豪景茶餐廳

一位住西環嘅老朋友相約去飲下午茶，佢就話佢去開呢間豪景茶餐廳，一於過去會一會佢，雖然當其時已經係晏晝兩點九，但我又好肚餓老闆都可以畀我叫午餐，算係好有誠意，仲要有例湯，杯凍奶茶都幾大杯，有啲起出望外，呢個冬陰功扎肉炒飯，真係有冬陰功嘅味道，扎肉亦都好香濃，係一個炒飯入面滲透冬陰功嘅味道唔簡單，而令我最開心嘅係佢每一隻蝦都去咗腸，茶餐廳通街都係，但係就唔係每一間都做得咁仔細，好與唔好一腸之差…查看更多

下午茶時段，原坐獨立大卡位，因為無人坐，後來被調位，只因我係一人，本是合理的，但後來被兩人坐下了。而我到新卡位進食時，推開枱上中間檔板去對面位（對面客已食完埋單），令自己食得無咁有壓迫感時，男侍應卻推回來仲使對面未有客人坐。全程我就在迫的情況下進食，如果你自問能屈能伸，歡迎到此挑戰，我就另找地方。食物方面，中規中矩，叫了沙嗲牛肉腸仔麵，我想轉通粉但回覆係無通粉，叫了熱奶茶，比想象中茶味唔重（冇加糖），純個人口味評論。…查看更多

看到很多評論說態度差，幸好我是deliverxx下單，避開不禮貌對待的機會。《西檸雞》雞扒是厚切的，炸粉不厚，雞也不乾，以茶餐廳來說是比較高質素的，而且醬汁分開放，不會令雞塊過軟，整體性價比高。《西多士》中間塗了滿滿的花生醬，糖槳份量很足，毫不吝嗇，適合重口味的人。鹹鹹甜甜，100分！《涼瓜牛肉》涼瓜不苦，軟硬度剛好，也不會太鹹。牛肉就是一般用鬆肉粉弄至沒有肉味也沒有質感那種，說不上好吃，但也不差。…查看更多

今日去買件外賣三文治咁啱冇散紙得張五百蚊，我已經講咗我係冇散紙，但條侍應大大聲話買件三文治都要俾五百蚊紙，真係巴X閉，我再講我你冇得找我可以去7-11唱，又或者我可以唔要件三文治，佢跟住仲講依家咪找緊俾你囉！講咁X多嘢！真係難怪依家啲人上哂大陸消費…查看更多

唔係住附近，食左幾次，睇西環group 個個都話態度差到爆估你唔到果然好西每次d ah姐十問九唔應 比張單你 飛係枱 叫佢小甜又冇小甜 做街坊生意做到唔擾做咁老細 見字教下d員工喇…查看更多

間中夜晚會去食下 平時中午攞外賣多夜晚堂食見到佢地同其他台既客人都幾好傾，我就冇試過 只係食完坐下就走。講返嘢食：豉汁蒸䱽魚就不過不失、個例湯口感上係冇乜味精 對比其他餐廳黎講 個湯係好既，個飯硬左小小但冇乜問題（個人鍾意林啲）總體黎講係OK既…查看更多

事源叫了奄列及要生D，凍O茶，侍應落機單，隔咗3分鐘，係櫃台大叫廚房奄列要生D，隔了1分鐘，見到全熟奄列，侍應同我講人手不足，落單機又不能揀，所以係全熟，唔講都無咁興，這些問題是客錯嗎？完全無問我可以接受嗎？…查看更多

尋日喺堅尼地城最旺嗰條街，皇后大道西近山市街，有間街坊茶餐廳，食物水準不過不失啦。食咗個下午茶餐，叫個焗牛肉飯，盛惠$44 ，價錢合理，熱辣辣都幾好食，杯奶茶都幾好味，服務正常。…查看更多

今晚同亞女八點多嚟呢頭醫肚，比較左豪景同附近幾間食店，因佢個常餐最啱食，價錢又最平，所以就去幫襯喇！結果我倆都相當滿意！$45常餐物有所值！我地都選A餐，亞女係雞扒通、炒旦+奶油豬熱奶茶，我選叉燒通。全部嘅食物都好吃，叉燒淋，雞扒煎得香，炒🥚滑，奶油🐷幾脆唔韌，奶茶用厚厚茶杯有風味，茶味香濃👍🏻！環境乾淨企理，枱面唔痴笠，乾爽無漬、地下無垃圾。豪景實惠好味！對我倆唔愛吃飯，愛吃粉麵晚餐，佢嘅常餐啱哂心水！會再回頭！希望佢水準可以保持！…查看更多

有關這間茶餐廳侍應服務差劣飲品食品份量求其品質不一致看這兩杯衝完放在客人是檯面上就是這樣向侍應質詢時，他的態度非常十分惡劣，如果做飲食應該聽取客人意見並即使處理令客人會繼續下次幫襯當時這位侍應或負責人沒有這樣做態度十分惡劣，沒有食用時已經離開這間店舖…查看更多

事晚叫了瑤柱肉鬆蒸水蛋，取餐時變了三色蒸蛋！收銀姐姐話你等得到就整過比你，咁我其他餐品都齊，就吾等啦。點知返去打開一睇，見到個月球表面，心諗咁實在，一定食得好飽，下次應該吾洗叫其他嘢…查看更多

我住附近，尼間算係比較平抵食 午餐都係45蚊搞掂 夜晚都有 不過會食好小小。我長期食午餐H 瑞士雞翼餐蛋蛋飯 雖然雞翼無咁入味（3隻）但都仲幾好味既 係住附近既好處 唔係諗食咩 求其就叫個快餐 外賣速度都還可以 不過我想要兩份湯多啲「個人認為好似無乜味精」尼幾日去攞外賣都見到佢地有用酒精消毒檯凳，連開門個制都有噴 個人覺得幾好。夜晚個餐我就經常食個B餐焗飯 真係幾正 唔係講笑 雖然成日叫佢多汁唔係次次都多 但份量都足既 重點係配埋兜湯。…查看更多

朝早有野早去左西環，求其搵間茶餐廳醫下肚先有力氣做野咖嘛堅尼地城好多茶餐廳選擇，一條街總有幾間，見到呢間茶記個餐牌幾sharp 試試因為一陣約左人食晏就唔食得咁豐富喇簡簡單單叫份多士算喇<多士餐$22>Um.....睇圖大概都估到我個表情，以為會系厚多士鋪滿邪惡的煉奶，點知原來系薄薄的兩塊睇落乾爭爭的麵包睇見有D傷心，不過牛油、煉奶都算足料叫左杯熱朱古力，杯朱古力真心失望，無朱古力味，但好甜，應該落左好多糖…查看更多

是這區近期開的茶餐廳，食物一流，晚餐更是超值，奶茶和例湯都很有準，本人基本上早餐和晚餐都是在此搞掂，奶油多好好味，仲有厚薄任選，不用傷腦筋，而我可以繼續做「無飯」主婦🤣🤣…查看更多

今天欲前往金發茶餐廳食午餐，路過見到有新茶餐廳所以一試 ，$45 正常價。我叫了葡汁斑腩飯，味道尚可但是葡汁沒有椰香，飯不夠熱，但份量十足。那個男店員招呼特別好。反而女店員收東西沒有問一問，相對遜色。那個斑腩也脆，不會一團厚粉。所以總括依然是中規中矩。例湯比較油，我還是喜歡金發或嚐喜或百佳對面的茶餐廳的。衛生可以及卡位也舒適，有電視提供。人手也很充足。 那個熱菜蜜不太甜很好。中午時段生意也不錯，可以一試。…查看更多