貓之眼

營業中

休息中

As a small restaurant specializes in selling omelette rice, the menu choices are rather limited. Curry lovers should be impressed by the combination sets of omelette rice. We ordered omelette rice with curry and cream sauce, demi glace sauce burger, and octopus and seaweed salad. The omelette rice embraced the perfect match of smooth omelette egg and rice. While the cream sauce mixed with diced chicken was savoury, the curry sauce was slightly spicy and salty. But overall, the fusion of 2 differ

呢間平時都好多人係門口排, 加上好少位, 所以都好少去選擇都幾少下, 得蛋包飯同煎蛋漢堡扒2樣嘢老老實實, 我覺得蛋包飯係女人先會食, 男人一定唔多飽於是我叫咗手打和牛漢堡燉肉汁大約10分鐘就有得食, 上菜都算幾快, 而且個飯每一樣嘢都好熱隻蛋煎得好靚, 肉都幾大件, 不過飯如果多啲會好啲, 和牛漢堡好好送飯個汁都好好味, 好有燉感覺可惜啲飯比較軟身另外一提店員幾有禮, 環境有少少迫 

平時見要排隊，今日無人排就即刻衝入去。叫左個咖哩濃茄汁蛋包飯。上菜好快。份量正常，不過如果晚餐可能男仕對黎講係少左d。茄汁裏面有d番茄，偏酸，好真材實料。反而咖哩汁裏面有牛肉，個汁無驚喜。其實主角係隻蛋，好滑，撈飯味道一流。佢地係open kitchen，見到師傅煎緊漢堡排，好香，下次試下先。

由2款醬汁再配以蛋包飯而成的三色蛋包飯，以豬肉咖喱作膽，可選擇雞肉白汁或茄汁牛肉。豬肉咖喱微辣，典型的日式咖哩味道，甜辣交織，合格之作；茄汁牛肉有點中式茄汁炒牛肉的風味，甚為開胃；雞肉白汁，肉質軟滑鬆化，味道香濃。三色腸皮脆，甜醬、介末醬，點像吃熱狗的感覺

晚上經過灣仔，想食下日式洋食，就想起有間蛋包飯專門店。店內坐位不太多，應該坐到十多人咁上下。本人大概六點正去到，基本上不用等位。這店主要是供應蛋包飯，有煎蛋或炒蛋供選擇，汁方面有忌廉汁、茄汁同咖喱汁揀，另可加錢配沙律，自家制香腸。我就揀左忌廉汁，咖哩汁配漢堡扒蛋包飯，漢堡扒上淋有牛肉汁。整體味道尚可，忌廉汁有較重牛奶味，可能不適合不喜歡牛奶的朋友，咖喱汁普通啦，蛋包飯的蛋幾滑，值得一讚。不過敗北在漢堡扒，肉質太腍，腍到好似薯泥一樣，完全沒有彈性，煎得亦不夠香。整體來說，此店性價比不太高，如果單說蛋包飯質素，同其他連鎖式洋食店差不多

招牌三色蛋包飯.兩款醬汁選了和風野菜雞肉忌廉汁與八小時慢煮牛肋濃茄汁 中間的蛋很滑 而且蛋香濃 配上醬汁 令到每一口飯也有沾上滑蛋和汁 牛肋茄汁給我的感覺十足十牛尾湯的味道 which is nice 而忌廉汁有奶香 不錯 唯獨是內裏的野菜可煮得再淋些少 但美中不足的地方是米香不足 店方說是使用日本米 但吃下缺少的日本米應有的米香 整體好食！

同同事在灣仔上堂，lunch time真係好難搵嘢食，又想食下好西，又不想食茶記，就去食貓之眼。Lunch Time很多人，不過一行四人，分開坐，只係等十多分鐘，於繁忙的灣仔也可以接受。必選的醬汁蛋包飯 ($78)忌廉雞肉×慢煮蕃茄牛肉，食兩次都係揀這個。忌廉雞肉的白汁很香，當中加了少少胡椒令整個飯加添惹味的感覺，也有很多蔬菜。另外蕃茄牛肉都係偏甜，一點酸的感覺也沒有。牛肉淋身，有點似牛腩，而且都十分入味。最後加埋滑的蛋包住，每粒珍珠米的飯都有蛋同醬汁，不愧它午市就人頭湧湧！不過坐位較窄，坐得不太舒服，這是惟一要彈的地方。其他都好滿意！

