豐收日 (已結業)

公司聚餐，也可以是豐收日。食咗好多餸菜,總共有十多樣，黃魚餛飩，龍井蝦仁，生煎包，清蒸鰣魚，芝麻脆皮雞，花雕醉黑棗，蔥油拌麵，蔥油膏蟹，寧波湯圓．．．．整體感覺不錯，覺得比較特別的有：龍井蝦仁蝦仁很清爽，只是龍井味不明顯。生煎包底部滿滿芝麻，煎得很香脆，包身鬆軟，豬肉餡料很香甜，肉湯很豐富。清蒸鰣魚香港比較少鰣魚，個人是喜歡的，只是它和香港一般蒸魚味道是不同的，沒有一般蒸魚鮮甜，香港人一般比較難接受。蔥油拌麵味道清淡，但麵身清爽，算是不錯的好麵。蔥油膏蟹蟹膏很多，蟹肉清甜。

今次係去cwb廣場2期ge豐收日初初以為佢只係食上海菜 原來都有浙菜呢間餐廳仲拎過好多獎由於我去食個日係母親節前夕已經接近full晒全場咁滯 但好好彩因為早到ge關係 所以仲有一張檯 不過就要8點前走人 餐牌散叫ge都有好多價錢唔錯ge野食 當然係有貴野 食得經濟定係想食得好 大家都可以揀但第一次黎到呢間唔知食咩好 決定揀左個2人餐準備好未... 為食鬼ge sis/bro 記住搵定張紙巾ah 砵酒花雕醉雞.. 食完先記得影 XD但明顯食到雞唔夠入味 只係張d雞ge精華同d酒mix埋一齊就上碟上面係百頁結紅燒肉 個百頁結好好食 吸晒成個送ge味紅燒肉都食得出係經過多次反炸先同百頁結一齊煮成個肉好林 因為反炸過 張d油逼晒出黎 所以食落口又唔會食到好膩 同時都見到呢間餐廳入ge五花腩好靚 好明顯就見到5層 蟹粉獅子頭鍋初初見到呢個送個陣好奇怪諗緊點解獅子頭會咁大個同係湯上不過唔緊要 都係抱住個一試ge心態去食湯底唔錯 d娃娃菜好林 吸晒d湯汁 好好味不過反而個主角獅子頭有d失色搵野吉下佢 佢已經接近成個散晒咁滯....成個

跟友人晚膳， 知道這餐廳新開幾個月，見open rice 沒有much negative comments，特別來試試:所選菜餚： 1 . 頭盤 : 醉雞 <酒味ok香2. 生煎包 : 唔夠熱 3. 獅子頭 : 獅子頭無味，但好'lum'， 只可以話老人家食都無問題4. 炒豆苗 < ok5.腐竹結紅燒肉 < nothing special 6. 寧波湯丸< GOOD 優：是日SUNDAY (around 8:00pm) ，但完全唔使等位，侍應有禮貌 劣：所有食物一般，無驚喜

真係超唔掂囉!第一,食物無特色可言,又唔係特別好食,最慘係果段時間已經唔係多客,但係竟然等左差唔多成個鐘都未上菜,要三催四請,雖然侍應好有禮,但係都唔可以等咁耐呀!上菜次序又奇怪,竟然最後上魚!連甜品都上埋先上魚,真係佢至得!我諗應該唔會再幫襯咯!

今日一家四口在此晚飯，其實來這店嘅原因主要係爲咗隻醉蟹，事關唔係間間有得食，眼見網上嘅食評幾好，咪走嚟試吓囉。講回味道方面:花雕醉膏蟹,酒味唔濃,但有酒香.味道雖然鹹咗啲,不過亦能帶出蟹嘅鮮甜味.熟蟹食得多,生嘅都係第一次食,好有驚喜,好好味.杭州醬鴨味道一般,鴨肉質感似煲咗好耐,冇哂原有嘅鴨鮮味，只係食出表面嘅醬油味，水準嘛嘛．生煎包表面好油，底部雖然煎得香脆，但包身唔夠鬆軟，口感大打折扣．豬肉餡料好彩唔太鹹，味道可以接受．紅棗湯浸西洋菜，湯底清清哋，幾好味．可惜西洋菜太老，唔夠嫩口，食落有渣，否則就好好了．最後嘅特色黃魚餛飩，湯底好濃鮮魚味，菜肉雲吞細細粒易入口，黃魚肉質嫩滑，用此餸送飯，可以食多幾碗．整體嚟講，味道中規中矩，服務質素ok,環境算舒適，同家人飯聚係唔錯嘅選擇．

