豪門火鍋 (已結業)

有一段時間我都幾鐘意去呢間位於山林道尾既豪門火鍋,一來材料新鮮,二來有我最鐘意既鮑魚剌身食(香港真係唔係度度有).而且個名夠霸氣,請客一流!今次與同行友人被安排到一個超迷你2人卡座,又迫又細,食起來超不舒服,實在不吐不快,我咁瘦點坐姐,係咪玩野?加上服務員亦不夠勤力,真在難以接受.拋開招待不周既個元素,食物還是真的不錯,$138一隻既鮑魚剌身真係爽甜無比,任何一款貝類剌身也會被比下去!雖然細細隻得幾片肉,但係已經過足口癮!少少豉油已可帶出鮮味~其他配料亦是新鮮無比.牛肉新鮮油花足,蝦隻彈彈跳.配合埋豬骨鍋底,豬骨加栗米加肉湯煲煲下就是越滾越甜.味道雖好,但暫時真係唔再去住呢

中秋節~家人聚餐 揀左豪門, 大家一齊"豪"番鑊~!!! 試一試個陣先~ 早一個月book定間房, 問左有冇最低消費, 當然有啦! $300位起~真係答得好...... 保守(諗住食豪D~ 唔理咁多喇~)牛雜鍋, 冬陰公, 海底椰鍋: 牛雜鍋沒有想像般既濃味, 有點失望(都有唔少牛雜). 冬陰公鍋一滾起, 香味四溢, 微辣~即刻開胃晒. 海底椰鍋清甜, 食起上嚟較清冇咁油.牛肉: 手切肥牛, 非常新鮮又淋, 但牛肉味稍遜. 澳洲和牛: 肉味較香, 不過刨好薄, 冇乜口感. 我個人會揀: 本地手切牛.其他食物都係新鮮而精美既: 牛脷心, 牛喉, 豬粉腸, 豬肚尖, 魚卜, 魭魚腩, 黑豚肉, 四寶太, 餃子等等~都好正!!! 比較好味既有芝心蝦丸同黑松露雲吞.連尖魚+炸彈魚刺身: 鮮甜+超爽口, 頭骨腩一份做左椒鹽另一份斬件打邊爐, 好食到唔停得口~ 真情推介~一枱4個爐打邊爐, 真係超爽(唔洗迫又唔洗爭)~~ 另外食物質數係唔錯既, 刺身真係好得!我地~11大1小, $600左右一位~

原本打算訂另一間火鍋，但full booking, 唯有改訂呢間位置離佐敦港鐵站5～10分鐘左右，座位寬敞，星期六晚9成滿座，不嘈吵，toilet都幾乾淨。4個人去食，3男1女，叫左鴛鴦湯底，牛精品，黑松露帶子雲吞，脆響鈴，竹笙，花竹蝦刺身和七寶丸。沙嗲湯底好香！喜歡牛精品裡的精選牛肉，黑松露雲吞好香，響鈴和竹笙都好入味！刺身好彈牙，但有點貴，4個人叫左2隻，每人分很1小塊（約手尾指分量)私人帶了2支餐酒去，1紅1白，每枝收50蚊開瓶費。

話說8/20當天晚上在beecrazy買了此食店的優惠卷，並了解當天晚上有位置， 怎料下大雨一時狼狽跟朋友上的士途中才發現忘記拿卷來條，後來我立即打去食店，此職員suki 接聽，本人有禮地要求贵公司收email或幫忙print出cupon ,suki回應是能print 都不會幫你print 的差勁態度,令本人未吃巳感覺不良，當天摸門匙了。今天8/22 我朋友a 即時致電預約,該職員說有位置，朋友b 再打去想加位置就並且和職員說明是團購客戶，該職員可以說沒有位置for 團購客。請問依間公司係咪真係做團購生意？

