影片
【#牛雜專家🐮 】#豪記麵家 俗語話「好野冇平，平野冇好」，雖然我努力嘗試打破依個講法，不過的確有唔少平野係得個平字🤥之前行過深水埗，見到依間麵家食碗牛雜麵都係$30，除咗大埔道兩大高手之外，價錢依度都幾吸引。今日有機會去試，入到去鋪面唔大，不過都有位。拿拿聲叫碗 #牛雜粗麵 ，一個比較年長唔知係味老闆既人好似全無反應，後來佢同另一店員講我要雜粗先知原來佢聽到🤣但係個店員又唔係即刻寫單，等咗一陣過來覆單時又講錯晒💔唔知係見單先做定係循例動作，以當時既客流量計，出餐比較慢。印象麻麻，碗麵上到檯都幾多湯，係清湯唔係牛骨，比較清淡。想夾麵食，嗶，成個麵餅都未完全散開🤔 摷多幾吓先整散咗，麵質當然偏硬啦，可能因為咁先要用咁多湯浸佢🤔牛雜份量算正常，唔算大件，最吸引係舊大竹腸😍 其他都係正常。如果對比之前食過既森記，我會揀後者，因為不論牛雜既件頭同麵底，都比依度好。不推介。豪記麵家深水埗福華街157號@foodiehck2022 #港飲港食平靚正 #深水埗 #麵食 #牛雜
繼續閱讀
我由學生時代開始就幫襯豪記，計計埋埋差唔多有成十年咁耐。以前着校服去會送埋豆漿，埋單都係$16蚊左右，唔知而家着過去仲會唔會送呢？hahah。。。。真係好回味，時間真係過得好快。講返正題先，其實每次去到一定係點牛腩牛肚河，有時會三拼加埋魚片，而家差唔多$40零蚊左右，好似每年都會加1，2蚊。。。。anyways牛腩牛肚軟硬適中，好入味，唔嚡，真係好好食，無得彈。食咗咁多年一直有個疑問但都無問到，前幾日去到終於鼓起勇氣問事頭婆，究竟係咩湯底，佢話佢哋用咗牛骨豬骨去熬清湯，怪唔之得咁清甜啦，食完之後真係會有種回甘嘅味蕾刺激。我相信香港真係無乜食牛腩牛什嘅地方真係會用牛骨豬骨去熬湯，頂多埋蝦殼湯或者味粉湯，豪記嘅湯底真係加分嘅地方。而家又有幾多人會為咗食靚嘢去啲舊啲嘅地方先？不過我覺得地方真係可以再執執佢，咁先可以吸引更多新嘅顧客。
繼續閱讀
雖然天氣熱的時候，再去吃熱湯熱麵，可能會熱上加熱，更加沒有胃口，但是比起沒胃口的時候去吃碟頭飯或者常餐，吃個麵，已經是最好的選擇。一早已說了，即使你經常一群人浩浩蕩蕩，為了一起聚餐而一起聚餐，但是話題空洞，倒不如獨自去吃東西，看看民生，聽聽旁邊的人說什麼，可能更有氧分。黃金這邊，平時也經常會經過，但是從來沒有認真想去試這一間麵店。今天剛好非常熱，又再沒有什麼胃口，但是有需要來福仁商場這邊辦特別任務，於是便來這個麵店試一試。中式麵店最方便，想不到點甚麼的時候，隨口說句「牛腩麵」即可。所謂的套餐，其實只是一碗麵加一瓶可樂，沒有什麼優惠到，可以不理。內裏的鹼水味道不算太濃，牛腩麵的湯底，非常熱燙燙，出晒煙，湯底不太香濃，但是有點兒牛骨味。牛腩，賣相其實也挺好看的，雖然只是長方形，有如叉燒一般的大小，但是粗幼，每一片的厚度也差不多，牛腩肥瘦均勻，邊皮的肥膏不算太多，而內裏，中間的牛腩肉非常之香濃。麵條當然也不會太多，就好像一個麵餅仔，煮成一碗麵，麵條不算非常之爽口彈牙，勉強接受。雖然麵條不算非常之爽口彈牙，但是湯底的味道還算鮮甜，而且有種牛骨香，而牛腩亦都不太少，起碼有七、八片，所以我覺得這個牛腩麵還是不錯。