豬屋日本料理

營業中

休息中

6:30pm電話外賣名古屋便當，職員開頭話無，心諗6點開舖咁快就無？進一步問，原來只係無雞串，可換餃子。之後再問螺肉可否另上，職員就問你有無叫過外賣？我地一個盒分4格😤咩態度呢？

好耐無去過大圍, 今日去相約朋友一齊去覓食我比呢間餐廳嘅名吸引左,而且價錢平民6點幾時間尚早, 入面差唔多滿座, 好彩仲有張2人枱唔洗等位, 即刻有得入座由於太多款美食選擇, 我同朋友有選擇困難症.....最後叫左2款小食--日式蜜糖烤雞 及 鱈場蟹棒蟹籽粟米沙律沙律好大份好足料, 下次一定會再叫的小食2份定食-蒲燒三文腩定食 (推介) 及神戶便當我想食三文魚同魷魚咖喱飯，呢2個定食可以一次過滿足晒我所有願望燒三文腩好好味, 食落口好Juicy 仲有魚腩香味雞蛋都係糖心呢個定食好豐富, 估唔到飯都有配咖哩汁, 大大條魷魚原條上, 再配中華沙律, 燒帶子及燒茄子

●吉列豬扒滑蛋飯($51)●不得了!!!平民價錢酒店質素👅一直好想探索山城附近嘅好西 今次去咗大圍田心村!原來係隱藏美食地圖💓💓呢個豬扒真心高質!好鬆脆嘅外層同柔軟嘅豬扒構成最完美嘅對比😍😍啲豬扒咬落去仲會爆出油脂😍 好香好香我終於知道咩叫食豬有豬味😂😂係人生第一次食過咁有豬味嘅豬扒豬扒嘅韌度適中 食得出未用過鬆肉粉 天然鬆軟易咬 洋蔥汁甜甜地好易入口 同豬扒好夾好好食!!高質!!真心推!!!!😍😍😍-●吉列蝦咖喱飯($49)●相比起吉列豬 呢個係冇咁驚艷嘅 算係合格以上水準啦咖哩走嘅係正宗日式路線 偏甜唔係好辣 但份量有啲少 唔係好夠撈曬啲飯😢😢天婦羅蝦有三嚿 係呢個價位算嚟講都好ok!!!食得出用咗日本嘅麵包糠 好有日式風味 好似置身於日本咁💓如果唔想試佢嘅豬扒飯嘅話都可以一戰😈😈

叫左個 燒牛舌 上菜個陣真係嚇一嚇 比想象中厚身周大塊勁多 咬落去好重牛味 落少少檸檬汁落去仲正第二道菜係 三文魚腩刺身 50 幾蚊有4 件 件件都勁厚身 三文魚油脂味好夠 因為勁厚身 每一口咬落個感覺都好full 但如果真係要彈 係個油脂味太過重 食左一塊之後已經略嫌太制 如果跟壽司飯食會好好多之後仲有個豚肉生薑燒飯 份量好夠 肉汁都好甜 味道很惹味 令人食完一啖飯又再一啖 但成個飯既感覺係多飯少汁 食到後尾唔夠汁撈飯總括而言，CP值高既日本餐廳

上次星期四訂過很準時送到😀但今次星期六9:14p.m落order,已確認訂單😐系統指是大約55min後送到，點知到了10:25min到未送到🤔，打電話去豬屋話冇人送可能遲少少,10:45先到，等到10:50系統話已取消訂單😤超過份law,以後不會再order哩間，11:00(網上外賣平台線上聊天check完先話找不到人送，所以取消😤😤)

第一次路過呢度俾店名吸引，之後睇食評發現都唔錯，所以食啦!如是者食過唔止一次，星期五放工同老公再食，不錯哩!餐牌有好多不同組合地方名的定食，我都忘記左我點的定食名稱了!定食吉列豬扒，炸魚餅，炸餃子同咖哩飯!今日的吉列豬扒好大塊，記憶中之前無咁大塊，鬆脆美味!餃子同魚餅都係來貨的，正常味道!咖哩飯叫左少飯不過都好多飯哩!而什錦魚生飯一般，無上次咁好食，除了飯仲有湯同雪糕糯米滋，不過糯米滋同飯一齊黎，最後食就溶溶地，但芝麻味的糯米滋不錯哩!整體仍然美味，會繼續幫趁!

