豐葉餐廳 (已結業)

又是另1篇久違了的食評呀 魚香肉絲茄子飯, 28元 d茄子真係好多,又大大件呢,很好呀~~飯同埋茄子也是分開上,很好!!!d醬汁好似係屋企整ge咁呀...餸裡面有d唔係好辣的辣椒~^^ 例湯冬瓜湯呀, 唔會多味精好清呀見到大大片薑,都幾清甜呀又好大碗,很好很好~ 用匙來喝..好似飲黎飲去..都係飲唔晒咁..熱華田,好似太多粉了吧...濃左少少搞到我飲到起痰tim... 但係冷氣大左d呀..員工有禮貌!!!而且我地1入黎,便同我地say hello,好nice呀,唔會好嘈 環境很棒呀~好多單身上班族來吃lunch呀~ 又唔會好多『麻甩佬』聚首的地方..nice!10分滿意呀

可惜而家已結業喇．．．真是久違了的食評呀想從此回憶一下呢間茶餐廳,食物的美味喔!!!!支竹豆卜炆牛腩飯~~lunch set~ 30元,但質素真係唔差的~而且有埋例湯,係節瓜瘦肉湯, 又無咩味精真是很棒的~又好大碗tim呀上菜速度又好快呢~支竹豆卜炆牛腩飯 ,飯同埋餸係分開上的~而且熱度很好!!!!!!!食完都覺得心頭暖呀~d餸菜的汁好有黏,幾好味呀d支竹又唔會硬呢=] 而且d牛腩好入味,good 唔會多肥肉d餸菜又好多tim呀~大大碗!!!白飯又多,d飯唔算太硬,不俗飲熱好立克~好鐘2隻杯呀,不過個底有d 1 pair pair的醬.. 發現wall上的掛畫很不錯呀~又唔會好嘈,唔dirty~選擇又幾多不過無機會再到此餐廳食喇>0<真可惜呀

見到對面沙嗲王超多人，呢間仲有d位，就試下啦。叫左一個葡汁焗雞扒飯($38連熱飲)，一碟乾炒牛河($32no drink)，加冷OT (+$8), 熱OT(跟餐).老闆好識做送左兩個羅宋湯，雖然唔可以話非常正，但係都幾好味。個飯整得唔錯，好香，上臺時仲係滾的，係D汁濃左少少。乾炒牛河D牛 okay 唔錯，粉都幾入味，係冇洗鑊有少量'儂'味。service幾好，但環境就一般喇...有個電視lo飯。

我地叫左個中式2人餐:海南雞幾新鮮喎D雞...熟度幾好...個甜辣醬幾好味...油菜難得的唔會係油淋淋...付乳仲係另上...xo醬海皇煲上菜個時滾滾起泡泡架!感覺良好~ 但要睇住好熱~但料就少款左D...係D魚幾滑~佢個MEAL 用左個盤上....好NEAT AND TIDY咁~又有D大大份咁既FEEL~有個姐仔的店員...推介我地個MEAL 喇~之後再問另一個店員D餸係點既...佢有D口啞啞...

今晚點了兩個小菜，跟白飯，送油菜連飲品兩杯。蠔油白菜，免費。全餐飯最正常好味，菜新鮮。白飯，米質素很差，散開一粒粒兼冇飯味。＂馳名鎮江骨煲＂落了色素。厚獻汁很似很橙紅，但食落淡而無味，唔入味之餘肉質勁鞋。$48It should be called"馳名難食骨煲＂"川辣肉碎茄子煲＂冇辣味，肉碎主要是肥膏粒，有少量草菇伴碟，但不明為何有薑絲吊味。茄子似乎是外族，走油後全啡但完全冇融入煲中。厚獻汁、色澤深但死咸。$46COT正常。+$2熱好立克 竟然半透明，好立克粉很貴？喝了一茶匙放棄了。我來是因為每次經過也見老闆很努力sell客，點知.。。。還是搞好廚房質數先啦。 翠華價錢，一半質數都冇，點有下一次？希望老闆改進下。

夏日炎炎也走到眾安街, 因為燉奶佬的羅宋湯意吃厭了, 於是又轉移陣地, 來到此處吃下午茶餐!海南雞客飯, $35 + $2 (連羅宋湯及凍奶茶)...羅宋湯尚算合格, 但雞就略為硬, 莫非要叫 $45套餐, 先係靚雞? 羅宋湯螺絲粉 + 蛋沙律三文治 + 奶茶, $22, 遲遲也未上, 侍應連聲說不好意思(心想不打緊, 又不趕時間), 三文治是半份的, 且烘底, 熱熱地, 又脆脆地, 夾埋凍凍蛋沙律醬...幾好食, 羅宋湯鹹了點, 料多, 但味道不是我所愛, 且螺絲粉極腍! 灼菜心, $18, 略硬, 未熟透, 差!食物差了點, 但服務卻彌補了, 下次要試試小菜客飯了!