大埔著名麵店——群記的湯底以牛味濃郁著名，好像有好多骨髓在內🤔，這間店，也有少許群記的影子。那牛湯的味道，濃香得來又沒有感到味精或麵條造成磨牙問題，隔了幾天，「天鴿」搗亂後，上班日的午餐又來了。第二次去叫個牛雜牛腩麵。一早都覺得，每一次叫雙拼的時候， 質素都會比較差，例如台灣麵，又或者其他麵店，一是份量少，而是質素比較差。牛腸非常之肥美，有大大舊肥膩的肥膏黏著，根本不可能吃下去；牛肚，肥瘦均勻，味道不錯，有塊好像黏着橫膈膜的地方，味道極之香濃味道甚佳；牛肺都非常入味，就是份量比較少；連累了牛腩都未像上次那麼出色。麵條同樣是覺得非常彈牙，當然如果浸得久點，麵條就會變林。加配小可樂都$7，大可樂的確容量多頗多，只加$8還好。吃雙拼有兩款餸但質素跟質量好像不及單餸；吃單餸配可樂也同樣價錢，各取所需。儘管外面有那麼多人在買電子商品，人們路過的時候很少會留意到這間歷史悠久的麵店，但是坐在裏面其實優哉游哉，牛腩的確值得欣賞。這一天本來諗住去長沙灣買外賣，但是去麵店又怕麵條浸得太久會軟掉；另一間蛋包飯專門店又好像不瞅不睬，不太想做生意，結果才回到黃金這一邊，於是就買了一個撈粗麵。吃完第三次外賣之後，我有對這間麵店扣翻一點分數了。因為這次我去買了一個牛腩撈粗麵，然後坐在門口等。打開蓋的時候，真的有點兒失望，撈麵完全沒有青蔥，有小包辣椒油在旁邊。粗麵的麵條完全不夠爽彈，好像太林，還有點兒磨牙的感覺。牛腩與現場吃牛腩的質素大相逕庭，光看相片，已經看得出非常之受、沒有什麼半肥瘦的部位，看為非常之柴皮，令人非常之失望。一向都是這樣說，如果一間餐廳，堂食跟外賣的質素差不多的話，那就最好，如果現場有良好質素，以外賣的時候卻遠遠比不上糖食，我感覺這樣不太老實。不過樂觀的看，可能只是時間太早，又或者剛好遇着質素比較瘦、比較乾的牛腩，這樣上可能比較天真，但是自己會比較開心。雖然門面絕不起眼，你可能話估計內裏有點兒骯髒，或者坐得不舒適，而事實的確，當然只有圓桌與及圓凳，但是冷氣充足，餐具都不太骯髒，可說是企理乾淨，嘗試一下，絕對會令你驚喜。故事教訓我們，有些店舖，的確是堂食比起外賣好得多，此教訓將銘記心中。
繼續閱讀
打完波發覺地鐵站有間叫豪記既粉麵檔就坐低試下， 入面環境就係傳統粉麵檔甘樣， 細細間圓枱圓櫈，吾會預期坐好耐， 我叫左個牛腩雜河， 大慨兩分鐘就送到， 牛腩算係爽口有牛肉味 但太少， 牛什比較出色 , 牛肺爽口， 腸同金錢肚都比較入味， 可惜河粉太林， 而且湯底吾夠濃， 令到成碗麵失色不少， 但總括而言質素算係正常冇特別
繼續閱讀
試試深水埗有哪間牛什河好味!今次試近地鐵站的這間!$23價錢是這區粉麵店的普遍價錢, 不是抵食!來時, 碗較少, 所以整碗滿滿!河粉算ok, 不碎濕濕, 亦滑口的, 份量也亦可!牛什方面, 沒有一向有的蚊牛什, 牛腩的香味, 霖的, 不過只有醎味!唔..不喜歡這麼只有醎味的牛什!至於湯, 一看便知, 不是什麼上湯, 腩汁味都無呢!食到最後, 還有少少清碗不乾淨的味!下次再找另一間!
繼續閱讀