Summer特別愛打邊爐,因為總係有種係沙漠中心食雪糕既感覺.今日約左2個邊爐友係豪門火鍋食晚餐,原因只有一個,因為個名好型,一入豪門深似海.MENU中除左火鍋生料外,當然有剌身,亦有小食.當中有2樣野已經一見到就知道要叫,就係鮑魚剌身$138/隻同埋$298/隻既加拿大龍蝦剌身!醬料都係蔥蒜辣椒之類,有基本的就足夠了.醬料費位位$20剌身約10分鐘後送到,我地叫左2隻鮑魚同1隻加拿大龍蝦.鮑魚剌身既鮮甜味道比任何一種貝類更甜,而且十分爽脆肉厚,基本上不用豉油芥辣,就咁食就可以品嚐到其風味,2隻不消幾分鐘已被掃清.龍蝦肉就爽中帶軟,味道不算很強烈,所以一定要豉油調味,但始終係新鮮貨,味道令人難忘.龍蝦雖不大隻,但肉亦算多.火鍋店就係有呢種令人好想食剌身既感覺,因為總係覺得一定新鮮龍蝦剩低既其他部位,就去椒鹽(加工$50),炸得夠脆,熟左既龍蝦肉好似更濃味,而椒鹽既味道比較淡,建議再重手一點.但正正有呢碟脆口野令呢餐飯更豐富$118 澳門豬骨鍋係友人簡既湯底,清清地既豬骨香,加上粟米等等配料,越食越見濃味,最後要食埋豬骨先過癮,可惜無福消受了$98 農場鮮雞子,粒粒飽滿肥美,那種爆汁既滋

 六人; VIP房 (每人最低消費HK$300); 免2枝開瓶費難得走進豪門, 竟然不讓我由正門進入 XD因為訂了房, 要從左邊搭電梯上去.黑松露雜菌鍋一端上桌子, 已嗅到香氣撲鼻, 加上附上的8小片黑松露片, 不得了!!!每人先喝上一小碗湯, 雖然算不上的很好的貨色, 但那氣味確令人精神為之一振.牛雜鍋 -- 鍋如其名, 大堆頭已煮得很林的牛雜, 加上幾支大骨及白蘿蔔, 質量還不錯.手切肥牛(大) around $300 -- 切得均勻, 顏色分明, 新鮮!! ENCORE 了2次牛舌芯 -- 薄薄的一片, 很快就被灼熟, 我還是喜歡厚一點,比較有口感的牛舌响鈴卷 -- 一點也不熱, 又不脆, 可以不點. (可知道响鈴卷是很多人的火鍋大愛食物之一 XD)黑松露雲吞 around $110 (10粒) -- 內裡餡料不是太飽滿, 重點只是加上了黑松露, 但那味道確是特別令人難忘...  而且, 它確是灼久了皮也沒有爛哦!!! :-O黑松露豬肉丸 -- 那黑松露味道留在口裡久久不散, 加上豬肉丸有嚼勁的口感, 配上一口白酒, 很滿足.桶蠔 around $100 (3-4隻) -- 鮮甜

又嚟試下新嘢，睇見openrice 對呢間火鍋嘅comment都吾錯，而且9:30全單七折，聽上去就好吸引，甘梗係要去試下啦，吾知係咪閒日呢，得幾圍台！火鍋配料吾ok.睇上去干爭爭好吾新鮮甘，鼓油淡無乜味 雜魚鍋$148 出名嘅黑松露带子雲吞$108，係好食嘅，味好香而且皮好靚，煮耐佐都吾易爛花雕浸猪腦$58.睇上去好多人都發覺得核突其實好多地方都無甘干淨嘅猪腦食，無筋，清洗方面下了功夫，煮熟佐就好似豆腐花甘仲有好濃嘅花雕味，我認為呢碟嘢係最好食嘅到主角手切牛頸脊(大)$288，價錢合理，但個色水俾我嘅感覺就好似吾多新鮮甘，食落口牛味尚算可以，不過切得太簿，無口感帶子$188(4隻)本來想食聖子皇，話無推薦食呢個，我認為只要海鮮新鮮應該吾差嘅 。打佐七折後埋單八佰

地方坐得舒服，約朋友相聚夠靜響鈴似係街市一盒盒個種，唔脆，凍既⋯龍蝦刺身拼盤! 推介抵食！龍蝦好新鮮，上到枱仲會郁，手手腳腳可以邊爐，帶子刺身薄在D，生蠔生鮮，ok有個花竹蝦刺身必食，勁彈牙！新鮮!個頭可放埋落邊爐，勁多羔！98蚊一隻算ok!牛肉……兩次都覺得點解甘既價錢俾甘既質素我……牛肉粒賣相差，肉質一D都唔值收甘貴黑松露拼盤有雲吞水餃丸三種，好食既！真係好香既味道，一口一隻，必食。湯底一般，都好足料，味道不算特出。整體食物質素：刺身係好食，邊爐料就……因為貴價錢甘既質素所以有D吾抵