夜晚八點陪朋友仔食飯，知道呢間餐廳繁忙時段成日排長龍。今日就試吓佢有幾把閉喇！店裡面感覺好舒服，開放式廚房容許顧客邊等邊欣賞廚師烹調，幾有意思。我唔餓，所以只點一個飯share，加小食x1。(P.S. 今晚漢堡扒賣哂，下次一定要試埋佢!)註：圖中左邊嗰碟 （右邊係我同朋友仔share嘅半碗飯）如果無記錯，好似係<香草腸，雞肉腸，自製腸>啲伴菜撈埋落咖喱度食，好味份量唔算超多，不過成碟都好入味。米香，蛋更香，仲好滑口，值得一試！整體感覺：雖然＄78～88 一個飯唔算好便（其實灣仔食嘢不嬲都貴。。。），不過質素絕對有保證！服務態度良好，翻完一日學食呢個飯即刻元氣十足！ 

雖然今天並非 2016 年的首天工作日，但是卻又是今年的第一個星期一，依舊要早起身上班。好了，到了午飯時間，身在灣仔，故然要醫下個肚先。呀，忽然想起了在汕頭街有一食店想去的，於是軀身前往。Cat's Eye 是近期想去的食店，以和風為主食，但不是食壽司拉麵，而且食飯的場所。而當中米飯是由日本直送的，頗為特別。當中以手打漢堡牛肉為出名，可是沒有點來，只點來兩款醬汁，一款是白汁雞肉及另一款是香濃蕃茄牛肉。在兩款醬汁中間有一炒蛋鋪在米飯之上，可謂是蛋包飯的一種。吃時把蛋和米飯，混和兩邊的醬汁一起吃。那白汁雞肉忌廉味道幾濃，但是不及隔離的蕃茄牛肉。那蕃茄牛肉確實是有濃郁的蕃茄味，牛肉頗為柔腍，而雞肉也頗嫰滑。雞蛋雖不是流心，但是也炒得嫰滑的。今餐沒點來餐飲，只是吃過米飯而言，故吃罷就很快走人。

又去咗一次 Cats' Eye Bistro - 日式醬汁飯專門店，皆因有人見到我去咗一次，自己又想去食，所以我哋就一齊去食嘞。今次我就淨係食咗漢堡扒加煎蛋飯，今次都一樣好好食。不過唔知個汁係唔係有啲唔同，今次好似冇咁有黑椒味。隻煎蛋都好好，半熟嘅，有蛋汁可以撈飯。不過今次最特別係我試咗佢哋嘅辣醬，有啲似XO 醬，真係好好食，香得嚟又唔太辣。就係因為呢個辣醬，我先至可以食晒所有嘅飯。差啲買埋個醬返屋企，下次有機會記得要落啲試下呀，真係好好食。

香港地食野真係好鬼趕架，入到位坐得低，未睇餐牌已經畀人問你食乜，食完個飯未飲完杯水，已經畀人叫你埋埋張單啦。香港地既野食真係好飄忽架，十個食家寫話好食，到你食果陣就唔知點解咁難食，可能係你樣衰，可能係個廚失戀，又可能係你今朝出門時會無同個看更打招呼，真係乜野原因都有，總之你話好食，就未必人地食果次係好食，食評真係難寫過股評架。今日午餐肥柑太又黎陪我食飯，天氣濕濕寒寒既情況下，由原本想食印度咖哩改左去日本咖哩。睇左呢頭有間叫Cats' eyes既日式咖哩，主打蛋包飯、漢堡同埋咖哩，三樣都係我口味，於是就建議柑太去果度食。已經比平時行快幾步，去到都一堆人等緊，好在等左一陣都已經有人食完出黎，好快都到我地埋位。入到去，地方係窄既，人又係多既，位就唔多啦，廿個多少少，我地被安排坐巴位，咁好多無人催我地點菜，慢慢研究食乜後，柑太就要忌廉汁加咖哩汁蛋包飯，我就叫咖哩汁加漢堡蛋包飯。等飯期間，張望四周，睇到裝潢簡單，白木板既牆身上面，加上一兩幅日本電影海報點綴下，如果空間大d，氣氛應該會更好，以前係西貢食過某日本咖啡店，都有類似裝潢，但人地地方大好多，空間感大左，人都坐得舒服d。佢地個開放式廚房上放

