豚王 (香檳大廈) (已結業)

講都冇人信，講左想食豚王咁多年今次竟然係第一次來。下午6點半到店，對面霸嗎人龍好長，反觀豚王門可羅雀，店內只有三兩客人，不禁感歎一番香港地果然競爭激烈日新月異。兩個人一個點左豚王一個要黑王，都加左溏心蛋，最後加多份柚子味醬油餃子王。豚王：湯底好濃厚，唔會過鹹，超硬麵確實幾硬，但未至於食落覺得半生不熟，食到後面就變左普通硬麵。因為我真係太中意硬麵，哩個硬度我中意黑王(普通醬油，多香油，多蒜，1辛，腩肉，太麵，硬度普通)：同其他地方嘅黑蒜油麵唔同，可能因為有墨魚汁同肉碎，飲起身層次比較豐富，蒜味當然也比較弱。溏心蛋係真係好出色，甜甜地，個流心好正。至於個餃子，皮薄肉多，皮唔算脆。相當普通，唔值得試。其實一直都唔算好中意拉麵，尤其大部分拉麵店都係幼麵，又冇得揀超硬，好多時候我會忍唔住覺得同上海麵區別唔大，所以實在冇咩興致。所以可能就係咁，豚王反而好啱我口味。豬骨濃湯&超硬太麵，完全同上海掛麵區分出來。飲完最後一啖邪惡的濃湯，真係一個美好的夜晚。(離開果陣見到對面的霸嗎依然長龍中.....食過兩三次霸嗎始終冇咩深刻印象，各花入各眼，只能說豚王啱好係我杯茶？

What’s better than ramen on a rainy day? My friend and I were craving it for lunch so we headed to butao to try this place out. The restaurant mainly have 5 types of ramen to offer and you can customise pretty much everything; type of ramen, soup base, oil amount, green onion, etc. We ordered one black truffle and one classic butao ramen. Classic ramen tasted heavenly with its rich, creamy and flavourful soup. The black truffle were just being promoted for a month so I guess that’s why it tasted

一見豚王兩字，情不自禁走咗入🤤下午4-5點去食無咩人，感覺非常好，地方好闊落，可以靜靜地享受一下！🤘🏻叫咗碗(黑王)，賣相很吸引喔！麵質口感爽彈，Nice!不過黑色個d肉碎就甜咗d，同食到一半，覺得口渴，通常我食拉麵都會飲晒d湯，但...今次就沒有了！😅雖然塊肉睇落好污糟，但好食，嫩口！流心蛋熟成度很好，對自己來說，味道有點偏甜了！價錢相對市場，正常啦！！總結-有點未如理想！可能因為自己年紀大咗，口味有點不同了😂幫襯了豚王很久，以往都非常支持，希望會出更多的好拉麵啦！

夜晚八點樂去完美麗華行街，原本諗住去試霸嗎拉麵，點知去到見到門口排哂長龍，正諗緊轉唔轉場行遠小小去棉登徑豚王，正考慮之際見到對面馬路原來開咗間豚王，仲要難得地竟然無人排隊，今日下晝已經好想食拉麵，個天都咁幫我無理由唔試啦，雖然佢個招牌都幾顯眼，但係個門口位都幾細，要上一層窄長樓梯，上到去已經有店員招呼我地，唔洗等就有位，間鋪唔算大，目測計埋吧枱應該大約40個位咁上吓，位與位之間唔算迫，起碼唔會黐到密質質食都食得唔舒服，每張枱都有紙仔俾你揀咩湯底、濃度、配菜、麵嘅種類同埋軟硬度，同一蘭差唔多，佢有五種唔同口味嘅拉麵選擇，其中一款好似係期間限定，我地兩個人去食，因為我地都唔算太餓，所以只係按住自己喜好揀咗兩碗拉麵，無叫其他小食，我叫咗碗辣味軟身幼麵濃湯底，而另一碗就叫咗墨汁拉麵硬身扁麵，硬身爽口彈牙，可能我叫果碗本身就已經辣，叫咗二辛雖然食完未致於成頭汗(我都算食得辣)，但係飲埋湯到食完之後隔成個鐘個胃都仲辣辣地，配菜方面豚肉同椰菜份量略嫌小咗啲，食幾啖都已經食哂，我本身超鐘意食拉麵，豚王嘅拉麵味道都算唔錯，就算我唔食嘅墨汁我試咗兩啖都覺得幾好味，下次再去可以試埋啲小食。

