口見到店舖已經易手。但睇見餐牌同上手有八成相似，心諗水準應該同一班人做，水準應該差不多，即管一試。坐低之後同以前一樣，叫咗碗四餸麵+腩汁，結果大失所望：豬腸 ~ 有5-6 舊，基本上每舊都好似橡筋咁，咬都咬唔開。蘿蔔 ~ 有時來貨唔夠甜可以理解，但係竟然個心竟然仲未煮透......魚肉春卷同埋雞翼尖還可以，沒有驚喜。講真如果上手的水準都做唔掂要執笠，呢間的質素都真係危危乎！唯一可取係職員有禮貌。

今日食咗碗色香味俱全嘅海鮮麵! 烏冬可以轉做麵。碗麵一放落枱已經俾佢鮮明嘅顏色吸引! 海鮮包括龍蝦、蝦、帶子及蜆都非常新鮮! 性價比超高! 另外，車仔麵中嘅極品午餐肉雖然簡單， 但都冇慳皮厚切!! 仲有服務嘅姐姐都好細心，非常殷勤!

今日落到九龍城買肥牛🐮打邊爐見到午餐時段呢間車仔面有好多人等就走去睇下個餐牌有咩食車仔麵來講都好多款食物選擇就入去試下坐低點菜唔係好耐就好快就有野食點知估唔到巧巧食🤤又抵食每人都係＄50、60蚊😍😍忍唔住😍😍都要Post下＃超有驚喜高水準＃紅燒肉超軟綿值得一試＃牛腩又夠曬入味＃秘製麻辣湯底好好味又唔會好油最怕個啲成碗湯面都係油🤐＃撈面真係估唔到一絕＃炸芝士必食芝士超濃郁勁香口＃貓貓車仔麵

放假前叫外賣，聽同事講性價比高，。叫左牛腩、紅燒肉，祕制咖哩湯底，另外叫埋豬手，份量十足，D米線多到好似加左底咁，紅燒肉及牛腩好入味，肉質吾錯。豬手肉質吾老，都好入味同牆醬料好味，推薦! 下次堂食試埋海鮮，聽同事講落足料好抵食!!

有驚喜！ 豬骨湯底清甜，腩汁夠濃郁。車仔麵有海鮮同日式小食非常驚喜，份量比其他車仔麵檔多，太飽試唔到新加坡炸雞翼同脆蝦麵。九龍城不只泰國菜,打邊爐同牛肉餅，支持小店！

🥢今日去開九龍城買野，突然想食碗麵，見到呢間貓貓車仔麵。🍲三餸麵，$35有三個餸，抵食但入到去有好多餸都想食就叫多左幾個餸🙈。 除左紅腸豆卜外仲食埋牛腩同紅燒肉，好食😋。下次黎開要再食