豪門火鍋 (已結業)

睇完tvb節目＜靚人靚湯＞被他們招牌~黑松露湯~所迷！而且看到是＜新假期喜愛餐廳＞即管去book位嘗試吧。一行6位入座時間7：30pm去到有vip房坐。廳就全院滿座點菜：當然試＜黑松露湯＞+＜蕃茄蟹肉湯＞ 1）刺身拼盤 2）新鮮本地牛肉 3）一口鮑魚餃 4）鮮雞子 5）豬肚尖 6）炸響鈴 7）芝士墨魚丸 8）牛肉粒 9）黑松露帶子雲吞 10）聖子王食物還未來前，桌上都有花生炸白飯魚醫下肚加上他們自家製的＜竹遮水＞。正牙！第一道來的是刺身拼盤。還未食落口只是賣相已經吸引死人所有刺身超級新鮮同平時係日本餐廳度食既更鮮。不過嫌拖羅可能未完全解凍。仲有少少硬！接住2個湯底就來到。仲可以當湯甘飲！更係第一時間飲＜黑松露鍋＞真係名不虛傳。只係滾一滾全間房已經黑松露味。愛吃菌類朋友一定要試！而另一個＜蕃茄蟹肉鍋＞..鮮甜的蟹肉味+濃濃的蕃茄..正！兩者比較個人喜歡＜黑松露鍋＞多d2）新鮮本地牛肉：好新鮮.而且好重牛肉味！我自己係愛牛人士.我自己可以食一碟 3）一口鮑魚餃：出面未試過每粒雲吞有鮑魚..好香4）鮮雞子：估唔到可以食到真正的雞子.細細粒.....同平

一月頭生日，去完海洋公園就去咗豪門打邊爐。睇食評話豪門火鍋好食，於是就去試試。預早訂咗位，安排上三樓一細房，房雖然細，但都幾骨子，得一個服務生，但服務生服務良好，好好禮貌，細心, 態度友善。湯底要咗潮州鍋，預先問咗咩係潮州鍋，佢話係蝦米、枝竹、中芹。估唔到又幾香喎，清清地，仲有淡菜，所以湯底幾鮮甜。不過打到最尾就較咸。刺身方面，要咗牡丹蝦同赤貝。兩者都好新鮮，牡丹蝦唔算大，但都啖啖肉，又鮮甜。赤貝好細隻，一隻切得3小片，味鮮。飲品要咗一jar竹蔗茅根，自家製，幾清甜。食物方面，點咗以下：黑松露帶子雲吞手切本地鮮肥牛日本稻亭烏冬四寶丸黑柏葉響鈴娃娃菜雲吞拼水餃黑松露帶子雲吞，講真，真係無特別，黑松露味道唔濃，粒帶子迷你，味道同普通雲吞差唔多，但價錢就貴過普通好多。手切本地鮮肥牛，不錯，牛肉在肉味，也嫩滑。四寶丸有蝦丸、墨丸、鯪魚同豬肉丸。四樣丸都好彈牙，不過鯪魚有碎骨；蝦丸最好食！整體黎講唔算特別，應該唔會再黎。

好友生日飯局打邊爐, 本身想BOOK高流灣因為一向保持水準但今次壽星女想試新野, 山林道尾呢間豪門我地未試過, 一行四人來到一試餐廳裝修格局都係高級日式火鍋餐廳, 每一台都係開紅酒講野細細聲今次我地自己帶了2支紅酒, 免開瓶費可能由於呢間係主打日式刺身火鍋, 坐低無耐就問要唔要食D咩刺身我地今次叫左劍魚腩 ($138) 同加拿大海膽 ($2xx), 劍魚腩好鮮甜好好味, 海膽好香, 不錯.火鍋湯底由於我們四人也嗜辣, 豪不猶豫算了麻辣湯底..XD至於火鍋配料方面, 水準之上沒有失色安格斯牛肉 & 牛柳粒 - 自己本身不食牛, 但問過友人他們說牛肉入口即溶, 不錯的說 黑松露帶子雲吞 - 雲吞入面的帶子爽口有陣菌香味, 我估就係黑松露既味來的吧黑松露豬肉丸 - 很香而且豬肉丸彈牙, 非常出色大魚頭 - 食魚最緊要係新鮮, 呢點呢度無容至疑其他皇帝菜, 金菇, 雞腳, 凍豆腐, 大眾食品很難做得不好吧結論是整體不俗, 環境也尚算很好, 會再來

