豬腳小姐

營業中

休息中

主打正宗韓式 Jokbal（豬腳）嘅專門店【豬腳小姐】係首爾人氣爆燈，依家登錄銅鑼灣同尖沙咀，唔使去韓國都食到。🍖 招牌蒜蓉豬手(L) ($450)豬手份量非常震撼，一上枱即成焦點，仲有多款韓式小食配菜，唔相機食先都唔得📸。豬手Q彈唔攝牙，有蒜泥基本上唔使點其他醬(🧄會陪足你成日)。另外仲送埋一大盆沙律解膩，相當貼心👍🏻🍙 吞拿魚蛋黃醬紫菜飯糰 / 蟹籽紫菜飯糰（$50）非常建議嗌個飯糰玩吓🤭小編兩款都ok，想口感豐富啲就揀蟹籽啦😏(手套另收$1一對)🥞 綜合煎餅拼盤（$128）造型幾特別，煎得微脆，味道就無咩記憶點。📌 小貼士：🔸 L size 份量啱4人或以上🔸 用餐時間得1個鐘 ⏰ 視乎店內情況

之前韓國食過兩次都好好食，尖沙咀新開諗住試下，點知豬手唔入味，肉有點鞋，只係層皮夠味，蟹子紫菜飯好一般，又唔夠麻油香，炒年糕好似腸粉咁淋，又冇海鮮煎餅，只有綜合煎餅，不過都係麻麻地，整體嚟講真係好失望

在這次的用餐體驗中，我們來到「豬腳小組」，一間以豬腳為主打的餐廳，並點了他們的招牌菜品。這道菜的呈現方式十分吸引人，色彩豐富且食材新鮮，讓人一見就有食慾。口味：豬腳的肉質非常嫩滑，搭配上特製的醬汁，味道鮮美，吃上一口便能感受到濃郁的風味。配菜如新鮮的沙拉和多樣的小菜，不僅增添了口感的層次，也讓整體菜餚更加清爽不膩。 服務：餐廳的服務態度也很不錯，服務生熱情且樂於推薦菜品，讓我們的用餐過程更加愉快。整體而言，「豬腳小組」的料理不僅美味，還具有視覺上的享受。這次的用餐體驗讓人印象深刻，非常推薦給喜愛豬腳的人士，值得再來品嚐！

之前喺韓國弘大食嘅豬腳小姐喺香港終於都開咗，如果大約六點去的話，好快都可以入座，過咗半個鐘可能已經要等位。今次叫咗招牌蒜蓉豬手2-3人份量，另外再叫咗韓式炒年糕、魚糕湯、吞拿魚紫菜飯團。

之前次次去親韓國都一定會食豬腳小姐～香港開左一排，今日終於嚟左試下！食落覺得同喺韓國食到嘅味道都一樣！蒜蓉豬腳真係必叫招牌菜！連八小碟都同韓國一樣！無論係啲醬汁同啲沙律，都做到同韓國起碼九成一樣！碟沙律菜都夠哂大碟，可以解到豬手嘅油膩感！叫左一份M size，三個人都夠食！再叫埋魚糕湯，有啲湯冇咁dry!好開心佢真係算係喺香港開得嚟又還原到味道嘅韓國餐廳！未到去韓國之前，都可以再嚟呢度食下啲韓國味道！

這道豬手色澤金黃誘人，皮脆肉嫩，口感極佳。醬汁濃郁，滲透每一寸肉質，香氣四溢。搭配清爽的小菜，平衡了油膩感，讓人一口接一口，欲罷不能。豬手的膠質豐富，咬下去彈牙，令人回味無窮。這道菜絕對是聚餐時的亮點，值得一試！

韓國豬手小姐終於開到嚟尖沙咀韓國街！我次次去韓國都會食，所以香港都要試吓！當日喺full booking情況下，照排隊去食😂排咗半個鐘度（要企定定排，無飛攞，好熱，呢樣嘢希望可以改善吓）我覺得都好食，味道有8成似。豬手可以再入味d & 個蒜可以多返啲梨蓉甜返啲就好好！韓國嘅蒜蓉撈埋隻色係偏黃，而香港就白啲，唔知係咪要就返香港人嘅口味唔整到咁甜？如果香港都有埋辣湯麵就100分！！但係喺香港食到已經好開心喇😆

