豪庭藝廚 (已搬遷) 新店位置

前幾日同屋企人出咗去食飯 就嚟咗呢間食下午茶 價錢親民 而且茶餐份量又唔會少 完全係慳錢之選星州炒米 $38份量大大碟 而且炒得幾香口 裏面仲有好多粒鮮蝦 仲有火腿同雞蛋 炒埋一碟非常豐富 幾好食唔錯👍鮮茄焗豬扒飯 $38一樣大大份 俾咗一塊半豬扒 而且發揮正常水平 食落都幾入味 不過茄汁太稀 同埋芝士唔夠濃郁 所以味道一般般肉絲炒麵 $38整體上都算整得唔太差 而且都畀咗好多豬肉粒 不過個汁落得太多 令到原本脆卜卜嘅麵 好快索到淋曬 熱奶茶套餐免費加配熱飲 凍飲加$3 茶底濃郁 花奶亦都好滑 同平時啲茶餐廳差唔多凍奶茶 (+$3)同熱奶茶介紹差唔多 所以就唔多講啦熱好立克都算落得好多好立克粉 唔會覺得好淡 甜度啱啱好

路過這裡搵食，見個下午茶都幾平，即管入去試吓，叫了一個鮮茄焗豬扒飯，整碟鮮茄汁太多，鮮茄味唔夠鮮味，而且勁多味精，豬扒也落了很多鬆肉粉，整碟豬扒飯很難吃，下次不會再去。

食午餐，叫常餐~見到佢常餐餐牌，同一般茶記既沙爹牛肉麵、雪菜肉絲米、火腿通唔同~佢係「泰式豬頸肉」、「中式白切雞」，重要跟辛辣麵tim! 我最後揀左越式生肥牛，唔想食辣所以轉左辛辣麵做米線~等左一陣，碗麵黎啦！我地十分「驚喜」！所謂越式，原來係白色湯底，無洋蔥，生肥牛全啡色……同我幻想既「越式」，埋佢餐牌所提供既圖都有好大分別……(大家可以睇返個餐牌) 雖然唔係難食，但就覺得好似被騙咁……所以，我地都決定無下次，唔會再幫襯~btw, 我地食食下，有個侍應無啦啦「飛」張單(連埋夾單個個底板) 過黎我地張枱度，我地估計係佢唔想行近一步放低係我地枱面，而選擇係遠處「飛」過黎。雖然食茶記都唔期望甚麼服務，起初叫人抹枱，有人應機但應完無左回事都算，始終人地只係茶記一間，又繁忙時間，我地都張就張就。佢唔得閒抹，我地自己抹都ok。不過，咁樣「飛」野過黎就真係唔太好啦，我地食緊野都嚇左嚇。所以呢，呢間餐廳我地一致決定無下次~