本人今天一行六人打算去這間聞名的去食晚飯，知道這間在朋友口中讚口不絕，所以都早一天等他開門，去留位。今天收到他們打給電話，本來約了8點鐘，問我可否給他們多15分鐘去預備，只是十五分鐘，無所謂，都可以等，等到8:15pm，女服務員話，因為客未走，所以要多點時間，無所謂啦，橫掂朋友都未到齊，或者可能差一個人，先肯比我們入呢。8:30pm朋友全部到齊，女服務員有禮貌地免費請我們飲汽水，所以我們都願意等下去，直至到9:00pm，我們再追問下去，她才告訴我們，因為食客答應她交枱，但一直拖延到現在都未肯走，要我們再等下去，所以，我們決定離開。作為一個食客的角度：我明白那枱食客，梗係唔打算交枱啦，我叫的材料未吃完，唔通叫我將剛剛叫的招牌：黑松露豬肉丸、黑松露帶子雲吞，唔食，或者打包回家自己開爐煮咩。作為一個服務員的角度：又唔係同你們有仇，唔通專登唔比枱你玩你咩，人地唔守信用，先交唔到枱比人，佢都好難做。作為一個顧客的角度：我和一班朋友，加上一位遠道由外國回來的，你咁樣招呼我們，我一定會唔滿意，覺得你無尊重我這班顧客。我寫這篇食評，不是要作出投訴，而是希望大家有心理準備，就算有Book位，都要等足至少

用網上團購優惠，買了以下的二人餐- 沙參玉竹龍躉骨鍋- 日式刺身拼盤(2位) 三文魚4件、章紅魚薄切6片、帶子2只- 黑松露帶子雲吞(4 粒)- 黑松露豬肉丸(4 粒)- 炸三文魚皮- 手切鮮肥牛- 脆肉鯇魚腩半份(約有十件)- 海中蝦(4隻)- 自家製芝士蝦丸(4 粒)- 墨魚丸(4 粒)- 精選有機菜籃- 日本稻亭烏冬- 竹蔗茅根精兩杯三月買的團購票一直到五月才得閒去用，點知原來揀咗一個滂沱大雨的天氣,但也好啦! 咁樣就唔會食火鍋食到一身汗了 。一來到，門面和座位都感覺到豪門格局。刺身味道份量唔少，又很鮮甜。在吃刺身中，火鍋的食物已一盤一盤的上了，湯底可能因為係沙參玉竹味道比較清淡，但湯內很多龍躉骨腩，所以味道都唔錯。鯇魚腩很脆，黑松露帶子雲吞和黑松露豬肉丸香味不算太濃，但很好食 。整體味道很好，侍應服務很殷勤。希望下次來食黑松露湯底。

本身一向愛打邊爐,所以一年四季不分熱冷都愛周圍試食....見呢間火鍋店新開,於是相約邊爐之友去上扭址..真的沒有令我失望,好味,食物夠新鮮,服務好...員工好細心...值得推介