以前逢星期六日食飯時間一定排曬長龍，今日星期日七點半去到竟然唔洗等位入到去 一路都唔知食乜好，因為實在太多選擇，想豐富啲可以揀定食，淨係定食都有十幾款， 而我同屋企人最後就揀咗汁煮豬軟骨烏冬同埋黑椒牛舌粒飯！豬軟骨烏冬，湯底係鰹魚湯底，雖然唔係好夠熱，但係都好濃味。豬軟骨煮得好夠淋，而且份量非常多，烏冬煙靭唔會煮得太淋，仲配有半隻糖心蛋同一塊日式魚蛋 不過粒魚蛋其實只係麵粉一舊一啲都唔好食， 寧願唔要，破壞咗成碗烏冬。黑椒牛舌粒飯好夠香 ，不過味道唔太濃味，牛舌粒煮得好夠淋，入口即溶，愛食牛舌嘅朋友不妨一試！不過逢星期五六日同公眾假期都要另外收加一，係屋村嚟講 佢價錢已經唔算平， 再收埋加一更加唔算抵食

踩單車入到黎大圍，朋友推介呢間豬屋。黎到已有幾pair人等緊位，我地大概等左十五分鐘左右，一路食嘅時候出面都keep住有食客排隊。等待嘅時候已經揀好野食，便當大概有下面呢啲款全部便當都係用縣名黎命名，主食為指定咖哩飯搭配另外三款餸，價錢由$60-$100不等。咁多款式，花多眼亂，唔係咁容易決定到另外有壽司類餐牌第一款揀左福岡便當，配吉列豬扒、炸魚餅同日式炸餃子。望落好豐富，食落份量都好多。豬扒放到滿晒，魚餅同餃子就各三舊。其實食落只係普普通通，咖哩汁亦唔夠。另一款揀左宮崎便當，配搭有燒菠蘿、豬頸肉同雞扒。呢款比起福岡款無咁熱氣同heavy。個雞扒幾好味，精華所在豈個炸嘅皮度。另外口痕嗌多左個牛油果軟殻蟹壽司，一共八件，有舊豬樣嘅wasabi喺個碟度，好鬼得意呢碟食落都係普普通通啦，冇一種食過翻層味嘅感覺。

响屋企懶懶閒，門口都唔想出， 屋企又無咩食，想食少少魚生就即刻去網上外賣平台 望下有咩食，有便當，有刺身，有壽司，就揀咗豬屋了。以有人送埋上門嘅價，哩個價同質素係值一個OK的，係爭少許先有個GOOD。便當嘅刺身，三款都非常可以，鮮甜肥美度不錯。螺肉呢啲咁普通嘅嘢當然都唔會出錯啦。吉列芝士流心豬扒，送到都仲係脆嘅，芝士味就唔係好覺， 不過肉質就不錯，多汁唔鞋。牛肉卷朋友就話又乾又硬又薄。海膽軍艦預咗送到過嚟嘅時候紫菜一定係淋哂，但咁嘅價錢都唔腥已經好好，少許甘甜仲好滑。刺身飯入面有兩隻大蝦，兩片三文魚，兩片油金魚同埋蟹子。蝦都幾大隻，蝦身甜度不高，肉質彈牙少粘口，蝦頭就腥腥地了。三文魚同油甘魚都切得好大方，成塊扒咁大，質素都係OK的。蟹子粒粒脆嘅口感就中和咗咁多肥美刺身所帶來的膩口。啲飯嘅緊實程度係可以當蛋糕切的，吃著也感累。另外小包嘅日式豉油味道亦十分不好。送雪米糍甜品雖然非常高興，但比啲乾冰包都係保唔到唔溶化，外賣可以試下送其他？

