豪隍點心工房 (已搬遷) 新店位置

之前已經係ig睇過好多人講佢上一次因為太晏去好多人排飛🥲(其實我地臨走個陣都只係10點幾 條隊都好長😵)今次就提早book枱 早啲食～佢所有點心都好足料 兩個人叫5碟真係飽到趴喺度🤣蝦餃成個bb拳頭咁大 包住幾隻蝦🍤奶皇包流沙 叉燒包同膠粉都多餡鳳爪唔使用啲好濃嘅汁去蓋過雪藏味排骨飯啲餸係舖滿面😳仲要唔係得啲骨🤘🏻本次MVP：炸饅頭✨得外面薄薄一層炸得脆裡面唔油 保持到個包好鬆軟 🤤

呢間野比朋友推介左幾次，話係大廚開既鋪，平民得黎又好食。但係我一直都冇試，因為怕觀塘區放lunch 多人丫嘛。星期六日去食，就一定多人；平日去，喂觀塘咁多寫字樓，就仲多人！直到今日，係等食晚飯既時候，靈機一觸！晚飯時間飲茶咪冇咁多人囉！哈哈，真係天才。我同朋友跟住個地址去搵，個入口真係好普通，普通到冇招牌，係普通住宅後樓梯咁款，真係少點眼力都miss左個門口。上到去，果然，好！少！人！難怪既，夜媽媽邊有人想飲茶丫，不過都好，靜靜地，可以專心食個飯傾下計。呢間野總括黎講質素真係好唔錯，由其茶款選擇多，竟然有玄米茶飲。其中有２款都幾推介，分別係月光寶盒同鮑魚雞絲腸。月光寶盒入面有好多野食，可以唔洗逐個叫（包左XO醬蘿蔔糕，鹹水角，流沙包，蝦餃，燒賣，粉果，手帕青瓜，麻辣雲耳，懷舊啫喱)。而鮑魚雞絲腸就夠滑身

好食足料嘅點心店唔多💛 呢間要排隊等位但都咁多人就知佢咩料啦😏 入面座位唔多都坐得比較迫而且信號數據接收差🙈 不過講真食真係唔錯😚 分量來講兩個人飲茶食點心都好可以😆咸水角 ($17)香脆炸得岩岩好 唔會話痴牙都唔會話好油😋蝦餃皇 ($19)一咬落去好多好多蝦 估計一粒蝦餃有3~4隻蝦真係勁足料😳燒賣皇 ($19)燒賣上面又係成隻蝦 正常發揮好食的😙爽口滑蝦腸就咁滑腸粉加埋爽口蝦又係好食😆長春卷又係有蝦嘅點心 一樣都係好味 應該有加少少蒜蓉好香😍黑糖糕黑糖味就有嘅 不過食落去實d 唔係太好食嘅感覺🙈桂花糕食落覺得較淡味 桂花味又係好淡唔夠出 慢慢食落就係得甜味🙈凍蜂蜜生薑雖則飲茶食點心 又試下凍飲先 似幾特別 好多薑味 唔太岩口味😬總結蝦點心都好好食又好足料 糕點類同凍飲就唔需要了🤣 必食蝦餃燒賣蝦春卷蝦腸 講完💛

觀塘工業區有一間隱世點心店裏面嘅點心真係好好食😋今日我自己來一個點心下午茶墨西哥义燒包$25🥰墨西哥叉燒包入口即溶入邊仲有啲叉燒餡住個麵包超好食呀😍超大蝦餃$25好大粒超入口啖啖肉要咬一半食先得而且價錢平又好味😋讚❣️魚肉釀茄子青椒$31煎釀魚肉二寶真係好好食🥰第一次驚返唔到轉頭❣️

ғᴏᴏᴅɪᴇ ᴛɪᴍᴇ 今次食咗豪隍點心工房💛已經係第二次黎食，係難得既黃店點心🥰今次就係晏晝黎食，好彩有book, 建議大家想早午市食要book位先！推薦區🌟🌟豪隍蝦餃皇(2粒) ($25)真係好大粒，一粒等於兩粒🥳入面都好飽滿，蝦都好大隻！蝦餃皮都唔會好厚，啱啱好🥰🌟蝦仁燒賣皇(2粒) ($25)燒賣又係超大隻，好足料，餡料都幾彈牙🥳🌟鮮蝦菜苗餃(3粒)($25) 菜苗餃好足料！有一隻蝦再加好多菜！調味都啱啱好🙈皮好煙銀！🌟醬汁茄子拼尖椒($30)一共有四件！醬汁茄子上面既魚肉好彈牙，尖椒比較辣，但係唔計佢，調味係幾惹味🤓一般點心豉汁蒸鳳爪($25)蒜蓉芝士長春卷($34)爽口鮮蝦腸($34)呢三款都係正常點心水準，冇咩好特別🙈整體來講，呢間點心真係好足料，餡料又多🤩但係味道黎講就唔算好特別🤪

