貓咪貓咪HOME (已結業)

Cafe同其他餐廳唔同ge地方, 就係Cafe可以坐耐D, 所以個環境同氣氛特別重要! 呢度個環境好舒服而且有特色, 睇得出店主有花過心思!一入去就見到店內放左部古老鋼琴(聽講係店主親自搬番黎>O<), 仲要係打開左ge, 可以睇埋入ge結構, 感覺好vintage, 而且D貓貓都好似好鍾意個琴, 成日都跳上去玩, 超可愛! 鋼琴隔離有幅好特色ge牆, feature左大大小小ge貓貓相, 有個性!食物方面都好水準, 我同同事叫左個小食拼盤share, 有雞翼, 餃子, 司華力腸同薯條, 好豐富 (不過食完我先記得未影相@@) 另外再各自叫左個意粉, 我個煙鴨胸carbonara意粉超正! 個汁夠多又夠濃, 意粉唔會太林, 口感岩岩好, 最出色ge係個煙鴨胸, 煎得好香, 而且鴨胸D脂肪煎哂出黎, 食落唔好成口油咁! 跟餐仲配一杯飲品, 我就叫左冰凍白桃梳打! 雖然飲凍野對身體唔好, 但本小姐就係鐘意, 哈哈XD食飽飽就梗係同貓貓玩啦! 呢度ge貓貓都唔驚人, 而且仲好嗲tim~ (同我屋企隻"吉吉"好唔同呀 ><") 最可愛就係佢地會主動瞓係你大脾上面

女朋友話之前好多人排隊既貓貓CAFE呢排開左分店, 地方仲大左成倍. 即刻約埋成班中學同學黎聚一聚. 除夕去左倒數訓到好晏, 起身已經差唔多晚飯時間. 新年第一餐竟然係同成班貓貓一齊食真係HAPPY.呢度除左有普通CAFE既意粉同烏冬之外, 仲有D多士, 雞翼薯餅輕小食. 岩哂起身食早餐既我. 12人點左3個小食拼盤, 4款意粉同埋3個小食, 已經個個都飽到郁唔到.雖然而家個個都相機食先, 但由於在場既貓貓實在太可愛啦. 所以無影哂所有食物既相.1. 小食拼盤有4款小食: 炸薯條, 炸餃子, 焗雞翼, 焗腸薯條係粗薯條, 餃子都炸得幾夠脆. 仲跟一大碟茄汁, 幾好.雞翼醃得幾入味, 面頭仲有一層蜜糖.焗腸, 唔係用廚司雞肉腸, 係粗果隻, 所以味道都唔錯.而家份量都幾大, 4個人食都夠分.2. 芝士薯條呢個芝士薯條真係不得了, 原本以為無咩特別. 個汁真係好好好好有芝士味. 雖然唔係太深色, 但係好有芝士味. 個個食到停唔到手, 下次我都試下係屋企整先.3. 意粉由於在場幾位朋友都太肚餓既關係, 而我又坐得比較埋一邊. 所以都無機會試哂4款意粉.而我影左相既呢一款香草蕃茄意粉就唔錯啦.

小美同詩詩一向都係貓奴, 貓CAFE 都去過唔少, 呢間的確令我地覺得好impresssive^^首先, D貓貓全部都好嗲人, 好可愛! 我地買左一包貓小食, 店員一拎出黎D貓貓就已經好聰明咁走哂過黎! 我地都餵得好開心!!! 呢度最特別既地方就係食物選擇好豐富, 小食拼盤, 意粉/天使面, 甜品通通都有, 而且質素仲好高!!! 其他貓CAFE 一般都只有汽水杯面, 玩完貓又要再搵野食... 呢度就可以滿足哂美食同玩貓兩人個願望!小美叫左個吉列豬扒意粉, 熱辣辣! 豬扒外脆內嫩, 好味到連D貓貓忍唔住黎偷食呀! 跟餐送一杯飲品, 小美就要草莓乳酪沙冰, 甜度岩岩好, 賣相好靚, 忍唔住即刻飲左一大啖, 所以無影到相...><

話說最近香港開左一間貓貓CAFE, 號稱全港最多貓最有愛, 亦都提供好多唔同既寵物服務, 長期都滿座, 在下其實鐘意d靜少少既cafe, 但又想上去玩下貓, 於是揀左星期一下午上去坐下(應該少人d掛).點知原來佢地星期一都咁多人, 有五枱, 廿幾三十人,  不過貓仲多, 眼見都有15隻以上(之後坐底認真數過, 應該有超過30隻!!!!)我自己一個坐係角落度, 有叉電位, 可以一路打稿, 一路同貓貓玩, 店員都好nice, 十問十答, 好樂意介紹d貓貓既背景, 眼見有部分貓貓有缺陷, 店主都肯收留, 果然值得咁多人去支持!無收入場費, 無收加一, 在下只係叫左杯凍朱古力飲, 飲到天黑, 埋單走人都只係計杯飲品錢, 朱古力好濃, 好純好滑,  好有奶味, 份量都足夠, 仲有d朱古力粒係入面, 樓上cafe黎講簡直超晒班.

今日係同事嘅Last day，所以為咗同佢farewell，我地三個去咗貓貓Café到玩~我係網上見到呢間café標榜係唔計鐘，而係按啲野食黎收費嘅，所以你想坐幾耐都得嫁用Whatsapp Book咗八點，上到都好爆，真係小貓三四隻，啲人多過貓好多囉，啲公關貓根本就無時間招呼你 不過此時此刻最重要嘅係野食，因為我地都好肚餓喇，我地就叫咗三樣野share首先黎嘅係忌廉汁雞扒意大利粉，其實無咩汁，所以啲意大利粉有啲乾，啲雞扒食落有嗰種急凍燒雞串嘅味道，同埋份量好少，唔係幾夠食跟住十分鐘後，終於黎第二樣野喇，佢就係吉列豬扒配麻醬烏冬，味道都唔差嘅，不過份量仍然都係唔夠食嘅 最後一樣唔知係咪漏咗單，真係等咗好耐，店員仲收埋我地啲碟!!最後嗰樣就係流心蛋多士，將方包中間整個圓圈，再放上洋蔥圈係個方包中間嗰到，跟住打隻蛋，一齊煎咗佢黎食，連埋啲蓄茄醬一齊食，好似食緊麥記嘅麥芝蛋包咁~我地食完野之後，啲貓公關仍然好忙碌，唔得閒應而酬我地，所以我地唯有玩住啲Board Game先啦玩玩下就十一點幾，好多人都走曬，就係呢個時候……….我地嘅機會黎喇，三隻貓貓走過黎訓係我地大脾到，一脾一貓，實在太幸

貓貓好好玩, 好活潑，比抱唔驚人，服務好有耐心，好nicesmile, 唔似旺角某間貓cafe唔想你掂佢啲貓，呢度貓數量好多，唔會無貓陪你，鴨胸白汁意粉鴨胸夠大塊, 唔乾唔肥, 白汁足夠, 意粉粉量亦足夠一個人份量, 玫瑰蜂蜜花茶有淡淡蜂蜜味, 仲有幾朵玫瑰花, 誠意之作