落住毛毛雨嘅星期日下晝，就係想搵啲好嘢食，慰勞吓。特登走咗去汕頭街諗住試新嘢，點知新嘢冇開。不過就比我行過 貓之眼 ，其實之前行過都想食，不過到搵嘢食嘅時候又諗唔起佢，今日行過就啱晒啦。睇住佢個menu，就feel到自己嘅選擇困難症，因為真係好多combination 可以比你揀，不過都唔太難揀嘅，因為見到個手打和牛漢堡，仲使乜諗咁多吖。是日之選： 手打和牛漢堡配咖喱蛋包飯真係好味嗰啲都有齊。呢度嘅咖喱都幾好食， 一般日本咖喱都會偏甜，不過呢度就唔一樣啦，算係中辛，食到有少少辣味，不過特別在，除咗辣味，成個咖哩都好香，係可以食到係落咗好多香料，好 fragrance！個咖喱入面仲有好多蔬菜，真係好有日本家庭feel。個蛋包飯，又係好正，啲蛋啱啱熟，非常之滑，再加埋啲日本米，正！唔知點解日本米真係好食啲架。至於個主角手打和牛漢堡，我食完之後，竟然有朋友同我講原來呢度嘅漢堡係會賣晒架，我第一次嚟食到真係好彩。呢度嘅漢堡我可以好肯定一定係手打嘅，真係入面嘅texture，係食到仲有啲肉係"lung"住，唔係全碎，而且入面仲見到蘿蔔蓉，所以都可以幾肯定係手打嘅。個汁仲有好香嘅胡椒味，份量唔算好

又係出街做野，又係忙到無時間食lunch，忙到過左2點先有機會搵食。記得灣仔有間蛋包飯，於是就行過去試下，晌玩具街隔離(所以睇左一陣玩具先去)入到去，店員就話漢堡扒賣曬，於是就唯有點其他野，試左一個推介的蕃茄牛肉咖哩蛋包飯，同埋凍咖啡。凍咖啡先來，糖水同奶分開上，同日本一樣。因為日本人啲咖啡靚（其中一個原因係水靚），所以好多多人都係飲齋啡。我都先試一口齋啡，好濃好香咖啡味，不過對我黎講有啲苦，所以我都係要落糖同奶，整體黎講非常不錯。老實講上個星期先晌日本番黎，除左食ＰＯＭ　ＮＯ　ＫＩ同埋卯家之外，仲食左晌神田經營左十年以上的洋食家，佢果度又係同呢間貓之眼一樣，唔用炒飯同包實曬，而係舖晌面，所以隻蛋可以做到半熟狀態。賣相非常靚。食落之下有啲吃左一驚，竟然俾我晌神田食果間更好味，主要係個蛋同埋啲飯(日本果間係ＤＥＭＩＧＬＡＣＥ　ＳＡＵＣＥ加牛脷)，比日本食到啲更優勝，因為蛋量充足，唔會只得一塊蛋皮，而兩個汁都非常濃同埋香，甜味食得出係用菜整出黎唔係落糖，雖然肉少咗啲但係都ＯＫ，反正晌日本啲餐都係無乜肉食。問咗侍應幾時會有漢堡扒，下次會趁開門黎試埋佢。

喜帖街舊貌不在、大財團陸陸續續裝修中、唉！政府搞咩呀。。。保留原貌的誠諾去了邊？？都好嘅、話題帶旺附近小型食肆。今日去了間蚊型日式咖喱飯店、基乎手碰手、地方淺窄、沒法啦、租金貴呀！！手打日式漢堡扒燉肉汁飯標榜是用日本米、粒粒分明飽滿, 飯味濃郁, 但都要配合其他材料的烹煮方法。講真不太欣賞燉肉汁、濃稠度ok, 但味道怪怪、吃不到肉的鮮味, 不知是否用了什麼什麼香料。漢堡扒鬆鬆散散、肉味欠缺, 我自家製的比較好味。勁失望。

香港好難搵一間好食的蛋包飯。當港式的日本菜開到愈來愈多的同時，當小店要做到有日本的味道, 也不容易~這個是貓之眼秋天的新作，滿有日式家庭味道的小菜。豆腐是用硬身的豆腐，加上用味醂跟牛肉同煮，個汁好食到真係一食就好想送多幾個飯。不過牛肉煮到好淋，有D硬，不過都可以接受。今次揀了忌廉雞和濃茄牛。雞和牛的份量也很多。忌廉雞肉的汁好濃，有西蘭花等蔬菜增加口感。而濃茄牛肉都好多舊，個茄汁甜甜地，同蛋包飯好夾。讚讚個蛋，蛋汁包住每粒日本米。食完好滿足！飽哂！至於點解叫貓之眼，比D想像力，你睇下碟飯就知。