因為一張印滿色彩鮮明的食物相片廣告,吸引了我好想快點來這間,開業兩個半月的,正宗上海、寧波、浙江菜館。一舖入店,雖然裝修不算華麗,但枱與枱之間,有著合理的距離,坐得舒適。打開菜牌,大部份都是在香港少見的菜式。例如楊梅醉酒蝦、寧波烤菜、黃魚雲飩、etc……。和老公兩個人,怎吃到一”窩”魚?一碟(例size 10-11隻)醉酒蝦?所以是晚,我們全叫一些小份量的東西,務求樣樣試下。我們先出示此網coupon,但部長解釋,招牌菜是不可計算在優惠劵,那$300消費中。(不過後來叫叫吓,我們order的,招牌菜以外,也足夠享用該優惠)上海小籠包$38雖然皮不算很薄,但我反而喜歡這少少厚度,又軟綿綿的皮,包著充滿肉汁的小籠包。如果皮太薄,與吃湯肉丸有什麼分別?麻醬油麥菜$36,驟眼看菜牌相片,都看不出原來油麥菜是沒經煮熟的。是以很多濃濃的粗粒麻醬撈食!幾新奇,不過整餐好像沒菜到肚,因為麻醬太多,吃罷有點滯。人參幹菜燉豆腐$58,很油,但也因此,吃到尾仍很溫熱。燉豆腐脫過水,效果如烤方,能吸收更多充滿滿藥材味的燉湯,但調味六太咸。放面的人參,沒味道,爽爽聲的,湯中沒人参味。花雕醉黑棗$35,極愛花雕的

第一次光顧豐收日，並不在香港，而是在上海世博。今趟試試港式口味，看看有何不同。冷盤小碟砵酒花雕醉雞：酒香未夠突出，缺少了醉雞應有的神髓。糖醋小排：肉排很乾身鞋口，個人並不欣賞。麻醬油麥菜：新鮮翠綠的油麥菜淋上香口的麻醬，確為美味。海螫頭：普普通通。南北美點東北水餃：水餃皮厚薄適中，主要以豬肉作餡料，OK。炸銀絲卷：外層炸得脆口，但內層層次稍嫌不足，未有起絲的口感。各式主食豐收日紅燒肉：類近東坡肉，口感鬆軟而不肥膩，醬汁同樣濃而不搶口，值得推介！杭椒牛柳：牛柳口感細滑，相信用油不少，另肉香不足；杭椒食材特別，味辣及有點滑潺潺的口感，可食度因人而異。鮑汁砂鍋雞：鮑汁香味未夠突出；但雞肉炆得夠腍入味，都幾好食。香辣蟹：蟹的體積不大，肉質OK，蟹糕頗多。不嗜辣的朋友可能會覺得辣了一點。健康菜蔬香炸臭豆腐：「臭」味突出，味道稍嫌不夠濃烈，都算幾好食。紅棗湯浸西洋菜：見到紅棗但味就不見喇！OK。蒜蓉炒菜心：OK。上湯娃娃菜：OK。炒粉麵飯揚州炒飯：炒飯都炒得幾乾身，但餸料略嫌不足。美滿甜品苔菜湯圓：第一次吃，大小適中，外層鬆脆，內裡芝麻餡甜度適中細滑，又夠香口，唔錯唔錯！高力豆沙：無食到，無意見喇

