豪華餅店 (已結業)

見門口只放了酥皮蛋撻，於是問阿姐有冇曲奇皮蛋撻。阿姐態度勁差指一指裏面話「果度咪有囉」最後買左酥皮蛋撻、曲奇皮蛋撻各2個及4件糯米糍阿姐直接用膠袋裝起一袋4個蛋撻，紙皮都唔比一塊，係咪覺我係一條友即場食晒咁多野？預左拎到返屋企實爛，點知仲有驚喜😏 放裏面果啲曲奇皮蛋撻係燶既!!! 以前都有買過佢既兩款蛋撻，覺得味道唔差，雖然價錢唔平，但係都想支持老店。但係而家咁既價錢買啲咁既質素同服務態度，我以後都唔會幫襯😡

筆者小時候在九龍城區讀中小學，那時候家人常常買豪華餅店的蛋撻讓筆者當下午茶茶點。熱騰騰的酥皮蛋撻，絕對是筆者的一個美好回憶。豪華餅店沒有奢華的裝潢，務實、專注做好各西餅的作風，多年來從未改變。這天下午大概16:00來到餅店，剛好看到一盤新鮮出爐的酥皮蛋撻，來不及想打包回家的念頭，只顧著要先買一個當場品嚐最美味的時刻。📍酥皮蛋撻 $8蛋撻烘得金黃，撻皮一層層鬆化可口，蛋漿不會太甜，香滑細膩，是完美的結合。蛋撻多年來都保持一貫水準，沒有讓人失望。小店來頭不少，很多名人都十分鍾愛豪華餅店的蛋撻，店外貼滿了雜誌食評報導，及發哥的照片。其實餅店除了蛋撻有名外，其他西餅水準都非常高，而且價格大眾化，是筆者最喜愛的餅店之一呢！👅 味道：5/5💰CP值：5/5🕴🏻服務：5/5🔰餐廳環境：5/5🍽 餐廳：豪華餅店🌐地址: 九龍城衙前圍道136號地下

正好去九龍城吃一家沙爹面，路過看到了這家老店，上次應該是三年前了，先生買回家的，味道其實和很多老店差唔多，蛋撻酥脆，裡面的蛋也很滑嫩！這次最喜歡的是三角朱古力味道濃郁，蛋糕體紮實，雖然價格亦不算平，小小一塊15蚊！斑蘭卷ok！斑斕蛋捲斑斕味道略淡

忽然想食蛋撻，想去搵番啲「原味道」，所以走咗去豪華。點解會話要「原味道」？大家有無覺得依家買到嘅蛋撻味道都係得少甜，甜同太甜三種。質地就分太膠，膠，適中，同埋水。吓！乜蛋撻唔係應該食到蛋味同聞到蛋香嘅咩？！無錯，好似已經忘記咗蛋撻嘅蛋香同蛋味，即使曾經以蛋撻馳名嘅聖X娜，今日嘅蛋撻都無咗蛋香同蛋味。真係有啲懷念檀島。所以專程開車去豪華買蛋撻，尋找一下原味道。買了三個牛油皮、三個酥皮蛋撻。馬上就在車上吃。上咗車，打開個盒。噢！唔妥！三個人都聞唔到蛋香，但係個蛋撻係暖嘅啵。一人拎住一個，咬落口。嗯~~少甜，少甜，甜。跟住……無喇。無蛋味。食埋另一款，評價一樣。牛油皮同酥皮就打高分。真係OMG！現代人飲食追求健康，又怕肥，少甜係正常嘅，但連蛋味都無埋就真係…………真係連老字號都係咁。查實問題應該係依家啲蛋無味道。巧婦難為無米之炊。大師傅都無辦法。真正好香、好味嘅蛋撻，以後可能要在大陸先至有得食喇。最後都係要講句公道話嘅。同原味道比較就無得比嘎喇。同行家比，豪華依然係名列前茅嘅。依然給它5星。按：不少雞蛋產品都無咗蛋味，包括燉蛋，屋企嘅炒蛋。唉！