其實我成日都唔知佢叫豬手定豬腳小姐😂但門口招牌係寫豬手小姐嘅🤪去韓國🇰🇷玩最成日食嘅舖頭 亦都係去韓國咁多次 每次去都最多香港人的其中一間舖頭4月尾經過仲見到佢圍咗版 5月就已經開了依家尖沙咀都可以食到 真心方便當然…價錢就…哈哈😄不過當係解下突然好掛住🇰🇷嘅時候食吓都係個唔錯嘅選擇可能新開唔算好耐 去到都唔洗等位直接可以入座基本入到去都係必食豬手嫁啦個人pick蒜蓉口味（雖然食完個口會好臭😆）但佢真係好好食🤤唔知大家有冇試過在韓國打包返嚟香港？其實就係一模一樣😛另外仲嗌咗個豬肉湯佢無包埋個飯 就有啲可惜 就咁飲湯呢個位 唔係太韓國feel🇰🇷

講左好耐去韓國要試嘅豬腳小姐，一直未搵到機會去，點知香港開左分店，咁一定要同fd試下啦！Highly recommend this awesome restaurant!!!

招牌豬手，果然名不虛傳！大大份！蒜蓉鋪滿面！配菜任添！沙律醒神超爽！咬落爽脆！ 酸甜度適中！同其他配菜一起食！可以減低油膩感. 蛋黃吞拿魚飯，超好食！極度推介！會有下次

之前係銅鑼灣見到豬腳小姐好多人排，我好鐘意食豬手，但未食過韓式，所以默默地擺係bucklist。咁岩放假同朋友去尖沙咀行街，原來尖沙咀都有豬腳小姐的分店，所以就訂枱食，我地係當日第一枱客。星期六日無單人午市套餐，我地叫左2人套餐，好大碟，豬手及配菜佔了成張枱，但都有位食野。朋友好細心，發現張單寫住follow豬腳小姐社交平台及dm便贈送非酒精飲品，朋友揀左菠蘿味，我揀左香桃味，送飲品係加分位。招牌蒜蓉豬手（M)、吞拿魚蛋黃醬紫菜飯糰蔬菜沙律配菜 （泡菜、白蘿蔔、韭菜、洋蔥、椒片、蒜片、椒粒、沙律醬珊瑚、2種醬）總$438加一豬手唔會好油膩，唔攝牙，好加分，蒜蓉醬加了甜味，第一次食蒜蓉係呢種味，超級好食😳配菜好多，有酸甜辣咸、有口感成碗飯俾我地，但要自己整飯糰🤣最後太飽，食剩左飯，帶走

同韓國嘅豬腳小姐好似，一樣咁好食個豬手有得揀蒜蓉同原味，仲有好多種配料揀。豬手嘅份量都幾大，建議至少搵四個人以上一齊食。呢間鋪開咗暫時唔夠一個禮拜，整體質素都好好，希望嚟緊仲可以喺香港開多幾間。

豬腳小姐 (尖沙咀)📍尖沙咀金巴利道77號地舖🔶招牌蒜蓉豬手L $450超級多款小菜醃蘿蔔、醃泡菜、醃洋蔥、酸蘿蔔、辣椒醬大蔥另外跟左碟生菜沙律🥗單食蒜蓉豬手會比較膩～咁多款配菜可以減低油膩感豬手好軟淋～豬肉部位肥瘦適中豬骨位附近偏肥整體吾錯😍😍🔷綜合煎餅 $128蟹柳煎餅：顏色好繽紛🤣蟹柳、火腿、蔥，好食既配搭～豬肉煎餅：味道正常，但幾油膩大蔥煎餅：薄身少火，會比較脆身，送酒一流🍺🍻泡菜煎餅：泡菜量好多，完全吾辣，味道OK~✏️整體偏油，味道正正常常，試過就算～ 🔶吞拿魚蛋黃醬飯 $50吞拿魚份量好多🤤🤤蛋黃醬+紫菜邪惡組合味道係吾會令人失望醃蘿蔔酸甜👍🏻減低油膩感手抓飯好味～

多年前食的豬腳小姐，響弘大，而家香港終於有，我哋叫做個蒜味豬手M size,＄400兩個人足夠，一大盤跟配菜，味道同響韓國食既9成，喜出望外，香港地方細，個盤擺落 張枱已經冇曬位食得比較 迫狹，飲品方便叫咗米酒，得翻花生味同柚子，始終無原味好整體用餐感覺係幾好既。

今日2個人叫咗一份中size 蒜蓉豬腳，魚糕湯，整體好好味，魚糕湯少辣，唔食得辣嘅要留意，整體份量充足，坐位有足夠空間，唔會好迫，唯一美中不足係無晒米酒，整體好滿意，會再去