武漢肺炎搞到我呢兩年都冇去酒樓飲茶，想食點心嘅話，只可以叫外賣~ 咁叫外賣都想叫間好食嘅~ 豪隍真係不二之選， 呢間真係好食~ 我地叫咗蝦餃，燒賣，鳳爪，排骨， 呢d基本嘢~ 蝦腸， 叉燒腸， 牛肉， 雞扎，金錢肚， 墨西哥叉燒包， 鵝肝醬咸水角， 沙律什果鮮蝦雲吞， 全部都好好食~ 佢個炸雲吞真係世界級，送到過嚟都仲係好脆，一咬落去勁大聲， 正到爆~ 佢嘅招牌蝦餃同燒賣緊係冇得頂啦，大大粒，大大隻蝦，真係好堅~ 其實佢全部點心都好好食，冇得挑剔。 我地仲叫咗甜品， 養顏紅棗糕同蜂蜜黑糖糕， 又係高質好食~一個字~ 正呀喂！！！

個入口已經難搵，仲要再上一層，不過平日12點去到已經要等位，食完就知真係值得嗌左個套餐排骨飯加蝦餃，叉燒腸，尖椒茄子，雪山叉燒包同埋牛肚🙈首先要讚就係上枱既速度極快，但全部都係新整夠熱夠鮮排骨飯夠香唔濕，飯有肉香味；蝦餃皮夠薄，口感好又多蝦；腸粉皮都夠薄夠煙韌尖椒茄子就香口惹味，但愈食愈辣🙈雪山叉燒包夠淋夠熱，係層墨西哥皮有dd少🙈牛肚亦都夠淋夠肉味，墊底既芋頭都入哂味🤤所有點心都起碼80分以上，好少可咁高水準😳難怪多人

接近2時下午茶時間，門外仍有一條長長的人龍，看來水準不俗！等了二十多分鐘，終於可以入座。蝦餃皇是珍寶size，咬下盡是啖啖海蝦肉，而且更是鮮甜，跟外頭的酒樓交貨截然不同，絕不欺場。一籠兩粒的份量，人少少都可以嘗試多點不同款式，欣賞店家的用心。吃過蝦餃皇怎會少了燒賣皇，同樣份量十足，肥瘦豬肉的比例均衡，不會吃到滿口肥油的感覺，蝦肉也有畫龍點眼的功效。掙扎了一陣子還是點了炸物（很熱氣呢)，咸水角是不二之選，酥脆的外皮顯然是即叫即炸，也不太厚，內餡的調味也出色，香口的東西總是要一口接一口才盡興！單尾來了個竹笙上素餃，清一清味蕾，清新的蔬菜和竹笙保持到爽口感覺，吃來不會過份寡淡，再喝下一杯清茶，滿足了。

今日閒來無事，喺openrice睇下官塘區有乜點心美食好介紹，揀咗嚟呢間試吓美味點心。叫了蝦蛟、燒賣，都好大粒，味道唔錯。牛肉球大舊有彈牙，叉燒腸及蝦腸都喺即叫即整，新鮮多料。惟空調不濟，愈食愈熱，有D掃慶！！

#wetdodo_觀塘呢間隱世既豪隍點心工房極度高質抵食💛黃店點心鋪真係兩隻手數晒～要珍惜🥺點心份量足又熱辣辣🔥師傅仲要係酒店出身🐒老老豆豆我覺得比逸東軒更出色🤫-而豪隍就係位於人人稱迫既觀塘～其實都唔係咁難搵☺️💃只要係東廣場往成運工業大廈方向果邊行行到街尾過對面馬路再直行就係👍🏻-晚市係比較少人都可以walkin午市就強烈推薦要先打電話book枱見到唔少人講要等成個鐘位 等咁耐就不了😂☎️Book定先仲可能有卡位坐～更加舒舒服服咁食靚點心🤩—————————————————————- 蒸點：💛豪隍蝦餃王(2粒) <中點> $25 🌟🌟😋：9/10真係未食過咁大粒蝦餃🤩勁足料～漲卜卜同埋蝦餃皮又好煙韌！💛蝦仁燒賣王(2粒) <中點> $25 🌟😋：8.5/10燒賣同樣出色大大粒豬肉好多～調味亦都適中！💛鮮蝦菜苗餃 <中點> $25 🌟🌟🌟😋：10/10水晶皮睇落已經好吸引！同埋都只係中點😂呢個真係最抵叫～菜苗感覺都幾新鮮蝦同菜苗比例都啱啱好唔會因為平啲就塞好多菜好少蝦呢個真係點都要叫一籠🤣- 腸粉類：💛蜜汁叉燒腸 <大點>

今次專誠星期日早起身就係為咗排隊去試呢間點心係觀塘區好出名燒賣($50/四粒)比平時個啲大粒足足至少1.5倍望落好精神食落好滿足流沙奶黃包($25/三個)熱辣辣新鮮出爐咬落去爆出流沙仲有好香蛋黃味竹笙上素餃 ($28/三件)比平時既大件皮薄餡靚裏面有多款素菜