今日特登過去豪華餅店買蛋糕，佢個懷舊餅盒幾得意！店內都好多款揀，但係我就買咗酥皮蛋撻同三角朱古力蛋糕，我入到去見到阿姐處理緊啲蛋撻，佢好似有啲燥底，我話想買酥皮蛋撻，佢好燥底咁叫我等一陣！點解顧客買嘢都要受氣！最後我買咗兩件酥皮蛋撻同兩件三角朱古力蛋糕，個酥皮蛋撻完全冇特別，最難食就係件三角朱古力蛋糕，仲硬過塊紙皮，都唔知放咗幾耐！完全係唔值得特登過嚟買！

嚟到九龍城你會發現有好多嘢食，好嘢食，亦都有好多懷舊小店，豪華小店就係其中一間老字號餅店，我地都好鐘意佢嘅蛋撻，酥皮蛋撻個皮好鬆化，唔怪得成日排長龍同售罄，但我始終最愛牛油皮，香濃而又脆軟嘅皮真係流哂口水，而且牛油皮依家好多地方都無得賣了😌

相信唔少人都知呢間位於九龍城出名歷史悠久嘅舊式麵包店，佢哋除咗有麵包賣，亦有瑞士卷同忌廉蛋糕賣，相信係唔少人回憶。鋪面好細，基本上只係可以for 1個人入去落order, 麵包款式則由櫉窗到一眼睇晒，今日我就買咗花卷。花卷 ＄15花卷一拎上手就感覺到好重同大舊，比想像中重好多，原來係因為佢嘅花卷以牛油蛋糕嗰種質感為主。花卷由朱古力蛋糕、班蘭蛋糕、牛油蛋糕同忌廉組成，可能整體嘅牛油味都比較突出，加上啲忌廉係鹹忌廉，宜家出面比較少有，所以我幾鍾意食。

呢間餅店，我都見左好耐 只係未入過去買嘢食。 今日早左返九龍城，又有D肚餓 所以就試下佢啦。 好耐冇見過D咁懷舊嘅麵包舖，好希望有個懷舊嘅味道....結果真係不出我所料...個麵包比我想像中有料好多....其他麵包舖D麵包 好似食風咁....食幾個都唔飽 因為裡面係空心嘅...呢個個感覺 裡面好實在 同細個食果D好似，今日只係食左個簡單芝士條，下次我要試其他！ PS： 姐姐態度冇之前D人講到咁....有講多謝，冇黑口黑面 （我深信當你用咩語氣同人講嘢，人地就會用返咩語氣回答你）你可能會話 佢係做服務性行業，但係佢冇嘢欠你架嘛？

食飯行過突然好想食三角朱古力蛋糕好啦咁最後買咗三件唔同野本身幾期待..點知屋企人話個合桃蛋糕勁硬跟住一試，我個朱古力蛋糕同花卷..硬x到唔知放咗幾多日..係又乾又硬..乾過阿婆腳皮起碼三四日先有咁既效果見佢鋪入面有啲啱啱出爐嘅嘢如果真係一定要買就買呢D啦下..明顯佢D野賣唔完係會繼續放N咁多日咬咗幾啖..希望我唔會食物中毒🙏🏻

大失所望！！！跟男友各買了一件卷蛋及椰絲奶油包，兩件都遠超預期及舊時，是差得過份！卷蛋的忌廉少得可憐，只有薄薄的一層，，牛油蛋糕也不夠軟熟不夠蛋香，只有甜甜的糖味，但還可以吃完的。至於椰絲奶油包就更不堪入目，蓋面椰絲令令碎碎完全可以看見包面已不抱期望，但看見奶油外露心想還好吧，但當撕開面包時，真的欺人太甚了，裏面的奶油基乎看不見！更別說可以嚐到奶油的味道，只有看見的地方才有奶油，明白成本上升經營困難，但寧願售價貴點也不能欺騙消費者！還未完，面包完全是隔夜面包，包的底部是硬的，不用吃下去只憑手感就知道，最後當然掉了。店內女職員如下面食評所說真的態度差劣，呼呼喝喝的又不願回答客人問題，好像乞求她賣給我，服務不行出品不行，再老字號也留不住顧客的，往時只能回味，現在真的不會再光顧