今日同朋友嗨尖沙咀THE ONE 睇戲，完左之後發現附近都有好多野食，轉左一圈之後我哋決定食拉麵😬 平時食拉麵我首選豚王，今日都唔例外。豚王，我嘅最愛，仲意佢無論麵嘅軟硬或配菜都可以自己決定，同煮出嚟係啱哂心意😋😋😋朋友叫左碗赤王，我試左少少湯，唔會太辣，天時熱食反而幾開胃😅下次我都轉下口味先😛驚朋友唔夠飽肚，叫左份餃子但係就好失望，餃子皮係熱嘅，但入面嘅餡係凍嘅，食完一個已經冇興趣再食😓最後叫左罐札幌啤酒🍺解暑同下啖氣，希望下次再嚟食時餃子會同拉麵一樣有質素😜

집 근처에 위치한 일본 라면집저는 평소 이치란 라면 스타일을 선호하는데 여기 라면집은 이치란 이랑 다른 일본 라면집이랑 반반 섞여있는 느낌을 들었습니다.그래도 맛은 아주 괜찮은 편 이었습니다.접근성은 침사추이 더원 옆에 위치를 해서 아주 좋은 편 이고 나름 유명한 일본라면집에 비해서 손님이 많은편이 아니라 왠만해서 기다릴 필요가 없어서 그 점은 많이 좋습니다.하지만 아쉬운 점은 마시는 물이 그냥 수돗물에 레몬을 탄 물 이라서.... 그런면이 아쉬었습니다저는 마시는 물을 굉장히 중요시 여기기 때문에 이 면은 이치란 라면이 한 수 위 라고 생각이 듭니다.

夜晚7點幾係尖沙咀做完野，晚飯時間周圍都多人，於是想食d快！靚！正既野，就決定食拉麵！本來想食霸嗎，但見大排長龍，望望對面原來開左豚王！門口不太起眼，要d眼力先發現到。行上幾級樓梯，只見三數枱客人，可能大家未留意到新開分店。座位寬敞，裝修被棉登徑分店更花心思，同樣有bar枱可以睇住製作過程。我就試左限定元氣王-咖哩(係尖沙咀呢間分店獨有)，每日只賣20碗！$98 另外追加黑木耳 $8。香濃既咖哩配上濃厚豬骨湯底，剛剛恰到好處，惹味得黎帶點豬骨香味。但面頭的咖哩肉碎有點過鹹，要浸落湯底一齊食就剛剛好。另外我最喜歡食拉麵一定要多蔥！每啖麵都配上香蔥，諗起都流口水黑木耳爽口，切得夠幼細，可以夾埋拉麵一齊食。新店開係霸嗎對面，以後大家排長龍又可以多一個選擇。

豚王現在有六間分店，聲名及七年前那麽厲害，事實是沙田分店永遠的大排長龍，銅鑼灣分店細舖搬大舖，尖沙咀棉登徑分店雖位於一蘭旁邊隱蔽角落但仍然屹立倒，現在尖沙咀開多一間分店，生意看來穩低調地擴展開來。這間尖沙咀加拿分道新店對面就是霸嗎拉麵尖沙咀分店，本人在三月及四月觀察了好幾晚，在飯巿時間霸嗎門外總是有排隊人龍，相反豚王開張後反而沒有，或許是霸嗎在地鋪，有一大幅玻璃看見店內情況，加上門外有廣闊的行人路方便排隊，相反豚王要上幾級樓梯才到店內所致吧。豚王新店裝修桌椅以木系装飾為主，簡樸柔和，座位坐得較鬆動，收銀處在角落，旁邊有大門可通往大厦內部。4色白紅黑綠基本招牌麵款依然存在，新店4月的限定拉麵是元氣王，即咖哩拉麵。原本我是想尋味吃翠王，但見到是咖哩拉麵又想試，於是點選這個元氣王，當然大家清楚知道，咖喱那種獨特又霸道的濃味會掩蓋所有的味道，上百元的拉麵很少選用咖哩粉這種材料。在等候拉麵到來期間，店員端來了飲用水水杯及汽水，飲用水是室温温度，汽水稍稍微凍。餐枱上的配料架有辣芽菜、香油、白芝蔴及七味粉供食客自行調配拉麵的味道。說也奇怪，將近晚上十時才有十多人進入店內，我詢問店員閉店時間，店員

下午來到豚王新店, 要行一層樓梯上一樓, 裡面鋪面明顯比第一代港島店闊好多。坐左張2人枱, 餐牌依舊, 有豚王, 赤王, 黑王, 還有限定口味, 每日限售20碗!自己比較喜歡食硬身扁麵, 選了肩肉和腩肉, 糖心蛋。下午茶時間客人唔多, 落單和上菜都好快。登龍街和加連威老道的拉麵店競爭越來越激烈, 豚王新店走日式風格, 食物水準能夠維持, 不過不失。**想在乾淨闊落的地方食個麵, 加連威老道豚王不錯!