又有一間黃色點心係觀塘叫做豪隍點心我成日將佢同旺角另一間黃店喜隍搞亂位置係觀塘工業區敬運工業大廈基本上就係無門面唔係出左名應該都幾難有人幫襯要行一層樓梯門口好簡單貼左d師傅得獎既相出黎當日係父親節我就特登帶左屋企藍屍廢老黎食但估唔到十一點半左右黎到一等就等左一個鐘九個字工廠後樓梯又熱又焗落街等又曬等到老母都吊晒鬼反而入左去見到餐廳都唔細檯都大張雖然排得密密麻麻但唔會坐得辛苦價錢由小點既23蚊到皇點既50蚊茶錢6蚊位燒賣蝦餃都係一籠兩件叫4粒要成50蚊好多年無去過街坊酒樓我就覺得呢d點心小店價錢真係偏貴既不過手工野都有佢既價值只係細細個食開習以為常覺得點心係好普通好cheap既野反而蒸飯都係三十零蚊仲有張新品推介都唔洗等好耐就有食物上首先係蘿蔔糕咸水角墨西哥叉燒包全部都靚仔好過老馮好多就算係父親節日子都唔會好參差不過豪隍師傅應該都係好傳統既人點心紙入面唔會有乜新潮野全部都係以前去茶樓點得到既野溫泉蛋牛肉飯金錢肚同鳳瓜然後上既係蝦餃皇見到既時間嚇左一嚇因為係好大粒入面勁多蝦終於明白點解要賣到咁貴燒賣皇都係差唔多玩法雖然五十蚊又唔係酒店黎講真心貴不過見到咁足料都叫做舒服老母話呢舊馬拉糕太空氣

最近半年 經常在 YouTube 有人介紹 又或在網上報道 觀塘區一間 隱居工厦的 點心工房 每天客如潮水 經常排隊等位的 午市等候的人太多 很多時轉買外賣帶走 這樣火紅的店 當然要去品嚐啦！😘😘為了避開人潮 下午三時到達 雖然不用排隊 但店內都是滿座的 剛好有食客離開 🚶‍♂️🚶‍♀️下午茶 蒸點 炸點 腸粉 蒸飯 冷熱飲品 都有特價 全日不設加一 各種點心 即叫即蒸 即炸 相當有 heart 全部自家工場 天天製造 👍👍👍雖然知道好吃 但依然感到驚訝！因為呢度啲水準 真係高幾皮 😋😋😋😋😋我們吃了 四款點心 兩款蒸飯 一款甜品 兩杯飲品 有些點心 下午茶有優惠 埋單190幾元 很划算啊！😲😲這裡從早上8:00 到晚上9:00 全日只賣點心 蒸飯 我們離開時 已是下午5:30 這個點 人客仍不少 相當受歡迎的 點心專門店 雖然住港島區 但下次還值得再來的 🫖🫖🥢🥢

工廈入面嘅隱世美味點心之前已經聽過，見好耐冇食點心，又唔想去酒樓，今日就特登搭車出黎試下佢。因為唔係食下晏時間又唔係下午茶時間，所以去到嘅時候唔洗等位，即係有得坐低☺️見到張點心紙真係好多野都想試，因為樣樣都好吸引，最後就就嗌左8樣野食，埋單都只系二百令蚊，真係好抵食！同埋上菜速度都算正常，唔會一下子就上哂/食完一碟等好耐都未有其他野食，岩哂鐘意食點心嘆杯茶嘅我啊！首先上嘅係茄子拼尖椒 （各2件），個個醬汁真係未食過嘅味道，醬汁加蒜頭加小小辣椒，好香同食物味道好夾，每一啖都要點小小汁食，對於唔食椒類嘅我今次都因為個汁忍唔住要試埋個尖椒，果然醬汁對食物黎講真係好重要😆之後就到蝦餃，正宗嘅一盅兩件啊！一個籠雖然只有兩粒，但係勝在size夠大，岩哂一心兩意又驚食唔哂嘅我，一次一粒就岩岩好！個餡料好多，但係差左小小嘅係唔夠juicy，整體上都叫做唔錯啦！跟住就到鮮蝦腐皮卷，入面配搭西芹，煎到好脆，一碟三件同酒樓差唔多，勝在即整，食個陣仲好辣口！叉燒腸真係好足料！啖啖放入口都係滿滿嘅叉燒，成件事好滿足。重點係個皮唔會好厚，食落口好滑，每卷一層都會有放叉燒肉👍🏻燒賣同蝦餃一樣都係一盅兩件，大大粒，唔

聽講排到癲既點心店，夜晚黎完全唔駛排！！！九格點心拼盤係晚市限定。粒蝦餃勁大粒，勁高質。仲有蘿蔔糕，流沙包，燒賣，仲有兩款涼拌小食。鳳爪同排骨都好好食😋窩蛋牛肉飯係用山竹牛肉黎整，我就覺得唔係太夾。門口仲有日本雪條賣😍$15 正呀