是晚與同事到大圍聚餐，今次移師到較遠的田心一帶，有泰國菜、茶餐廳，絕對不比大街輸蝕！不過素來愛吃日本菜的同事早已選定豬屋了！有別於一般日式餐廳，這間以便當作主打，款式不少，全以日本城市及省份定名，更見有趣。價錢亦不算昂貴，最貴那款$100亦有找！伊賀便當 - 配料何其豐富！有咖喱飯，中華沙律，蜜糖雞翼，炸雞塊及炸魚餅。咖喱飯份量剛好，飯粒軟綿綿，夥拍甜而不辣的咖喱汁，挺開胃！雞翼表面煎得香脆，肉質嫩滑。炸魚餅炸得剛好，入口彈牙煙韌。炸雞塊炸得香脆，肉質幼嫩不乾身且雞味濃郁！鹿兒島便當 - 這個便當配料同樣不馬虎，有咖喱飯，螺肉，炸南瓜餅，汁煮豬軟骨及刺身。螺肉質感爽而彈牙，南瓜餅炸得乾身不油膩，南瓜茸軟綿綿入口甜甜挺滋味！豬軟骨炆得軟稔且入味，咬落嗦嗦聲！加了錢要波子及提子汽水，飲後能舒舒憋氣解滯膩！

朋友搬左去大圍田心村 一直都未有機會拜訪 今日終於約左佢食飯~ 朋友話呢間鋪超級旺，成日都好多人，一直想試，我當然要捨命陪君子啦~ 因為唔想等位，食個早飯，六點幾去到 好彩行早一步咋，下個已經要等 由我地坐入去到走 (八點幾) 都一直滿座同有人等位，超級勁呀~ 呢度最出名，應該係呢D便堂，我見好多枱都有點 幾十蚊，又多野食，我地都點番個先~ 除左便當，呢度仲有其他日本野食~ 有刺身，炸物，拉麵，仲有特長7吋壽司同串燒~ 價錢都係幾十蚊，非常街坊價~ 朋友叫左呢個三文魚蜆肉味噌湯 雖然湯唔係大大碗，但入面既料就勁多 有成半碗都係料黎，有三文魚/蜆肉.豆腐/紫菜~ 湯呈奶白色，魚味濃郁非常~ 飲完暖胃又飽肚~ 熊本便當 呢度既便當都係以日本的地方命名，京都，秋田，宮崎.... 係咪唔同地方既便當會有唔同特色呢？ 我無特別研究呀~不過唔理邊個地方，最緊要好食啦~ 便當分左四格，有四款唔同野食 青瓜反卷上埋滿了超多蟹籽 呢個好得意既叫 香炸軟馬蘇里拉芝士片 馬蘇里拉？諗左好耐，我估應該係 Mozzarella ~水牛芝士~XD 就咁睇個外表，無可能估到佢係芝士~水牛芝士的芝士味唔會

好多年前同媽咪試過午市定食，印象唔係差，但覺得未好食到要再去，今晚唔知食乜好，所以俾多次機會佢，試下佢d定食。 名古屋便堂 (轉燒汁飯，原本係咖喱飯) - 前菜係螺肉、燒菠蘿，螺肉其實大同小異，好難會好難食，所以無乜特別，菠蘿係即燒，甜同無渣; 雞肉串都嫩，個汁ok，但又係無乜特別; 最後就係個饅魚，唔霉有口感，份量算適中。 秋田便當 - 前菜係中華沙律，同樣不過不失; 有3件加州卷 (但幾細件)，有好多蟹籽舖面，但3件都痴實晒，一夾就散晒，沙律醬太多; 蟹條有4條，唔係差，但... 口感完全唔明確，即有d似仿蟹柳既口感; 主菜有炸餃子，唔夠脆，佢配沙律醬，而唔係餃子醬，我覺得唔太夾。