睇咗開飯網頁的廣告扁同食評就來這店試試。它跟金牌小籠，鼎泰豐不太一樣，間食店似大飯店般，例如上海老飯店，有大菜叫，亦有飽點，麵等類型供應。所以可以坐得好舒服去享受食物，慢慢吃，不會覺得很趕，要翻枱！講番食物，點了五道菜，葱油膏蟹，東坡肉，杭州醬鴨，麻醬油麥菜，特色生煎飽。個人覺得膏蟹，醬鴨，油麥菜，做得比較出色，其餘兩味，只是一般！蟹膏非常豐富亦鮮；鴨肉鬆軟，有鴨味和醬汁不油膩；那麻醬味道適中，加上新鮮菜，有口感！環境也藉得讚賞，地方寬闊，裝飾也恰當；唯獨服務員少些，未能很快回應客人的需求。

Walked by causeway bay centre 2 & a girl handed my wife a $50 coupon.... hesitated for awhile & went up for a look.Once we're out of the elevator, we were greeted politely and brought to a round table.We ordered several kinds of appetizers, dumplings & entree. Most of the dishses tasted fine except the following complaints:1) The size of sauteed river shrimp was too big (definitely not the authentic ones served at Old Shanghai, Ye Shanghai, Green Village, etc), and the texture wasn't fresh eith

父親大人牛一, 見到新開豐收日乃係食浙江菜, 為氹壽星公開心, 於是一嚐家鄉菜.我哋一行六大一小, 食咗:生煎包醬鴨蒜香雞東坡肉蔥油膏蟹龍井蝦仁清蒸鰣魚(半扇)烤墨魚醃篤鮮上海粗炒(其實係拉麺, 唔係粗麵)杞子桂花糕 (送嘅)(抱歉未有影相) 確實係叫咗好多; 碟頭比想像中細(除咗條魚, 比想像中大條), 但份量ok. 食物整體不錯, 龍井蝦仁嘅油雖然稍為多咗, 但味道不錯, 而醃篤鮮亦略咸但百葉結有豆香. 個人推介生煎包(夠熱之餘裡面仲有湯汁), 東坡肉(食東坡肉預咗佢肥肥地, 但好味, 汁撈飯正呀~)及烤墨魚(好味道!) (我怕多骨, 冇食魚, 雖然唔再係野生由大陸嚟; 但同行者覺得不錯)服務亦見有禮, 換碟亦醒目. 洗水間雖不致污穢不堪, 但仍有改善空間.

做冬一家人揀左食上海菜 (原來呢間酒家仲有浙江菜食的呢)酒家裝修,環境都好舒服, 我地無訂房, 訂了坐大廳 ; 大廳的檯與檯之間很闊落, 亦唔會像一般酒樓的嘈吵總括來講, 我覺得呢餐的食物都好好味, 有驚喜, 有d菜式好特別 ; 估唔到上海菜竟然唔會油淋淋, 肥膩膩, 份量亦相當大碟至於, 招呼都唔錯喎, 但唔知係咪開張無耐呢, 有時有d忙亂的情況 ; 廁所亦都乾淨(我最怕d廁所污穢0架!!)我們一圍12人的菜單如下 :冷盆十味 1.香炸臭豆腐(的的骰骰, 食左都唔會滯) ; 2.夫妻肺片(我愛辣, 覺得呢個唔係"死辣", 輕輕辣得來係惹味) ; 3.楊梅醉生蝦(刺身蝦+花雕味, 都幾fresh丫) ; 4.杭州醬鴨(一般) ; 5.素鵝(一般) ; 6.酸辣雲耳(一般) ; 7.特式熗海蜇(一般) ; 8.寧波烤菜(ok) ; 9.炸響鈴(好鬆脆, 但味道淡左d) ; 10.花雕醉黑棗(完全唔覺有酒味喎) 蔥油膏蟹 (正...勁多膏呀, 蔥油的咸味適中)椒鹽鯧魚 (原來即係倉魚, 怕骨的我, 都食到停唔倒口...我至愛呢味菜)紅燒肉 (我覺得似東坡肉, 就算瘦肉位置, 都好滑喎)清

唔知係咪新開,又送$50卷(300蚊可以用一張),又飲品,又生果盤,又甜品叫左10樣野埋單一睇,哇甘平既8個人食都係六百幾蚊可能新開4日所以服務超好服務員話d廚師由上海黎喎推薦:小籠包生煎包大部份主菜好好食冷盤就一般,希望日後改進個餐牌寫住個價錢係去到30-12-2010好明顯遲d會加價甘