昨天同事發起拾吓拾吓，剛巧同事又有山林道豪門火鍋9:30後食品7折單張，於是就決定去試一試。雖然經常行過豪門門口，不過都未試過幫襯，因為門口真係太豪喇，所以有啲卻步!收工後一行6人去到豪門,等咗大約5分鐘就有位，行入去樓梯上一層嚇咗我一跳原來好多明星都去過，見到啲相竟然有前泰國總理他信，羽毛球林丹，謝霆鋒…當晚靚女公關安排咗6人卡位枱比我地，地方都好寬闊舒適，但燈光比較暗!打開餐牌睇下價錢(正價)，價錢都好合理，又唔係想像中咁貴喎!經侍應介紹下…我地點咗刺身]，賣相好靚，好新鮮，讚!湯底就叫咗，湯內好足料，有蝦，蟹，花蛤，青口。另外用上三層架嘅牛精品賣相好精緻，有牛柳粒，牛舌芯&雪花手切牛。雪花牛入口即溶，牛質好嫩滑又有牛味。其他火鍋配料都好特別如黑松露帶子餃，豬肚尖，七小福(七種爆醬丸)等等… 總括嚟講食物品質新鮮價錢合理，絕對係必食火鍋之一，下次一定要約埋家人再去過

今日一行六人路經山林道, 接到傳單豪門火鍋九點半後全單七折 ? 簡直不敢相信!! 因之前吃過一次,感覺价錢比較係屬於中上的,好 !今日就去試下佢先!睇下和平時正價食品有冇分別......     一坐底,首先我即時問個部長,是否真的全單七折?他微笑著說,是的!不單止全單食物享有七折,就算房間也享有(全單折左之後,每位300蚊低消),某些房間更有卡垃ok(4500蚊低消)和麻雀,100蚊仲有半打啤酒(任何啤酒,細枝裝).....(好勁 ...我問佢一句,佢答左佢整公司的所有服務...)    房間也有七折?梗系坐房啦!!又有獨立大電視,三百一位好易吃到姐 !太開心了，立即點菜先 !首先,整個極上刺身拼盆,象拔蚌刺身;跟住,時令推介蕃茄龍蝦鍋;炸三文魚皮,響玲,本地大手切牛肉,黑松露三寶,極上海鮮拼盤,桶蠔,珊瑚蚌,竹苼,有機蔬菜籃.好 !吃住先.......      上菜時間也算比較快,十幾分鐘已經全部食品到齊了. 真的和平時正價食的一樣份量哦..!試下d食物質數先... ..!掂....!!! 保持一向的水准!!刺身和海鮮還是保持著那麼新鮮;牛肉還是保持著那份

真係一入「豪門深似海」貨色質量偏低同差！五個人，肉類主要係三碟，其他也是一般邊爐料，沒有海鮮，沒有飲品，我們一向唔點計住叫，因為次次叫差不多嘢也是千幾蚊，今次成二千蚊，叫梭欏魚湯，ok la，材料有海參「相信半條」同發水花膠、桶蠔同三碟肉之外，其他准山、竹笙、響聆、雜菌、菜藍、 烏冬、凍豆腐、鮮付竹⋯份量少，質素差，啲菜簡直乾乾皺皺的好似放左好耐咁！我地發誓一定不會幫襯，差到死，呃對面間酒店自由行就差不多，門面好靚咁，Facebook. 一Post 即有人回應呢間嘢又差又貴，本年中伏之作！同條街食高流灣好過！每人成四百蚊食呢啲野？一定冇下次！萬 

好耐冇寫過開飯食評喇，今次再寫，簡簡單單概括咁講一講啦。味道普遍不錯，基本上每樣放入口既，都好新鮮既。我地點左韮菜餃, 黑松露雲吞, 肥牛, 白菜, 小唐菜，炸魚皮，豬皮,豬紅，雞子，鵝腸, 墨魚丸, 響鈴，支竹等等。我地冇叫好多種類既野，但不停ENCORE 黑松露雲吞同牛肉。雲吞又真係好香喎，出面食唔到呢隻味道既雲吞，真係值得一試。炸魚皮好薄好鬆化，冇多餘既粉，都好好味呀。其他野都幾好味啦，但講唔上好深刻印象或有乜特別。要一提既係佢既侍應都好有禮貌, 又會不時拿個"喱"幫我地隔走啲油。其中一位女侍應係新黎既，我地問佢有乜菜，佢就答唔到我地，但一路傻笑，話自己新黎幾日, 幾天真可愛既，唔熟地頭, 但勝在笑容搭夠！一行九人都飲左幾打啤酒，埋單每位唔駛三百, 感覺坐得舒服, 服務唔錯，野食好味，都一定會再幫襯呀！不過其實呢間鋪頭主打俾海鮮既, 我地冇叫乜野貴野, 先可以呢個價埋單啦！如果想試佢既刺身打邊爐, 價錢當然會成番正比啦！