大圍區尋食一點都不難，除了大圍巿村屋附近，其實在屋苑附近也有著不少美食小店。豬屋日本料理就是其中一間小店位於屋苑之內。豬屋的食物選擇也不少，由小吃、刺身、壽司、燒物、拉麵、刺身丼、便當等等，食物味道不錯，價錢又實惠，難怪每晚都是如此滿座。****************************豬屋日本料理就在田心街橫街之上，雖然在橫街，但店鋪也相當明顯，還有個豬頭作為標誌，絶對不難找到。來到之時剛好晚飯時間，豬屋已經滿座，慶幸有食客離座，才不用久等便能坐下。看著餐牌食物選擇也不少，由小吃、刺身、壽司、燒物、拉麵、刺身丼、便當等等都有所供應，套餐選擇還可以加錢要上飲品。飲品以汽水為主，只需加HKD6，可以選上本地汽水或檸檬茶，加HKD9可以選上日式果汁味氣水。三文魚蜆肉味噌湯，味噌湯常飲，加入三文魚和蜆肉的都是第1次嚐試到。沒想到味噌湯內的三文魚和蜆肉如此多，三文魚口感也很滑溜，整個湯都充滿著鮮甜味，實在好飲又好食。忌廉芝士磨菇釀雞翼 HKD39，雞翼之中釀了忌廉芝士磨菇汁，除了雞翼皮脆肉溜，還帶忌廉芝士磨菇汁香味，又幾特別，值得推介的小吃之選。雜錦海鮮拉麵 HKD63，雜錦海鮮包括了多

餐廳食物選擇豐富, 我同老公都想試便當, 因為每一款便當都有前菜、多款小食同埋主菜等, 非常豐富!熊本便當 $71 日式芝麻雞翼2件芝麻雞翼炸得外脆內嫩, 表皮香脆, 雞肉嫩滑多汁! 雞翼加上芝麻, 好香好惹味!香炸軟瑪蘇里拉芝士片2件芝士味香濃, 而且可以拉絲, 好味道!加州卷3件有好多好多蟹籽呀! 唔錯!中華沙律芝士咖哩撈烏冬(+$9)日式咖哩甜甜地, 唔辣, 加埋半溶芝士片撈烏冬, 好滋味!福岡便當 $69吉列豬扒好大塊吉列豬扒呀! 即叩即炸, 熱辣辣, 炸到金黃又香口, 肉質保持嫩滑! 外脆內嫩!日式炸餃子3隻餃皮炸到脆口, 餡料充滿肉汁! 加埋沙律醬一齊食, 唔錯!日式炸魚餅1件炸得Q彈, 唔油膩, 加埋日式醬汁, 味道剛剛好!中華沙律咖哩飯咖哩飯分量多, 加埋日式咖哩汁, 唔錯!7吋玉子壽司2件 $25大大件, 甜甜地, 又好有蛋香!醬燒三文魚壽司2件 $18三文魚肥美, 燒過後有好多魚油! 正!

朋友搬大圍住，話帶我地食好東西。地方有點隔涉，雲疊花園，沿大圍站行6/7分鐘。唔係朋友帶路都未行過呢個位置。餐廳係小店經營，食客看似附近住客居多。本人當然選擇有吉列豬扒gei福岡便當🍱($69)。便當非常豐富：吉列豬扒、炸餃子、炸魚餅、中華沙律&咖哩飯。豬扒大如一隻✋🏻。 炸粉有蛋漿，炸到金香又彈口，廚師功力值得一讚。咖哩飯分量多，咖哩汁多如一座山，食得出汁料係新鮮煮，食後沒味精feel。小食餃子、魚餅都絕不慳功夫，餃皮炸到脆口，餡料juicy! 魚餅飲品要另叫，有茶飲就算。餐廳食物質素總體係超出預期，平民便當，但廚師手藝係一流！店員兩三個年輕人，服務算ok！