用網上團購優惠，購了以下的二人餐- 沙參玉龍躉骨鍋- 日式刺身拼盤(2位) 三文魚4件、章紅魚薄切6片、帶子2只- 黑松露帶子雲吞(4 粒)- 黑松露豬肉丸(4 粒)- 燒雞泡魚乾- 手切鮮肥牛- 脆肉鯇魚腩半份(約有十件)- 海中蝦(4隻)- 自家製芝士蝦丸(4 粒)- 墨魚丸(4 粒)- 精選有機菜籃- 日本稻亭烏冬- 每位自家製飲品1杯一到門口還以為到錯地方，太像一家中式酒家的格局，門口一大道中式重門，還有海鮮魚缸，門口內還有一小刺身吧，門口領位的服務員服務也很細心，推門進外後還帶我們上樓到位，環境有點幽暗，像新式的中菜館般不過位就真的不太好座，因只得我和男友兩人吃，所以沒編我們到卡位坐，只得一角位，但問題在於那張枱的設計，真的太差，下面超頂腳，連鞋直放也不行，害我坐到腳麻了多次，設計這些座的人只顧外表不太實用……坐下未選食物己有一個超豐富的調味架，可以玩玩溝溝 ，都有幾多選擇，有xo醬、沙嗲醬、麻醬等。章紅魚刺身很鮮甜，其他的只是普通。在吃刺身的途中，火鍋的食物已一盤一盤的很快上了，一桌已是滿滿的，幸好侍應都幾細心替我們把一碟碟的東西擺放好，不用太混亂。湯底不太突出，味道不算太

一試愛上, 近期最愛之火鍋店, 無論裝修, 服務, 食物質數, 我們一行四人都盛讚呀! 除裝修修華麗外, 店內燈光微暗, 好有情調氣氛唔錯. (二人火鍋同樣浪漫 ^.^) 而服務員亦非常細心, 態度友善最重要...講到食物, 用料非常新鮮, 款式特別有別於一般火鍋店, 四人連湯底試左八款食品, 樣樣可口皆讚, 食得非常滿足! 各方面加埋, 絕對是一家誠意之店!! 未開始已經聞到陣陣鮑魚清香, 用料十足仲有鮑魚食架! ^^ 首要推介"牛精品", 一望都知用料上盛, 尤其牛舌芯, 非常爽口雲吞用原隻帶子做餡, 好好食! 鮑魚餃亦係必叫之選! 粒粒鮑魚鮮味十足 丸類亦非常出色總結來說此店很有驚喜, 尚有多款特色食品尚待一試, 只怪肚位有限, 定必再光顧 hehe~ 價錢方面屬中上, 但我認為物有所值

鍾意食菌類既朋友一定要試下餐廳既黑松露鍋湯底!!淨係聞都已經好香,,入口有好濃郁既黑松露菌味,,湯底一d都唔覺得油膩!!配料亦好足,,有冬菇,,秀珍菇等等菌類,,全部都好入味,,真係值得一試!!如果係一大班朋友齊齊打邊爐,,可以多試幾款唔同口味既湯底!!至於火鍋配料亦都有好多選擇,,最值得推介既有黑松露豬肉丸,,黑松露雲吞,,芝士花枝丸,,蝦丸,,愛丸人士必試!!!鍾意食牛既朋友可以試下澳洲和牛同安格斯牛肉刺身,,口感一流!!餐廳仲有日本刺身,,我地試左個象拔蚌同加拿大海膽,,真係好新鮮,,象拔蚌勁爽口,,d海膽好新鮮,,一啖食落口真係好正!!環境亦都覺得好舒適,,唔似一般火鍋店感覺得烏煙瘴氣,,而且價錢屬於中價,,唔算好貴,,絕對值得推介既餐廳之一!!^^

店鋪的招牌黑松露湯底必試，又香又甜，好好味，我和朋友先飲了一碗湯才開始食，勁鮮甜，正！還有幾樣必食的招牌黑松露丸，黑松露餃，喜歡食黑松露的人一定要黎試下,仲有一個叫牛精品，鍾意食牛的朋友值得一試，勁新鮮牛肉,牛柳粒同牛舌心，好好味，最特別係連個碟都好鬼靚！