我一直想試這間秘密火鍋很耐。由於一個朋友的生日，可以變作藉口去試下，在我的說服下大家建議了這個地方。十人訂了一間貴賓室。在開始的時候，他們話要有最低收費（每人＄300 ）。最後，他們也沒有向我們收。貴賓房位於二樓。房間真係大得很，我們覺得很舒服，同埋，房間內有一部大的液晶電視，老婆大人們可以安心追劇。記得係高流灣都係訂房，起馬細哩到一半。湯底我們選擇了清湯和四川麻辣。辣麻湯底，只是辣，但沒有麻。我們都認為可以加多啲花椒。清湯亦無乜特別。依我記得，我們叫了牛肉，蠔，鯇魚片，豬頸肉，同其他丸加蔬菜。我地總共叫左5碟牛肉，第一碟好一般，但之後幾碟開始改善。總體而言，牛肉質素係唔錯，但不是特別好。從照片睇到，係比較肥的那一種類。我沒有吃蠔，但我的朋友話啲味有小小怪（可能係唔新鮮）。丸是新鮮造的，但係我就覺得太細粒，而不是彈牙。魚片係最好的。他們有許多奇特的食物，例如豬腦。我好想試不過大部份人都反對因此無叫。我們試左豬紅，好食。飲品方面，我地叫左啤酒和竹蔗水。啤酒是有點過於昂貴（每小瓶子＄25）。服務方面，總體來講係好嘅，每個人都ok友善。結論，這個地方是非常舒適的（貴賓室），好適合特殊喜慶日子

一行十人為朋友慶生，選了在這兒打邊爐。「豪門」位於山林道近尖東的街尾部份，自己平日也不留意這裡有間火鍋店。 當晚跟友人行了大半條山林道也不見影，想不到真係要行到真真正正的街尾。當晚我們order了兩個不同的自選鴛鴦鍋，沒有order較貴價的海鮮/刺身，主要order一般的火鍋食物，如肥牛、鱔片、墨魚滑、鮮打丸、水餃、炸響鈴、蔬菜、菇類等等。 當晚的食物全部都算新鮮，食過最喜歡的就是圖中的牛拼盤，名為牛精品，用精美的三層架分別盛載了牛肉粒、牛舌、手切牛肉，令打邊爐都有了食high tea 咁嘅feel。牛肉粒同手切牛肉都好有牛味，手切牛肉厚薄剛好; 而牛舌就好爽口，有口感，好味! 「豪門」免開瓶費及免切餅費，所以當晚我們也自攜白酒及生日蛋糕, 又省了order 飲品及甜品的錢。不要給「豪門」這名字嚇怕，如果你不是order很多吃海鮮 / 刺身，其實在這裡打邊爐價錢只是中價。如我們一行十人，埋單都是$220/位左右。 這裡環境不錯，也較一般火鍋店清靜，日後大家打邊爐又多了一個冷門的選擇。

見到有很多笑臉,所以和屋企人嚟試下先選了兩款湯底,一煲黑松露菌王鍋,一煲四小時慢煮牛雜鍋黑松露菌王鍋味道很香,但以$298有說,有點貴....下次應該會選另外一款湯底,因為其實他們食物本身都很新鮮,所以普通的湯底都已ok牛雜鍋$138~一般最有驚喜的反而是刺身,我們叫了赤貝和竹花蝦....赤貝很鮮甜,但一隻只得兩片$58, 竹花蝦十分之爽口,鮮甜,跟刺身還有一個辣辣的thai sauce,都幾特別,分量亦很多,$138一只食物叫了:1. 本地手切肥牛(大) ~ $268 好林,好有肉味2. 牛胸爽肉$58 ~ 第一次食, 白雪雪一片片的, 很爽口3. 炞嚮鈴$38 ~ 我們打邊爐幾乎必吃,這裡的做得不錯4. 黃沙潤$40 ~ 不好吃,味道怪怪的5. 四寶丸$78 ~ 不過不失6. 芝士蝦丸$98 ~ 夠彈牙,但芝士味不濃7. 精選有機菜籃$68 ~ 很多種菜, 亦很新鮮和甜8. 黑松露雲吞$108 ~ 一般9. 法國鵝肝$118 ~ 正常10. 棉花肚$88 ~ ok另外叫了一jar 竹庶茅根$38~很清甜,不錯