難得出城去九龍城，豪華餅店係必須要去的。自從食過佢一次斑蘭瑞士卷，佢個味道真係令我念念不忘。今次試咗斑蘭蛋糕，姐姐話而家興喎，即係而家興嗰啲什麼「古祖味」蛋糕。豪華餅店呢個班蘭蛋糕真係冇得輸，食咗真係返唔到轉頭！佢嘅濕潤感係爽身嘅，斑蘭嘅顏色唔假，有淡淡班蘭香味，返到屋企轉個密實盒說動都好好食。

今日經過九龍城就去聞名已久嘅 豪華餅店 買下午茶😆😆😆餅店好容易搵，就喺福佬邨道同衙前圍道嘅交界位，而且黎遠已經可以見到豪華好搶眼嘅紅色招牌❤👇🏻👆🏻豪華嘅酥皮蛋撻係出名左好耐架啦，終於可以試到！酥皮夠鬆化，而且唔油膩，入口即溶😋雖然唔係啱啱出爐，但都暖笠笠🥰蛋味都濃順帶想講嘅係，黎豪華之前，我睇過openrice嘅評語，大多數人都評論呢度嘅服務員姐姐服務態度好差🤯🤯🤯但係當我今次自己親身黎度買嘢之後，我要係度幫佢地平反！！！！佢地連續十多年黎都係負評😹但呢日我黎到買野，佢地好有耐性問我要咩，都叫我鍾意食嘅下次再黎買，之後仲同我傾左陣計🥰，係兩個幾親切嘅姐姐！（其實係嬸嬸啦🤫）完全唔係我睇評語嘅咁樣！可能會有人講，人地得閒咪講兩句，服務好啲囉，但我覺得如果佢哋無心理你，又或者我地買家本身嘅態度已經唔好，人地賣家又點會理我地呢？所以大家唔好因為睇左人地嘅評語就對人有唔好嘅印象💕講真，啲西餅、包、蛋撻係值得大家去試下嘅💕

今天途經九龍城豪華餅店，不得不買很久已沒吃過此店的蛋撻。這裏售賣的蛋撻蛋糕款式頗多，我今天選擇了酥皮蛋撻。這店售賣的麵包款式亦多，傳統的菠蘿包在這裏已變化出多種味道的新款式，如花生醬菠蘿包、果占菠蘿包、椰茸菠蘿包和菠蘿豆沙包。我最後還是買了傳統的椰圈和雞尾包。回到家中，蛋撻已變了型，似乎每個蛋撻的酥皮都各有不同，有的酥皮比較多層，有的較少層，水準不穩定。一口咬下，酥皮雖然凍了，但仍鬆化。蛋汁尚算滑，又不會太甜，但份量不多。久違了的蛋撻，似乎未吃得到舊日的味道。椰圈更教人失望，椰絲雖多，但麵包較乾。幸好雞尾包尚算合格。

今日揸車經過，見到新開間餅店迫滿晒人，到咗嗰度見到隔離間新開餅店迫滿晒人，跟住見到呢間豪華餅店冇咩人諗住好心幫襯買一卷瑞士卷！其實個老闆娘冇咩野，而個男師傅就反而令到我好震撼，見佢拉低個口罩講完嘢之後仲要狂咳仲要好多痰。。但個重點係拉低個口罩。。之後最衰我已經俾咗錢（仲要原來收$120，食水好深）。。我即刻喺度諗我食唔食過瑞士卷好。。唉最後唯有擺落微波爐叮完之後先食。。未到OK嘅，但係個整餅師傅嘅衛生意識真係令到我呢世都唔會再幫襯亦令到我一定要喺度留言話比大家知佢cut除低個口罩嘅劣行，請務必post出嚟

我覺得同呢位阿嬸買嘢好似叫佢送比我咁, 所以近年都完全冇幫襯！最近想買一磅裝麵包整咖哩盒，唔駛佢切，入去問阿嬸，態度一如以往～～～～差！佢話要買最小二磅，明白冇問題！問題係佢要收$50/二磅！即係$25/磅，冇切！阿嬸你知唔知出面出名嘅西式名店賣緊都係$1x-$22/磅，而家仲要唔駛你切！我之後行去隔離街買，阿姐態度好有笑容，都係最少要買二磅，不過係$24/二磅，即$12/磅！公道！你再係咁，完全浪費麵包師傅嘅心機，心血同精神去製造麵包！完全係因為你自負不可一世的態度！