當然不是第一次幫襯, 由當初睇住第一間店開門做生意, 嗰時係中環, 我做嘢係對面,已經開始食, 到以家呢間新店係我家附近, 斷斷續續去不同店食, 我真心覺得佢地个湯真的勁好味及濃,真的保持到質素是不容易, 好鐘意嗰種質感, 没有大量豬骨去煮做吾到的! 我只钟意食原味, 最basic的不用太天花龍鳳! 雖然有些配菜係有点貴, 好似加一隻溏心蛋就要HKD17,但有呢个价值, 所以我点要加一隻, 能夠有時間自己一个人去食个晚餐,認真focus去食, 先至更加体会到它的好, 好滿足!!

無論是中環或銅鑼灣，要食豚王總要排隊。幸而發現這新店沒有長長的人龍，今天就入即入去試試看。餐廳其實唔係好細，但枱同座位都唔多，好像廿個以下。餐牌有五款拉麵可以選擇-豚王、黑王、翠王、赤王和限定王，價錢由$80多至$98，不用加一。拉麵也可以按自己口味去選湯的濃度、蔥的多寡或麵的軟硬度等等，感覺貼心。限定王$98-今天推出的限定是胡麻王。他只在限在11:00 am or 6:00pm兩個時段供應。特別一提：限定王是不能自行選擇喜好的。這胡麻王一送到面前，胡麻香氣十足。而湯底是用上芝麻醬加米醋，再配上辣肉醬，幾香口。細味之下，這湯底芝麻味雖然香，但顯然比醋味同辣肉醬的味道蓋過了。雖然是胡麻味，一點也不像担担麵，香味同辣味混為一體，味道是特別的；豬肩肉肥瘦得宜，有咬感；麵條是粗身的，口感煙韌，麵粉味十足。黑王$96黑漆漆的湯十分惹味可口，蒜香味十足，還帶有豬骨湯的鮮味，味道極濃。原來這湯是用上日本傳統黑醬同特製黑油，芬芳馥郁，配上口感QQ的拉麵，正呀！而叉燒不是一般的叉燒，可選腩肉或肩肉。肩肉大大片，雖然是薄身，但有肉感又唔會太肥。另外這兒的溏心旦$17真的必食！這玉子有流心旦王，最正的是連

😋😋😋今日晏晝又食我每次諗唔到食咩都一定會揀嘅拉麵 行過見到喺呢度開咗間新嘅豚王 就決定試吓佢水準有冇keep得到😆上次提到食咗限定王中咗伏之後今次決定食返啲正常嘢 都係第一次食嘅翠王翠王上面有啲芝士粉 但其實撈勻左都係冇乜芝士味 湯底方面揀咗正常 唔算好油 而今次就試咗扁平面 都係覺得之前另一隻面好食啲 口感會再實啲 而朋友就叫咗今次嘅限定王 叫做胡麻王 佢話好似食緊花生醬咁 不過係好食嘅 而且佢嘅面都係同平時果兩款唔同朋友話呢個面更加有口感 有啲似沾面嗰種麵質 果然食豚王都唔會令我地失望😋😋😋大家記得要加個溏心蛋呀真係超級非常好食😍

一直想再食 居然開左喺公司附近 見唔太多人排隊去食下 開正喺霸嗎拉麵對面就係夠晒競爭 雖然我唔中意霸嗎叫左個原始豚王拉麵 新開張送可樂一罐 唔滿座下都等左15 分鐘多啲先有得食 差啲遲到返工 湯底而家唔夠濃味 拉麵不過不失 同之前喺棉登徑分店差得遠 加左隻旦但都係唔係好溏心 ***事後新聞出左啲款麵湯底含鈉超晒標 以後唔敢去食啦

Craving for ramen so dropped by to get a nice hot ramen. They have a limited edition crab flavour ramen which seems like a must try item. 豚王has always been my favourite ramen shop and I didn't regret my order this time. The flavour is so rich and I have never thought the combination of flavours can match so well. Ramen is good as usual and the addition crab misu taste incredibly well with the soup. One down side is that the portion is too small.Can help having another one soon.

豚王選擇係依個路段開店，真係少啲信心都唔得。平時比較多去尖沙咀另外一間，今日就去試吓新店嘅限量王！雖然張poster睇落有點普通，但始終鍾意食蟹既我點會放過呢！