昨天到荃灣shopping,本來係去翠華茶餐食既，但門口居然排隊，既然咁不如試吓未去過既豐葉啦！而且門面都好好！點知十分失望呀！第一，係兩份set lunch都不知所謂，椰汁雞飯，完全冇椰汁味，麵粉汁一碗，雞就兩件仔，又冇味，個小朋友食完話好似學校包伙食咁難食。第二，焗雞扒飯，等咗10分鐘，結果d飯一d都唔熱！大家樂仲好食過佢！？另外，一個米線，又冇味又冇乜特別，總括而言，大排擋都好食過豐葉囉！個鋪位應該唔平租，但厨師一定要研究吓，否則一次交易！！

幾星期前睇食評, 見到啲海南雞飯咁正已經好想去食, 但我住係紅磡, 去到咁遠食嘢又好似唔多願意, 咁終於有日去荃灣探朋友既時候就有機會去試下啦....我叫咗一個海南雞餐, 啲雞肉好滑, 雞皮又唔肥膩, 本來怕肥唔敢食雞皮, 但因為食落唔肥膩所以最後都忍唔住食埋, 啲配菜又好食, 酸蘿蔔好夠味, 好開胃, 飲品我叫咗柚子茶, 都幾好飲, 唔會太甜或太淡, 剛好, 咁加上環境又舒服, 又有電視睇, 冷氣又夠, 感覺唔錯。見到個著便服既男人, 我估應該係老闆啦, 因為佢樣樣事都親力親為, 又勤力又好禮貌, 伙記雖然無老闆咁熱情招待客人, 但都好有禮貌, 衣著都幾整齊, 整體黎講都唔錯, 見到餐牌上面仲有好多嘢想試, 但無奈得自己一個人去食, 想叫多款食都唔得, 下次約啲荃灣住既朋友再試多幾款小菜先。掛住食無影相添.... 下次叫多幾款小菜再影啦!

好耐之前，去過呢度食午餐。又唔想食A、B、C餐。就食常餐，個常餐有個辛辣麵、雞扒、多士同杯野飲。凍奶茶第一杯就多奶得滯，我叫佢地換過杯。之後果杯就好，但我覺得杯野都係唔太好飲，可能我飲得太多好飲既奶茶啦。雞扒奄列拼多士雞扒又幾好食，個皮好脆口，雞扒又唔鞋口。而多士都唔錯既，我鍾意既油多。而奄列都幾好，蛋都幾滑，食得過既。辛辣麵麵質都唔錯，煙韌可口。個湯辣辣地。呢餐都唔算平，但老闆好好禮貌。佢同我講左兩次拜拜，我相信茶餐廳好難搵到咁好既老闆。除左呢樣，佢好多野都親力親為。

2009-05-29 今晚在"豐葉餐廳"(荃灣)買了"海南雞飯~配黃瓜湯"($35)。1.海南雞飯---海南雞份量不算多，有雞腿和雞翼各一隻。雞肉十分嫩滑，雞皮帶少許彈性。雞味足夠，雞油甘香。蘸上少量附帶的蒜蓉和甜辣醬，十分滋味!2.黃瓜湯---味道鮮甜，鹹味適中，可惜沒有給湯渣。

呢兩日試了些荃灣區既茶餐廳, 昨天是興發, 今晚試下呢間豐葉, 接近六點鐘...人不多, 沒有選擇海南雞套餐, $88 (加多一個小菜), 因為必定吃不完, 於是叫了一個小菜及碟頭飯!南乳蝦米粉絲節瓜煲, $40 (連湯, 白飯, 奶茶), 味道剛好, 不過鹹, 亦不太油, 南乳味夠, 粉絲亦入味, 如果節瓜切了幼條, 吃起來較沒有咬口! 例湯似合掌瓜, 但沒有任何湯料, 奶茶奶味較重, 但亦算合格!涼瓜排骨飯, $30, 涼瓜不苦, 啱哂我, 排骨硬硬地, 獻汁有點濃稠!夏天將至, 冷氣夠, 幾舒服, 食物不差, 下次可以試試海南雞套餐!

開業都半年，平時經過都無去，今次見到有秘制海南雞飯，就有衝動去吃，雞嫩而軟滑，皮帶有凝固的油，入口即溶，飯份量夠多，吃飯途中，有個人行過來話請我飲，我懷疑係老闆，友善地對答。服務都好。